السبت، 2 أكتوبر 2010

الشـــــعب المـــصري ...

الشعب المصري ..
الشعب العصري ..
الشعب الحصري
الي مايتعاادش..
الشعب المصري ..
الشعب الحشري ..
الشعب الكشري ..
الشعب العشري ..
اللي مايتفاتش ..


الشعب المصري ..
أبو مليون مبدأ ..
من بكره راح ابدأ..
بكره مابيجيش ...!
الشعب الفاضي ..
الشعب الراضي ..
بالملح وعيش ..!
أبو دم خفيف ..
الي مفيش فيه ..
حد ما يفتيـش (:

الشعب المنجز ..
يعني اخلص وانجز ..
وافكس هتعيــش !
الشعب المصري
يعني اؤمر حاضر
ربنا عالقادر ..
ماتخادش محاضر ..

يعني مترغيــش .. (:



الشعب المصري ..
يعني تامر حسني ..
غني ورقصني ...
يعني عماد متعب ..
في الكورة هنتعب ..
وف وقت الجد
أبدا مانجيش ...!!
الشعب المصري ..
يعني احسن جيــــش !!



الشعب المصري ..


الشعب الرائع ..

الشعب الجائع ..

الشعب الطاير

من غير ريش !


الشاب التايه ..

بيلم عزاله يروح

مايجيــــش ...!


الحاج المصري ..

بالسبحة في جامع ..

من بكرة نشوفه

طلع في أفيــش ..


الشعب الساكــن

الشعب الراكــن ..

في محطة خـــاف ,,

تسلم وتعيــــش ...


الشعب الهادي ..
الشعب العادي ..
فكرته لو ظهرت ماتعدَيش ..
الشعب الناسي ..
الشعب الماشي ,,
في طريق مسدود ونهايته مفيــش ..
الشعب الطيب ..
ولحقه مسيَب ..
مع انه في غابه مبتهدَيش ..
الشعب المصري ..
يعني ابو الهـــول ..
واقف مذهوول ..
رمز حضارات ..
رايحة مابتجيش ...
الشعب الي هيدخل ينقدني ,,
ويقولي محاسن مصر كتيرة
وماتعدَييييييش
كفاياكي سلبية ..
دنيانا وردية ..
انتي المعميَــة ..
اللي ماشوفتيــــش !






33 التعليقات:

كــركــبــة دمـــاغ ㋡ يقول...

انتي ليكي في السياسه يا بنت !!!

من امتى يا هااااااااانم

ومن ورايا كماااااان

احم

عشان ما اتضربش ندخل في المفيد بقى

بصي بجد انتي وصفتينا

وهو ده الواقع وده احنا

بالوحش قبل الحلو

احنا شعب بيحب يفتي في كل حاجه فعلاً
اي سؤال تلاقي الف رد بمليون شكل مختلف عن بعضه

تامر حسني ده حبيب البنات كلها .. على ايه يختي مش عارفه ههههههههه

والاهلاويه هيزعلو منك كده جايبه سيرة عماد متعب ليه هههههه


بصي انا لو فضلت اعلق على حته حته من كلامك مش هخلص

وكما هتأخر وهتجيلك كومنتات ومش هبقى رقم 1

وده ضد مبادئ الشعب المصري التافهه هههههههههههههه

حلو يا ميرام

بجد حلو ومضبوط

ده احنااااااا

اتمنى حالنا يتحسن ويبقى احسن

وهآجي تاني ان شاء الله اكمل رغي عشان اكسر قاعده يعني مترغيش :-d

فنانه ومبدعه من يومك

adel يقول...

ولا نقد ولا غيره
تمام قوي
هو احنا هنتوه عن بعض
مش كلنا مصاروه :)

ميرام يقول...

كركبة
ههههه
ابدا يابيه (: هو انا اقدر
احنا كلنا على باب الله (:
بس انا اتلخبطت ..
حلو ولا مظبوط ...؟
ههههههههههه
يافندم البيت بيتك والبلوج بلوجك
والرغي مبينتهيش طول ماحنا عايشين
مستنياكي ياكوكي (:
ربنا يخليكي ليا يارافعه معنوياتي
بكره هشوفك ان شااااااااء الله
بس اعمل اي حاجة في الديزاين
(:

ميرام يقول...

