الأحد، 30 أغسطس 2009

الثالثة ... ثـــابتـــة (:

تحـــديـث :

بـوست جـديد على مدونتي الثـانية ..
زوايــــا ..
http://zawaya-miramih.blogspot.com/

مفتـــــتـــح :

بين الفرح والجرح ..
هما يادوبك خطوتين ..
وأنا قلبي مشتاق للفرح ..
لكنه مش عارف منين ؟!
محتار ومليان بالقلق ..
عايش تملي في الحياة ..
بيــن البيــــنـيــن ..!
!!




قد عشقك ماملاني ...
قد مابروحك سكنت في قلبي جوه
قد ما عشت في كيــاني
قد عمري ...ويمكن أكتر ..
آسفة جدا..
بس انا المرّادي هـقــدر
!!!
صعب جدا اني افضل
وانت مش حاسس بروحي
وانت قاصد كل خطوة
تعدي بيها تدوس جروحي
لما اقولك اني هبعد ..
وببساطــة تقولـي روحــي ..
صعب اني أشوف قصادي
حلم بيموت جوة مني ..
وانت ساكت .. وانت راضي
زي مايكون اللي بيننا ..
شيء صغير .. حب عـادي ....
قد عشقك ماملاني ...
قد مابروحك سكنت في قلبي جوه
قد ما عشت في كيــاني
قد عمري ...ويمكن أكتر ..
آسفة جدا..
بس انا المرّادي هـقــدر
.....................................................





..
..

45 التعليقات:

د.ميريهان يقول...

اوووووووووه...
انا اول واحدة...
اوكي...
ممتازة ياميرا...كعادتك متألقة...
بس ياريت بجد كل البنات تقول ( بس مش هقدر)
دلوقتي بيحصل العكس...
بيدوسوا على كرامتهم مشان الحبيب..
وعلى رايك...لازم منديش اكتر ما ناخد..
هو طبعا مش قضية اخد وعطاء...
بس مينفعش ابدا يبقى كده التعامل..مينفعش البنت تهين كرامتها...وهو المعروف ان الانثى اكتر واحدة متقبلش كرامتها تتهان..
الزمن انقلب...
ربنا يستر

تسلم يمينك تاني ياميرا...ولا فض فوك ياخطيبتنا المفوهة..

ميرام يقول...

ميريهان
(:
حبيبة قلبي
وصديقة الثانوية (:
يافندم انتي لو مش رقم واحد أمسح التعليقات الي قبلك

طبعا منورة قد الدنيــا
وبمـا انك واحدة من القلائل اللي عارفين قصة البوست ده والمشاركين في بعض أحداثها

(:
محدش يفهم غلط مش ميريهان الشخص التاني
(:
هههههههههه

المهم
على فكرة أنــا واحدة من البنـات الي ممكن أدي 10 أضعـاف الي باخده
بس بشرط اني أحس اني الي اديته ماضاعش
واتقدر قيمته
(:
الفكرة مش أخذ وعطاء
والا فعلا هيبقى الموضوع بايخ قووي
الحاجات دي مابتتوزنش
(:
بس بجد اللي بيدي أكتر مابياخد بيجي في وقت وبيراجع حساباته
ويحس ان التاني أنـاني قوي
(:
عارفة ياميريهان أعتقد لو في حب بجد محدش هيحس بموضوع مين ادى ومين خد
هبقى بدي فانتي تدي الضعف فأبقى ٍسعيدة فأعوض عطائك .. وهكذاا
المشكلة بتبقى لما الحلقة دي تتكسر
وحد يقف في النص
(:

