الأربعاء، 27 أغسطس، 2008

تااااااج ....



الأول بشكر كاتب المصري اللي بعتلي التاج (:
كنت فاكراه سهل بس طلع مشكله (:
وياريت ما اكونش اتأخرت في الرد ...




1 – خمس أحلام على الأقل تخص ماضيك وتحلم فيها بتغير أشياء ماذا ستعدل وماذا ستترك ؟
بحب ماضيي جدا .. بحلوه ومره لاني حاسه ان كل موقف عدى فيه كون شخصيتي وعلم عليا ...
يمكن لو تمنيت أغير حاجه .....(بجد محير السؤال ده)
1- كان حلمي بجددد اني أختم القرآن حفظا وانا في 3 ثانوي
2-كنت هدي فرصة تانيه لناس غلطت في حقي فطردتهم من حياتي للأبد
3-انا كنت طفلة عاقلة .. وكبرت عاقله برده (:
يمكن لو رجعت بيا الايام هتشاقىىى شوية

4-كنت هشد حيلي في الثانويه العامة اكتر عشان بابا مايزعلش مني.. وادخل هندسة بردوو (:
5- كنت هقلل من شرب النسكافيه (: ههههههههه بجد السؤال صعب



2 – خمس أحلام تخص مستقبلك ؟
1- أتم حفظ القرآن في أقرب وقت ): ادعوولي
2- أفضل زي ما انا ماحدش ياثر عليا .. أو اذا اتغيرت اتغير للأحسن دون أن افقد صدقي ومبادئي
3- أعيش في مجتمع أرقى من ده ..
مش الرقي المادي بتاع النهرده (: فيلل وعربيات
لا رقي فكري .. وان كل واحد يبقى عارف حقوقه وحقوق غيره وبيراعي ربنا وبيتقيه سرا وعلنا ..
والناس تبقى بتفكر بجد وتبطل الجهل اللي كلنا عايشين فيه باسم التحضر
4- أكون نواة صالحة وزوجة صالحة وام صالحة واخت صالحة ...وأحاول أغير الناس الي حواليا على قد ماربنا يقدرني
5-أموت والناس ماتذكرنيش غير بالخير .... وبعدين أدخل الجنه ):




3 – شخصين متواجدين في حياتك كنت تود وجودهم قبل الآن ؟
اممممم
استاذه مها
واحدة من مدرساتي المثقفات واللي بحبهم جدا ..
اتعرفت عليها في 3 ثانوي وكان نفسي لو عرفتها قبل كده (:
بجد بحبها في الله
الشخصية التانيه ...
مها صاحبتي ...
يمكن لأنها عرفتني ان الدنيا لسه بخير بعد ماكنت مقتنعه ان مافيش حد في نقاءها وبرائتها وعفويتها وجمالها وووو ....
هتزهقووو (:
خدتو بالكم ان الاتنين (مها) (:



4 – شخصين غير متواجدين في حياتك وتود تواجدهم في حياة أولادك مستقبلا..
الرسول عليه الصلاة والسلام ..
والسيدة عائشة رضي الله عنها
بجد بحبها قوي لأنها كانت أحب الناس للرسول عليه الصلاة والسلام ولأنها كانت عالمة وداعيه وواعيه
ربنا يجمعنا بيهم يوم القيامة (:



تهدي التاج لمين..

امممم
Dr. Tantawy _ Lady E _ blue-wave _ الشنكوتي الكبير

وبكده نقول تم بحمد الله (:
كل تقديري و...
تحيـــــــــــــــــــــــــــــاتي

31 التعليقات:

أحمد حشمت ( المحامي الحر) يقول...

أحمل إليك تقديري لكلامك الرائع الذي يتضح من خروجه على لسان وقلم نفس رائعة
.....................
أسعدتني زيارة مدونتك
ويسعدني زيارتك لي
..
لك كل التقدير
تحياتي

كريم يقول...

السلام عليكم و رحمة الله و بركاته

المدونة جميلة...فيها كلام شفته قبل كده...بس مش فاكر فين :)...بهزر طبعا..

و البوست ده جميل كمان...

أتمنى لكم التوفيق و التقدم...

السلام عليكم

ميرام يقول...

