اهداااااء ....
للحاجة الحلوة الوحيدة في حيـــاتي ...
على قد ماالسكر طعمه حلو ......
بخاف منه ....
بخاف من السوس يلاقي نقطة ضعف فيدخلني ..
بخاف حلاوته تكون أكتر من الازم ... فأتعب ...
كنت دايما بعترض على اي حد يقوللي ماتاكليش حلويات
لحد ماشفت السوس بنفسي
صدقت أخيرا ...
ان الحاجات الحلوة ممكن تئذينا ...!!!
معقول كل حاجه حلوة لازم يكون فيها ...بس ..!!
لحد امتى هيفضل الخوف ملازمني.... لحد امتى هتفضل حياتي (دايت)
!!!!!
26 التعليقات:
اول تعليق
على الحاجات الحلوه
اللى ممكن تكون نقطه ضعف
ل
رومانسى
اقولك يا ميرام
السكر احنا عارفين اللى هو طعمه حلو
بس لو احنا خوفنا منه
هتبقى حياتنا مره
قوى
هو صحيح الحاجه الحلوه ممكن تكون نقطه ضعف
بس لما يكون انتى مش واثقه فى نفسك
وكمان لكل حاجه معيار
الا الحب
مالوش اى معايير
انتى عارفه ليه احنا بنخاف
لاننا
مش مصدقين ان فيه حاجه حلوه فى حياتنا
ودايما بنفتكر انها حاجه جديده
بس اقولك الحياه عايزه مغامره
كل سنه وانتى طيبه
وعيشى حياتك
اكيد هتبقى حلوه
علي فكره الخوف ده حاجه غبيه اوي
وبيضيع كل حاجه كويسه ممكن نحلم بيها
فمش تدي لنفسك الاستسلام للاحساس ده
الحياه مغامره وعيشيها زي ماهيا كده
وفكري بس مش كتير
صدقيني مش ليها لازمه
بس عيشيها زي ماهيا :))
تصدقي ان انا كمان بخاف من الحاجة الحلوة
خاصة لما تكون حلاوتها اكتر من اللازم لان السوس بيلاقي له دائما اماكن يدخل منها حتى لو صغيرة جدا ويخرب الدنيا
بس الحل الوحيد انك تحاربي التسوس وتحاربي خوفك برضه لانك كدة او كدة هتحبي وهتدوقي الحاجة الحلوة
مش كل حلو نخاف منه
الحلو اللي زيادة عن اللزوم هو اللي يتخاف منه
لكن اللي حلوته عادية(مايجزعش)مايتخافش منه!
لا طعم للحلاوة في فم تعود مذاق العسل
لا بد أن نكتوي بالمرار لنعرف طعم الحلاوة..
كما أن الخوف أيضا شيء طبيعي في حياتنا
فعندما يكو ن الإنسان مثلا في قمة السعادة يخاف دائما من أن يفقد تلك السعادة لأن دوام الحال من المحال..
وهذا حال الدنيا .. لا بد من الأشواك الجارحة لنقطف زهرة سعادتنا ونستمتع برحيقها وشذى عطرها..
بوست جميل وأوصلت الفكرة بطريقة رائعة
تحياتي
عارفة
افتكرت لما الناس بتضحك اوى و دموعها تنزل
و يقولوا فجاة(خير اللهم اجعله خير)
الحلو مش هوا الاساس فى الدنيا
هاو بيجى كدا..خفيف خفيف..تستمتعى بطعمه شوية..و تعيشى على زكراه...بس الحلو مش عشان تعيشيه علاطول...ده عشان تعيشى تفتكريه و يصبرك و يقولك انا جاى تانى
صحيح لحد امتي الحياة هتبقي دايت
لازم يكون فيه ايام فري عشان نقدر نواصل
تحياتي
معلش هى الدنيا كده
مفيهاش سعادة كاملة
ومفيش حلاوه من غير نار ...ضريبه لازم تندفع ...شئنا أم ابينا
تحياتي
رومنسي
نورت مدونتي
كلامك جميل فعلا
قريته كذا مره
مقتنعه جدا بفكرة اننا مش مصدقين ان في حاجه حلوة في حياتنا (:
بس ...مين جاب سيرة الحب ؟ !!
(:
نورت تاني
تحيـــــــــاتي
maioya
اسعدني مرورك الأول على صفحاتي
بانتظارك دائما ..
تحيــــــــاتي
دينا حامد
شكرا لمتابعتك ياجميلة
دايما منوراني
بس الحل الوحيد انك تحاربي التسوس
ياترى سيجنال ولا كلوز اب (:
هههههههههه
سعيدة بمرورك ..
تحيــــــــــاتي
sabrina
نورتيني ...
وجايز كلامك صحيح (:
بس صحيح ..
مش غريب ان الحلو ممكن يقلب وحش !
تحيــــــــاتي
شهرزاد ..
مرورك هو الأجمل ..
دوما لردودك رونق خاص
شكرا لمرورك
تحيـــــــــاتي
Raghda Rashad
الحلو مش عشان تعيشيه علطول !!!
مش عارفه وقفت كتير قدام الرد ده
مش حاسه ان ده تشاؤم قووي (:
ربنا يحلي ايامنا
نورتيني يارغده
تحيـــــــــاتي
kochia
ههههههههههههههههه
شكلك بتعملي ريجيم (:
بس حلوة نظام الايام الفري ...(:
بجد ضحكت (:
نورتيني يا kochia
تحيـــــــــــــاتي
موناليزا
نورتيني ياموني
..
تحيــــــاتي
☼♫♪ عمــاد الدين يــوسف ☼♫♪
أكيد طبعا ..
شكرا لمرورك
تحيــــــــاتي
متخافيش هتلاقي يوم تحتاجي فيه للسكر وهتاكليه بكميات كبيرة جدا وتعيشي في نعيم ولا سنانك هتسوس ولا حاجة
عارفة ليه
لإنك هتلاقي الي يحتويكي بجد يعني الي هيلعب دور سيجنال تو
مودتي
ميراااااااااااااااااام
بجد مش لاقية كلام يعبر عن انبهارى بادراجك
يارب تكون ايامك كلها سكر بس بدون تسوس
بس المهم انه يكون سكر بجد
اوقات المر بيتخفى فى هيئة سكر
بجد مع كل ادراج بيزيد اعجابى بيكى
لا شئ كامل
كل الأشياء تمتلك وجهين
..................
فلسفه هاديه وبسيطه
من الأخر
جميله
.............
دمتي بكل الود
كل حاجه ليها ناحيتين
تحياتي
علاء عارفين
السلام عليكم ورحمة الله وبركاته
زيارة متأخرة بس أنا متابع من أول نصوصك في الطليعة
هخش في الموضوع ..
ده رقم حساب بنكي يتم تلقي التبرعات من خلاله لصالح غزة (تم عرضه في برنامج القاهرة اليوم )
(25015) بنك بيريوس.
يا ريت تحاولي تنشريه على قد ما تقدري وتساهمي كمان لأنه مفتوح لتلقي التبرعات لمدة محدودة
تحياتي وكل سنة وانتي بالف خير
انا زيك برده بخاف م السوس
ايه ياميرام روحتي فين؟
بقالك اكتر من شهر غايبة اختفيتي فين؟
اوعي تكون الامتحانات سبب اختفائك انتي كمان؟
يلا ابقي طمنينا عليكي
تحياتي
إرسال تعليق