(:
نيجي بقى للنقطة الحاسمة ..
مينفعش البنت تهين كرامتها
اه صح ..
مش البنت بس كمان الولد
في ناس كتير قوي بتقول ان الحب مفيهوش كرامة
بس ده مش معناه ان الاتنين يدوسو في كرامة بعض
(:
معناه انهم يخافو قوووووي على كرامة بعض
معناه انهم لما يزعلو وتحاول تقرب بالخطوة وهي زعلانه بتبقى جت على كرامتها شوية
بس لو هو مافهمش انها قربت عشان يقرب هو كمان
واعتبر قربها عدم كرامة
يبقى ( تقوله سوري )
حتى لو بتحبه ولو بتعشقه ولوولوووو
قبل الحب بيبقى في الاحترام
وده لو ضاع تبقى كارثة ماتتعوضش بجد

يسلم كيبوردك ياميريهان
(:
خطيبة مين (:
كان زمن وجبر
هههههه
(: نورتيني بجددددددددددد

adel يقول...

انا تهت في الحديث التلفزيوني التلفويني اللي تحت ده
بس ماعلينا

الكلام اللي فوق ده جامد قوي و متلحن جاهز و ليه مزيكا عالية قوي

طبعا ده الوزن مش المعني
المعني مؤلم بجد و يمكن عشان كده فعلا الكلام جميل و محسوس
لان كل ما الالم زاد الواحد بيكتب احسن
ومجرب و عارف :)

youssuf يقول...

دواير دواير دواير دواير ...

كالعادة نفس الدواير إللي بندور فيها
اظن جاه الوقت بقا إللي تبتدي تفتحي عينيكي و تطلعي برة كل الدواير دي ... و تبصي شوية من فوق ...
عشان تعرفي بعد كده تلقي الراحة إللي بندور عليها ...
لسة قدامك تعب كثير و مشواير كثير عما تلاقي لقلبك راحة ...
بس هو احنا ورانا ايه غير اننا نتعب و ندور ...

البوست دة عايز كلام كثييييير اوي بس متهيئلي صعب يتحط كله هنا ...

متواجد دائما معاكي خطوة بخطوة بوست بوست نشوف فيها انتي بتقولي ايه و بتفكري إزاي و ايه صح و ايه ممكن نتناقش فيه عشان المكان هنا في البوست دة بس مش حينفع ...

تحياتي ...
و اتمني تلقي الراحة في حياتك و لروحك قريبا ...

كــركــبــة دمـــاغ ㋡ يقول...

طبعا يعني زي ما انتي عارفه ان انا عندي قصووووور حاد في الفهم

ولازم كل حاجه تتقالي حبه حبه عشان الاستيعاب البطيء

فـ انا كنت جايه اقولك اني فاهمه حاجات وحاجات

اما كنت بتتكلمي معايا كان فيه علامات استفهام كتير عايزة اسال فيها بس حسيت انك هتحدفيني بـ اللي في ايدك هههههههههههه

عشان كده كنت بقول كلام يمكن مالوش علاقه بالحكايه اساسا .. بس بحاول اخفف عنك

بس ساعتها ابصملك بالعشرين (( اه صوابع ايدي ورجلي ههههههه))

اني كنت حاسه بيكي جدا .. حاسه انك موجوعه .. حاسه بالغصة اللي بتقولي عليها دي

عشان كده كنت عايزاكي تتكلمي وخلاص ..

انما انتي طلعتي مليناه عيوب قاتله هههههههههههه

بهزر طبحا ده طبعك

ايه .. بتقولي انا جايه عايزة ايه دلوقتي ؟؟

ممممممممممممممممم

جايه اسلم عليكي واقولك وحشاني ههههههههه

واقولك انا مازلت حاسه بيكي ..

