الأحد، 18 ديسمبر 2011

يا ألف مليون عار

ضربة كلاب الجيش ...


جات فينا مش فيكي ...

أقسم يمين بالله ...

أرواحنا تفديكي


.........................


نازلة وفي النية ...

مستنية شهادة ...

ولأنه كلب خسيس


متداري في بياده


داس الحقير عرضه


والقصه متعاده


ارجوكي ماتبكيش ..


ياحرة عبد الجيش


راكع لأسياده

راضع مرارة وعار


مقدرش يحميكي


ولا راح ياخدلك تار ..


ماضربش صهيوني


ضرب ابن بلده عيار

وقدر يعريكي ...


ياألف مليون عار ..


يا ألف مليون عار


...............


ياعاليه ياحرة ...


بكرة الزمان دوار ...


حقك هيرجعلك ...



بلدك بلاد أحرار ..

وماتسمعيش قولهم


لو قالو ليه نزلت ...


قولي الميدان أرضي ..


وأنا أرجل الثوار


وانت الي متدفي


تحكم على شرفي

تنهش كمان عرضي


ياألف مليون عار

ياألف مليون عار

5 التعليقات:

شمس النهار يقول...

الله الله الله

كلامك يطبطب علي القلب صحيح

ايوة القصة متعاده

تسلم ايدك

ميرام يقول...

شمس النهار
تسلمي
نورتيني

FAW يقول...

أبدعتي كالعادة

تحياتي . . :)

ميرام يقول...

مصطفى
وكالعادة شكرا لمتابعتك
(:

L.G. يقول...

جميل اقول ايه بس
ربنا يفك كربك يا مصر

 

اسكت يا ابني !!! © 2008. Design By: SkinCorner