ولا عـــــارفة

مفتــتــح

غريب اني مافكرتش ..

تكون حكايتنا أسطورة ..

وقصة عشق مروية ..

مامتش بطلها من حبه ..

ولا بتبكي عليه هيا ..

ولا خلصت بفرحتهم ..

برقصة حب تجمعهم ..

على أنغامها أغنيه ..

أتاري الدنيا مختلفه ..

وأنا اللي طلعت خياليه ..

أنا آسفة ..

مفيش عبلة مفيش ليلى ..

وانا مش نجمة تركية (:

ولا في قيس ولا عنتر ..

ضحايا الحب ياعمري ..

ضحايا مالهم ديه ..

ولا عـــــــــــارفة
ولا عارفة آخرتنا ..
ولا عارفة ايه الأول ..
ليه كل شيء كان حلو
فجأه كدا اتحول ..
ليه الجرح منك كان ..
ليه بعدنا طول ..

ولا عـــــــــــارفة
ولا عارفه مين ظالم بقى
,ولا حتى مين مظلوم
مين حقه يعتب مين يسامح ..
ميـن يلوم ..
طب هو أصلا ايه جرى ..
مين اللي باع مين اشترى ..
مين اللي عالتاني افترى ..
معقولة دي صبحت أنـــا ؟؟!
احساس ضياع ..
بيهدّ مني كل شيء كان اتبنى
كل الحاجات كانت أكيد ..
دلوقتي جايز .. ممكنة ..
طب والسنين اللي مضت ..
راح تتحسب من عمرنا ؟؟
طب واللي جي _لو فيها جي_
تعالى قوللي كم سنه ؟
هنعيش نلملم ياحبيبي في للي فات ؟
ولا هنقدر ننسى كل الذكريات؟
ولا هتاخدنا الكرامه _نحب_ لكن من سكات ..؟
مش عارفة انا ..
السكة كات باينه لنا ..
يانكمل المشوار سوا..
يانروح شمال ويمين ..
اخترنا ايه احنا ؟؟!
ليه لسه مش عارفين ..؟.
.معقول نكون تهنا ..
وبقينا مش حاسين ..
هنعيش عذاب وجراح ..
نكدب نقول ناسيين
نرضى بشيء مرفوض..
ونقول عليه آمـين ..
جايز تكـون ظــالم ...
جايز نكــون مظاليم ..
لما جرحت .. وانا انجرحت ..
ماتـقوللي ليــه ؟؟
أنا وانت مش خــالصيــن ..!

وصــــــيــة قـــلــــب

الاهــــــــداء :

لوردة .. لونها كـــان أحـــمر

((وصــيــــــــة قــــــــلب ))

أنا مش هرد عليك واتكلم

بس انا اسفة ..

مش هسمحلك تجرح تاني ...

آل وانا قاعده عليك بتألم ..

يااه ده انا تافهه ...!

وانت رضيت ببساطه بهواني

بعدي أنا كان علشان تتعلم

ان الجرح ماكان يوم هين ..

بس نستيني في ظرف ثواني

وزاد الجرح في قلبي وعلم ..

تعمل ايه لو كنت مكاني ؟

ده انا ضحيت بحياتي بحالها

حتى البعد ده مش علشاني ..

علشان شفتك انت بتبعد ..

لو مش قادر توفي ليه توعد

وتخليني أتمنى أماني ..

قلبك طاوعك تجرح تبعد ..!

مش بستغرب بس الاغرب ..

بتقول انك ليه بتهواني ..؟

بتقول بايعه .؟؟؟

ويعلم ربي في بعدك ضايعه

قلبي ده راحلك ولا يوم جاني ..

صادقه في كل مشاعري ويشهد

رب الكون على كل كلامي

كذبي ده كان على روحي العاشقه

وادي الحب ياحبي عماني

كنت بشوف بعينيك الدنيا ..

حب وورد وفرح أغاني ..

واما حاولت أفتح عيني ..

شفت الجرح بقسوة كواني

اخر حاجه استناها منك

لو فيها راحتك روح وانساني

قلبي في كفنه خلاص وانا شلته

جايز أدفنه ويا احزاني ..

بس وصية قلبي سؤالك ..

