الجمعة، 8 مايو 2009

هـــلاوس ..!!


التدوينة دي مختلفة ..أو هكذا أعتقد
التدوينة دي مش ميرام اللي كاتباها......
هتلاقو شوية كاتبهم قلبي .. وشوية عقلي .. وشوية قلمي
الأكيد ان مش التلاته أجمعو على الكلام الي بيتقال ده !...
لو عجبتكم كان بها .. لو كانت كارثة ...فاعتبروها نتاج طبيعي لأسبوع كامل من الكوارث
اسبوع أكدلي أن (المصائب لا تأتي فرادى )
..لا أعاده الله من أسبوع
(:

عادي..
كل شيء عادي ..
جرحي عندك ..فرحتي ..
لحظة رضايا.. أو عنادي ...
وانا مات خلاص احساسي فيا ..
بقيت بشوفك برضه عــادي !

جاب بوكيه الورد ..جاني ...
بس ليه من جوه حاسه ..
انه مش ليا ولا في قلبه مكاني
جاب بوكيه الورد ..جاني
بس ورده مهوش عاجبني
هو كله مش هيناسبني ...
اصله مش مخلوق عشاني ..


اضغطو أكتر وأكتر ..
صدقوني كتير عليا .
.أكيد هضيع ..
مش هقضي العمر أحزن
هو عمري فيه كام ربيع !؟



ازاي أعاتب أو ألوم ..
في المشاعر ياحبيبي مافيش حساب ..
لو تقرب ألف أهلا ..
لو هتبعد مش هقولك أي كلمة ...
وف سكاتي هعيش عذااب ..
خد قرارك من النهرده ..
وبيه راح أرضى ...
ومش هتفرق مين اللي ساب ...!


حبك أغاني ..
وكل اللي بتقوله مانيش حاساه ..
حبك أغاني ..
وصوتك العالي مهوش قادر ..
يوصللي صداه ..
مابلاش تغني ..
انا حاسة قلبي..بجد منك ..
ضاع وتاه ...


بحبك ..
بس الحروف.. مش قادرة أنطقها ..
أفضل أقول ال (ب) ..
وفي اسمك أسرقها ..
وال (ح) تقربلي ..
أشواقي تحرقها ...
كل الحروف تهرب ..
في عنيا تتخبى ...
معقوله أكون وياك ..
لسّاني بتعلم ...
ورجعت أتهجى ...!

37 التعليقات:

شقاوة مراهقة يقول...

ازيك يا ميرام ..

وحشتيني اولا ..

التدوينه دي فعلا كارثه ..

انا حقيقي قراتها وقعدت متنحه ..

بجد حلوة قوي ..

بس مش عارفه ليه اتضايقت اما قراتها ..

مش عارفه يمكن عشان حسيت ان الايام اللي فاتت واللي كتبتي فيها الكلام ده كانت صعبه عليكي ..

ربنا معاكي يارب بجد بدعيلك من قلبي ..


ومش تقلقي .. كله بيعدي ..

قلبي معاكي ..

والكلام فوق الروعه ..

حقيقي انتي فنانة ..

الكلام لمسني قوي من جوه ..


تسلمي بجد ..

تحياتي ..


اختك .. شقاوة مراهقة

غير معرف يقول...

7abet akon 2wel wa7da t3la2 we 2a2olek mobd3a ya miro men youmek 7ata low de mograd kam moseba fo2 dema3'ek bs enty 3rfa ra2e we aked 3rfte ana meen

adel يقول...

التدوينة حلو قوي

و هي يمكن فعلا ليها كذا احساس بس ده مقلقش من حلوتها بالعكس عملها شكل جديد

و اسبوع الكوارث حاجة عامة تصدقي :):)

غير معرف يقول...

كل دا صعب اوى .. الله يكون فى عونك

بلاش فضايح يقول...