عادل
(:
طب الحمد لله
اه طبعا كلنا مصاروة (:
وانا مصري وابويا مصري
ومصر هيا أمي
وماشربتش من نيلها وكل الكلام ده

سعيدة بمرورك كالعادة
تحيتي

iـــــــــــsــــــــــlــــــــــــaـــــــــm يقول...

مهو الشعب محتاج اللى يعلمه

يا ترى فى حكومه بتعلم حد حاجه

خشى المستشفيات الحكوميه هتتعلمى الاهمال

خشى المدارس الحكوميه هتتعلمى الغباء

خشى المصالح الحكوميه هتتعلمى الرشوه

خشى اى حاجه حكوميه هتتعلمى حاجات كتيره مفيهمش حاجه صح

يبقى عايزه الشعب يكون ايه

تحياتى ليكى

ميرام يقول...

(:
معاك حق
شكرا لمرورك

florieda يقول...

والله تقريبا معظم الكلام عندك حق فيه
بس مش شايفة انك متحاملة على الشعب المصرى شوية

والله احنا أغلب من الغلب
والصفات دة موجودة ف شعوب تانية
بس يمكن احنا مش شايفين غير نفسنا

ساسو يقول...

ايه الجمال دا كله
بجد اسلوبك جميل جدا
ودمك خفيف جدا جدا
ومدونتك زي العسل

غير معرف يقول...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى www.ouregypt.us

محمود(باحث عن حب) يقول...

السلام عليكم
جميله الكلمات
اول زياره ليا
مدونه جميله
ورائعه
تنفع اغنيه
حلوة بجد
الى الامام دوما

أحــوال الهـوي يقول...

تعرفي حاولت اكتب في السياسه لقتني دمي تقيل
لكنك فعلا حللتي الشعب المصري بكل خفة دم و تمكن و ايضا بلسان لاذع و تهجم

نقد موضوعي لحال الشعب الجميل المتناقض في تصرفاته و اتجاهاته

احسنت و ابدعتي في انسيابية كلماتك و جمالها

شاعرة متمكنه حقا

تحياتي

محمد التركى يقول...

السلامو عليكم

ميرام

مدونتك رائعه بجد
جميله جدا

أولا بشكرك على زيارتك لمدونتى المتواضعه

ثانيآ بحيكى على البوست الجامد جدا
أنتى لخصتى ميت حال وحال لملايين الناس

أنا سعيد جدا بزيارتك ليا
وسعيد اكتر بزيارتى لمدونتك الجميله
أنا هبقى اجى كتير متزهقيش منى بقى

تحياتى لشخصك لطيب ولقلبك الاطيب

محمـــد التركـــى

الفقيرة إلى الله أم البنات يقول...

ميرام
مش مصر بس اللى انت كاتبه عنها
الشعوب العربيه كلها كده
وطبعا انا قريت فى احد المدونات انك مش مصريه
يبقى صعب تحكمى علينا حتى لو عايشه فى وسطنا
لانى لما بسافر بلد مش بلدى مش بحس باحاسيس اهلها
ولا اسباب اللى خليتهم كده
الشعب المصرى اغلب من الغلب
والمطحون والمسروق والمنهوب والمضحوك عليه
واللى للأسف اخواته واهله ودمه من العرب والمسلمين
بيشمتوا فيه وبيشتموه ويفردوا مدونات للسب
ممكن مش تنشرى التعليق وممكن تنشريه
بس انا حابه ااقلك تقدرى تقولى لى بلدك ايه؟ علشان ااقولك عيوبكم ايه
محدش يا ابنتى خالص وسليم ومظبوط ميه فى الميه
تحياتى أم البنات مصريه وفخورة بانها مصريه
لاننا محدش فى طيبتنا ولا تسامحنا

ميرام يقول...

فلوريدا
(:

أكيد
واحنا فعلا شعب جميل حتى لو كان فينا كل الصفات دي (:
نورتيني

ميرام يقول...

ساسو
تسلم عيونك الي شافت المدونة حلوة
ميرسي ياجميلة

ميرام يقول...

محمود الباحث عن الحب !
شكرا ليك
وسعيدة بتواجدك الاول
اتمنى تكراره
تحيتي

ميرام يقول...

