الخميس، 11 سبتمبر، 2008




واختــرت من قبــل اقترابــك ..
أن تـظل بعيـدا ...
هو ليـس ذنبـك انـما ..
قلبي الذي ..
يهـوى الحيـاة وحيـدا ...
لا تنـتظر ..
فغـدي كأمـسي ..
ليس يـحمل أي انبـاء جدـيدة..
واسلـك طريـقك ذاكـرا ..
أنـا لـم أبـع ..!
لكنــما ...
لا تكتـرث ابدا لمـن لم يشتـريكا ..
ارفـق بقلـبك ..
انمـا هو مضـغة..
أخطـات حين وهبـتها ..
مـن عـاث فيـها ..
..

74 التعليقات:

lyssandra يقول...

جميل جدا ما تكتبين يا ميرام

أعجبتني تراكيب الجمل

=====
واختــرت من قبــل اقترابــك ..أن تـظل بعيـدا ...هو ليـس ذنبـك انـما ..قلبي الذي ..يهـوى الحيـاة وحيـدا

عجبني جدا المقطع ده

تحياتي

Lyssandra

blue-wave يقول...

ارفـق بقلـبك ..
انمـا هو مضـغة..
أخطـات حين وهبـتها ..
مـن عـاث فيـها ..

لو وضعنا كل ما اكتب فى كفه
وهذا البيت فى كفه
لرجح هذا البيت
تقبلى اعجابى

فارس بلا جواد يقول...

السلام عليكم
مبسوط قوي اني أول مرة ازور مدونتك .. بجد انتي موهوبة جدا واسلوبك مميز .. كنتي فين من زمان
قرأت أكتر من موضوع من المدونة .. وبجد انتقاءك للالفاظ رائع وبتحافظي علي الموسيقي والاوزان ببراعة
شعرك أقرب للشعر الحر لكن مع الحفاظ علي القافية بين المقاطع .. يذكرني اسلوبك ببعض شعراء أحبهم جدا مثل نازك الملائكة وأمل دنقل
ان شاء الله سيكون لنا لقاءات أخري وأتمني ان يدوم تواصلنا
تحياتي

حنين يقول...

دية اول مرة ادخل المدونةعلى فكرة اسلوبك جميل جدا انا مستنية زيارتك لمدونتى همس الحنين

حنين يقول...

دية اول مرة ازور مدونتك على فكرة اسلوبك متميز ويارب من نجاح الى نجاح مستنية زيارتك على مدونى همس الحنين

الفارس الملثم يقول...

كلماتك جميله اوي وتميزت عباراتك بالقوه وقد شعرت بموسيقي داخليه بين المقاطع واحساسك ايضا رائع بجد

تسلم ايدك

ميرام يقول...

ليساندرا ..
مرورك هو الأحمل ..
لاتحرمينا وجودك ..
كل ودي ..
تحيـــــــاتي

ميرام يقول...

blue-wave

طيب تيجي نبدل ؟ (:

هو حتما ميزان غير عادل ذلك الذي ستقصده .. (:
شكرا على المجاملة ..
دمت بخير ..
تحيـــــــاتي

ميرام يقول...

فارس بلا جواد ..
أخجلتم تواضعنا ..
سعيدة بهذه الزيارة ..
وبهذا التعليق ..
دام تواصلك ..
تحيـــــــاتي

ميرام يقول...

حنين ..
شكرا ياجميلة ..
سأتصفح مدونتك الآن
كل عام وانت بخير ..
و..
نورتينا ..
تحيـــــــاتي

ميرام يقول...

الفارس الملثم ..
شكرا على ذائقتك ..
وأتمنى أن اكون عند حسن ظنكم .
شكرا لك ..
تحيــــــــاتي

hager za3bal يقول...

انا اول مره ازور فيها مدونتك بس بجد هي اكثر من رائعه
والبوست دا هايل...

بس ليه تختاري الوحده؟؟
ليه تبعدي عن الناس؟؟
بلاش تبني سور بينك وبين الناس وحبي واتعلمي من غير خوف
:)
تحياتي

أنا حر يقول...

رائعة حقا كلماتك وجميلة ومعبرة رغم رقتها وعذوبتها
لا اجد ما اقول سوى ان كلماتك تأسر من يقرأها
تحياتي

انتي عارفه يقول...

حلو كلامك بس ياريت ميكنش عنك عشان اللي بيسيب حد حبه عمره ماهيلاقي حدد يحبه تاني بالذات لو كان بيتبطر على الحب وحاسس انه احسن من التاني

Amany يقول...

