ماشيـة في وسط شـوارع بلدي ...
بسأل ليه الهيصة واللمـــة ..؟
رفعوا الأسعار تاني أكيد ...
لأ مش مممكن ....!
رفعوا الأسعار تاني أكيد ...
لأ مش مممكن ....!
أصل وشوش الناس مش غامة ..
أمال ايه ؟؟؟
يمكن بطلو رش الأرض ..
بالمبيدات الحارقة السامة ...
ولا يكونوا بيفرقوا حاجة ...
عيش .. لأ لحمـــة ..
عيش .. لأ لحمـــة ..
لأأ مش شامّــة .....,
أمال ايه ...؟؟؟؟؟
ايه الي يفرح شعب بحاله ..
يبقى الريس عنا اتخلى ..
زادت حيرتي وانا مش ناقصة ..
انتي يابنتي ...
طب انت .. استنى ...
وقولي حقيقي ...
ليه الهيصة واللمــة ...
...........................
قال منتيش في الدنيا أكيد ..
دا اسمو كلام ده سؤال بالذمة ...
مصر خلاص قبت عالدنيا ..
وأخيرا لينا شنة ورنة ..
أصل ولاد مصر المحروسة ..
رفعو الراية بفضل الهمة ...
.........................
أصل ولاد مصر المحروسة ..
رفعو الراية بفضل الهمة ...
.........................
قلت بجد ...!!!!!!!!!
يحيا شباب مصر المحروسة ..
كنت انا حاسة ..
غزة أكيد ماتهونش علينا ..
اه ده انا سوســـة (:
مالك بتبصلي كده ليه ...!؟
لأ ماتقولش ...
لأ ماتقولش ...
راحو بغداد...؟
عدّو بلاد ...؟؟!!
نعملها .. (:
نعملها .. (:
احنا شبابنا مش مغشوشة ...
مايغركش الجينز الساقط ..
ولا أغانينا الهابطة الهايفة ...
ولا حتى الي نكشوا الشوشة ..
يحيــا شباب مصر المحروسة ..
ليه بتشاور كده بايدك ..
ولا تكون بتهش نموسة ..
رايح فين ..بس استنى ...
وقولي حقيقي ...
ليه الهيصة وليه اللمـــة ..
.............................
شكلك والله مابتفهمشي ..
زي مالناس كده ماشية بتمشي ..
مش عارف طب قول مش عارف ..
روح والهي تنااام ..ماتقومشي ..(:
............................
............................
فرحة قلبي ماهيش سايعاني ..
أيوة صحيح مش عارفة في ايه ..
مصر الي علطول بتعاني ...
قاعدة تهيص ...
يبقى ههيص ...
يبقى ههيص ...
وأما هشوف حراسات الأمن ..
بدري هفيص ...
هي مظاهرة ...؟ لأ مش باين
واضح انها حاجة مشروعه ..
مالها الست دي ليه مسروعه ...؟!
....................
طنط ياطنط .....
حتى انتي واقفة وبتهاتي ...!!
قاعدة بتهتفي باسم بلادي ..
احنا عملنا ايه مش عادي ...
ايه بتقولي ....؟؟؟
نظارتك بتقولي مكسورة ....!؟؟؟؟!!
احنــا كسبنا في ماتش الكورة
!!!!!!!!!!!!!!!
!!!!!!!!!!!!!!!
طب مبروك ...
طول مالشعب سعيد مبسوط
يبقى أكيد والله مستورة ...
كسبو الكورة ...
طول عمرنا ناسيين الأصل ..
وطول عمرنا ماسكين في الصورة
كسبو الكورة ...!!
كسبو الكورة ...!!
مصر يامصر ..يابلدي حبيبتي ..
بدعيلك ...علطول منصورة ...
...................
..
..
..
...................
..
..
..
36 التعليقات:
وااااااااااااااااو
جميل اوي ولايق علي المووود اووووي
تسلم ايديكي :)
مبروووووووووووووووووك لمصر :)))
أول تعلييييييييق ونقول
ألف ألف ألف مبرووووووك لمصر
الحمدلله ربنا كرمنا
ويارب يتكلل المجهود ده بفوزنا في
المباراة الفاصلة الأربعاء القادم
باستاد دربان بالسودان.. ياااااااارب
ان شاء الله
وفي الاخر بقول : ازيك يابشمهندسه
وان شاء الله هنصعد هنصعد
ههههههههههههه
بس ايه القصيدة الرائعة دي .. حضرتك
كنتي مجهزة نفسك بقى
في حفظ الله
حلوة الكلمات
فى الفصحى اقوى بكتير
بس التعبير قوى وجميل
تحياتى
شاب فقرى
انا مابحبش الكوره
بس فرحان جدا لمصر
علشان داقت طعم النصر
حتى ان كان فى ماتش الكوره
اخيرا شفت بلادى
رافعه رايه سعيده منصوره
تحيه لاسعه
كلام فيه تريقه علينا
بس جامد:))
ههههههههههههههههههههههه
طب و تزعلي الناس الفرحانة ليه ...
اعتبريها نكتة اتقالت وسط جو خنقة ضحكتك
اعتبريها كلمة شكر اتقالت بعد هم و تعب و مشاكل ...
اعتبريها اي حاجة المهم ان الناس علي كل تعبها و شقاها ...
