الأحد، 24 مايو 2009

حلمــي حلمـــك ....




حلمك ايــه ...؟؟
وانا ابيع عشـانك ياحبيبي الكون بحاله ..
وأشتريـــــه ...
حلمك ايــه ..؟؟
وانا أمد بالخطوة معاك واسعــى....
عشان بس تلاقيه ..
حلمك ايـــه ..؟؟
وانا اديلك عيون اتنين تشوف بيهم
وقلب كبير ..
وشوقي ماليه ..
واكون ليك الأمل كلّـــه
واكليل ورد يوم فرحك
يعمري عشان وصلتلّـه ..
وشفتك فيه ....
هعيش عمري عشان حلمك وهستناه ..
تمام زي منت مستنيه ...
ولو تسأل..عن الحلم الي ساكنني ..
هتستغرب من الي انا فيه ...
أنا معرفش ايه حلمي !!!
هتسأل ليــه ؟؟!
حلمـي حلمــك ياحبيبي ...
قلتلي بقى حلمك ايــه ؟؟!!
..
.....

44 التعليقات:

دينا حامد يقول...

والله كلام جميل ياميرام
هو ده الحب الحقيقي :D
الحمد لله انك قللتي من النكد شوية واديتينا جرعة فرح :D

بس بجد والله بوست جميل وكلمات جميلة جدا

تحياتي

مسدس صغير يقول...

كلمات حللللللللوة
ايه الجمال ده

هعيش عمري عشان حلمك وهستناه ..
تمام زي منت مستنيه ...
ولو تسأل..عن الحلم الي ساكنني ..
هتستغرب من الي انا فيه ...

جميلو اوى
احييكى عليها

حسام غانم يقول...

simply amazing

محمد عتلم يقول...

يااااه
كل دى تضحيه عشان هوا يلاقى حلمه ؟؟
وتفتكرى لما تعرفى حلمك هوا هيساعدك انك تحققيه ؟؟
انا جيت ازورك واقولك صباح الخير

يوميات شاب منوفى يقول...

قشطة اول زيارة واول تعليق

يوميات شاب منوفى يقول...

بس مين دة الى بتحبية الحب دة كلة يابختة عقبالى يارررررررررررب

هندسة وصفية يقول...

طبيعي بقي بعد الكلام ده انه انتي تكموني حلمه
لو اي حاجة تانية يبقي جبلة :))

ميرام يقول...

دينا حامد
(:
ههههههههه
قلتلك تمتع بالسيء فالأسوأ قادم ..
والنكد راجع ,.. وبشدة ..
(:
نورتيني

ميرام يقول...

مسدس صغير
(:
شكرا ليك ..
نورت المدونة

ميرام يقول...

حسام غانم
(:
شكرا بجد
تحيــــاتي

ميرام يقول...

محمد عتلم ..
غريب ان الي بيضحي مابيبقاش واخد باله
(:

...........
وتفتكرى لما تعرفى حلمك هوا هيساعدك انك تحققيه ؟؟
.........
لا مافتكرش .. (:
(: تفتكر انت ؟!

شكرا على الزيارة
كل ودي

ميرام يقول...

يويات شاب منوفي
مع ان مافيش تعليق على النص ...
لكن ده مايمنعش أقولك نورت

ميرام يقول...

هندسة وصفية
(:
(:
مش بالضرورة
(:
شكرا لمرورك

mimi يقول...

ميروووووووو

وحشتيني ... حلوة الكلمات وطريقة كتابتك للموضوع ... بجد الموضوع حسيته ... أصلا كل اشعارك بحبها وبحس انها بتلمسني وتسلّم عليا ...

ربنا يديم عليكي نعمه ... أأأمين

romansy يقول...