هو ليـس ذنبـك انـما ..
قلبي الذي ..
يهـوى الحيـاة وحيـدا ...

كلمات جميله يا ميرام

طارق الغنام يقول...

الله عليكى ياميرام
ماشاء الله
بجد بوست رائع
وكلملت ولا اروع
واحساس جميل
تقبلى تحياتى وشكرى
وكل عام وانتى بخير

Lady E يقول...

ايه الجمال ده كله

قصيدة صغنونة اوي المرة دي

بس بجد حبيتها جدا

وبالرغم اني مكنتش مهتمة اوي قبل كده بالشعر بس بجد القصائد بتاعتك بجد تستحق القراءة وخلتني احب الشعر

تسلم ايدك يا قمرايا

ميرام يقول...

هاجر ..
نورتي مدونتي ياجميلة ..
وبانتظارك دائما ..
كل ودي ..
تحيــــــاتي

ميرام يقول...

أنا حر ..
شكرا على اطراءك ..
سعيدة بمرورك ..
كل الود
تحيـــــــاتي

ميرام يقول...

انتي عارفه ...
(:
عارفه ولا مش عارفه ..
نورت/ي
وطبعا وجهات نظر ..
شكرا على التعليق ..
تحيـــــــــاتي

ميرام يقول...

أمااااااني
نورتي نورتي ..
مادام اخترتيها ..
لازم تكون جميلة ..
(:
زورينا دايما ..
تحيــــــاتي

ميرام يقول...

طارق الغنام ..
شكرا بجد ..
على متابعتك وتعليقاتك
..
ويارب أستحق الثناء ده ..
كل ودي ..
تحيــــــــاتي

ميرام يقول...

ليدي ..
الغاليه ..
ليكي وحشه ..
صغننه صح .؟
(بكرة تكبر)
نورتيني بجد
ورأيك يهمني دايما
خالص تحيــــــــاتي

نيجار يقول...

السلام عليكم
أشكرك لتشريفك لمدونتي،
وبجد كلماتك رائعة ولا تصدر إلا عن مؤلف محترف أحييكي
وسنتواصل بإذن الله

آية مش هنا يقول...

هو ليـس ذنبـك انـما ..
قلبي الذي ..
يهـوى الحيـاة وحيـدا ...

وجعتيني يا ميرام اوي

عارفة في نظري مين أحسن مدون و ايه أحلى كلمات ..

اللي بحس انها بتلتقي مع مشاعري او افكاري او احداث حياتي في مناطق كتير ..


انتي عملتي معايا كده بالضبط يا ميرام ..

و رغم ان كلماتك الرقيقة جدا الراقية جدا .. لمست وترا موجوعا مني ..


إلا أني فرحانة بيكي جدا و بمدونتك كلها و بكلماتك ...

دمت مبدعة يا ميرام :)

انى احبكم فى الله يقول...

اشكرك على المدونه الجميله يرام واشكرك على الموضوع الجميل وبجد البوست جميل وتحياتى على الموضوع وتقبلى مرورى

د.توكل مسعود يقول...

ارفق يقلبك
إنما هو مضغة
أصبت حين وهبتها
وأعدتها لباريها

فلترجع قلوبنا إلى الله...فى رمضان..وبعد رمضان

Diyaa' يقول...

اهو ده عيبه
موهبة أدبية زي موهبتك
ويدخلوها هندسة تتدفن هناك
عشان بس تخرج تبقي اسمها باشمهندسة
بس جميل أوي إنك عملتي مدونة
ومش هتدفني ميرامياتك في ورق محدش هيشوفه غيرك :)

مرورك مقبول وفوق المقبول كمان :)
نورتيني
لما المية ترجع هبقي أجي وأنا فايق وأقرا تاني


أكتوبر 33 ساعة مفيش مية ..علي الأقل ال3 أحياء اللي أنا ساكن في واحد فيهم

سلام عليكم

شهرزاد يقول...

جميلة تلك الكلمات
عميقة في معناها رغم قلتها

انـما ..قلبي الذي ..يهـوى الحيـاة وحيـدا ...لا تنـتظر ..فغـدي كأمـسي ..ليس يـحمل أي انبـاء جدـيد
..
مقطع جميل
دام إبداعك
تحياتي

dr.Roufy يقول...

نعم القلب مضغة قد نخطئ في اختيار من نهبها له
لكن الاختيار لم يكن يوما بايدينا
والقلب ليس الوحيد الذي يوهب فمعه الروح ..والعقل لا يفارقانه
فكيف لنا ألا نبتئس صديقتي

كلماتك رائعة مفعمة بالدفء

دُمتِ بخير
:)

ميرام يقول...

