الأحد، 18 ديسمبر 2011

يا ألف مليون عار

ضربة كلاب الجيش ...


جات فينا مش فيكي ...

أقسم يمين بالله ...

أرواحنا تفديكي


.........................


نازلة وفي النية ...

مستنية شهادة ...

ولأنه كلب خسيس


متداري في بياده


داس الحقير عرضه


والقصه متعاده


ارجوكي ماتبكيش ..


ياحرة عبد الجيش


راكع لأسياده

راضع مرارة وعار


مقدرش يحميكي


ولا راح ياخدلك تار ..


ماضربش صهيوني


ضرب ابن بلده عيار

وقدر يعريكي ...


ياألف مليون عار ..


يا ألف مليون عار


...............


ياعاليه ياحرة ...


بكرة الزمان دوار ...


حقك هيرجعلك ...



بلدك بلاد أحرار ..

وماتسمعيش قولهم


لو قالو ليه نزلت ...


قولي الميدان أرضي ..


وأنا أرجل الثوار


وانت الي متدفي


تحكم على شرفي

تنهش كمان عرضي


ياألف مليون عار

ياألف مليون عار

السبت، 3 ديسمبر 2011






استسلمي ...


كفي عن الحلم ...


دعك من التشبث بحبال واهيه ...


لا أمل ...


لماذا لم استمع لذلك الصوت المدوي داخلي !!!!!!!!!!!!؟


لماذا لم أتوقف ...??


لماذا لم أكف عن الحلم وأنا ادرك جيدا أن الباب موصد باحكام وأني لن أقوى على فتحه


مهما حاولت ...


لماذا اشعر وكأن القدر أخطأ هذه المرة .. وكأني أدرك جيدا أن هذا الخير لي ... فكيف


أبتعد


لا ...


الأقدار لا تخطيء أبدا ...


يااااااارب ...


أخشى أن يخذلني ايماني ... :(


يارب ...


يااااارب لا تعلق قلبي بما ليس لي واجعل لي فيما أحب نصيب

الجمعة، 28 أكتوبر 2011

يااااااااااااااااااااااا رب :(


أتــضور جــوعا للفرحـــة .....

):




ادعولي

السبت، 20 أغسطس 2011

منتوش ولاد العم


أهل العروبه أسووود


مانتوش ولاد العم ...


واما الكلام يتقال ...


والقصد فيه بالذم ...


ب
نقول عليكو يهوود


مانتوش ولاد العم ..


والتار في يوم موعود


بينا وبينكم ..دم ..


بينا وبينكم ...دم








الخميس، 4 أغسطس 2011

كــــن مـــع اللـــه ولا تبــــالي (:






كـــل سنــــة وانــتم طــيبيـــن

رمضان كريم ,,,,,

وبعتذر عن التأخير (:


أخيرا ......(:

I am an Architect

اتخرجججججيت اخيرا .. بتقدير جيد جدا الحمد لله (:


Dear past :

Thank u for all the lessons

:)




...Dear future, I'm


Ready For u =)..

...
..

الثلاثاء، 19 يوليو 2011

وردة ..





أهداها باقة ملونة ..



تبسمت ..



قرأ في عينيها تعجبا فاستدرك موضحا ...


قد لا تبدو الالوان متناسقة ..


لكنها كمشاعري ..


تخبرك الحمراء كم (أحبك) ..


والخضراء كم(أثق بك) ..


تصرخ البيضاء أني (أحتاج اليك)


والصفراء كم (أغار عليك)


تقسم اللافندر البنفسجية أني (اعشقك)


وتغار الوردية من (رقتك)




الجمعة، 15 يوليو 2011

طفلي الأكبر ...






مشروع تخرجي ..



الصورة كبيييييييييييييييرة (:
دا أقل ريزيوليوشن

(: ادعولي الدرجات يوم الاحد
:(



الثلاثاء، 28 يونيو 2011

يعني ايه ..حب ؟





....

_ايه الشياااكة دي ... على فين النهرده ؟




_أصل النهرده عيد ارتباطنا ..




اضحك بشدة وانا اقول .. وهو دا كمان بقى بيتعملّو عيد ....




تلوح بهدية مغلفة في وجهي فيتساقط ال(جليتر) علي




أنفضه عن وجهي....... بسس كفاية




تمد يدها بكتيب أهداها اياه مزين بحروف اسمها واسمه




اقري ... على الله تفهمي .. او تحسي .. (أيهما أسرع)




اقرأ الغلاف أولا ...




(100Reason make me love you)




(100 سبب لكوني أحبك) ....




اقلب الصفحة الأولى ..





