الخميس، 19 مارس 2009

ولا عـــــارفة


مفتــتــح


غريب اني مافكرتش ..
تكون حكايتنا أسطورة ..
وقصة عشق مروية ..
مامتش بطلها من حبه ..
ولا بتبكي عليه هيا ..
ولا خلصت بفرحتهم ..
برقصة حب تجمعهم ..
على أنغامها أغنيه ..
أتاري الدنيا مختلفه ..
وأنا اللي طلعت خياليه ..
أنا آسفة ..
مفيش عبلة مفيش ليلى ..
وانا مش نجمة تركية (:
ولا في قيس ولا عنتر ..
ضحايا الحب ياعمري ..
ضحايا مالهم ديه ..



ولا عـــــــــــارفة
ولا عارفة آخرتنا ..
ولا عارفة ايه الأول ..
ليه كل شيء كان حلو
فجأه كدا اتحول ..
ليه الجرح منك كان ..
ليه بعدنا طول ..

ولا عـــــــــــارفة

ولا عارفه مين ظالم بقى
,ولا حتى مين مظلوم
مين حقه يعتب مين يسامح ..
ميـن يلوم ..
طب هو أصلا ايه جرى ..
مين اللي باع مين اشترى ..
مين اللي عالتاني افترى ..
معقولة دي صبحت أنـــا ؟؟!
احساس ضياع ..
بيهدّ مني كل شيء كان اتبنى
كل الحاجات كانت أكيد ..
دلوقتي جايز .. ممكنة ..
طب والسنين اللي مضت ..
راح تتحسب من عمرنا ؟؟
طب واللي جي _لو فيها جي_
تعالى قوللي كم سنه ؟
هنعيش نلملم ياحبيبي في للي فات ؟
ولا هنقدر ننسى كل الذكريات؟
ولا هتاخدنا
الكرامه _نحب_ لكن من سكات ..؟
مش عارفة انا ..
السكة كات باينه لنا ..
يانكمل المشوار سوا..
يانروح شمال ويمين ..
اخترنا ايه احنا ؟؟!
ليه لسه مش عارفين ..؟.
.معقول نكون تهنا ..
وبقينا مش حاسين ..
هنعيش عذاب وجراح ..
نكدب نقول ناسيين
نرضى بشيء مرفوض..
ونقول عليه آمـين ..
جايز تكـون ظــالم ...
جايز نكــون مظاليم ..
لما جرحت .. وانا انجرحت ..
ماتـقوللي ليــه ؟؟
أنا وانت مش خــالصيــن ..!


99 التعليقات:

دينا حامد يقول...

يعني بجد والله العظيم لما بقا لك اوقات كتير بعجز اني اعلق
ببقى مش عارفة اقول ايه الكلام بيهرب
زي ماقال محمد حماقي
خلص الكلام كله :D

مبدعة كالعادة وكلام مؤثر جدا
بس قولي لي هنا تقصدي مين بالنجمة التركية
نور ولا لميس :D

تحياتي يافنانة

عبد الحميد محمد يقول...

أتاري الدنيا مختلفة و انا اللي طلعت خيالية

تصفييييق حاد
نادرا ما تتعثر قدمك بقصيدة عامية متقنة الحبك اثناء سيرك بين مدونات البلوج سبوت

هذا الامر لا يتكرر كثيرا

احييك بصدق

صفــــاء يقول...

اللى بيحب تقريبا لازم يكون واحد أنتحارى او من المغامرين الخمسه
ويصيب وصيه وراة عشان اهله ميدوروش على ديته زى ما قولتى


أحساس الحيرة والجرح وبيع القلوب عندك مميز كانه حقيقى وواقعى
جميل ما كتبت
تحياتى لك
.

غير معرف يقول...

الرائعة ميرام
هي زيارتي الأولى في مدونتك الجميلة
لكنني سبق ورأيتك عدة مرات تلقين في ندوات للطليعة
عرفتك رائعة في الفصحى
ولأول مره أعرف أنك تكتبين العامية ولا أستغرب جمال كتاباتك باختلاف أنواعها,لأن مرجوعها الى جمالك
قد لا تتذكرينني ,لكن الحق أني آمل شرف معرفتك
أحمد المصري

ميرام يقول...

