السبت، 11 أبريل 2009

ومـــش فــــــارق ..!!



يكون الحب أسطورة ...؟
يكون كدبة ..
ووهم بكل احساسنا ..
نآمنله ..
يقوم ســارق ..؟!!


يكون موجة ...؟!
ومن شافها يقول الله..
عبال مايفوق ..
يكون غارق ..!!


يكون فرحة ...
يكون فستان مع الطرحة ..
يكون ما يكون ..
مهوش فـــارق ..

عشان القصة معروفه ..

(نقابلهم ....
يحبونــــا ..
بكل قلوبنا نعشقهم ..
ف نتفــــارق ..!! )



...
..
.

34 التعليقات:

دينا حامد يقول...

والله يابنتي انتي فنانة بجد
مش عارفة اعلق اقول ايه :D
كلامك اكتر من رائع والله ياميرام


تحياتي

ميرام يقول...

دينا
ربنا يخليكي (:
وجودك كفايه علينا ...
(:
بجد منورة
تحيـــــــاتي
(أنا كمان )
(:

adel يقول...

كلام جميل قوي و يتحس :)

بس انتي قلتيها قصة معروفة و برضة بنحب و بندي كل حاجة و بعدين

باي باي ياكوتش

ههههههههههه

حسام غانم يقول...

جميلة يا ميرام

كالعادة

مسدس صغير يقول...

الله الله
ايه الابداع ده
بجد والله جميلة اوى
احييكى على الكلمات.

يكون فرحة ...
يكون فستان مع الطرحة ..
يكون ما يكون ..
مهوش فـــارق ..


عشان القصة معروفه ..


(نقابلهم ....
يحبونــــا ..
بكل قلوبنا نعشقهم ..
ف نتفــــارق ..!! )

جميلة اوى

شاب كــ طخين ـــــا يقول...

يكون موجة ...؟!
ومن شافها يقول الله..
عبال مايفوق ..
يكون غارق ..!!
_____________

الله عليكى
بجد فنانه وكلمات جميله اوى
تسلم ايدك

MǿиY El-Shreef يقول...

الله عليكي ياميرام

كلامك فعلا صح

مع انه بيوجع

بس الواقع كده ولازم نرضى بيه بقى :(

مع انه فارق مش مش فارق

تسلم ايديكي

صفــــاء يقول...

لازم هيجى حب
وبعدة عشق
وميكونش أخرة فراق
لكن الحب وهم واسطورة ....
لا فيه
صحيح حب أحلام .. بس مش وهم
ربنا يرزقك بحب يكون دائم
.

ايمان مجدى يقول...

رائع جدا
كلماتك بسيطة اوى بس بجد معبرة

تحياتى

ميرام يقول...

عادل ..
(:
باي باي ياكوتش
ياه هو لسه في ناس بتقول باي باي (:
ده الدنيا بخير كده
هههه

نورتنا
تحيــــاتي

ميرام يقول...

حسام غانم
وكالعادة يسعدني مرورك
شكرا

ميرام يقول...

مسدس صغير
اتفضلها ..
(:
شكرا بجد على التشجيع
تحيــــاتي

ميرام يقول...

امبارح كان عمري عشرين
شكرا ليك
ولمرورك
تحيــــاتي

ميرام يقول...

موني الشريف
منوراني ياجميلة (:
مشمش مين بس
(:
للأسف أكيد فارق
(:
تحيــــاتي

ميرام يقول...

صفــاء ..
تفتكري.؟؟!!

(:
سعيدة بمرورك
تحيــــــاتي

ميرام يقول...

ايمان مجدي
أهلا بمرورك الأول
أتمنى مايكونش الأخير
شكرا على الاطراء
تحيـــــاتي

Unknown يقول...

بجد ما شاء الله
مش عارفه اقولك ايه بجد
كلامك حلو اوى .. ربنا يحفظك :)

أبو العريف يقول...

بتغيبي وترجعي بحاجه
اجمل من اللي قبلها
اسلوبك راااائع

kochia يقول...

جامدة اوي

حلو بجد

تحياتي

ســـــــهــــــــــر يقول...

يخرب بيت كده جمال و فكر و تعبير
يا بنتى انتى اللى هتعقدينى بجد
انا شايفه نفسى جوه الكلام كانى بقوله بس ما كنتش هعرف اقوله بالطريقه دى

تحفففففففففففففففففففففففه

حارة سد يقول...

رائعة أنتي
فن في التعبير ..وبراعة في اختيار الالفاظ

دمتي في تألق وابداع وسرد كل ما هو لامع

الحارة سد

Tarkieb يقول...

ربنا ما يجيب فراق ويجعل ايامك كلها فرحة ..كلام جميل بس في كلمة وقفت فيها كلمة عبال أنا بصراحة عمري ما سمعتها دي ايه؟

فراشة يقول...

دوامة الفراق اللى مش بتخلص
امتى حتنتهى مش عارفه
حب لازم معاه فراق
ليه برده مش عارفه
مفيش حد يغير القاعدة دى
ابدعتى ميرام بكلمات بسيطة ورقيقة وقليلة ولكنها تحمل معانى عميقة

ميرام يقول...

كوكي
شكرا ليكي ياجميلة
نورتيني بجد

ميرام يقول...

أبو العريف
شكرا بجد

(:
نورتنا..

ميرام يقول...

كوتشيا ..
يافندم أهلا أهلا بيكي
(:
أهم حاجه يعجبك

ميرام يقول...

سهر
(:
بلاش انتي ..
(:
انتي لو كتبتيه هنعتزل ...
(:
كالعاده بتجامليني
وكالعاده بحب وجودك قوووي

ميرام يقول...

حارة سد ..
شهادتك أعتز بها ..
وفعلا ده بعض ما عندم
(:

ميرام يقول...

تركيب ..
يارب آميييين
عبال !!!
ماتعرفش يعني ايه ..
(: انا شكيت في نفسي وقلت انا بس اللي بقولها
هي اختصار عوقبال ..
ههههههههه
ايه عوقبال .. أول مايفوق يعني يكون غرق ...
(:

وبس (:
نورتنا

ميرام يقول...

فراشة ..
(:
حضورك رقيق زيك ..
أسعدني مرورك بجد
نورتي

غريب يقول...

جميل جدا الكلام ده

محمود جمعه يقول...

أنا أول مرة ادخل مدونتك

وبجد بسم الله ما شاء الله

ومش فارق ,, كلمات غاية فى الروعة

لدرجة انى قعدت اغنى فيها

تسلم إيدك .. ودايمـاً فى إبداع

تحيــاتى

ميرام يقول...

أخو شيكو
ميرسي

ميرام يقول...

ناسي عنواني
(:
شكرا
يسعدني مرورك
(:

 

اسكت يا ابني !!! © 2008. Design By: SkinCorner