احمد حشمت
شكرا على الاطراء
للمرة الثانية أخبرك أن دخول مدونتك غير متاح للجميع (:
أنتظر تعديله (:
تحيــــــــــاتي

ميرام يقول...

كريم ..
(:
أهلا بك دوما ..
أي صدفة ألقت بمدونتي في طريقك (:
هي حتما صدفة سعيدة ..
شكرا لتعليقك
تحيـــــاتي

Lady E يقول...

مبرووووووووك عالتاج يا قمرايا وعقبال تاج التخرج والفرح ان شاء الله

بجد اجاباتك جميلة جدا

واحلامك بجد رائعة ان شاء الله تحققيها لأنها كلها رقيقة زيك يا حبيبتي

متحرمش منك انك افتكرتيني في التاج

انا جالي نفس ذات التاج تصدقي بس هجاوب التاج بتاعك مع التاج التاني برضه بعد رمضان ان شاء الله

تسلمي يا جميلة وكل سنة وانتي طيبة وبصحة وسعادة

ورمضان كريم

wanna b a physician يقول...

ربنا يحققلك كل احلامك ويسعدك
وكل سنة وانتى طيبة

كاتب مصري يقول...

أنا جيت متأخر مع اني أنا الي باعتلك التاج بس معلش والله آسف كان الويندز عندي واقع
آمالك حلوة جدا جدا ربنا يحققهالك ويوفقك وكل عام وانت بألف خير يا ميرام وياريت تشرفيني أنا مشفتكيش الا مرة واحدة ومتكررتش ليه باه
كل ودي
في انتظارك

Hadota .. حـدوتة يقول...

وان كل واحد يبقى عارف حقوقه وحقوق غيره وبيراعي ربنا وبيتقيه سرا وعلنا

حلوة اوى الجملة دى

============
كل تاج وانتى طيبة
مدونتك جميلة فعلا
واسلوبك راقى جدا

=============

بمناسبة المهات الكتير اللى فى حياتك فدا فاعتبريهم زادوا واحدة
(وش لابس نضارة بتلمع )

ياريت كل الناس تقدر قيمة المهات فى حياتهم زى حالاتك كده

تحياتىىىىىى

blue-wave يقول...

مممممممممممممم
ميرام
من اول ما قريت اسمك وانتى عاجبانى اوى
اة والله
ولما زورت مدونتك عجبتينى اكتر
وبجد بتمنى نفضل اصحاب على طول
التاج جميل
وعلى فكرة انتى شبهى فى حاجات كتير
وشكرا على تمرير التاج
بس انا جاوبته قبل كدا:))
تحياتى

دينا حامد يقول...

اجاباتك عجبتني جدا
ربنا يقدرك وتختمي القرآن في اقرب وقت

رمضان كريم

ايمان العرفاوي يقول...

عجبتنى اجاباتك جدا يا ميرام
احلامك جميلة وراقية
ربنا يحققلك كل اللى بتتمنيه
رمضان كريم

ميرام يقول...

ليدي
جميلة لانك عديتي ههنا بس ..
كل سنة وانتي دايما بخير يارب
ورمضان كريم ...
تحيـــــــــاتي

ميرام يقول...

wanna b a physician
يارب امين
سعدت بمرورك
وانت طيب ..
تحيــــــــاتي

ميرام يقول...

كاتب مصري ..
شكرا على المجاملة ..
على فكرة أنا متابعة لكل بوست في مدونتك
بس أحيانا لا يسعني الوقت للرد
ستراني قريبا
دمت بخير
تحيــــــاتي

ميرام يقول...

حدوته ..
شكرا ياجميله على المرور الجميل ..
نورتينيي
كل سنة وانتي طيبة
تحيــــــــــاتي

ميرام يقول...

blue-wave
خيرها في غيرها (:
وشكرا بجد لذوقك ..
كل ودي
تحيـــــــــاتي

ميرام يقول...

دينا حامد
سعيدة بجد بمتابعتتك ..
يارب آمين
دمت بخير ..
تحيـــــــــااتي

ميرام يقول...

ايمان العرفاوي
شكرا ليكي ..
دايما منورة بوستاتي
يارب آمين
ورمضان كريم..
تحيـــــــــــاتي

Amgad يقول...