نيجار
الشكر لك ..
كل ودي ..
تحيـــــــاتي

ميرام يقول...

ايه مش هنا ..
نورتيني
وبجد فرحتي بوجودك أكبر
ورأيك أعتز به ..
مستنياكي دايما ..
تحيــــــــاتي

ميرام يقول...

اني احبكم في الله ..
انتي اللي جميلة ياجميله ..
والاجمل انها عجبتك ..
تحيـــــــــاتي

ميرام يقول...

د.توكل ..
مرورك أسعدني ..
دمت بخير ..
تحيــــــــاتي

ميرام يقول...

ضياء ..
ههههههههه
هما مين اللي يدخلوها ..
وتتدفن ليه بس .. ماهي صاحية اهي
(:
وعادي يعني يكون للشخص دراسة وموهبة ..
مش شرط تكون الحياة كلها مسيرة في نفس الاتجاه
(:
المهم أنا سعيدة بمرورك ..
وربنا معاكم لحد ماترجع الميه ..
بانتظار عودتك
تحيـــــــــاتي

ميرام يقول...

شهرزاد ..
مرورك أجمل ..
ودمت بخير ..
تحيـــــــــاتي

ميرام يقول...

د. روفي

وجودك أسعدني ..
أشكر مجاملتك
دمت بخير ..
تحيـــــــــاتي

أسير حبيبتي يقول...

السلام عليكم

بجد كلامك جميل اوي
و قوي اوي ما شاء الله

تقبلي مروري الأول
و كل سنة و انتِ طيبة

واد غلبان يقول...

كل سنة وانت طيبة

لا اعرف ما زا اقول فلست من هواة الشعر
لكن اذا كان جيد الشعر هو ما يبعث النشوة فى النفوس فتستنشق من عطر الكلمات
فهو شعر رائع ما تكتبين
ملحوظة
انا عملت مدونة جديدة عن التصوير الفوتوجرافى
http://s0or.blogspot.com/
اتمنى زيارتك

عايش ولكن يقول...

اول زياره لمدونتك
بس اعجبتنى كثيرا
وده اكتر شىء عجبنى فى البوست
ختــرت من قبــل اقترابــك ..أن تـظل بعيـدا ...هو ليـس ذنبـك انـما ..قلبي الذي ..يهـوى الحيـاة وحيـدا
دمتى موفقه
علاء

maha zein يقول...

الله
يا جمال كلماتك
تسلم ايدك
قصيدة جنان
دمتي مبدعة

ســـــــهــــــــــر يقول...

لا تنـتظر ..
فغـدي كأمـسي ..
ليس يـحمل أي انبـاء جدـيدة


لا تكتـرث ابدا لمـن لم يشتـريكا ..ارفـق بقلـبك ..انمـا هو مضـغة..أخطـات حين وهبـتها ..مـن عـاث فيـها .. ..


****************

ميرام
ياااااااااااااااااا
بقالى كتير ما قريتلكيش
وحشنى شعرك

kafrawy يقول...

الله عليك

انتى جايبه الكلمات دى منين


ارفع القبعه تحيه لحضرتك

Amgad يقول...

تؤتؤتؤتؤتؤ
بجد انتي مدرسة في ظبط الوزن
البوست موزون اوي اوي
بجد الوزن هايل
بس ليه كل القسوة الغير مبررة دي
الواد رامي نفسه خديه علي قد عقلو
ولا اقولك المصارحة اوقات بتبقي احسن
بس بجد بجد البوست تحفة
وتقبلي خالص تقديري واعجابي به

wanna b a physician يقول...

احيانا القسوة التى نملكها تجاة الاخرين تنقلب يوما ضدنا وتدمر حياتنا وعالمنا الخاص الذى بنيناه وعشناه وحيدين ولكن جميل ايضا رغم القسوة المواجهة والمصارحة وعدم الخداغ او ترك الامور عائمة
جميل جدا

كل سنة وانتى طيبة

صانعة الأحلام يقول...

عجبني نفس المقطع اللي عجب ليساندرا


بس ممكن اسالك سؤال

لماذا بما انك تهوين الحياة وحيدة عثت في هذاالقلب ؟؟؟!!!!

Dr_Nightwing يقول...

السلام عليكم

اولاً احب اوضح اني غالباً لا اميل الى المجاملات

لكن بجد بجد . .