وقلقت اما اتصلت ولقيت الست بتقولي البتاع بتاعك مقفول

-------------------

صعب جدا اني افضل
وانت مش حاسس بروحي
وانت قاصد كل خطوة
تعدي بيها تدوس جروحي
لما اقولك اني هبعد ..
وببساطــة تقولـي روحــي ..
صعب اني أشوف قصادي
حلم بيموت جوة مني ..
وانت ساكت .. وانت راضي
زي مايكون اللي بيننا ..
شيء صغير .. حب عـادي

----------------------

مازلت عند رأيي انك الوحيده اللي بتخرج اللي جوايا وانا مش عارفه اخرجه .. وسبحان الله بيبقى في وقتها بجد

تسلم ايدك يا فنانه يا عظيييييييييمة

يا فظييييييييييعه برضه هههههههه

خودي بالك من نفوسياتك يا ميرا يا حبي


و


و


و


انا بحبك

منــار فايد يقول...

ميرااام
انا زعلانه منك
انتي فينك حرام عليكي
والله قلقانه جدا عليكي
انا مش فاهمه حاجه اوي من الكلام والقصه بالذات بس مش مشكله

انا فرحانه رجعت اقرالك كتابتات


كل سنه وانتي طيبه ياحبيبه قلبي

وخلاص مش زعلانه

أبو كريم يقول...

لما اقولك اني هبعد ..
وببساطــة تقولـي روحــي



رااااااااااااائع

تعبير بجد جميل وجماله انه ببساطه


انا واثق من ان الموقف الى حصلك أثر فيكى جامد عشان تطلع الكلمات صادقه كده


دمت ودامت تدويناتك رائعه

د.ميريهان يقول...

يالهوي ياميرا...الكل فهم انك بتتكلمي عن نفسك...ياجماعة ميرام بتحكي عن حال بنات احنا قابلناهم في حياتنا...ميرام يمكن اانصدمت في تلات قصص مرة واحدةده اللي خلاها شعللت...اقصد يعني نفسيتها اتازمت وراحت كتبت علطول...لكن مش هي..
واللي يحسب ان ميرا ممكن يحصل معاها كده وحد يسيبها ويقلها ببساطة روحي ... يبقى غلطان وميعرفش ميرام...هههههه
صحبتي وانا عرفاها...

ميرام يقول...

عادل
نورت
وبجد شكرا على متابعتك الدائمة دي
(:
يارب يكون عجبك بجد
تحيـــاتي

ميرام يقول...

يوسف
أهلا بمتابعتك المستمرة
(:
ومالو ..
نتعب وندور
لو هنوصل لحل ونتيجة ..
مستعدة بجد (:
شكرا لتواجدك
تحيـــــاتي

ميرام يقول...

شقاوة مراهقة
(:
ههههههههههه
فاهمة حاجات أه وحاجات لا
هههههه
والله مانتي فاهمة حاجة خالص
(:
بعيد عن ذلك
شكرا بجد على اهتمامك
ربنا يخليكي ليا
(:

ميرام يقول...

منار
يا اهلا يا أهلا
(:
منورة
وحقك عليا يافندم
بالنسبة للي فهمتيه والي مافهمتيهوش
البوست ده مش للفهم أساسا
(:
خزعبلات
وجودك بيسعدني .
نورتي

ميرام يقول...

أبو كريم
(:
أهلا بتواجدك الأول
وشكرا لاطراءك اللطيف


انا واثق من ان الموقف الى حصلك أثر فيكى جامد عشان تطلع الكلمات صادقه كده

(:
سعيدة ان المعنى وصل للدرجة دي (:

تحيـــاتي

ميرام يقول...

ميريهان
ههههههههه
انتي سكر
بس هنا يحق للجميع فهم مايريد وتخيل مايشاء
(:
مش بالضرورة يكونو صح
ومش بالضرورة برضه يبقو غلط ..

ممكن تلاقي بوست بيحكيني ..
وممكن تلاقي حاجة عكسي تماما (:
ممكن تلاقي قمة الضعف في حاجة ..
ومنتهى القوة في حاجة تانية
مين فيهم أنـا .. ومين غيري ..
مش مهم ..
ومش هتفرق ..

صحبتي وانا عرفاها...