دينا حامد ..
(:
دايما بتحرجيني بذوقك ..
ميرسي ليكي ياجميلة
بفرح بمتابعتك بجد
تحيــــــــــاتي

ميرام يقول...

عبد الحميد محمد
(:
أشكر اطراءك
وفي الواقع بعد ماتصفحت مدونتك
لا يسعني الا ان اقول
بعض ماعندكم
(:
تحيـــــــــــاتي

هاني سعيد يقول...

غريب اني مافكرتش ..
تكون حكايتنا أسطورة ..
وقصة عشق مروية ..
مامتش بطلها من حبه ..
ولا بتبكي عليه هيا ..
ولا خلصت بفرحتهم ..
برقصة حب تجمعهم ..
على أنغامها أغنيه ..
أتاري الدنيا مختلفه ..
وأنا اللي طلعت خياليه ..
أنا آسفة ..
مفيش عبلة مفيش ليلى ..
وانا مش نجمة تركية (:
ولا في قيس ولا عنتر ..
ضحايا الحب ياعمري ..
ضحايا مالهم ديه ..



الله عليكى يا ميرام الله الله دا من اجمل حاجة انا قريتهالك نظمها جميل ومعناها واقعى واجمل لان فعلا ضحايا الحب ملهمش دية ولا فى قانون يحميهم ابدعتى بجد مش هلحق ارد عليكى دلوقتى لانى زى ما قولتلك عندى حفلة بعد ساعتين دعواتك واشوفك على خير

ميرام يقول...

صفاء ..
(:
ردودك دايما بتخليني أبتسم ..
بحب تواجدك
نورتيني
تحيــــــــــاتي

ميرام يقول...

أحمد المصري
بدايه بشكرك على المجاملة دي .. وياريت أكون أستحقها
(:
أكذب بصراحه لو قلت اني أتذكر حضرتك
لأني بلقي من هنا .. وبجري من هنا ..
(:
بس فعلا انا مفتقدة الندوات دي ..
شكرا لمرورك
تحيــــــاتي

ميرام يقول...

هاني سعيد
شكرا على المجامله

مش هلحق ارد عليكى دلوقتى لانى زى ما قولتلك عندى حفلة بعد ساعتين دعواتك واشوفك على خير

(: قلتلي امتى وفين وازاي (:

منتظرة الرد على القصيدة
كل ودي
تحيــــــاتي

adel يقول...

اول مرة هنا

بجد الكلام عاجبني

و لذيذة قوي حكاية المفتتح دي :):)

-----------
ولا هتاخدنا الكرامه _نحب_ لكن من سكات ..؟
---------
حلو قوي التعبير ده
كتير حسيته بس معرفتش الخصه في جملة كده :):)

أبو العريف يقول...

ميرام

ولا عارف
اقولك ايه
انا خايف
ومش لاقي كلام احكيه
كلامي مهما كان موزون
مش هيوفي
مش هيكفي
مش هيعبر عن اللي انا فيه
ولا يمكن
ولا جايز
انا يا ميرام بقيت عاجز
ومتاخد
ولجمني كلام قولتيه


جميل قوي يا باشمهندسه
تسلمي

غير معرف يقول...

نورتين ياميرم وجيت زورتك برغم اني بقالي فترة مزورتش حد
دمتي بالف خير

kochia يقول...

حلوة اوي علي فكرة وكلها حكم

تحياتي

MǿиY El-Shreef يقول...

هنعيش نلملم ياحبيبي في للي فات ؟
ولا هنقدر ننسى كل الذكريات؟
ولا هتاخدنا الكرامه _نحب_ لكن من سكات ..؟
مش عارفة انا ..

:(

انا مش عارفه ايه الي جرالي اليومين دول .. كل ما اقرأ حاجه احس انها موصوفالي

بجد كلامك حرك وتر احساسي ..

فنانه بجد ومبسوطه انا الي عترت ف مدونتك

تسلم ايدك يا ميرام

متابعه ..

