الخميس، 9 يونيو 2011

9/6/2011 ........): يوم من عمري









النهرده كان


our photo day



وهو لمن لا يعرفه (:



مش عارفه D:


... يوم كدا بتتصور الدفعه فيه مع بعضها غالبا بنفس التيشيرت



ويحتفلو بقى بالتخرج



المهم



:) انه كان يوم جميل قوي




النهرده كنت ماشية في الكلية بقول معقول مش هصحى والبس واجي هنا



بشوف زمايلي كلهم



ومن جوايا بقول ..معقول مش هشوفكم كل يوم !



احساس جميل قووي والناس كلها بتمضي على التيشيرت



واحساس غريب قوي وانا بمضي



كنت بكتفي باني اكتب اسمي ...



لأني فعلا مش عارفه أكتب حاجة ..!



معقول ممكن تعدي السنين ..



ولو أي حد مسك التيشيرت بتاعو



مايفتكرش مني غير اسمي !




(:



لما رجعت قريت الكلام الي مكنتش عارفه أقرأه لانه على ظهري



حسيت اني عرفت ناس من أول وجديد



في ناس عرفتها من غير ماتكتب اسمها



في ناس كتبتلي أسامي (: مااعرفهاش



واكتشفت أسامي جديدة لنفس الاشخاص



.................



النهرده بس حسيت ان عندي انتماء كبير قوي لدفعتي



رغم ان يمكن ليا صحاب أكتر وأقرب في دفعات سابقة ولاحقة



لكن لا .. الدفعه دي بجد غير



(:



أنا زعلانه قوي ....



قد ماكان نفسي أتخرج .. قد مانفسي قوووي ترجع بيا الأيام تاني




وهشبط فيها قووي ...



مش قادرة اصدق ان 5 سنين من عمري عدت بسرعه كدا !



مش عارفه افكر اني مش هبقى طالبة جامعيه ! وهبقى خريجة اذ فجأة



النهرده كانو بيتريقو ... وهما بيحسبو بتاريخ الميلاد ..

أكبر وأصغر حد في الدفعه ..



وكان طبيعي اني ابقى الاصغر D:




بس ازاي كبرت كدا ..!



مش انا ليا سنة ولا سنتين عشان ابقى في السن الطبيعي



انا عايزاهم بقى دلوقتي :(



...



انا بحب عمارة ..



وبحب دفعتنا قوي ...



دفعه متعاونة ومخلصة بجد ..



رشيت التيشيرت بالبرفيوم المفضل (:



وجنبه وردة كركبة الي فضلت من البوكيه الي اتسرق (:



طبقته في شنطة we r



وفي أعلى رف في دولابي حطيته



وفرحت بجد



عشان قد ماهو مشخبط بكل الألوان



لكن لسه ..



ابيض .. قوي






(:






10 التعليقات:

كــركــبــة دمـــاغ ㋡ يقول...

يا مضبطاني ومزيطاني في كل حته
:D:D:D

كان نفسي اعمل حاجه مختلفة النهاردة ليكي بجد
والورد بجد ده أقل حاجه
وانا قولتلك اني كان المفروض اجيب حاجه عليها الكلام :(

عــ فكرة انا اتبسطت قوي اني كنت معاكي في يوم زي ده
وكنت فرحانه قوي عشانك وكده
بس في نفس الوقت زعلانه جدااااااااااااااااااا من جوايا

هفتقدك جدا والله يا روما
وهتوحشيني بشكل فوق الووووصف

انا عارفه ان احنا ان شاء الله ممكن نتقابل تاني بعد كده

بس برضه انا حاسه ان في حاجه هتبقى ناقصه مني

هفتقد اني اسيب كليتي الحقيرة واجيلك
:D

عارفه انا كنت ببقى مبسوطه قوي وانا بقول للبنات اللي انا بمشي معاهم لا انا هبيعكم النهارده وهروح عند ميرام

صاحبتي اللي في هندسة :):)

عاااااااااااااااااااااااا
بجد انا حاسه احساس مش حلو خالص

مش عارفه ايه السبب يعني لكده
بس حاسه انك هتبقي بعيدة
مش كفايه اصلا ان هندسة بعيده عني
وحاسه ان الحياة هتاخدك وكده
والشغل والحاجات دي :(:(:(

انا مش عارفه اقولك ايه ...
بس انا بحبك ...
وبب اللي يحبك
وبحب الحياة معاكي ...
وبحب هندسة عشانك ...
وعمارة كمان ...
وبحب أصحابك عشان هما أصحابك ...
وبحب حورس .. ههههههههههههه

انا حزين والله
وحسيت اني عاوزة اعيط
:(:(:(

هآجي تاني انا عشان ابعبر عن مشاعيري اللي ما بتخلصش ناحيتك

FAW يقول...