أحوال الهوى
شهادة اعتز بها (:
لا يسعني الا القول انه بعض مالديكم
شكرا لك

ميرام يقول...

محمد التركي
شكرا ليك
مرورك اسعدني

ميرام يقول...

الفقيرة الى الله ام البنات
(:
هي المدونات بتكتب عني ههههههه
لا انا مصرية من الصميم كمان
(:
ومصر هي امي وانا مصري وابويا مصري
وكل الكلام ده (:
مين بس الي أشاع الاشاعه دي عني !
دي اشاعه مغرضه ههههههه
طب ده انا حتى كل مدونتي بالعامية المصرية
(:
بجد تعليقك استغربته جدااا
وخلاني ارد رغم ان انا مشغولة في مشروع

معاكي طبعا اكيد كل البلاد فيها صفات سيئه
واكيد قد مافينا صفات مش حلوة ففينا صفات مش هتبقى في حد
واولها الطيبة وخفة الدم وجمال الروح
الشعر وصف ساخر وان كان مبالغ فهي حاجات فينا ,..

انا سعيدة بوجودك هنا بعيدا عن اي شيء
(:
بجد مش مجامله
نورتيني
و
تحيتي (:

TIMMY !! يقول...

مش عارف صراحة هو مدح و لا ذم و لا إيه بالظبط ؟؟
بس السلبية في الشعب المصري أصيلة متأصلة و أصلية
و يمكن دي الحاجة الوحيدة التي احتفظنا بها من ميراث الفراعنة !!

eng_semsem يقول...

صحيح هي ده مصر دلوقتي بس مكره هتتغير بينا ومهما كانت الحقيقه مره احنا هنحليها بايدينا دمك خفيف وكلامك ظريف يبقى انت اكيد مصريه

جايدا العزيزي يقول...

ميرام

ايه الروعه دى يابنتى

بجد وصفك اكثر من رائع

سعيده بزيارتك وساتابع

اشكرك

تحياتى

أبو العريف يقول...

ازيك يا ميرام

اخبار عماره اييه

وحشتني مدونتك



الشعب المصري
الشعب الكشري


بصراحه التشبيه ده او نقدر نقول الجمله دي جمله ملهاش حل


فعلا شعب كشري يعني خلطبيطه

خلطبيطه ف كل حاجه

اي حاجه مع اي حاجه تطلعلك الشعب المصري

قصيده جامده

بس الدقه جات زياده حبتين


واحد كماله بقي لو سمحتي


تحياتي

يوميات شحات يقول...

شكرا يا باشا

كلام فارغ يقول...

http://khayeff.blogspot.com/2010/03/blog-post.html

كلام فارغ يقول...

!!!!!!!!!!!!!!!!!!!!!!!!!

ميرام يقول...

timmy
(: وصلت
شكرا لمرورك
تحيتي

غير معرف يقول...

ازيك يا مرام انا محمد محروس من القاهرة
انا بعمل امسيات فى الحزب الناصرى فلو ممكن تيجى عشان نعمل امسية معاكى
دة تليفونى
0113441713
0175920399
ودة الاكونت بتاعى على الفيس بوك
http://www.facebook.com/home.php?#!/

ميرام يقول...

eng semsem
(:
ان شاء الله بكرة احسن
جميل التفاؤل
تحيتي

ميرام يقول...

جايدا العزيزي
الله
اسمك حلو (:

ميرسي ياجميلة
(:
نورتيني ومستنية الاسم الجميل ده تاني وتالت وعلطول

ميرام يقول...

أبو العريف
(:
الحمد لله
وعمارة ):
الحمد لله برضه

أنا عايزة أقول بس ان اكتر جملة عجبتك
صادف انك قرأتها بشكل مختلف
وان انا قصدت الكشري بكسر الكاف (: (:
وهي من فعل يكشر تكشيرا شديدا
هههههههه

سعيدة برضة انها جابت المعنى التاني
وانها عجبتك
أسعدني مرورك كالعادة
تحيتي

ميرام يقول...

يوميات شحات
!
عفوا ..

ميرام يقول...

محمد محروس
بجد بعتذر لاني مشغوللة جدا دراسيا
تشرفت جدا بدعوة حضرتك
شكرا لك

ميــــرام (:

 

اسكت يا ابني !!! © 2008. Design By: SkinCorner