الاسلوب رائع والمعنى واصل تماماً واللغه معبره على الرغم من بساطتها وقربها

بجد الواحد ينحني احتراماً ويفكر قبل ما يكتب ميت مره انه يقول على اللي بيكتبه شعر لما يشوف المستوى ده

تحياتي
عــــــلاء عــــارفين

Dr_Nightwing يقول...

حاجه تانيه بس . .

حضرتك بتقري متير لفاروق جويده ؟؟

JaN DarK يقول...

لا تنتظرني يا عزيزي ،،
وأبحث لك عن وطنا آخرا تسكنه ..
عن قلوب أخرى تهواها وتعشقها ..
فوطننا ،،
قد قتل القلوب ،،
وأصبحت الانفاس منحصرة ..
بين باب وشباك ..
لا ينفتحا أبدا !
نساءنا بلا قلوب ..
ورجالنا بلا عقول..
فأبحث لك عن وطن آخر .!
به المشاعر ..
لا تعرف رنة النقود على الجثث !!

كلام رائع وجميل ..
أول زيارة لي لمدونتك الجميلة ..
كنت مريت قبل كدا من بدري وقريت شوية حاجات كدا ..
وسرقت منك صورة :D
صورة البروفيل بتاعي هههههههههههه
جميل جدا الكلام ..
طبعا سيبك من الكلام اللي انا كتباه في الاول ..
لا يضاهي أبياتك المعبرة أبدا !
بس أتعودي ع الاسلوب البايخ دا ..
أصلي في الغالب مش بعرف أرد غير كدا !!
تقبل تحياتي واحترامي ..

لكل الناس يقول...

السلام عليكم ورحمة الله

أعجبنى ما تكتبين إلا أنك تدعو لحوار الصمت والصمت يولد الانفجار فهل تستطيعين الانتظار ..أمام هذا الخيار
لا أجد فيما تقولين حوار ولكن أجد فيه روحاً تسمو لتغير المدار

أعيدى النظر فى فكرة الصمت وإن تمسكت بها فأنا معك

وأتمنى أن تزورينى فى مدونتى وتقولى لى ما رأيك أيتهاالصامتة

Diyaa' يقول...

اقترابك
تظل بعيداً
تضاد مثالي في الصورة
وبيشجع علي التخيل
:)



تعديل بسيط
غدي كأمسي
لا يحمل ..وليست ليس
جربيها وادعيلي :)

وكنت أقصد بالدفن
إنك مش هتدرسي لغة الشعر بشكل يخليكي متقنة أكتر وتعبيراتك أقوي ومبنية علي دراية كاملة باللغة..يعني حتي الهواية بره في الغرب بتتسق مع الدراسة دايماً لأن ممارسة الهواية مجالها مفتوح في أغلب المدارس لأن عدد الطلبة بالكتير 30 لكن عندنا مدارس أولاد الذوات بس اللي ممكن تمارسي فيها هواية أو تنمي موهبة ويا رب موهبتك تفضل صاحية وأي حاجة حاسة إنك مش واثقة منها إبعتيها علي الميل وأنا هقولك رأيي..بحب الشعر قبل الإحتراف..بحسه أوضح..يا إما متصنع بدون موهبة يا إما موهبة بدون تصنع
لكن الإحتراف..بيكتسب معاه الكاتب موهبة التزييف..بيتصنع الموهبة بشكل خادع ومع التطبيل والتصفيق والعلاقات الإجتماعية بيسيطر علي الساحة وهم إن واو فلان ده محصلش وبلا بلا بلا

ما علينا المية رجعت بعد 70 ساعة وعند باقي الناس 60
عمارتنا سبيشيال شوية
نورتيني بتعليقك جداً ورديت عليكي وربنا يديني الصحة وأكتب عشان أشوف ردودك ونفكر سوا
السلام عليكي ورحمة الله

romansy يقول...

كلامك جميل ومعبر
اشكرك على اسلوبك الرقيق
وياريت تستمرى فى كتابه الشعر

,.-~*'¨¯¨'*•~mr ,.-~*'¨¯¨'*•~monshed يقول...

لالالالالالالالالالالالالا ايه ده ايه الجمال ده ايه الروعة دي ايه الاحساس العالي ايه التذوق الادبي الرفيع بجد حضرتك اسلوبك هايل واهنيك بشدة علي البوست الموفق ده
وكل سنه وانتى طيبة

هانى علوان يقول...

يعنى شاعره ومهندسه.. بجد كلمات حلوه ..
كل سنه وانتى طيبه

Dr. Tantawy يقول...

