الأحد، 1 مارس 2009

بــــدون عـــــنوان



تحــــديـــث :


يــــــارب ... هب لي قوة اذا ماتسلل الضعف الي ..

وارزقني الصبر اذا ما وقع الظلم علي ...

يـــــارب كن معي ... فأنا أحوج الناس لك ..


):





..... قبل الكلام .....




انا كنت بحلم كل يوم ..

اني بقع ..

من برج عـــــــالي ..

بعدين أفوق ..مايجيني نوم ..

أبكي وأدعي ربنا ..

مايكونش حلمي .. حلم شوم

بقى كل حلمي الحلم يكمل ..

لما أقـــع ... أقدر أقــــوم ..!!







أنا عــــايزة أنـــــــــــام

وعايزة اكتب بدون عنوان...

ونفسي كلامي يتغير ..

ويسكن مره فيه الفرح

ولا ّالجرح من كتره

ماسبش مكان ..

ونفسي أكدب ..!!

وأقول غير اللي انا حاساه ..

واكدب ودني لو سمعت ...

وأكدب عيني لو شافت

وأعيش العمر لو ثانيه ..

بعين عميـــان

ونفسي أبطل التفكير

وأسيب الأمر للتدبير

همشيها .. بدون تنشين .

.تصيب مره .. تخيب عشرين ..

تجيب أفراح .. تجيب أحزان ...

ونفسي البعد ده يبعد ..

وينساني ...

وألقى حبايبي من تاني ..

أعيش الفرحه من قلبي ..

بدون حسبان

أنا مش عايزة شيء تاني ....

ماعدش في نفسي حاجه كمان ... (:


...................................



.... بعد الكــــــــلام ....


يارب أنا ..

وسط البشر ..

في الدنيا دي ..

أنا أبقى ايـــــــه ..؟!

طول عمري راضيه بالقدر ..

من غير كدر ..

من غير ما أسأل حتى ليــــه ..

جوايــــا سلم ..

وان ألف حلم...

مات جوا قلبي ..

بقول ده خيــــر

علمك أكيـــد..فوق كل عـــــلم





25 التعليقات:

فراشة يقول...

ميرام
بجد كلامك يجنن
اسلوبك حلو ورقيق وبسيط
انتى جبتى الخلاصة وهى لجؤك لربنا
الحالة اللى عندك عندنا كلنا بس اكيد بتفاوت
لكن يا بخته اللى يلاقى الطريق للنجاة وهو مناجاة الله
لان اى مشكلة حنواجهها فى حياتنا حلها عند ربنا
يمكن كتر الضيق يكون اختبار للصبر
يبقى علينا ان احنا نصبر وننجح فى الاختبار
تعالى ناخد باييد بعض
ابدعتى بكلماتك الجميلة واتمنى لكى السعادة
تحياتى

دينا حامد يقول...

لتاني مرة ابكي في مدونتك ياميرام
اكتر واحدة كلامها بيلمسني

ونفسي البعد ده يبعد ..

وينساني ...

وألقى حبايبي من تاني ..

أعيش الفرحه من قلبي ..

بدون حسبان

أنا مش عايزة شيء تاني ....

ماعدش في نفسي حاجه كمان ...

وانا كمان زيك المهم البعد يروح لاني بجد ضعفت وتعبت

تحياتي

حد عارفك يقول...

انتي جميلة قوي ورقيقه قوي
بس انا مستغرب الحزن ده كله
ليه كل حاجه بتكتبيها حزينه كده مع ان كل الناس بتشوفك دايما بتضحكي وسعيده
هو انتي بتكتبي حاجات باحساسك ولا بتكتبي حالة عكس حالتك
انا احترت فيكي والله
بس ياريت ميكونش ده اللي بتحسيه لانك ماتستهليش تحزني

قريب هتعرفي

ادم المصرى يقول...

مشاء الله بجد بقالى فتره مقرأتش لباقه

فى الكلام ولا رومانسيه بهذا الشكل البديع

الجميل الرقيق جدا منك ودى كانت اول زيرتك

بس بجد كلامك تححفه يا صاحبه القلب الرقيق

تحياتى لكى اخوكى ادم

ســـــــهــــــــــر يقول...

نازف يا حرفى بالم
نازف يا حرفى سكوت
متامل الملكوت
شايف خطوط القلم
منقوشه وهم و موت
و الناس ليه متزينه..
بالقسوه و الجبروت
جرح الزمن مخطوط
ف القلب بالمظبوط
و النزف صمت و صوت
_______________________

ميرام
وحشنى اقرالك جدا
و رغم انى جيت على بوست حزين الا ان رفعة كف الحروف بالدعاء زانته

ميرام يقول...

فراشه ..
سعيدة بجد بوجودك
وميرسي ياجميلة على الاطراء ده
ده بعض ما عندكم ..
بجد احنا مالناش الا ربنا
ومالناش غيره حسيب ولا حبيب
حسبي الله ونعم الوكيل ..
الحمد لله على كل حال ..

نورتيني بجد ..
مستنياكي دايما ..

ميرام يقول...

دينا حامد ..
ياخبـــر !!
وعد مني آخر مره تبكي فيها
لأن من هنا ورايح
بوستات سعيده (:


بلاش ضعفت وتعبت يادينا (:
صدقيني ..
أوقات كتيرة قوي البعد بيبقى حكمة من ربنا ..
واللي ربنا كاتبه عاجلا أو اجلا هيحصل..

نورتيني ودايما بتبسط بمتابعتك ..
تحيــــــــــاتي

ميرام يقول...

حد عارفني ..