هو انا بس مش فاهم
الجابتك علي السؤال الاخير
اللي هو شخصين غير متواجدين في حياتك
وتتمني وجودهم في حياة اولادك
ازاي الرسول والسيدة عائشة
هيبقوا في حياة اولادك ده لو تقصدي
المعني الحسي
اما لو تقصدي انهم يبقوا موجودين
في حياتهم كقدوة
يبقي ازاي هما مش موجودين في حياتك
محتاجه توضيح مش كده

norahaty يقول...

السلام عليكم ورحمة الله وبركاته
اجابات كلها حلوة الحقيقة
بس فيه جزء كده
(أفضل زي ما انا ماحدش ياثر عليا )
**لاننا لازم نتغير دى سنة الحياة واللى يفضل زى ماهو بيتجمد ويتحجر مش كده؟

**لكن انتى ياجميلة على طول صححت الرد بتكمله الجملة :
(.. أو اذا اتغيرت اتغير للأحسن دون أن افقد صدقي ومبادئي)
***اجابات ج م ي ل ة ا و ى
وكل لحظة وانتى طيبة

ابوجلال المصرى يقول...

السلام عليكم
تحياتي ورمضان كريم مع انها متأخره
مدونه جميله ورقيقه تسلمي
تحياتي لكي
ابوجلال المصرى

Ehab يقول...

كل عام وأنت بخير ..

وكل سنة وأنت طيبة ..

جعل الله شهركم شهر خير وبركة وهداكم لكل خير ...

ونظرا لاختفاء (كريم) في ظروف غامضة ...

رمضان ( إبراهيم ) .... :)

وجه جديد د.أحمد عثمان يقول...

رغم أن عنوان مدونتك
اسكت يا بني
الا اني مضطر هذا المرة ان
(أتكلم يا بنتي)

احلام مشروعة لفتاة مثقفة
جادة في حياتها
و احلامها أيضا
تحية للأحلام و صاحبتها

Jack Sparrow يقول...

قرأت تعليق لك في احد المدونات تتحدثين فيه عن شىء كتبتبيه في فرحة الناس بانتصار مصر الكروي فأعجبني ما قرأته

طبعا لاحظت ارتباط اسم مها بحياتك
و ده فكرني بقصة قديمة بردو كتبتها اسمها
" الرحيل من اجل مها "

اتمنالك اتمام حفظ القرآن قريبا جدا
ان شاء الله

رمضان كريم

ميرام يقول...

أمجد
أهلا أهلا ...

بعتذر على تأخيري في الرد
الاجابة خيال بحت ..مش أكتر
وأكيد لا أعني بها وجودهم كقدوة ..
لكن كنت أقصد الوجود الحسي ..
وطبعا مستحيل يتواجدو في حياتي .. وفي حياة أولادي مستقبلا .. خصوصا ان ايامهم هتبقى مايعلم بيها الا ربنا (:..
لكن هي احدى الأمنيات المستحيلة ..
أن ينشأ اولادي في وجود المصطفى صلى الله عليه وسلم

(:
على العموم أشكر قراءتك المتعمقة ..
(: دمت بود
وكل عام وانت بخير

ميرام يقول...

نورهاتي ..
نورتيني بمرورك الجميل ..
كل حبي ..
و..
تحيــــــــاتي

ميرام يقول...

أبو جلال المصري ..
شكرا ده بس ذوق حضرتك ..
كل سنه وحضرتك طيب ..
تحيــــــــاتي

ميرام يقول...

ايهاب ...
وانت بخير ..
وانت طيب ..

آمين يارب .. نحن واياكم والمسلمين ..


(:
رمضان كريم علطول ..
والله أكرم ..
(:
يا ابراهيم ..
دمت بخير ..

تحيـــــــــاتي

ميرام يقول...

د. أحمد ..
شكرا لتواجدك ..
دمت بخير ..
تحيـــــــاتي

ميرام يقول...

Jack Sparrow
وأول مرور لك في مدونتي ..
أتمنى الا تكون الأخيره (:
دعواتكم ..
كل عام وانت بخير ..
تحيـــــــاتي

محمد عتلم يقول...

جامد اوى اوى اوى الموضوع ده

 

اسكت يا ابني !!! © 2008. Design By: SkinCorner