كويس بس إنك حطيتي تعريف للفوتو داي ده في الأول :))

مبروك التخرج . . و . .

welcome to the real world

Unknown يقول...

مبروك يا بشمهندسة ميرام التخرج.
ومبروك أن قد شببت عن الطوق.
.
.
.

ألف مبروك...

أبو العريف يقول...

مبروك التخرج وربنا يوفقك وانت بتبتدي حياه جديده وعالم جديد

وربنا يوفقك وتبقي اجمد معماريه في مصر

بفكر افتح مكتب قريب ومحتاج مدير للمكتب









ربنا يوفقك

Bent Men ElZman Da !! يقول...

الف مبروك يا قمر على التخرج
وربنا يوفقك فى حياتك :))

نيللي علي يقول...

اول مره ادخل مدونتك بجد رائعه
ثانيا هذه هى الحياه تمضى وتلاقى فجاه العمر جرى ولن يتبقى الاذكريات الجميله
بس الذكريات بتنعش حياتك القادمه كل ماتتذكريها
ومبروك التخرج وحياه احلى واحلى يارب

Lyssandra يقول...

ألف مبروك يا ميرو :)
بس دي سنة الحياة يا بنتي
لازم من كل مرحلة نخرج واحنا معانا منها ذكري
ونمشي بحزن واحنا مش مصدقين انها وقفت عند دي
وجوانا أحيانا رفض لمرحلة جاية وخوف
لكن بردووووو بتمشي
وندخل مرحلة جديدة ونتعلق بتفاصيلها
ومانصدقش واحنا خارجين منها اننا واقفين علي عنبة جديدة
وهكذا دواليك :)

هي كده الحياة
باتمنالك حياة جميلة يا بنوتة ودايما مليانه ابتسامات

Lyssa

شمس النهار يقول...

فكرتين بأخر يوم قضيناه في الكلية يوم تحكيم المشاريع

كان يوم غريب ودعنا بعض بالعياط
لدرجة اني قلت لهم هو في ايه مافي ايدينا نشوف بعض تاني
واتفقنا نشوف بعض علي طول
لكن الايام فرقتنا
وفي يوم بعد التخرج ب22سنة اتصلت بيه صديقة ماكناش افترقنا عن بعض زي باقي الدفعة قالت لي ان في زميل من الدفعة اتصل بيها وقال لها ان في حفلة تجمع مع باقي الدفعة في النقابة ودي حفلة كبيرة هنتقابل فيها كلنا بعد 22 سنة
ماقلكيش بقا علي الحفلة واللي حصل فيها الناس اشكلها اتغيرت وناس قابلت بعض بالعياط كان فرح
:)))
وعرفنا قد ايه احنا كبرنا
ومن يومها رجعنا نتقابل تاني في النقابة والصدقات رجعت تاني

موناليزا يقول...

وما اجملها من ذكريات:)
رجعتينى لآخر يوم فى امتحاناتى
كانت مشاعر كتير مختلطة
مابين فرحة بالانجاز ومابين حزن بالفراق
وما بين رغبة فى تحقيق الذات
يااااه

عمرك ما هتنسى اليوم ده على فكرة:)

L.G. يقول...

تدوينة أقل ما يقال عنها أنها مميزة
وحكاية التي شيرت أول مرة أسمع عنها
وأجمل حاجة اسمي مكتوب على التي شيرت اللي في الصورة هههههه

عجبتني الفكرة جدا وإن شاء الله تنتشر والناس كلها مش حتغسل هدومها بتاعة الجامعة

تحياتي تحياتي تحياتي

 

اسكت يا ابني !!! © 2008. Design By: SkinCorner