الاثنين، 24 نوفمبر، 2008

وهحلم ليــــــه !!!؟


وهحلم ليه ..!؟
طالاما العمر بيعدي ..
وأحلامي مهيش قدي ..
وهحلم ليه ..!؟
وليه من تاني هتحير ..
مفيش حاجه بتتغير ..
وكل ما اقابل الدنيا ..
ألاقيها بتتدير ..
وهحلم ليه ..
لو الأيام معانداني ..
ولا في يد سانداني ..
وجرح الناس بدأ يقدر ..
يموت فيا إنساني..
وهحلم ليه..!؟
وايه هيجدّ في سنيني ..
تمرّ تمر وأعمرّ
ويبقى الحزن ماليني ..
):


34 التعليقات:

lyssandra يقول...

تحلمي يا ستي علشان تقدري تواصلي حياتك

تحلمي علشان يمكن يوم تقدري تحققي حلم من أحلامك
ولو حلم واحد بس

تحلمي علشان ما تيأسيش من رحمة ربنا

تحلمي علشان

.
.
.
.

علشان نفسك

ماتخسريهاش


أحياناً نصنع الأحلام
وأحياناً تصنعنا أحلامنا

فبلاش تتخلي عنها

-----

كل التحية

Lyssandra

hager za3bal يقول...

اول مره ادخل فيها مدونتك بس بجد عجبتني جدا
كلامك حساس اوي واحساسك وصل بس احساسك صعب.. اقولك.. حاولي تخرجي ماللي انتي فيه بلاش تحلمي علي قدك لا احلمي وعاندي وحققي
كابري وخلي عندك اراده وان شاء الله هتعوضي حاجات كتير..

بس فعلا كلمات اكتر من رائعه..

دمتي مبدعه

تحياتي

:)

دينا حامد يقول...

كلامك المرة دي خلاني ابكي على فكرة
على راي محمد منير لو بطلنا نحلم نموت
احلمي الاحلام ببلاش حتى لو الاحلام صعبه جدا وبتبان مستحيله على الاقل الحلم هيفرحك ولو ثواني
وصدقيني طول ماالحلم من القلب وهنعمل المستحيل علشانه هيتحقق مهما طال الزمن

ياريت ماتتاخريش قوي كدة في التدوين
منتظرة جديدك

تحياتي

wanna b a physician يقول...

لا اله الا الله ايه الجو ده هى مش ناقصة لا انا هاحلم بقا احسن عندى امتحان ومش ناقصة لو مش حلمت انه هيعدى تبقى يا سلام ليله فل

تحياتى

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

فارس بلا جواد يقول...

نحلم لأننا من خلال الأحلام نصنع لأنفسنا دنيا عجزنا عن تحقيقها علي أرض الواقع
لا تستكثري علي نفسك الأحلام فقد صارت هي المتنفس الوحيد لأرواحنا
دمتي بكل الود

ميرام يقول...

أحيانا نصنع الأحلام ..
وأحيانا تصنعنا
...

ليساندرا ..
عذبة كلماتك .. بقدر عذوبة مرورك
أنتظرك دوما
تحيـــــــــاتي

ميرام يقول...

هاجر زعبل ..

شكرا لثنائك ...
نورتي مدونتي ...
كل ودي
تحيـــــــــــاتي

ميرام يقول...

دينا حامد ..
بفرح بمتابعتك وردودك ...

ومش هتأخر في التدوين ؛..
طلباتك أوامر ...
(:

ميرام يقول...

wanna b a physician
هههههههه
طيب احلمي ...(:
ابقي طمنينا عليكي عملتي ايه (:
شكرا لمرورك
تحيـــــــــاتي

ميرام يقول...

فارس بلا جواد يقول...
محق أنت ...
ربما ...
لكن أحيانا يكون متنفسنا الوحيد .. هو أكثر مايضيق الخناق على أرواحنا ..

أشكر مرورك ومتابعتك
دمت بود
تحيــــــــــاتي

... amr يقول...

طب و لية ميكونشي عندك تفاؤل و ثقة في الله عز و جل :)

ســـــــهــــــــــر يقول...

لما احلامك تنادى
و انت ما لبيت ابقى لبيلها النِـدا
لو دا يومك مُر / عادى
بكره يتحلى برضا
*****************************

حبيبتى ميرام
وحشنى اقرالك شعر يلمسنى

momken يقول...