هاني سعيد يقول...

ميرام
(: قلتلي امتى وفين وازاي (:

منتظرة الرد على القصيدة

انتى نساية قوى على فكرة انا قولتلك من ايام البلوج اللى فات او بالتحديد من ارض المعركة اللى فاتت لما قولتلك انى اتاخرت فى الرد عشان عندى حفلة بجهز لها
والحمد لله الحفلة كانت ناجحة بفضل وتوفيق من عند ربنا اللهم لك الجمد عارفة والله رغم انى من زمان بتتعمل حفلات لاعمالى الا انى كل مرة بحس انى دى اول مرة وابقى خايف من موقف الجمهور ورد فعلهم من الاغانى بتاعتى ولما اشوفهم بيطلبو الغنوة مرة واتنين وتلاتة فى حفلة واحدة ببقى طاير وحاسس انى خلاص قدرت اوصل للناس وببقى حاسس بفرحة وحاجات غريبة كدة بجد والله فرحة النجاح بقى
المهم استنى منى الرد قريب انهاردة او بكرة بالكتير وكان نفسى اشوف ردك العدائى الاول لانى بحب دايما اتعامل مع حواء عندما تكون غاضبة (على الورق بس)لاحسن دول كيدهن عظيم ويتخاف منهم
المهم موعدنا ساحة القتال عن قريب غد او بعد غد ان شاء الله وتحياتى دائما

غير معرف يقول...

الله !!!

بجد جميلة جدا

أنا ازاي مجيتش هنا قبل كده

بجد القصيدة روعة أوي يا مريام

أتاري الدنيا مختلفه ..
وأنا اللي طلعت خياليه ..
أنا آسفة ..
مفيش عبلة مفيش ليلى ..
وانا مش نجمة تركية (:
ولا في قيس ولا عنتر ..
ضحايا الحب ياعمري ..
ضحايا مالهم ديه ..

جميل بجد .. انا مش متخيل ان فيه حد بيكتب كده

ربنا يحميكي ويوفقك

ولا تحرمينا من جديدك

ميرام يقول...

adel
شكرا على ذوقك ..
نورت المدونة
تحيـــــــاتي

ميرام يقول...

أبو العريف
الله
(:
أرد ازاي أنا طيب
ارتجال موفق
شكرا ليك
تحيـــــــاتي

ميرام يقول...

حرووووووف
شكرا ليكي ياجميلة ..
شرفتينا بزيارتك
تحيـــــــــاتي

ميرام يقول...

kochia
مرورك أجمل ياجميلة
سعيدة بتواصلك ..
واعذري انقطاعي ):
تحيــــــــــاتي

ميرام يقول...

MǿиY El-Shreef
كتير قوي بنلاقي نفسنا في أغنيه
أو في كلمات حد
ساعات بنبقى ابطال قصص كمان
وكأن الي كتبوها يعرفونا ..
(:
نورتي مدونتي
وهبقى سعيدة بمتابعتك ..
تحيـــــــاتي

ميرام يقول...

هاني سعيد
(:
أيوة انت قلت فعلا في الرد الي فات ان في حفلة ..
وانا ماانتبهتش ..
(:
مبروك
وانت فعلا تستحق النجاح لأنك بجد بتكتب حلو ماشاء الله عليك ..

أنا في الانتظار
تحيـــــــاتي

ميرام يقول...

سمو الأمير
أحرجتني بتعليقك ..
(:
لأ في ناس بتكتب كده وأحسن ..
بجد شكرا على المجاملة

...
على الهامش ..
اسمي ميرام مش مريام ..
(:

تحيـــــــــــاتي

حسام غانم يقول...

جااااامد جدا يا ميرام

بجد الوزن تحفة ومزيكا

أحييكي

حسام غانم يقول...

أنا عجبتني القصيدة ورديت


بس أحب أكرر إعجابي بالمدونة

بعد ما قريت فيها أكتر من حاجة

بجد حلو جدا

ميرام يقول...

حسام غانم ..
شكرا ليك بجد ..
(:
وبكرر شكري تاني على المجاملة
(:
نورت أول وتاني
تحيـــــــاتي

gogo!sf يقول...

