الخميس، 25 نوفمبر، 2010

....


ومادالك أنا كفي ,,


متقريش الخطوط ديا


شوفيلي حاجات ..مهيش ليا


أبوس ايدك ,,,


انا برقص


على الحبل الي متدكك


انا عارفة الطريق مسدود


لكن بحلم ..


وبتلكك ..


_ ولا بيدي ولا بيدك ,,


لو الاحلام بايد النـــاس


ماكنش الدمع زار خدك ..

37 التعليقات:

Dr/ walaa salah يقول...

انا عارفة الطريق مسدود


لكن بحلم ..


وبتلكك ..


_ ولا بيدي ولا بيدك ,,


لو الاحلام بايد النـــاس


ماكنش الدمع زار خدك



جميل اوي

كلماتك رقيقه يا ميرام برغم بساطتها

مشكوره يا حبيبتي

Timo.. يقول...

"انا عارفة الطريق مسدود
لكن بحلم ..
وبتلكك.."

ما هو ده الامل :)

eng_semsem يقول...

كل الناس بتقابل حاجات كتير وحشه في حياتها فيهم بيقدر يقوم ويكمل ويصنع بهجته بايده وفيهم اللي دمعته بتبقى سبب غرقه وموته وسطيها
تقبلي تحياتي

سمو الامير يقول...

جميلــة :)

florieda يقول...

ولا بيدي ولا بيدك ,,

لو الاحلام بايد النـــاس

ماكنش الدمع زار خدك ..

تسلم ايدك

well يقول...

ومالها بس الخطوط ديا
ومين قالك بإن الطريق بيفضل ديما مسدود


كلمات رقيقة

تحياتى

شمس النهار يقول...

الكلام رغم انه لابث توب الحزن
الا انه كله امل
وتسليم

الكلام جميل

:))

غير معرف يقول...

kol sana wenty tayba ya miram
w e7lmy 3shan ela7lam b2ydk isa bokra shayl leky 7agat a7san
mat7remnash mn el kalam el7lw da ya bashmohandsaaaaaaa

ميرام يقول...

دكتورولاء
وجودك أجمل
سعيدة بجد بمتابعتك (:

ميرام يقول...

timo


ما هو ده الامل :)

أو الغباء (:
شكرا لمرورك

ميرام يقول...

eng_semsem
أكيد كلامك مضبوط
ربنا يقدرنا نقوم من عثراتنا
(:
نورتنا

adel يقول...

ممممم
زعلان اني متاخر ودي اول مرة

بس الكلام حلو والامل موجود
لاخر نفس

ميرام يقول...

سمو الأمير
(: شكرا

ميرام يقول...

فلوريدا
تسلمي (:
نورتيني

ميرام يقول...

well
هنقول يارب (:
تحيتي

ميرام يقول...

شمس النهار
وجودك اجمل ياشمس
نورتيني

ميرام يقول...

غير معرف
شكرا (:

ميرام يقول...

عادل
مكانك محفوظ
(:تحيتي

اقدم عاصمه فى الحب يقول...

السلام عليكم


مزيج من الرجاء .. الحب .. الواقع ..والامل ..
جميله جدا ترجمه مشاعرك
أعجبتنى
فشكرا على ما اكتسبته هنا
ودى وإحترامى :)

كــركــبــة دمـــاغ ㋡ يقول...

انا عارفة الطريق مسدود

لكن بحلم ..

وبتلكك ..


يخربيت كده
طب اقسم بالله انتي بتكتبي حاجات بلاقي نفسي فيها مع انها ممكن تكون بعيده تماماً عن اللي انت تقصديه او عن الحدوته نفسها

طبعاً انتي عارفه انا اشمعنى اختارت المقطع ده :(
وهو بصراحه جاي مضبوط تماااااام يعني عليا

مش عارفه انا هفضل اتلكك لحد امتى :(

ادعيلي
و
وحشتيني عـ فكرة جداً

(f)

ميرام يقول...

