الجمعة، 1 يناير 2010

2010


عدت ....
والعود أحمد .. وأحيانا ميرام ... (:
كل سنة وانتم جميعا طيبين
ويارب تكونوا حققتوا أحلامكم السنة الي فاتت
وتحققوا أحلام السنة الجديدة ...
(:
مش عارفة ليه دايما بيتصادف مرور أي مناسبة سعيدة باني أكون ...سعيدة برضو (:
السنة دي ..
قررت ما أتمناش أي أمنية
اه بجد ...
وعشان ماحدش يتخيل للحظة اني محبطة
أنا عمري في حياتي والحمد لله ماتمنيت أمنية وماتحققتش
لأني مقتنعة ان الي عايز حاجة لازم يتعب .ويشقى.... ويتبهدل ..
ويمسك في حلمه لحد آخر نفس ..
ويختاره ..... يختاره .. ويبقى واثق انه اختار صح
(:
المشكلة اني اكتشفت ان المشكلة أحيانا كتيرة بتكمن في تحقق الأمنية
وده مش عشان الأمنية كانت غلط ..
ولا عشان اتغيرنا ...
ولا عشان اي سبب ...
غير ان الدنيا عايزة تعلمنا حاجة جديدة (:
مزيد من الاضافات في الحياة ..
بعيدا عن الدراما (:
السنة دي بجد مش عايزة اتمنى حاجة
(:
وهعيشها كــدة ..
بلا هدف .. بلا حلم ..
وهشوف هوصل لايه ..
يمكن لما مانحسبش حاجة تصدف معانا ونوصل لحاجة أحسن !
يمكن لما مانتوقعش حاجة مانحبطش ولا نتصدم ..؟
يمكن بجدددد بجددد لما مانتعشمش في شيء .. نتبسط بأي شيء ..
يمكن ويمكن ويمكن ...

يبقى هابي نيو يير

14 التعليقات:

adel يقول...

هابي نييييييييييييو ييييييير
وكل راس و انتم بخيرر :)

mimi يقول...

كل سنة وأنتي طيبة
انا مهما غبتي مش بنساكي أبدا

عام سعيد عليكي 2010
ويارب يديم عليكي التفاؤل والسعادة
وكمان إرادتك
أتمني لا يخيب ظنك لحظة

هابي نيو يير يا سكر

romansy يقول...

كل سنه وانتى طيبه يا اجمل انسانه
كل سنه وانتى ارق كلمات فى الدنيا
ارق مشاعر فى الدنيا
كل سنه وانتى محققه دايما امنياتك
وانتى مزينه كل حياتك
وانتى الدنيا الاجمل واجمل

مسدس صغير يقول...

هابى نيو يير
كل سنة وانتى طيبة
ويارب السنة دى تبقى احلى

Lyssandra يقول...

وحشتيني يا ميرام

وزعلانه منك جداً
لما عدّيت ولقيت المدونة مقفولة
بس سعيدة دلوقتي انك رجعتي
ولو فكرتي ترفعيها تاني عرفيني عشان الاقي طريقة أوصلك بيها

كل سنة وانتي طيبة
وانا معاكي في إني مش هاتمني حاجه السنة دي وهاعيشها كده وأشوف هاتجي بإيه

كوني بخير عزيزتي :)

نور الدين (محمد الجيزاوى) يقول...

كل سنة وانت طيبة ميرام
وإن شاء الله ربنا يحققلك كل أمانيكِ

اعمق تحياتى لك
....
نورالدين محمود

blue-wave يقول...

مش متفق معاكى بصرحه
بس كل سنه وانتى بالف خير
ويارب يحققلك امنياتك اللى ماتمنيتيهاش:))

قلم رصاص يقول...

كل سنة وانتي طيبه
وان شاء الله السنة الجديدة تكون سعيدة على الجميع

أبو العريف يقول...

اولا حمدالله عالسلامه

وعودا حميدا غير احمد وميرام

وكل سنه وانت بالف خير

وربنا يحققلك كل الامنيات

اللي انت ما اتمنتيهاش

تحياتي

Soma يقول...

هابي نيو يييير

فكره برضو
بس انا كده علي طول مش بخطط لحاجه وسيباها كده

يمكن لو خططت السنادي يحصل حاجه جديده

يمكن

أبو كريم يقول...

هابى نيو يير أولا

وعجبنى قوى قوى قوى البيتين دول
يقولون حُـبـاً .. فسحقاً لِحُــبْ
هـوى ذات يوم بقلبِ أَحــب ..
أصاب الجراح وهز االضلوع
وألقى اللُبــابة ..في جوف جُب
أسال الدموع وأدمى المآقي ..
ولم يروه ..ظلت الأرض جدب ..
يقولون حُـبـاً .. فسحقاً لِحُــبْ
هـوى ذات يوم بقلبِ أَحــب ..
يقولون في الحب ..وهج الحياة
فأنّـى يميت ويسلب اللب ؟؟
على قيس كان الزمان قسياً ..
وليلاه فوق الرفات تدب ..
ربيعا بعمره اضحى خريف ..
ليسقطْ صريعا سَموماً تهب ..
هو الأحمق الذي خال الفتاة ..
حيـاة وعن محياه لم يذب

تسلم إيدك

~PakKaramu~ يقول...

Happy new year 2010 to you

MǿиY El-Shreef يقول...

ميرااااااااام اخيرا جيتي يابنتي

كل سنه وانتي طيبه وجميله واحلى واحده فينا :)

وحشتيني بجد والله

وحلو النيو لوك ده مع انه يخليكي حزينه شويه بس لايق على الكلام اللي بتكتبيه هنا والله

ابقي ماتغيبيش كتير

a7med-Mado يقول...

أول زيارة للمدونة
حبيت أكتب كومينت هنا فى البوست دة
بجد المدونة تحفة والبوستات هايلة
كل سنة وإنتى طيبة وبخير وتحققى كل أحلامك

 

اسكت يا ابني !!! © 2008. Design By: SkinCorner