عارفه تحلمى ليه

هضربلك مثل


انتى تعرفى ان الاعمى مش بيكون اعمى فى الحلم

يعنى الاعمى بيشوف فى الحلم

انا بستغرب طب بيصحى ليه؟؟؟؟

تخيلى الاعمى بيشوف فى حلمه ومفروض ميصحاش

يبقى الى احنا مفروض نتمنى نحلم
لان الحلم ديما ارض خصبه بتخطفنا من صحراء الواقع

البوست جميل

وكل كلامك فيه حقيقى
الا ان الحلم هو تلك النافذه التى نتطل منها على شوارع الامل

تحياتى

☼♫♪ عمــاد الدين يــوسف ☼♫♪ يقول...

نحلم علشان نحاول نغير ، نحلم علشان لو محلمناش نموت احياء افضل ، نحلم لان الحلم مشروع مستقبل

تحياتي

أحمد سلامــة يقول...

:)
احلمي عشان شاعرة
متمكنة

جميل قوي
حتى في لون الحزن

alshared يقول...

لابد للحلم كي يكون الأنسان
لابد للحلم فوحده الحلم قارب نجاه
في بحر هائج
من النسيان

وما يفيد النسيان؟

.......................

مصافحة أولي لحرفك

دمتي بكل الود

ايمان العرفاوي يقول...

ميرام معلش اتاخرت عليكى يافنانة بس اعذرينى
كل سنة وانتى طيبة ومبدعه
كلامك رائع برغم حزنه بس بيعبر عنى
ديما بلاقى عندك اللى يسعدنى

عازفة الأوتار يقول...

وجرح الناس بدأ يقدر ..
يموت فيا إنساني..
وهحلم ليه..!؟

***


كلماتك قريبة اوى
بالذات الحتة دى


تصدقى ان فعلا الجراح كتير بتقتل الإنسان اللى جوانا
بيتغير
كلح اجة فيه بتتبدل
ملامحه مش بتبقى هى

يلا حقول ايه ولا ايه

تسلم ايدك يا قمر
بجد كلامك حلو اوى

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

ميرام يقول...

amr
أكيد الثقة بالله موجودة ..
والتفاؤل كمان ..
مرورك أسعدني
تقبل تحياتي

ميرام يقول...

سهر ..
بجد نورتيني ..
بانتظارك دايما ..

ميرام يقول...

ممكن ...
الا ان الحلم هو تلك النافذه التى نتطل منها على شوارع الامل
كلام جميل فعلا ....
شكرا لمرورك
تحيـــــــــــــاتي

ميرام يقول...

عماد الدين يوسف
شكرا لمرورك ..,وتعليقك ..
تحيـــــــــــــــــاتي

ميرام يقول...

أحمد سلامه ..
شكرا على مجاملتك ..
خالص تحيـــــــــاتي

ميرام يقول...

الشارد ..
شكرا لمرورك ..
آمل الا يكون الأخير

ميرام يقول...

ايمان العرفاوي ..
دايما بسعد بوجودك حتى لو متأخرة ..
منوراني دايما ..
كل تحيــــــــــاتي

ميرام يقول...

عازفه الأوتار ..
ردك أخجلني ..
أشكرك على مجاملتك.
سعدت بمرورك ...

kochia يقول...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

عصفورة من الشرق يقول...

كل سنة وانتى طيبه يا ميرام
عيد سعيد

ميرام يقول...

kochia
كل سنة وانتي طيبه

ميرام يقول...

عصفورة من الشرق
ميرسي ليكي ياجميلة
وانتي طيبة
وعيد سعيد علينا وعليكي

Raghda Rashad يقول...

هتحلم عشان لما تقومى من النوم

يبقى عندك حاجة تفتكريها و تحكيها

و اما تكونى فى المواصلات تغمضى عنيكى و تحلمى و انتى صايحة باللى مش لاقياه فى الدنيا

و بتحلمى عشان لما تسمعى حاجة فى الراديو...او ىغنية تتخيلى المشاهد
لانك بتقدرى تالفى و تلونى و ترسمى فى خيالك

و عشان تشوفى الناس اللى بتحبيهم و قادرة تلاقيهم ادامك

احلمى يا بنتى و لا يهمك

ف ميت مليون سبب يخلوكى تحلمى

mohamed يقول...

جميل قوى النص اللى قريته تسلمي
على قد مهو مؤثر على قد ما اسعدني بأن هندسة القاهرة لسه فيها شعر

تحياتى
محمد نـدا

 

اسكت يا ابني !!! © 2008. Design By: SkinCorner