جميل اوى
ومعلش المصايب فعلا بتيجى مع بعضها بس بعدها بيكون الفرج

تحياتى

Sweet Violet يقول...

رغم الحزن اللى فى الكلام

و رغم انى حاسه فيه قوة ممزوجة بالضعف

الا ان الهلاوس بجد جميلة

و الحمدلله ان الاسبوع عدى و ان شاء الله الايام الجاية تكون احلى (:

حسام غانم يقول...

ازاي أعاتب أو ألوم ..
في المشاعر ياحبيبي مافيش حساب ..
لو تقرب ألف أهلا ..
لو هتبعد مش هقولك أي كلمة ...
وف سكاتي هعيش عذااب ..
خد قرارك من النهرده ..
وبيه راح أرضى ...
ومش هتفرق مين اللي ساب ...!



دي عجبتني جدا يا ميرام

dramaqueen يقول...

سلام عليكم
اولا هاعلق على البوست
الكلام بجد حلو
واصف كزا حالة
وواضح انها كانت ايام صعبة اوى
الحمد لله انها عدت ويارب ما ترجع
بس جميل بجد

نيجى بقى للمدونة عامة

انتى هايلة بجد رائعة
عجبتنى جدا كلماتك واختياراتك للمعانى
عجبنى كمان صورك
هايلة
ومنظمة
ومتوظفة صح فى مكانها

مش عارفة اقول بالظبط بس انا سعيدة جدا انى اتعرفت على مدونتك

وعلى فكرة انا باحب البيتزا جدا
لسة كنت عاملة بيتزا امبارح
وانا اسمى مروة ودلعى كمان مرمر
شفتى الحظ

سلام يا مرمر

مسدس صغير يقول...

كلمات اكثر من رائعة

ازاي أعاتب أو ألوم ..
في المشاعر ياحبيبي مافيش حساب ..
لو تقرب ألف أهلا ..
لو هتبعد مش هقولك أي كلمة ...

احييكى عليها
مزيد من التقدم

Unknown يقول...

السلام عليكم

يا رب يسعد ايامك و يبعد عنك الهم و الحزن

البوست حزين جدا جدا جدا جدا

تحياتي
ملك الاكتئاب

معنتش جاي هنا تاني :D:D:D:D

دينا حامد يقول...

ازيك ياميرام ايه اخبارك؟

تدوينه جميلة بس فيها لخبطة واضحة
بجد مش عارفة اعلق اقول لك ايه
بس يارب الاسبوع اللي عدى وماكنش كويس ما يرجعش تاني ولا تتعاد ايامه تاني

اضغطو أكتر وأكتر ..
صدقوني كتير عليا .
.أكيد هضيع ..
مش هقضي العمر أحزن
هو عمري فيه كام ربيع !؟

معلش اختارتها لانها بتعبر عني :)

تحياتي

MǿиY El-Shreef يقول...

ازيك ياميرام

وحشتيني يارقيقه

ربنا يبعد عنك المصايب يابنتي

البوست زي العسل

اجتمعوا عليه قلب وعقل وقلم ميرام يبقى اكيد قمه ف الجمال

حتى لو يعتبر كارثه فهو كارثه ف الرقه وقمه الاحساس

عجبوني كلهم والمشكله مش عارفه اختار بجد

بس بتاعت بوكيه الورد

عجبتني اوي بالصورة كمان

سلام يا مرمر :)

mimi يقول...

برافو عليكي

مش عارفة إزاي تسمس دي هلاوس ...

طب يارب هلوسني
زيها وحسسني ...
وأديني مشاعرها ..
ما هو دا اللي ناقصني ..

انا بحبك انتي سكرة وعسولة

وكلامك من قلبك صادق علشان كده بيدخل القلب علي طول

ربنا يوفقك يارب

صدى الصمت - عاشقة الورد - يقول...

جميلة قوى قوى يا ميرام
ودى مش هلاوس خالص بل بالعكس دة حوار نفسى راقى ورائع
تحياتى

♥نبع الغرام♥♪≈ يقول...