نامت فرحانة اهو من نفسها حتي و لو كان السبب ماتش كورة
ايه الابداع ده
جميييييييييييل
مبروووووووووووك يا ميرا
وأتكلم يا أبني
عاوز اعرف بس بتجيبى الكلام الجميل دا منين
ب اعرفى اننا محتاجين نفرح قوى قوى
الشعب بتاعنا طيب
كل شئ باذن الله هيتعدل
وتبقى بلدنا اجمل بلد
وبرضه بالشباب
كله باذن الله
جميلة جدا
احلى حاجة فيها (طبعا ككقصيدة ادبية جميلة جدا فى التصوير وعاميتها اللذيذة)
من حيث المشاعر أنها صلحت بين الحالتين اللى شفتهم رد فعل بعد المتش
الحالة الأولى:الناس اللى فرحانة قوى قوى قوى قوى كأن المتش دا فيه حل كل مشاكل مصر لقيام الساعة
الحالة التانية: اللى بيقولوا لأصحاب الحالة الأولى "جتكم خيبة" فرق إيه فوز كورة عن سجارة بانجو؟؟؟ الأتنين ليهم نفس النتيجة عليكم والأوضاع كما هى...
جميله بجد
ودمها خفيف
بس تفتكرى لو بطلوا رش مبيدات والاحوال اتصلحت هنفرح نص فرحتنا امبارح؟
لا اظن
لا اعتقد
ماافتكرش
(:
جزاكم الله خيرا و الله عبرت عما حدث بطريقة بديعة و ساخرة ليتنا نتعظ منها :)
هاجر زعبل
نوووورتي
(:
وجودك ببيفرحني ...
مبرووك (:
ل... مصـــر (: وماله
قلم رصاص
(:
لأ للأسف مش أول تعليق
باسم مصر هرد واقول الله يبارك فيك
....
مكنتش مجهزة نفسي ..
عشان الصراحة المطلقة المدقعة ..(:
القصيدة دي قدييييييمة ..
من ساعة متش مصر والكوديفوار (: (:
بس الحدث تقريبا هو هو ..
شكرا ليك
شاب فقري
(:
مش حاسه الكلام ده يتقال فصحى
حاساه لازم يتقال زي مابيتشاف وزي مابيتسمع
(:
سعيدة انه عجبك
سبب ايه ..!
بجد مش فاهمة ..
في جميع الأحوال
نورت (:
لاسع أفندي
(:
مهي دي الكارثة (:
اليوم الي نرفع فيه العلم
يبقى على متش كورة (:
(: أنا بردو سعيدة
شكرا ليك
blue-wave
تريقة على مين
(:
حاشا وكلا
نورت (:
يوسف
(:
معتبراها كده (:
بس كل الفكرة اني بحس اننا بنضخم قوي النصر الكروي..
انا هضحك ..
عشان هي بجد نكتة (:
نورتنا
ميمي
(:
الله يبارك في عمرك
نورتي نورتي نورتي
(:
وبجد اعذريني على التقصير في التواصل ):
والله مطحونة ):
رومنسي
حلوة الايجابية دي ..
بجد مش بهزر
ربنا يكرمنا
نورت
كاندي
(:
الجميل وجودك
ياترى مع أي حالة من الاتنين ؟
عاشقة الرومانسية
ههههههههه
(:
تصدقي ده الكومنت الي لازم يتبروز ويتعلق
(:
لأ
لأ
للأسف لأ ..
عشان كده خلينا نتبسط بالكورة (:
البيروني
جزانا واياكم
شكرا لمرورك
(:
انا اولا بنصح نفسي انى مدخلش المداونه دى تانى
اصلي بصراحه قريت فيها كلماااااات كتير جميله اوى
سيبك من بوست النهارده
انما انتى ياميرام بجد
شاعره قلمها دايما نابض بجمال الكلمات
ربنا يارب يزيدك
ومبروك لمصر
السلام عليكم
هههههههههههههه
جميل قوي يا ميرام
دمت مبدعة ، (وخليكي في الزجل أحسن؟)
تقبلي مروري وإعجابي
كلام جميل قوي
ودمه خفيف
تسلم ايدك
وعودا حميدا
نسيت اقول
مبررررررررروك
وعقبال يو الاربع
لاتشتاق
وجملة من المتناقضات
(:
مش هتزوري المدونة عشان فيها كلام كويس ولا العكس (: (:
وسيبك من بوست النهرده ..
ده استثناء يعني انه خارج نطاق الكلام اللي سبقه (: (: (:
ههههههههه
بجد الكلام ليه أكتر من معنى (:
بس أنا بانتظار تشريفك دايما (:
تحيتي
هيثم مكارم (:
نورت المدونة
شكرا ليك
(:
هخليني
...
أبو العريف
(:
شكرا شكرا شكرا
وبعتذر بجد بس انا متابعة
سعيدة بمرورك
تحيـــاتي
هية كانت كورة بس قلبت حرب حقيقية بيت بلدين
وربنا يستر
النص رائع
بس كفايه عاميه الموضوع زاد عن حده
علي رأي اشرف توفيق : مبسوطة يامصر :)
تسلم ايدك
صدى الصمت
(:
ربنا يستر
نورتيني
قيصر سابقا
مبسوطة جدا
(:
أسعدني تواجدك
غير معرف
شكرا
(:
اسعدني مرورك
رائعة جدا
خاصة و اني مع كل هؤلاء الذين خرجوا في شوارع مصر المحروسة يتعلقون بأهداب فرحة لنصر حتى لم يكتمل
احييك على هكذا موهبة
ابقى سالمة .. الان .. و فيما بعد .. و فيما بينهما
إرسال تعليق