ولا عارفة اخرتنا
ولا عارفة ايه الاول
لية كل شىء كان حلو
فجأة كدا اتحول
لية الجرح منك كان
لية بعدنا طول

جميل العتاب واللوم
والاجمل الاحساس الرائع

حقيقى مش عارف لية البعد طول

بشكرك على زيارتك اللى اسعدتنى
تقبلى مرورى

د/عرفه يقول...

يا سلام يا ميرام
كلام جميل وعاطفى أوى
والأكتر من كده انه واقعى
وان شاء الله مدونتك هتكون فى قائمه الدعايا
ويارب تكونى معانا على طول
وجزاكم الله خيرا

من غير عنـــوان يقول...

أكثر من رائع

لو دي كتابتك وإنت 18
فأكيد مستقبل رائع بإذن الله

أمنياتي

WhItE HeArT يقول...

احم والله انا رديت بس اداني ايرور

لو وصلك التعليق الاولني امسحي واحد فيهم وخلاص

المهم لذيذة ممكن تتكلم دي
ههههههه لا بجد عجبتني

المهم

بجد الموضوع عجبني اوي وكلماته حلوة والتناغم فيه اكتر من رائع

بس معجبتنيش القفله في الاخر

مش خالصين مش جمله ولا حتى كلمة يتقفل بيها موضوع زي ده بالجمال ده

وبجد من اول اخر "ولا عارفه" لحد الاخر تحفه

مدونتة تستححق كل تقدير واحترام
وكفاياان حضرتك مهندسة زي حالاتي قليل لماالاقي حد مهندس بيدون وليه في الشعر كمان

تحياتي

غير معرف يقول...

ماشاء الله
ايه الجمال ده
والله فعلاالواحد مش عارف يعلق يقول ايه
اسلوبك وكلامك جميل اوى وسلس
ربنا يبارك فيكى

مسدس صغير يقول...

بجد بجد كلمات اكثر من رائعة
احساس دافئ جميل
كلمات بسيطة لكن روعتها تكمن فى بساطتها.


مفيش عبلة مفيش ليلى ..
وانا مش نجمة تركية (:
ولا في قيس ولا عنتر ..
ضحايا الحب ياعمري ..
ضحايا مالهم ديه ..

...
فعلا ضحايا الحب ملهم دية.
كلام جميل
كلام معقول
مقدرش اقول
حاجة عنه..

احييكى
واشكر تعليقك الاكثر من رائع

dr_samarmar يقول...

اللاااااااااااااااااااه

كلام راااااااااااااااائع

ايه دا

عجبتنى بشكل :)

ميرام يقول...

gogo!sf
شكرا على المجاملة ..
مرورك أسعدني
تحيـــــــاتي

ميرام يقول...

د/عرفة
شكرا ليك
وأتمنى أكون عند حسن الظن
تحيــــــــاتي

ميرام يقول...

من غير عنوان
(:
بنقول يارب
شكرا ليك
نورت مدونتي
تحيــــــــاتي

ميرام يقول...

WhItE HeArT
(:
الاول شكرا على مجاملتك بجد
ماتقوللي ليه أنا وانت مش خالصين
(: مش عارفه أنا شايفه متناسبه كمعنى
يمكن يكون معناها ماوصلكش
وكتوضيح ..
أنا قصدت انه برغم ان الجرح كان متبادل من الطرفين ..
ليه الموضوع ماانتهاش بينهم (:
وده عتاب شايل في أطرافه أمل بالعودة
(:
لو كان ده المعنى الي وصلك ومازلت على نفس رأيك ..
فطبعا وجهة نظرك اللي بحترمها بشدة ..
(:
نورت مدونتي
ياباشمهندس
تحيــــــــــاتي

ميرام يقول...

nona
الأجمل تواجدك ياجميلة (:
نورتيني
تحيـــــــاتي

ميرام يقول...

