الثلاثاء، 29 يوليو 2008

شفت الاسد ؟!!


اهداء:
الى جميع زوار حديقة الحيوان ..,وقاطنيها ...
الى جميع جمعيات الرفق بالحيوان ...
واليه ....
(ملك الغابه) .....
اهدي............................
شفت الأسد
شفت الأسد ؟؟؟!
جوه القفص ..
منظر سخيف ..
نظرة عنيه ..
مليانه ذل ..
نظرة ضعيف ..
شفت الأسد ؟؟!
جوه القفص ..
وبيضربوه ..وسألت ليه ..؟
قالولي دول(بيدربوه)!!
ازاي يبيع ..ازاي يطيع..
ازاي يعذب في القطيع ..
ازاي يكون ..بعد الملك ..
حيوان وضيع !!
.................
قالوا زمان ...
أصل الأسود كانت قطط ..
طب ليه أناسامعاه بينبح..ألف هو ..
مش يبقى أكرم ..لو يقول ..حتى مياو !!
مغلوب عليه ..بص في عنيه ..
تلقى الدموع ..نزلت نقط
.......................
شفت الأسد ..
جوه القفص ..
منظر سخيف ..
نظرة عنيه ..
مليانه ذل ..
نظرة ضعيف ..
.يرموله لحمه صغيره ..
يجري أوام ..مع انه عارف انها
,,(مستورده) ومبرده..
ماتشبعوش ,,
أفرح عشان بسمع زئيره ..
أتاريه بيشكر ..في الوحوش ...!
معرفش ليه ؟؟!!يمكن ده خوف ..!!
يمكن ظروف ..!!
بس الأكيد...مش ده الأسد..
جايز خروف ...!
شفت الأسد ....!!
ماتقولش لأ ...
روح بص شوف ........................

20 التعليقات:

maha zein يقول...

حلووووووووووووووووووووة بجد
حلوووووووووووووووة اوي
ايه الجمال ده
انتي كنتي فين
اتاخرتي شوية علينا
بس بجد
برافو اوي
برافو كتير
فعلا قدروا يكسروا الاسد
ويذلوه
بس عرفة هو ساكت لانه عارف انه مش في ايده حيله
بس لو جاتله الفرصة وخرج
وفك قيوده
هيكسر وهينتقم من كل الي امامه
تحياتي ليكي

The Führer يقول...

جميلة جدا ، تصوير بديع للمقولة الشهيرة "ارحموا عزيز قوم ذل" ، بس عايز أعرف إنتي فعلا تقصدي الأسد بتاع جنينة الحيوانات ولا دة رمز لحاجة انتي تقصديها؟ لو الأولي يبقي انتي عندك رهافة حس شديدة ، ولو التانية يبقي عندك قدرات بلاغية عالية.
برجاء تقبل المرور ولك خالص التقدير

Diyaa' يقول...

حسستيني بإني في مشهد مسرحي مش بس مدونة
شفته وشفت النظرة ومن غير ما أقوم من مكاني ..بتكتبي بقالك أد إيه ؟

ميرام يقول...

مها ...
انتي هتاخدي شهادة حلوة ..
لأن ترتيبك في مدونتي الأولى..
في كل البوستات ..
تفتكري الأسد فعلا بعد مايتذل يقدر يرجع ملك حقيقي على نفسه وعلى الغابه ..؟؟!
ياريت .. ولو اني معتقدش ..
مستنياكي دايمااا ..
تحيــــــــاتي

ميرام يقول...

The Führer
هما دايما بيقولو المعنى في بطن الشاعر ..
والمفروض كل واحد خيالاته تجيبه وتوديه ..
بس عشان ماتحترش ,,
هو معنى رمزي ...
لأي اسد .. في أي مكان ..
المفروض يكون ليه سلطة وهيبه ...
لكن بنشوفه في قمة الخيبه (:

كل التحايا لك ,,
وشكرا على المتابعه ..

ميرام يقول...

ضياء ..


بكتب بقالي قد اييييه ...(:
تفتكر تفرق (: ؟؟!!

شكرا لتواجدك ..
وشكرا على ثناءك ..
..
كل تقديري ..
و..
تحيــــــــــــــاتي

عالمى ازرق يقول...

ايه يابنتى ده بسم الله ماشاء الله بجد
عجبتنى جدااااااااااا

دمت بخير

غير معرف يقول...

من عادتي إذا أطربتني الخاطرة أو أي موضوع

أن أحاول أجاريه بشي من الرد يتناول أحداث نفس الموضوع...

لكن هنا توقف لأني لم أجد الرد المناسب لذوقك الراقي ...

فقد يكون السكوت هنا أبلغ من الكلام

بجد بوست رائع جدا منك تحياتى ليكى ولمدونتك الروعة

بصراحة هيا أول زيارة ليا وأن شاء الله مش هتبقى أخر زيارة

Asmaa mahaba يقول...

جميله جداااااااااااااااااااا ومعانيها عميقه وكثر م رائعه
احييكى بشده
سومه_87

ايمان العرفاوي يقول...

الله عليكى ياميرام
ابدعت واحييكى على ذكائك
فنانة بجد
مدونتك شدتنى جدا وشكلى مش هنام الا لما اخلصها باذن الله

ميرام يقول...

عالمي أزرق..
شكرا على المجاملة .
ده بس زوقك
دمت بخير ..
تحيــــــــاتي

ميرام يقول...

المنار ..
شكرا لهذا التواجد ..
بل هو ذوقك العالي لا أكثر ..
سعيدة بهذا الرد ..
وبانتظار تكرار الزيارة ..
دمت بخير
تحيــــــاتي

ميرام يقول...

سومة ..
منورة البوست ياجميلة ..
شكرا على الاطراء ..
دمت بحب ..
تحيــــــــاتي

ميرام يقول...

ايمان العرفاوي ...
يا ألف أهلا وسهلا ..
منورة البوست..
وده بس من زوقك ..
نورينا دايما ..
كل الود .
تحيـــــــــــاتي

Dr ayman يقول...

بجد حلوه اوى ومعبره ولها الف معنى

ليه الشرف امر بمدونتك .. بالتوفيق ان شاء الله

هاني سعيد يقول...

مش هقول حاجة غير الله الله الله عليكى بجد
كلامك واسلوبك روعة بالتوفيق دايما ان شاء الله

ميرام يقول...

دكتور ايمن شكرا بجد
الشرف لينا ..
نورت المدونه
تحيـــــــاتي

ميرام يقول...

هاني سعيد
ده شيء بسيط مما لديكم
مرورك أسعدني بجد
تحيـــــــاتي

غير معرف يقول...

جمييييييييييييييييييلة جداااااااااااااااااااااااااااااااااااا

روعة روعة بجد

ميرام يقول...

سمو الأمير
بجد انا ببتسم
شكرا بجد على التشجيع ده ..
تحيــــــــاتي

 

اسكت يا ابني !!! © 2008. Design By: SkinCorner