السلام عليكم
بجد دى مش هلاوس دى حقيقه ياحبيبتى بنعيشها دايمآ
بوست هايل
أحيك عليه من كل قلبى
تحياتى لكى ميرام
إيناس

الفراشة الصغيرة يقول...

حلوه قى التدوينه دى

افتكر انى الايام دى بتحالى تاخدى قرار

مش قادره تاخديه

حيرتك دى طلعت البوست ده بالجمال ده كله

دمتى مبدعه

Unknown يقول...

يبدو أن حالة الإحباط تنتاب الجميع
لذلك لم تعجبنى الحالة
لأنى أبحث عن موضعٍ للفرح!!

Soma يقول...

التدوينه فيها اكتر من احساس بس حلوه,
اصل كل الناس بيعدي عليهم وقت بتكون مشاعرهم ملخبطه شويه..

ربنا معاكي يا ميرو ويعدي ايامك علي خير

وربنا يعلم اني احبك في الله

تحياتي

حارة سد يقول...

لا أخفيكي قولا أنني ممن لا يتذوقون سوى المكتوب باللغة العربية..لان ذلك كثيرا ما يروقني
لكن لا مانع من فاصل باللغة العامية او ما شابه

دمتي بخير وتالق
الحارة سد

ميرام يقول...

شقاوة مراهقة ..
شكرا ليكي على المتابعه
نورتيني

ميرام يقول...

شيمااااااااء
يا أهلااااااااا يا أهلاااااااااا
منورة البلوج ..
طبعا عرفتك (:
وبجد سعيدة بمرورك ياجميلة ...

ميرام يقول...

عادل
شكرا ليك
سعيدة بالمرورك
تحيـــاتي

ميرام يقول...

بلاش فضايح
شكرا لمرورك
تحيــــاتي

ميرام يقول...

Sweet Violet

شكرا ليكي ياجميلة
ده بعض مالديكم
والاسبوع شكله بقى 2
ربنا يستر (:

ميرام يقول...

حسام غانم
اتفضلها ..
نورتني
(:

ميرام يقول...

dramaqueen
مروه سعيدة بمرورك الأول
والمصادفات الجميلة دي
(:
منتظاركي دايما
تحيــــاتي

ميرام يقول...

مسدس صغير
شكرا ليك
سعيدة بمرورك
تحيـــاتي

ميرام يقول...

المعلم محمد
(:
ليه بس كده
نورتنا
وبانتظارك دائما
تحيـــاتي

ميرام يقول...

دينا حامد
أهلا بوجودك ياجميلة
):
البوست ملخبط زيي تمام
دعواتك
ونورتيني كالعادة

ميرام يقول...

موني الشريف
أروح فين من مجاملاتك الجميلة دي
واذا كان عالبوكية
اتفضليييييييييه
والله مايغلىىى ابدااااااا
(:
نورتي

ميرام يقول...

ميمي
(:
ربنا يخيليكي
رافعه من معنوياتي علطول
وجودك بيفرحني
دمتي بود
(:

ميرام يقول...

صدى الصمت ...
شكرا ليكي عالمجاملة الجميلة
سعيدة بمرورك
تحيــــاتي

ميرام يقول...

عاشقة الأحزان
شكرا لك
نورتي

ميرام يقول...

الفراشة الصغيرة ..
نورتي
بفرح بوجودك ياجميلة

ميرام يقول...

teemo
أخشى اذن أن لا تعجبك كل تدويناتي ..
قل ما ستجد فيها موضعا للفرح ..
(:

ميرام يقول...

سوما
أحبك اللذي أحببتني فيه
(:
وبجد شكرا لمرورك
تحيـــاتي

ميرام يقول...

حارة سد ..
شاكرة لمرورك دوما أنا
دمت بود

 

اسكت يا ابني !!! © 2008. Design By: SkinCorner