مسدس صغير
(:
أهلا بيك في مدونتي
وشكرا على المجاملة
نورتني
تحيــاتي

ميرام يقول...

dr_samarmar
(:
اتفضليها يافندم
ماتغلاش عليكي
(:
نورتيني ياجميلة
تحيــــــــــاتي

د/عرفه يقول...

بسم الله الرحمن الرحيم
و برغم انى مش من هواة العامية إلا إن شعرك عجبنى جداااا....

إن شاء الله أحاول أتابعك علي طول..
تحياتى

د.آيه يقول...

بعتذر يا ميرام
أنا اللي كتبت الكلام اللي فات مش د.عرفه
هو أخويا و أنا كنت نسيت أكتب باسمى

كلاااام عجبنى و جميل جدا..

هيثم مكارم يقول...

أنت موهوبةٌ بحقٍ يا ميرام ، ربما يخبئُ لك القدرُ مفاجأةً بحجم موهبتك.
استمتعتُ بقصيدتك كما استمتعتُ بأخواتها الأقدم منها.

أتمنى لك دوام الإبداع والتوفيق وكل الخير.

تحياتي.

ادم المصرى يقول...

سلام عليكم

دى باين اول زيارتى ليكى

واتفاجأت بشئى جميل

البوست اغلبيت تعبيراته بجد حاسس انها

شيء مبتكر يعنى انتى اول مره تكتبيه ومن عقلك

مش مثلا قرأتيه فى كتاب وكدا

لئنى انا اول مره اقرأ التعبيرات دى

وبجد كانت فى ملتها الغلظه منك وانا بحييكى جدا على شجاعتك فى احساسك الجميل

ورقه تواضعك فى الكتابه وجميل جدا ان الانسان يكون متواضع فى كتاباتو

وتحياتى لكل عاشق وكل احساس جميل

gogo!sf يقول...

ميرام

اولا بشكرك جدا على زيارتك العزيزة

وثانيا الكلام ده للاسف حقيقى وبيحصل
كتير

أنــا يقول...

بجد .. انتي رهيييييبه ..:)
بجد ماشاء الله عليكي ..
احساسك حلو اوي وكلامك حلو اوي اوي ..
بجد تسلم اديكي :)
انتي سكر اوي بجد :)
انا هاجي هنا على طول ان شاء الله..
دا بعد ازنك طبعا ..
تشرفت بوجودي عندك بجد ..

Dr. Tantawy يقول...

البرييييك ده ملوش لازمه

لان احسن علاج للى بتقولى عليه بريك مع الناس اللى حواليكي دي كلها :) ماشى

انا مستنى تكتبي بوست جديد و فى حوار حول اسباب البريك واحنا معاكي يا ستي نتناقش و نتكلم براحتنا
اوكييييز

دينا حامد يقول...

اتمنى ان البريك مايطولش لان مدونتك من اكتر المدونات اللي بحب ادخلها وعلى طول بتابعها
في انتظارك يافنانة


تحياتي

rovy يقول...

السلام عليكم
كلماتك جميلة يا ميرام
احساسك قوى و تعبيراتك مبدعه حقا

اتمنى ان لا يطول البريك و ان تعودى سريعا منه بالف سلامه

دمتى بحفظ الله

تحياتى

شاب كــ طخين ـــــا يقول...

بجد بوست جمييييييييييييل اوى
تسلم ايدك
مش لاقى كلام اقولة غير انة شى رائع

أحمد سلامــة يقول...

كلام حلو قوي وبعد كده يعني بريك وكلام يزعل
بس اكيد انتي عندك اسبابك
متغيبيش بالكلام الحلو ده كتير
انتي قلتي بريك مش مقاطعة
:)
good luck

كراكيب يقول...

ولا عـــــــــــارفة
ولا عارفة آخرتنا ..
ولا عارفة ايه الأول ..
ليه كل شيء كان حلو
فجأه كدا اتحول ..
ليه الجرح منك كان ..
ليه بعدنا طول ..

خطيييييييييرة اوي يا ميرام بجد
بجد مش هعرف اقول اي كومنت
كلامك جيه ع الجرح
:s

miro el niro kwaniro

Beram ElMasry يقول...