(:
هجننك .. واقولك ميـن عــارف !
(:
نورتي تاني وتالت ورابع
صحيح ...
مش ناوية تعمليلك بلوج ..
(:
وليكي عندي حق الدعاية (:
مستنياكي دايما

غير معرف يقول...
أزال أحد مشرفي المدونة هذا التعليق.
مسدس صغير يقول...

كلمات جميلة
احييكى عليها
حلوة المكالمة دى
بتشبه لاسامة منير صح؟
ههههههه
كل سنة وانتى طيبة
رمضان كريم

أبو العريف يقول...

ازيك يا ميرام

جميل قوي الكلام

بس صعب قوي الاحساس

بس فيه سؤال

هو ليه اجمل حاجه بنكتبها دايما

لما نشعر بالغصه اللي قلتي عليها دي

كأن الفرح مش محتاج كلام


تحياتي

عاشقه الرومانسيه يقول...

انا زى عادل تهت فى المكالمه
بس بالنسبه للكلام هو حلو جدااااا
وانا عن نفسى حسيته قوووووى
ربنا ما يكتب وجع القلوب على حد

قلم رصاص يقول...

السلام عليكم

ازيك يابشمهندسه

رمضان كريم وكل سنةو انتي طيبة
وحمدلله على السلامة

بس فعلا انا زيي زي غيري فهمت فعلا ان الكلام عليكي ..هههههههههه

بس الحمدلله جت سليمه

اوعي بقى من الكلام اللي انتي حذرتي منه لأنه مايقع اللي الشاطر

وربنا يكرمك يارب ويوفقك

في حفظ الله

ميرام يقول...

مسدس صغير

شكرا ليك
(:
وانت طيب
والله أكرم
(:
نورت ...

ميرام يقول...

أبو العريف
أهلا بيك
ليه ليه ..!!
بجد مش عارفـة
يمكن لأن الفرح بيتكلم لوحده
لما تبقى سعيـد كل حاجـة في ملامحك بتحكي
نظرتك كلمتك (:
وساعتها سبب الفرحة مابيبقاش مهم ان حد يعرف
بعيدا عن ذلك
نورت المدونة
تحيــــاتي

ميرام يقول...

عاشقة الرومانسية
آميـــــــن
(:
ولو ان احنا الي بنوجع روحنا
نورتي ياجميلة
(:

ميرام يقول...

قلم رصاص
(:
عليـا .. على غيـري ..
بجد مش فارقة (:

مايقع الا الشاطر ...
اممممم
(:
معاك حق ..
(:
ربنا معانا
نورت

هدير يقول...

ياصباح الروقان
ماجيتيش المكتب ليه النهرده وقافلة موبيلاتك والاقيكي قاعدة هناااااااا
لو صاحية نامي عندك شغل بكرة وللا مش ناوية تيجي ياضيااع انتي هبقى اكلمك افتحي النيلة ده

ميرام يقول...

هههه
طيب مش تقولي رأيك في اللي مكتوب
(:
منورة يافندم
(:

كــركــبــة دمـــاغ ㋡ يقول...

ندااااااااااااااااء واااااااااااااااالع ناااااااااااااار


اعتقي الموباااااااايل بقى وافتحيه

خصيمك النبي تفتحيه قبل ما اموت

هههههههههههههههههه

مش معقول كده هلف عليكي بالميكروفونات وافضل اهاتي كده مع نفسي وافتحي .. افتحي

ده انا بخبط هلى قبر ميت كان فتحلي

اتلمي يابت بقى ومش تعيشي عليا كتير

وافتحي المغلوب على امره ده خليه يشم هوا

طلباتك الرسميه النظميه المجنونه كترت

وانا مش هسكت بقى

وبينا المحاكم

هههههههههههههههه

افتحي الموباااااااااااااااااايل ابو تتش بقى

افتحي الموبااااااايل يا هاميش عند الفجر

هههههههههههههههه

ويا ويلك يا سواد ليلك لو مش نشرتي البتاع ده اان ما صدقت اخويا قام

ميرام يقول...