اهداء .. الي




أحبك لأنك (أنــا) ولن استطيع الكف عن حب نفسي مهما فعلت بي .......




أبتسم لها .. الله دا بيكتب شعر زيي




تضربني بكتيبها وهي منفعله .. مفيش فايدة ...






((جميل أن يحبك أحدهم ... أجمل بكثير أن يجد فيك 100 سبب لهذا الحب ..)).















.......





ياخبر ... انتي بتتكلمي بجد ؟




والله ياميرام .. بابا طرده وقال لباباه معنديش بنات للجواز واتفضلوا بره ؟؟




كل دا عشان القايمة !




باباه اتدايق جدا ومحمد شافني بعيط كان هيموت قال لهم اهدو




باباه قالو لو مامشيناش دلوقتي بكرة هتندم




بس هو عمل حاجة عمري ماهنسهالو ,,,




مسك الورق وباباه وبابايا بيتخانقو ... وقام ماضي عليه من غير مايقراه ..




وقال لبابا انا عمري ماهتخلى عنها الا لو مت ...




وساعتها أكيد مش هتاخد فلوس مني عشان اتخليت عنها ..





وباباه سكت ...؟






كلنا سكتنا ...







................




_ انا بجد تعبت




ميعرفش امتحاناتي امتى ..




مايعرفش هخلص امتى




مابيسالنيش عملت ايه ذاكرت ايه .. مابحسش بجد بخوفه عليا ..




مابيدخلش في اي تفاصيل تخصني ॥ مابيحاولش.. ومابيدخلنيش في تفاصيله




_ بيحبك ؟




_ لأ .....



بيقول انه بيعشقني !
..................















أنا مش ملزم اتصل بيكي كل شوية



انت مش ملزم تتصل ... أصلا










......










بارك الله لكما وبارك عليكما وجمع بينكما في خير




أهنئهما وأبتسم ... يبدو جذلا .. سعيدا جدا .. تكاد عيناه لا تفارقها ...




اقبلها وأهمس في أذنها .. أنا عرفت ليه مضى القايمة ,,,,




كان واثقا جدا أنه لن يندم ..




كنت أمنيته يا أمنية .. وقد حققها ..




فهنيئا لكما ...














...............................................









ممكن أفهم سبب الرفض ..؟




_لأني رافضة




_ ليه لأ






_عشان ليه آه ؟









........................








انت ازاي بقيت مابتحسش كدا ...










_انتي ازاي بقيتي نكدية كدا ؟




انا نكدية عشان انت مابتحسش




_انا مش بحس من نكدك










_أنا حاسة ان هو بيحبك ...




أنا عارفة ان الحب مش كلام ..











ميرام أنا مش بنت لقطة ...



_!



انتي !!!!



انا زمان كنت واثقه في نفسي .. بس هو وصلني لاني ماشوفش نفسي حلوة زي مالناس بتقول




ولا ذكية زي مالناس شايفة ..




هو اساسا مش شايفني كدا ...



_ امال مكمل معاكي ليه ؟




_ ما هو الوحيد الي هيتحملني .. عشان بيحبني !
















انتي بتعيطي ليه ؟




_ دا حب 6 سنين




_ ما كانش حب




_ والله حب







_ لو كان حب ....كان زمان ال 6 سنين بقو للأبد






_ الحب الحقيقي هو الي بيكمل






_ الحب الحقيقي هو الي عمره مابيكمل














................................







يابنتي .. عايزة افرح بقى ..




هتفرحي يامااما .. هنجح ان شاء الله واتخرج




هتنجحي بس الفرحة يوم فرحك




( غريب أننا الشعب الذي يحصر الفرحة في الزواج )




يسمى يوم العرس ... وعندنا فقط ... نسميه الفرح !!!




_خدي الي بيحبك ماتخديش الي بتحبيه




أجيبها....... ها ..؟




محدش بيحب في الزمن دا يامااما ... يدوب الواحد يقدر يحب نفسه ..




_والله بيحبك ...

أهز رأسي نفيا ....




تتساءل ....يعني ايه ؟

اسألها ذات السؤال ...


وأسألكم ..




يعني ايه ... حب ؟




؟؟؟؟؟؟؟؟؟؟؟؟





الخميس، 9 يونيو 2011

9/6/2011 ........): يوم من عمري









النهرده كان


our photo day



وهو لمن لا يعرفه (:



مش عارفه D:


... يوم كدا بتتصور الدفعه فيه مع بعضها غالبا بنفس التيشيرت



ويحتفلو بقى بالتخرج



المهم



:) انه كان يوم جميل قوي




النهرده كنت ماشية في الكلية بقول معقول مش هصحى والبس واجي هنا



بشوف زمايلي كلهم



ومن جوايا بقول ..معقول مش هشوفكم كل يوم !