السلام عليكم ورحمة الله وبركاته
اتمنى زيارتكم لمدونتى وابداء الراى فى الموضوع المطروح السلام ومن نسالم ، فلا تتاخروا ولا تبخلو ا بالمشاركة
لك تحياتى والسلام عليكم ، ولا سلام مع اليهود
بيرم المصرى

رئـيس التحـرير يقول...

السلام عليكم
الصراحة انا مش جاي النهاردة زيارة عادية أقرأ وأعلق لا أنا جي أدعوكي دعوة خاصة عشان تشاركي معانا في مجلة رؤية مصرية التي سيصدر عددها الأول يوم السبت الي هو بعد بكرة ده
من متابعتي لكي الفترة الي فاتت لقيت انك لازم تشاركي في المجلة ممكن تدخلي على المجلة وتشوفي الأقسام الي فيها هي متنوعة تختاري هتكتبي في ايه أو حتى لو عندك حاجة قريتيها عجبتك تنفع لأي قسم أو غرائب طرائف على زوقك بس تكون حاجة ذات قيمة وطبعا أنا متأكد من ذوقك وإلا مكنتش دعيتك للمجلة..أنا بفضل إنك تكتبي انتي بنفسك في أي موضوع ولو عندك حجات تفيد المجلة أنا موجود إقتراحات مشاركات رأي نقد حتى أكيد أنا موجود

معلش طولت مستني ردك

لينك المجلة
http://roayahmg.blogspot.com/
والميل بتاع المراسلة لو عندك مشاركة
ibrahemaladawy@gmail.com

مودتي

Hanan Elshafey يقول...

كلماتك جميله جدا
اسلوبك رائع
حقيقي من اكتر الناس اللي قريتلها بالعاميه وكلامها عجبني جدا جدا

هتابع علطول ان شاء الله

دمتي بكل موهبه

ودي

حلو المرار يقول...

كلماتك جميله جدا
وكل بوستاتك علي نفس المستوي
الكلمات المره دي
قويه جدا
فيها كرامه وعزه ومواجهه بدون خوف
قوه من جوه الضعف

بجد
ربنا يوفقك
هستني رجوعك

ميرام يقول...

د.آيه
نورتيني بمرورك
وفعلا تواجدكم أسعدني
(:
دمتي بود
تحيــــــــاتي

ميرام يقول...

هيثم مكارم
لو تعلم كم أخشى مفاجآت القدر
...
بقدر ما أنتظرها ..
(:
أسعدني تواجدك
وشهادة أعتز بها ..
تحيــــــــــــاتي

ميرام يقول...

آدم المصري

دى باين اول زيارتى ليكى

واتفاجأت بشئى جميل


.....
في الواقع هي الزياره الثانيه ..
(:
والمجاملة الثانيه..
(:
أهلا بك دوما ..
تحيـــــــــاتي

ميرام يقول...

gogo!sf

شكرا لعودتك ..
تحيـــــــاتي

ميرام يقول...

أنــا
الشرف ليا ..
(:
حقيقي ردك أخجلني ..
وبجد سعيدة بوجودك
بانتظارك دائما ...
تحيـــــــاتي

ميرام يقول...

دكتور طنطاوي
(:
يامرحبا ..
واديني رجعت .. أسرع مما توقعت كمان
نورت المدونة فعلا
كل ودي

ميرام يقول...

دينا حامد
ربنا يخليكي
مابعرفش أروح من زوقك فين
أنا رجعت اهو
(:

ميرام يقول...

روفي
شكرا ليكي بجد
وعدت مجددا
(:
مرورك أسعدني
تحيــــــــاتي

ميرام يقول...

انت تسال والكمبيوتر يجيب

شكرا لدعوتكم
يسعدني الادلاء برأيي
سعدت لتواجدكم
تحيـــــــاتي

ميرام يقول...

امبارح كان عمري عشرين
شكرا ليكي ..
الاروع مرورك
تحيـــــــاتي

ميرام يقول...

أحمد سلامة
نورت مدونتي
وانا قلت فعلا بريك .. وكتكات
مش أكتر
(:
شكرا ليك
تحيـــــــــاتي

ميرام يقول...