حسبي الله ونعم الوكيل على الكآبه دي :))) هي ناقصة يا بنتي

بس بصراحه .. اسلوبك لما بيكون بسيط كده بيكون احلى كتير كتير كتير من الكلمات السفسطائيه اياها ههههههه

جميلة أوي يا ميرام

ان شاء الله ارجع اكتب بعد العيد و اعقدك هههههه

ربنا يكرمك و رمضان كريم .. و عيد سعيد

فارس بلا جواد يقول...

ايه الغيبة الطويلة دي
مستني الجديد منك
بعد زيارتي الاولي وقراءة البوست ده حسيت ان مدونتك جديرة بالاحترام وتستحق المتابعة
تحياتي

ميرام يقول...

أسير حبيبتك ..
شكرا على مجاملتك ..
نورت المدونة ..
كل سنة وانت طيب
تحيــــــــاتي

ميرام يقول...

واد غلبان ..
مرورك أسعدني ..
وكل سنة وانت طيب
في طريقة لمدونة الصور ..
و..
تحيــــــــــاتي

ميرام يقول...

عايش ولكن ...
شكرا لزيارتك ..
وأتمنى أن تكون الاولى لا الأخيره ..
تحيــــــــــاتي

ميرام يقول...

مها زين ..
وحشتينا ..
ونورتينا ..
كل سنة وانتي طيبه ياجميله
تحيــــــــاتي

ميرام يقول...

سهررررررررررررررر

أيوة انتي سهر ..
بجد بجد مبسوطة بوجودك .. وبردودك ..
دايما بتحرجيني بذوقك
نورتي بجد ..
كل تحيـــــــــاتي

ميرام يقول...

كفراوي
شكرا لك ..
سعدت بمرورك
تحيــــاتي

ميرام يقول...

أمجد ..
ياأهلا ..
نورتنا من جديد ..
شكرا لذوقك ..
وكل سنة وانت طيب
تحيـــــــاتي

ميرام يقول...

wanna b a physician
أكيد ..
جميل تحليلك ..
كل سنه وانت طيب
تحيـــــــــاتي

ميرام يقول...

صانعة الأحلام ..
نورتي ...

امممم
غالبا يعيث المرء فسادا دون أن يدري ..
بل ربما يحسب الشخص انه يصلح بينما النقيض هو مايحصل ..
أسعدني وجودك
كل عام وانتي بخير

ميرام يقول...

Dr_Nightwing
حقيقي أخجلتونا ..
وشكرا بجد ..



(:
بالنسبة للتساؤل ..
أنا بحب فاروق جويدة .. وان كنت لم أقرأ له كثيرا ..
لكن لو أسلوبي ذكرك بكتاباته ..
فده فخر لي

وياريت نكون عند حسن ظنكم ..
شكرا لك ..
تحيــــــــــاتي

ميرام يقول...

JaN DarK


ايه الجمال ده ..
(:
نورتيني بجد وسعيدة بمرورك
واذا كان على صورة البروفايل اللي سرقتيها
(:
فأنا سرقتها بدو من مكان ما (:
وكما تدين تدان
هههههههههههههه
(:
تحيـــــــاتي

ميرام يقول...

لكل الناس ..
شكرا لك ..
وفي الطريق لمدونتك
تحيــــــاتي

ميرام يقول...

ضياء
مرحبا بعودتك مجددا

......
انا بتفق معاك ان اكيد الدراسه بتصقل اكتر الموهبه
بس انا مازلت مقتنعه ان دراستي لو هي هي هوايتي هي نفسها شغلي ووظيفتي وحياااتي
هتبقى الحياه مملة قووي (:

مبروك عودة المياه (:
وشكرا لتواجدك
تحيـــــــــــاتي

ميرام يقول...

رومانسي
شكرا لك
نورت المدونة
تحيــــــــاتي

ميرام يقول...

مستر منشد
(:
شكرا
ده بس من ذوق حضرتك
سعدت بمرورك
تحيـــــــــاتي

ميرام يقول...

هاني علوان
(:
أيوة شاعره .. مهندسه (:
!!
شكرا ليك
وكل سنة وانت طيب
تحيـــــــــاتي

ميرام يقول...

دكتور طنطاوي
(:
سفسطائيه (:
ههههههههههههههههه
طيب

أنا مستنيه مابعد العيد
عشان أتعقد (:
نورتنا
وكل سنة وانت طيب
تحيــــــــاتي

ميرام يقول...

فارس بلا جواد
أهلا بك مجددا
وسعيدة بأن انضمت مدونتي لمفضلتك
شكرا لك
كل سنة وانت طيب
و...
تحيـــــــــاتي

 

اسكت يا ابني !!! © 2008. Design By: SkinCorner