احساس جميل قووي والناس كلها بتمضي على التيشيرت



واحساس غريب قوي وانا بمضي



كنت بكتفي باني اكتب اسمي ...



لأني فعلا مش عارفه أكتب حاجة ..!



معقول ممكن تعدي السنين ..



ولو أي حد مسك التيشيرت بتاعو



مايفتكرش مني غير اسمي !




(:



لما رجعت قريت الكلام الي مكنتش عارفه أقرأه لانه على ظهري



حسيت اني عرفت ناس من أول وجديد



في ناس عرفتها من غير ماتكتب اسمها



في ناس كتبتلي أسامي (: مااعرفهاش



واكتشفت أسامي جديدة لنفس الاشخاص



.................



النهرده بس حسيت ان عندي انتماء كبير قوي لدفعتي



رغم ان يمكن ليا صحاب أكتر وأقرب في دفعات سابقة ولاحقة



لكن لا .. الدفعه دي بجد غير



(:



أنا زعلانه قوي ....



قد ماكان نفسي أتخرج .. قد مانفسي قوووي ترجع بيا الأيام تاني




وهشبط فيها قووي ...



مش قادرة اصدق ان 5 سنين من عمري عدت بسرعه كدا !



مش عارفه افكر اني مش هبقى طالبة جامعيه ! وهبقى خريجة اذ فجأة



النهرده كانو بيتريقو ... وهما بيحسبو بتاريخ الميلاد ..

أكبر وأصغر حد في الدفعه ..



وكان طبيعي اني ابقى الاصغر D:




بس ازاي كبرت كدا ..!



مش انا ليا سنة ولا سنتين عشان ابقى في السن الطبيعي



انا عايزاهم بقى دلوقتي :(



...



انا بحب عمارة ..



وبحب دفعتنا قوي ...



دفعه متعاونة ومخلصة بجد ..



رشيت التيشيرت بالبرفيوم المفضل (:



وجنبه وردة كركبة الي فضلت من البوكيه الي اتسرق (:



طبقته في شنطة we r



وفي أعلى رف في دولابي حطيته



وفرحت بجد



عشان قد ماهو مشخبط بكل الألوان



لكن لسه ..



ابيض .. قوي






(:






الأربعاء، 8 يونيو 2011

:(




كان القلب زمان ألماظ ...



وصبح فضة ....



واما الحزن بيملاه كان ...



فورا يتفضّى ...



كان الهم قليل في براح ...



كنت اضحك للناس ترتاح



والقى حجيج ....



علشان تتوضى ...



كان المعدن طيّب جدا ...



لكــن صــدّى

!







.

.

ومن أول الســطر

الثلاثاء، 7 يونيو 2011

لا فـــرق !




يتظاهرون بأنهم قد أحببوني ...



انما لم يفعلوا ...



لا فـــرق ...



كل الأحبة فارقوا ...



سيان عندي الغرب ...



مثل الشرق ...

الأحد، 5 يونيو 2011

....





اقفل بابك على صوت جرحك ..
حاسب .. اياك
يسمع صوته بيصرخ حد سواك
اضحك أكتر .. واظهر فرحك ..
كابر ... اوعاك
شفقة غيرك تبقى عزاك

الثلاثاء، 17 مايو 2011

امبااارح .... كان عمري عشرين




كركبة .... بجد ميرسي

بجد فرحتيني

الأربعاء، 4 مايو 2011

ثرثرة

















صار الرحيل هواية ...



مارستها ॥



في كل ضيق



أمضي أشد الرحل ...



ألتمس الخطى ...



من دون خارطة ...



ولا حتى رفيق



أغفو ,,,,



وتحرقني الحقيقة ...



شمسها تكوي



فأرجو أن أنام ولا أفيق



تجتاحني الظلماء ...



أفتح مقلتي ...



وأظنها قد فرّجت ,,,,,



فاذا بها ...



جدا تضيق ....




من أنت حتى تستبيح مدائني ...

وتعيث في أرضي الفساد

كل المرافيء فاتنات ,,,

صوب شراعك نحوها

ولتبتعد ...

حرّمت من هذي البلاد ,,,













يوما ...

خسرت ممالكي ....

ثم اشتريتك ...

ووددت لو أني سوار في يديك ...

وحلمت لو أني حزام حول خصرك ...

وخلعت تاج ولايتي ...

ألبسته اياك ...