كراكيب
ياأهلا يا أهلا
(:
ربنا مايجيب جرح
..
نورتيني ياجميلة
تحيــــــــاتي

ميرام يقول...

Beram ElMasry
أهلا بوجودك في مدونتي
ويشرفني زياره مدونتك
تحيــــــــاتي

ميرام يقول...

رئيس التحرير
شكرا لك لاختياري
وسعيدة بهذه المجاملة ..
أملي أن أستحق هذه الاطراءات
بشأن المجلة لي تساؤلات عديدة ..
سأرسلها لكم ان شاء الله
أسعدتني زيارتك
تحيـــــــاتي

ميرام يقول...

حنان الشافعي
تنوريني علطول
وميرسي على زوقك ..
تحيـــــــاتي

ميرام يقول...

حلو المرار
اسم ملفت ..
تفتكري في المرار حلاوة .؟

وجودك أجمل
نورتيني ياجميلة
واديني رجعت
تحيـــــــاتي

Unknown يقول...

الله ينور كلام مبدع ورائع
10/10
وأدعوك لزيارة مدونتي
ويبقى التواصل

ميرام يقول...

معتز شاهين
شكرا لمجاملتك ..
تحيــــــــاتي

Unknown يقول...

كلمات جميلة ولا اروع من الشعر الحر
وفقك الله مرام
ولله كلمات جميلة جدا ً ، المدونة دخلت على مدوناتى المفضلة دا بعد اذنك طبعاً
واسف على التأخير علشان تحضيرى لسى طرووق
تحياتى

حارة سد يقول...

رائعة هي كلمتاك
أنعم بلسان استطاع أن يبرز ما في ثنايا القلب من شجون
أصعب شيء أن يثار في القلب ما يثار من ارهافات الأحاسيس فيفجز اللسان عن التفوه والتعبير

دوما استمري في تألقك
هذه هي الزيارة الأولى لمدونتك....أهنئكي عليها ..فهي رائعة

الحارة سد

هاني سعيد يقول...

ميرام ازيك واهلا بعودتك الجميلة وسامحينى لو كنت اتاخرت فى الرد لانى بجد محتااااااااس وغرقان والله لشوشتى فى مليون حاجة شغلى والدراسة والحفلة اللى جاية على فكرة انا بدعوكى ليها من دلوقت هتبقى يوم السبت 25 ابريل الجاى فى ساقية عبد المنعم الصاوى بالزمالك وما تقلقيش من التذاكر والدعوات هتبقى على حسابك انتى ههههه
لو كان عندك وقت ابقى تعالى وقوليلى رايك وانا ان شاء الله هرد عليكى فى البوست الجديد قريب وسامحينى كمان مرة والله مش كسل بس فعلا انشغال واشوفك على خير يارب فى المعركة القادمة
اجمل سلام وتحية

hasona يقول...

السلام عليكم

أنا ولا عارف أرد بأي كلمة

رائعة كلماتك
وصدق احساسك

أسطورة حب وسطوة القلب

تحياتي

MaySarA Shehab يقول...

كلام جميــــل
تحيتي لهذا الاحساس
(:
(;

ســـــــهــــــــــر يقول...

فى لعيبة الورق يا ما
تشوف و تشوف
ف حريفة خداع
و هواه
و محترفين
يا تشكيلة حاجات ..
و الاسم بنى آدمين
و مش قابلين
بمية روح ...
مكسب الليله
و عينهم ع اللى ..
ناقص روح
خلاص الليله هنشطب
و برتيتة وجع قلبى هلملمها
و اقول توبه
و اخر نوبه
راح اصدق
صور مرسومه بالميت
على قلوب تعلن التوبه
و شر النيه بتبيت
و كان صولد القمار ميت
و قلبه لسه بيعافر ..؟؟؟...
يجوز!!!!
---------------------------

ميرام
بجد انتى مش معقوله
المفتتح لوحده حدوته
و النبض المشترك بقى شىء مذهل بجد
بحب اقرالك اوى

رضوى يقول...