ليه بتتجنى وانت الجاني .؟؟

حـــب ايـــه اللي انتي جي تقول عليه .. !

ده كان رد كتبته على خاطرة (أصلي يوم فكرت أحب )

ل ( sondok)

حب ايه اللي انت جي تقول عليه ..؟!

بص أقولك ..فوق لنفســـك ..

أي شــــوق جواك داريـــه ...

لو في يوم كان قلبــه حبــك ..

كــنت أقوللـك اشتريــــه ..

بس لو خـــانك وباعـــــك ...

يبقى وهــــم اللي انت فـيه ...

مهما كان الحــب عنــدك ..

انسى قلبـك .. دوس عليـــه ..

هو لو نــــــاسي مشاعــرك ...

هو لو خانـــك في ظـــهرك ..

وانت لو غلّيته عـــندك ...

بعدها رخّــص في سعـرك ..

يبقى قولي تحبه ليـــــه ..؟؟

فــوق بقى ..من اللي انت فيه ..

مفتتــــــــــح :

وطالت غربتي يا آبا ..

وسافرت البحار عديت ..

ولما لقيت أنا جزيرتي ..

رماني الموج .. انا مارسيت ..

أكون لسه في وسط الحلم ؟؟؟ ...

ولا من الأحلام صحـــيت !!؟

وقللي ازاااي ؟؟

؟وليه احلم ..؟؟

ده حتى الحلم دمرني ..

ومن فوق السما السابعه ..اترميت عالأرض !!

كسرني ..

ماتسألنيش عشان خاطري ..

عن الدمعه الي في عنيا ..

عن الشيء اللي غيرني ...

(ولا تلومني) ...

أنا يا أبويا مش ناقصه ..

ده حتى الدمعه بداريها ..

(وبتخوننّي) ..

أنا مش عايزة أي كلام ..

أنا محتاجه تحضنني ...

):

ياااااااااااااااه ...

قد ايه صعب الكـــلام ..

قد ايه مرّ السكــــــوت ..

يارب ارحمني بقى ...

خليــني أمـــــــــــوت ...
):

وحشتني بجد يا بــــابــــا ):

ربنا يديك طولة العمر ...

تحديث : عشان الناس الي فهمت غلط (:

بــــدون عـــــنوان

تحــــديـــث :

يــــــارب ... هب لي قوة اذا ماتسلل الضعف الي ..

وارزقني الصبر اذا ما وقع الظلم علي ...

يـــــارب كن معي ... فأنا أحوج الناس لك ..

):

..... قبل الكلام .....

انا كنت بحلم كل يوم ..

اني بقع ..

من برج عـــــــالي ..

بعدين أفوق ..مايجيني نوم ..

أبكي وأدعي ربنا ..

مايكونش حلمي .. حلم شوم

بقى كل حلمي الحلم يكمل ..

لما أقـــع ... أقدر أقــــوم ..!!

أنا عــــايزة أنـــــــــــام

وعايزة اكتب بدون عنوان...

ونفسي كلامي يتغير ..

ويسكن مره فيه الفرح

ولا ّالجرح من كتره

ماسبش مكان ..

ونفسي أكدب ..!!

وأقول غير اللي انا حاساه ..

واكدب ودني لو سمعت ...

وأكدب عيني لو شافت

وأعيش العمر لو ثانيه ..

بعين عميـــان

ونفسي أبطل التفكير

وأسيب الأمر للتدبير

همشيها .. بدون تنشين .

.تصيب مره .. تخيب عشرين ..

تجيب أفراح .. تجيب أحزان ...

ونفسي البعد ده يبعد ..

وينساني ...

وألقى حبايبي من تاني ..

أعيش الفرحه من قلبي ..

بدون حسبان

أنا مش عايزة شيء تاني ....

ماعدش في نفسي حاجه كمان ... (:

...................................

.... بعد الكــــــــلام ....

يارب أنا ..

وسط البشر ..

في الدنيا دي ..

أنا أبقى ايـــــــه ..؟!

طول عمري راضيه بالقدر ..

من غير كدر ..

من غير ما أسأل حتى ليــــه ..

جوايــــا سلم ..

وان ألف حلم...

مات جوا قلبي ..

بقول ده خيــــر

علمك أكيـــد..فوق كل عـــــلم