(بدايه) كان هيبقى ألطف لو عرفت نفسك
أو حتى مكنتش كتبت تعريف
في جميع الأحوال شكرا لمجاملتك
استفساراتك هيبقى ليه رد لما الاقي اسم ارد عليه
(:
تحيــــــاتي

ميرام يقول...

آدم المصري
شكرا لذوقك
نورت صفحتي ..
تحيــــــــاتي

غير معرف يقول...

ولاخــر نلــوم على الدنيــا ونلووم على البــشــر شطــرين فى الجــراح وقلوبنا بقت زى الحــجــر .. ويعيش الى مات احســاسوو ويمووت الى يوفي لنــاسوو ... ملعوون اي حب اساسوو شجرة كدب وألم وخداع ...


كلمات رائعه واسـلوب متميــز بس مش هوه ده احساسك ولا دي الطريقه الى توصــلك لاحســاسك ظلمتى نفسك وظلمتى غيرك بأسلووبك



دمتي متميـززه فى دقه المعاني والتصــرفات




جـــاهــل بيــحب بضمــيــر..

ميرام يقول...

ســـهر
حبيبتي ..
تعرفي ان اسمك بس قبل ماااقرأ التعليق
بيزيدني سعاده ..

بعتذر على البوست الحزين.
(ربنا يجعلها آخر الأحزان )
(:
كلنا بنقول يا رب
نورتيني بجدددددددددد
لحد لقاء تاني عندي أو عندك
يارب دايما بخير
تحيــــــــــــاتي

ميرام يقول...

غير معرف ..


ولاخــر نلــوم على الدنيــا ونلووم على البــشــر شطــرين فى الجــراح وقلوبنا بقت زى الحــجــر .. ويعيش الى مات احســاسوو ويمووت الى يوفي لنــاسوو ... ملعوون اي حب اساسوو شجرة كدب وألم وخداع ...


اللــــــــــه
والله والله الكلمات دي ليها صدى كبير قوي عليا دلوقتي ..
بس انا مش فاهمه ..
(هو في حب أساسه كدب والم وخداع )
الحاجات دي مابتتجمعش ... مع الحب
واسألني ..
لأنها أول ماتبان بتهدم اي حب حتى لو كان جبل
(:


كلمات رائعه واسـلوب متميــز بس مش هوه ده احساسك ولا دي الطريقه الى توصــلك لاحســاسك ظلمتى نفسك وظلمتى غيرك بأسلووبك


(: شكرا على الاطراء ..
بس حقيقي انا كان نفسي أفهم الظلم ده على اساس ايه ؟؟!
يظهر حضرتك كنت بتقرأ نص تاني
(:



دمتي متميـززه فى دقه المعاني والتصــرفات

شكرا ..



جـــاهــل بيــحب بضمــيــر..

(لو في ضمير عمر مايبقى في جهل )

نورت مدونتي
تحيــــــــــاتي

حازم سويلم يقول...

ميرام

موهبتك متفجرة يا صديقتى, وكلماتك رائعة جدا وسهلة وبسيطة رغم بعض الأخطاء النحوية

ـ لما أقع .. أقدر أقوم, عجبنى البيت ده جدا

تحياتى

ميرام يقول...

حازم سويلم
شكرا للمجامله ..
بالنسبه للأخطاء النحويه ..
كنت أتمنى تعرضها عشان تصحح ..
(:
والبيت اللي عجبك اتفضلله (:
نورت مدونتي ...
تحيــــــــــاتي

tota يقول...

نايس موت ياميرام
مش اول مرة اقرالك حاجه وتعجبنى جدا
دايما اسلوبك مظبوط على ذوقى :)

Heba Sayed يقول...

السلام عليكم

كلامك جميل اوى ميرام

وربنا يسامح ويهدى الجميع

ميرام يقول...

توته
يامرحبا يامرحبا
(:
ميرسي ياجميله
هروح فين أنا من ذوقك

تحيــــــــــاتي

ميرام يقول...

هبه سيد
سعيده بمرورك
وآمين يارب
احنا لينا مين غيره ..
(:
تحيــــــــــــاتي

ميرام يقول...

مــــــافيـــش فـــايدة


بعتذر للجميع ..
أنا عملت موديراشن على التعليقات ..
هتتعرض بعد موافقتي عليها ..
(:
شكـــــــــرا

اسراء بدوي يقول...

جميله قوي ياميرام
وحشتني كتاباتك
تحياتي ليكي

ميرام يقول...

اســـــــراء ..
عاش من شافك (:
اتبسطت قوي بمرورك ..
نورتيني .
تحيـــــــــاتي

sondok يقول...

ميرام
أنا أول مرة أشوف مدونتك الخاصة وأرجو انك تتقبلي ريي


بجد كلماتك في منتهى الجمال
أنتى خرافية الكلمات

ميرام يقول...

sondok

(: وصلت لمدونتي ازاي (:
شكرا على مجاملتك ...
أسعدني مرورك
تحيـــــــــــــاتي

الباشاكيرو يقول...

فعلا كلامك حلو جداااااااااااا
وانا كتبت كل كلمة على منتدى خاص بى وهنشرها باسمك ياريت تبقى تشوفيها وفعلا كلامك حلو اروم ان تكونى ناجحة كما ان نفسك ناجحة

ميرام يقول...

(:
الباشا كيرو
أهلا بيك
سعيدة ان الكلمات عجبتك
لكن بعتذر مش موافقة انها تتنشر على بلوج تاني
شكرا ليك مجددا

 

اسكت يا ابني !!! © 2008. Design By: SkinCorner