فطردتني من قصرك !






بيني وبينك ....

قد أقمت حوائطا وسدود ...

ورميت بي ...فسألت ...

وأبيت الردود ...

وقتلت كل مشاعري ...

بسذاجة ...

وظللت تصطنع البرود

آالآن جئت لكي تعود ؟؟؟؟

الآن جئت لكي تعود ....

مجددا في الوجيعة ناكئا ...

كل الجروح ...

لا تنتظر مني استباق مشاعري ...

أنت الذي ...

أغرقت فيّ سفينتي ...

فطفى الجسد ,,

من دون روح !



أتخالني ...



سأرش وردا تحت قدميك التي ....

داست على كل الذي بيني وبينك ...

صدق بأني مذ رأيتك ....

لم تذكرني بشيء ...غير دينك ...

من أنت لست أراك ...

ما أحببتني ...



الا بعينك !




ماذا افتقدت ؟؟!

ماعدت أملك اي شيء ....قد وهبتك

كل ما يوما ملكت ॥

حتى عيوني استنفدت دمعاتها

واستهلكت كل المشاعر فيّ

من ثم هلكت

أتحار أني قد عشقتك بكياني ....

وأبيت ذلّك ... فابتعدت !

أنت الذي عذبتني ...

انت الذي ...أبعدتني

أنت الذي يوما من الأيام

ما أحببتني ...

انت الذي أسكنتني ...

قصرا من الأوهام تمطرني ...

ومن ثم ارتعدت !




صارت مشاعرنا...



كماء آسن عفن ركد ...



سميت صوت ملامتي ...



طبع غبي ... أو نكد !



أعجزت كل وسائلي ...أحبطتني




فرأيتني ...



(ديك) على بيض رقد ...






الحب معجزة ,,,



وقد ولى زمان المعجزات ,,,




بيني وبينك ألف ألف وجيعة,...




أنا لم أعد تلك الفتاة












.....
..
.
...









































من وحيها ....
http://www.youtube.com/watch?v=bYkPg4FrO-8

الخميس، 21 أبريل 2011

هشام الجخ - إيزيس - 48 ساعه

السبت، 16 أبريل 2011

عــجــز ...




طليق فؤادي من قيد أسرك
ومازال يعجز عن ذا الحراك ..
أجول بعيني في عين غيرك ..
فتأبى البـصيرة الا تـراك ..
أفكر كـيف لغـيرك أغــدو ...
وكل الرجال سراب عداك ..

...
....


الاثنين، 7 مارس 2011

اللهم اكفينهم بما شئت وكيف شئت ...


السبت، 12 فبراير 2011

ياريّـــس ... خـــايفة عليــك




ياريّــس خــايفة عليك ...


لاتطبّ .. تموت م القهــرة ..


ياريـّـس خـايفة عليك ..


علشان مصر بقت طاهرة ..


وحياتك ..اسند طولك ..


مش انت خلاص هجّــيت .,!


أياديهم مش هتطولك ..


ياريـّس اسند طولــك ..


بيقولوا في ناس هتفولك ..


خليك ياريس عندك ..


والانتربول هيجولك ..(:


ياريّس مد لحافك ..


على قد الكام مليار ,,


لو قدروا يغمضوا عينك ..


الشعب دا فيه أحرار ..


ياريّـس ضحكو عليك ..


وقالولك مصر دي فل ..


عبارة وغرقت عادي ..


دا قدر بيصيب الكل ..


القطر جراله ايه ..


اياك تنزل وتطل ...

.....

ياريس مش مخلوع ..


أنا مت صحيح م الجوع ..


لكنك عندي اله ..


ارزقني وقت تشاء ..


واقطعني وقت تشاء ..


واحبسني وقت تشاء ..


والدوله بحالها عشانك ..


تفضل تحت الانشاء ..


والرايح ماله رجوع ..


أنا تابع ليك ياريس ..


وانت أكيد المتبوع ...


ياريس مش مخلوووع


ياريس مش مخلوووع


ياريّـس ياما مساكن ..


اتهدت فوق الناس ..


لكن دي شهادة باطل ..


ان انت مكنتش ساكن ..


واديت للناس ايواء ..


.....

اديني اديك راح ابوسها ...


والناس الي هتعصاك ..


عربيت الشرطة تدوسها ..


اديني اديك راح ابوسها


ونموت وتعيش ياريس


الشعب دا أصله كويس ..


ولا عمره هينسى جمايــلك ..


اسفين والله ياريس ..


مش قادرين ننسى عمايلك ..

 

اسكت يا ابني !!! © 2008. Design By: SkinCorner