السبت، 16 يونيو 2012

صوتي لشفيق


لأنك عزيزي ...


مرشح رئاسي ..

انا مش هطبطب


وادلع واواسي

هرشح سيادتك ...

هشجع قيادتك

بكامل حواسي ..

.......

رئيسي العزيز

سيادة الفريق 

بسلّم .. جنابك

عليك العواف ..

ولاجل انتخابك ..

نغير حسابك ..

ولا حد سمعك ..

ولا حد شاف 

وحقك علينا ..رمينا الجزم ..

هنرجع نشيلك على دي الكتاف

نرقي عكاشة ..نقولك ياباشا 

تنادينا حاف ..

نحرر لجامك

ننصب مقامك

ونركع ..نخاف ..

ونزرع ماتطرح ..

ونجمع ف تطرح ..

ونرجع نعايش سنين العجاف


....
عزيزي الفريق ..

رئيسي البطيء ..

في الكلام والعلام واستيعاب الجمل ..

يامطلب شعوب...

ياوديع كالحمل 

ياباعت خيول رقص يوم الجمل ...

شعارك كلام..ايه !! ا

دا وقت العمل !!

بشوفك تضلم شعاع الامل 

تكفن طموحنا تجيبله الشلل

تشيل الآيات .. تغير ملل

تبور اراضي .. تزود علل

........

عزيزي الفريق ..

ببنبونة منك ..

لأني أهمك

هغمس صباعي في دم الشهيد


واقول لام مينا .. ياستي ارحمينا 


وياااا أم خالد ..فضو الموالد 


هلون صباعي ..

واغسل اثاره في بحر الغريق


هينح شفيق ..!!!


نموت في سفينته 


ونولع في قطره ..


ولو حد ضايع 


هنبعت بقطره ..ندور عليه


في وسط السجون

وبين المعاقل 

لان الفريق...


شخص حازم وعاقل


و(حسني) مثاله ...


في حسم المسائل

هنرجع نموت ..

ولا حد سائل

!
 

اسكت يا ابني !!! © 2008. Design By: SkinCorner