حلمى اكون معاكى فى كل وقت وكل ثانيه
حلمى تعيشى ليه ويملا الحب الدنيا
حلمى بسيط اعيش بس ليكى
اعيش الحب كله وتملى الكون عليه

******************

كلاماتك جميله قوى يا ميرام
وسامحينى علشان بحاول ارد عن البطل

صفــــاء يقول...

أنك تحلمى له ومعاة وبيه
انك متعرفيش حتى حلمك وتعيشى حلمه
انك تديله عيونك وقلبك وروحك عشان يشوف حلمه كويس ويحققه

جميل يا مرام ... منتهى الحب

ميرام يقول...

ميمي
وانتي كمان ليكي وحشة
(:
وشكرا ياجميلة على الاطراء الجميل ده
(:
تحيــــاتي

ميرام يقول...

رومانسي
شكرا ليك
(:
نورتنا ..

ميرام يقول...

صفـاء
نورتي ...
تفتكري للحب منتهى ..!؟
يمكن اللي قولتيه يندرج تحت حاجات كتيرة توصل لأعلى مراتب الحب
دايما بيسعدني تواجدك
....
على الهامش
اسمي (ميـرام)
(:
(:

adel يقول...

يابخته

معنكيش واحدة تحلم لي كده ولا حتي تساعدني في تحقيق الاحلام

ههههههههه

بجد حلوة :)

ميرام يقول...

مادو
شكرا (:

ميرام يقول...

عادل
(:
أهلا بيك
وللأسف مالاقيش عندي ,..
(:
ومافتكرش انها هتبقى موجودة تاني
(:
ومش بتكلم عن نفسي (:
نورت
تحيـــاتي

عمرو يقول...

يا ترى مين سعيد الحظ اللى بينقال فيه الكلمات الرقيقه المعبره دى ؟؟
موهبتك فى تنميق الكلمات جديره بالتأمل و فى نفس الوقت معبره ..
تقبلى تحياتى و تقديرى ..

ميرام يقول...

أستاذ عمرو
سعيد الحظ ..

يمكن طير مسافر ...
بلد خطوطها مقطوعة
ورسالتي مش هتوصله (:
او ذكرى .. أو فكرة ...
أو حلم .. لسه بحلمه ..


سعيد الحظ ..!!

(: تعرف انك أوحتلي بفكرة حالا حالا
سعيدة بتشريفك
وشكرا على المجاملة
تحيـــاتي

Hadota ... حدوتة يقول...

ازيك يا ميــرام

بصي البوست احساس جميل اوى
وبجد اللى بيحب حد بجد بيبقى حاسس كده .. نفسه يجيب الدنيا كلها ويحطها بين ايدين حبيبه .. نفسه يشوف كل الدنيا بعيونه .. نفسه يتوحد معاه ويبقى حتة بيفرح للحاجات اللى بتفرحه بجد .. وبيزعل على الحاجات اللى بتزعله بجد .. بيبقى كل همه انه يحقق كل الى بيتمناه ويعيش بجد سعيد

اكلمت انا كتير
:)

بين قوسين وعلى هامش الاحداث ياميــرام .. شوفتى كتبت اسمك صح ازاى :D


اصل انتى المرة اللى فاتت قولتليلى مى .. بالرغم انه كان me اللى هيا ترجمتها بالانجليزى يعنى أنا .. انتى عارفة طبعا ان الثقافة الاجنبيبة بتفرق فى الموضوع .. على كل حال انا من زمان اسمى حدوتة فرجعته تانى .. ومكنتش اول زيارة على فكرة .. انا جيت زمان حتى كنتى ساعتها بتقولى انك بتحبى اسم مها .. وقولتلك انا كمان اسمى مها فطبعا بتحبينى

تحياتى يا ميــرام
:)

hasona يقول...