ههههههههههه
كل الموبيلات هتتفتح حالا
فودافون وموبينيل وموبايلي كمان
عشان سعادتك (:
بس على الله تتصلي مش تقضيها رنات
ههههههههه
والله بموت فيكي
(:

hasona يقول...

السلام عليكم

عودا جميلا

علي قد ما ناخد بنعطي
وفيه ناس بتعطي علي طول وناس بتاخد علي طول

حبات التوت يقول...

ياخساره انا اخر واحدة


مع انى اول مره ادخل فيها مدونتك اللى بتاخد العقل بس عجبتنى

انا بقول الجملتين دول كتير بجد لان الناس بجد مدونتهم بتبقى حلوة لو فى حاجة مشس عجبتنى مش هرد بس انتة بجد تحفة


احساسك حلو اوى

بجد تسلمى على الكلمات اللى طالعه من القلب دى

انا حسيت بية بجد

ياااااااااااااااااه

علة فكره نفس اللى انتى عشتيه انا عشته كانك بتتكلمى عنى

ريمان يقول...

كلمات مؤلمه بس فيها احساس عالى اوى ومكتوبه بشكل منمق وجميل


كلك ذوق بجد

------ يقول...

اولا السلام عليكم

دى زيارتى الاولى بس بجد

ايه الجمال دا ميرام

ماشاء الله عليكى

يسلم قلمك

سعيدة لمعرفتى بمدونتك

هكون اسعد لما تنورينى

اكيد مستنية زيارتك

تحياتى ميرو

فاروق عادل يقول...

ممتاز ة ياميرا جميله جدا جدا خصوصا المفتتح

نـــــور يقول...

كلماتك دايما بتعجبنى على فكره:)

بس الحوارات اللى فى الاخر لخبطتنى شويتين تلاته كده

الا حكايه ماتديش اكتر ماتاخدى
بصراحه مش بعرف:)

رمضانك كريم

Tadwina يقول...

مرحباً / ميرام
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/1758

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع ونرجو منك مراسلتنا للأهمية على الايميل
Tadwina@gmail.com
لوضع البانر الخاص بنا على الصفحة الرئيسية لمدونتك حتي يستطيع قراءنا في مصر والوطن العربي من متابعة تدويناتك المستحدثة

و لكم جزيل الشكر،

فريق عمل تدوينة دوت كوم.
http://www.tadwina.com

مدحت محمد يقول...

اول مرة ازور المدونة الصراحة
وطلع ليكى فى العامية زى
اليوست مؤلم وحاسس كدة بعزة نفس موجودة بين السطور
والم خطير
لكى كل تحية وتقدير

blue-wave يقول...

بجد كلمات رائعه
بس مين بيقدر يقول ويقدر؟؟؟؟

ميرام يقول...

حسونة
شكرا لمرورك
تحيــــاتي

ميرام يقول...

ويلا
سعيدة ان حروفي ناالت على اعجابك
بانتظارك
(:
تحيـــاتي

ميرام يقول...

ريمان
شكرا ياجميلة
نورتي
(:

ميرام يقول...

دموع القمر
شكرا ليكي
ده بس ذوقك
(:
حالا هكون في مدونتك
تحيـــاتي

ميرام يقول...

فاروق عادل
شكرا ليك
تحيــاتي

ميرام يقول...

نــور
ومنورة جدا
(:
شكرا لمرورك
(:

ميرام يقول...

مدحت محمد
سعيدة بتشريفك
(:
شكرا ليك

ميرام يقول...

blue-wave

آه والله (:
مين يقول ويقدر
(:
نورت

إبـراهيم ... يقول...

حلوة قوووووي

وعجبني الاتصال اللتليفوني وياخسارتك ف الليالي
ـــــــــــــ
وعاجبني في التعليق وجود (يوسف)

وهذه تحياتي

 

اسكت يا ابني !!! © 2008. Design By: SkinCorner