أقدم عاصمة في الحب
الشكر لوجودك

تحيتي

ميرام يقول...

كركبة
هو انا نسيت أهديهالك (: (:
ههههههه
واه عارفه ليه اخترتي المقطع ده
ومن موقعي هذا بقولك بطلي تحلمي بحاجة صعبة المنال وعيشي على أرض الواقع
عشان لو وقعتي من فووووووق هتبقى الوقعه صعبه قوي (:
بلاش بقى تفضلي تتلككي لحد ماتقعي (:
اصل مشكلة الوقعه مش مجرد احساسك بالالم
لا اكبر .. بكتيييييييييييير
هتلاقيها خسارة جهد ومشاعر ووقت ..
وهتكتشفي انك مش راضيه بالواقع مع انه مش وحش للدرجة !
بالعكس كان ممكن في ظروف تانيه يبقى حلو قوي
على فكرة بجد وحشتيني انتي كمان
(:
هشوفك قريب ان شاء الله
(f)

أبو العريف يقول...

حلوه قووووووووووي

يا استاذه


تحياتي

ميرام يقول...

شكرا
قوي
(:

قلم رصاص يقول...

رغم بساطة الكلمات وبعدها عن التعقيد والمفردات ،، الا انها تحمل معاني قويه ..باحب انا النوع دا من الكتابه في الشعر

شكرا جزيلا على هذا الابداع

انا بأنتمي لمدرسة الأمل ان جاز التعبير

^^

تقبلي تحيتي

re7ab.sale7 يقول...

الله
بجد كلماتك جميلة ومؤثرة جدا
تحياتي
ف اول زيارة لي هنا اسرتيني بكلماتك
تحياتي وان شاء الله متابعة

غير معرف يقول...

المفردات العاميه عندك اصبحت مصريه 100% مبروك النص رائع

حاتم عبدالفتاح يقول...

أبوس ايدك ,,,

انا برقص

على الحبل الي متدكك

أعتقد أن المواهب الحقيقية دائما تفرض نفسها على الذائقة الشعرية
.......
هذه القافية (متدكك - متلكك) التى يسمونها قوافى مقيدة تشير إلى تمكن يستحيل أن تضل عنه قرون الاستشعار النقدية

دمت موهوبة للأبد (: (:
تحياتى

ميرام يقول...

قلم رصاص
ده بس ذوق حضرتك
اممم ومين مننا ماعداش على مدرسة الامل
في أي مرحلة كانت ......(:
بنقول يارب
نورتني

ميرام يقول...

رحاب صالح
هنتظرك دائما
وشكرا على المجاملة اللطيفة(:

ميرام يقول...

غير معرف
الله يبارك فيك
شكرا

ميرام يقول...

حاتم عبد الفتاح
(: أخجلتم تواضعنا
ولا تمكن ولا حاجة (: هي بتيجي كده
شكرا لرأيك الذي أحترمه
وان كنت اشك انك تبالغ .. كثيرا (:
تحيتي

حاتم عبدالفتاح يقول...

لماذا تنضب الكلمات حين نريدها ملأى بآلاف المعاني

لماذا تجهض الأحلام حين نزورها حبلى بأمشاج الأماني

ههههههه
أحلى حاجة فى الدنيا الشعر

Lyssandra يقول...

وحشااااااااااااني :)

عجبتني أوي أوي أوي

أنا عارفة الطريق مسدود ..
لكن باحلم
وبتلكك :)))

جامدة جدا

ميرام يقول...

ليساندرا
وانتي كمان
بجد وحشتيني (:
نورتيني ياليساااا

Hadota ... حدوتة يقول...

لكن بحلم وبتلكك
:)) رائع كالعادة
طول عمرك بتشوطى فى الجون

ميرام يقول...

مها
ياهلاااا
يافندم تشرفنا بزيارتك
والله طول عمري الجون هو الي بيشوط فيا
هههههههه
مش اسمي فيه الهدف والمرمى(:
نورتيني يامها

 

اسكت يا ابني !!! © 2008. Design By: SkinCorner