السلام عليكم

حلمك ايه
كان المفروض تكون أنت أول من يعرف حلمه
ويشعر بحلمه حتي قبل أن يقول

والاحلام لا تشتري
،،، الكلمات الاولي غير موفقة فيها ،،،،،
نعم تجودي عليه بعيونك وبقلبك ليسكن قلبه وهو ملئ بحبه

هتعيشي حلمه
وأنت فيه - عايشة مـحتضنة قلبه لك
ولأن حلمك حلمه- لابد أن يقترن حلمك بحلمه

تحياتي

صدى الصمت - عاشقة الورد - يقول...

جميل قوى البوست دة وكله معانى وأحاسيس وأحلام رائعة
تحياتى

ميرام يقول...

حدوتة ..
منورة تاني وتالت
وأهلا بيكي دايما
(:
كل ودي

ميرام يقول...

حسونة
وعليكم السلام
(:
بداية برحب بيك ..
.....
كان المفروض تكون أنت أول من يعرف حلمه
.......

السؤال ليس بغرض السؤال وانما لاستدراك البقية
مع ذلك لا مانع من السؤال (:
من وجهة نظري طبعا ..


........
والاحلام لا تشتري
.........
(:
وهنا التعبير مجازي ... بيد أنك تصر على قراءة النص بمباشرة ..
(:
ومع ذلك أختلف معك ....
ثمة أحلام قابلة للشراء ...!
....

سعيدة بتواجدك ..
تحيـــاتي

ميرام يقول...

عاشقة الورد
شكرا لك ياجميلة
نورتيني

ادم المصرى يقول...

ميرام

حبك الكبير اوى ده بجد بهرنى

لئنو مليان احساس بجد ويدل على الوفاء الكبير جدا بحبك

أبو العريف يقول...

جميله قوي يا ميرام
حاسسها فكره جديده
دمتي مبدعه

ميرام يقول...

ادم المصري
شكرا ليك
سعيدة بمرورك
تحيـــاتي

ميرام يقول...

أبو العريف
شكرا ليك ولمجاملتك
تحيـــاتي

بنجاواتى يقول...

السلام عليكم

كلمات جميلة
ومعنى جميل جدا
والاحساس رائع

وعجبتنى اوى:
حلمك ايـــه ..؟؟وانا اديلك عيون اتنين تشوف بيهم وقلب كبير ..وشوقي ماليه

تحياتى

ميرام يقول...

بنجاواتي
شكرا ليك ..
سعيدة بمرورك وتعليقك ..
تحيـــاتي

MǿиY El-Shreef يقول...

يارتني اقدر اعمل كده دلوقتي بجد ياميرا

كل مره يابنتي هقولك

انتي بجد تحفه ماشاء الله عليكي

ربنا يحفظ ياقمره

شقاوة مراهقة يقول...

يالهوووووووي بقى ...

هو انا كل مرة مش هلاقي كلام اقولهولك كده ..


وحشتيني يا اختي !!..

وخدي بالك من نفسك ..

مبدعه كــ قلمك ..

تحياتي ..

ميرام يقول...

موني الشريف
شكرا ليكي بجد
ربنا يخليكي ياجميلة
(:

ميرام يقول...

شقاوة مراهقة
(:
شكرا ...
وانتي كمان
تحيـــاتي

(حلـم) يقول...

حلمي حلمك ايجاز صريح ومعبر عن وحدة الارادة وجذريةالمصير المشترك..فكرة متسلسلة موجزة ذات نتيجة رائعة..مفردات موزونة يالسعي وهذا ما هو جميل لانة يحمل شرعة الاستعداد..حلم..

ميرام يقول...

حلم
(:
وكلام أكبر من النص
(:
حللت أهلا
تحيـــاتي

آه وكفى يقول...

الله جميلة اوي ياميرام
حسيت فيها بابتسامة ورقة وأمل
بجد عجبتني .. عجبتني .. عجبتني

تجياتي ليكي وسأنتظر جديدكـ

ميرام يقول...

اه وكفى
(:
شكرا ..
وسأنتظر عودتك
تحيـــاتي

 

اسكت يا ابني !!! © 2008. Design By: SkinCorner