بجد بجد بجد

راااااااااااائع

حاسة فيه معانى كتير اووووى كل واحد اصح من التانى

ربنا يهونها

mahasen saber يقول...

روعه رائعه مذهله مدونتك ياميرام

انا اسفه على التاخير فى الزياره يا حبيبتى بس للاسف مشاغل الدنيا

مدونتك جميله واشعارك من البلوج على القلب علطول

انا سعيده قوى قوى قوى بزيارتك وبانى اتعرفت على المدونه الرائعه دى

يا رب دايما فى نفس المستوى ده واروع كمان

هاني سعيد يقول...

ازيك يا ميرام عاملة ايه يارب تكونى بخير
انا كتبتلك الرد بس اوعى تزعلى منى والله مش قصدى حاجة بس حبيت اخلى فى الموضوع جانب كوميدى شوية مش اكتر لانى تعبت من اليل والويل والاهات والجراح وراح والدموع والشموع والاهات والنيات وكل الحاجات اللى بتوجع القلب دى ولو حبيتى يكون الرد دا خارج المنافسة عادى برضو ولا يهمك هستنى ردك ورايك سوا
صحيح لانا قيس ولا روميو
ولا فيا صفات عنتر
لكنى بجد حبيتك
كما حبو وكمان اكتر
ومانتش ليلى ولا جوليت
كملى الباقى عندى
واشوفك على خير

MaySarA Shehab يقول...

كلام جميــــل
تحيتي لهذا الاحساس
(:
(;

حسام غانم يقول...

السلام عليكم

ازيك يا ميرام

ليكي تاج عندي

hasona يقول...

السلام عليكم

أسطورة
لهفة الحب عندما تجنح بنا السفن
نخاف من الغرق وخوفنا من الخيانة اكبر
والدنيا لا ترحم
ومن فيها تمتعوا بقسوة
و الحب يموت ويحيا في اليوم مئات المرات
وضحاياه كثيروا
وأصبح الكلام عام
وعائم

ميرام يقول...

اسلام ديو
شكرا ليك على المجاملة
ويشرفني طبعا تكون مدونتي ضمن مفضلاتك
(:
دمت بود
تحيــــــاتي

ميرام يقول...

حارة سد
(:
بجد أتمنى أكون قد الثناء ده
شكرا فعلا
ونورت المدونة
تحيــــاتي

ميرام يقول...

هاني سعيد
اهلا بيك
وان شاء الله لو تمكنت هحضر
كل ودي

ميرام يقول...

hasona
شكرا ليك بجد
نورت المدونة
تحيـــــاتي

ميرام يقول...

ميسرة شهاب
شكرا ليك
سعيدة بمرورك
تحيـــاتي

ميرام يقول...

ســـــــهــــــر
الله
الله
الله
لو انتي بتحبي تقريلي انا بمووت في كلامك
وبجد بجد مش بجامل انا بفضل في مدونتك ساعات على البوست الواحد اقراه ميت مره
): انتي جية تقطعي رزقي هنا
ههههههههههههههه
بجد بحب اشوفك عندي
وسامحيني لو قصرت ):
الكليييييييييييية ):

ميرام يقول...

رضوى
سعيدة قوووي بوجودك
واكتر ان المدونة عجبتك
نورتيني
وبانتظارك دائما

ميرام يقول...

محاسن صابر
(:
أخجلتم تواضعنا بجد
بجد (:
يارب اكون عند حسن ظنك
نورتيني
(:

ميرام يقول...

هاني سعيد
اهلا بيك مجددا
واهلا واهلا بالرد (:
سعدت بتواجدك
تحيــــــاتي

ميرام يقول...

ميسرة شهاب

(:
(:
هو حضرتك بتكتب الرد كوبي بيست !
(:
(:
اصل نفس الكوممنت موجود في نفس البوست قبل كده
يلا خير
(:
شكرا على كل حال
!!!

ميرام يقول...

حسام غانم
(:
حاضر هجاوب
شكرا ليك

ميرام يقول...

حسونة
اهلا بيك مجددا
وكلامك جميل
اسعدني تواجدك

 

اسكت يا ابني !!! © 2008. Design By: SkinCorner