الخميس، 14 مايو، 2009

ياريتـــك ..



وشلتك في رموش العين ..
ووسط النني خبيتك ...
ماشوفتش غيرها انا صورتك ..
لأني بجد ..حبيتــك ..
وكان احساسي ملك ايديك ..
وكان قلبي .. يسع قلبك ..
وكــان بيــتك ...
وكان مسرح ..
بتلعب كل يوم دورك ..
وأنا اتفرج ..
وامثل اني جمهورك ..
تمل ازاي بقى مني ..
وانا لسه ماملّيتـك ...!
وكنت بشوفك الجنة ..
فعشت العمر أستنى ..
تكون ازاي ماحستنيش ..
وأنا الي بجد حسيتك ..!
تكون ازاي ماحبتنيش ..
وأنا الي بجد حبيتك ..
ياريتك كنت تسمعني ..
ياريتك كنت تفهمني ..
ياريتك كنت حبتني ..
بجد بجد ..يـــاريــتك ..

54 التعليقات:

mimi يقول...

أول تعليق

mimi يقول...

مش أول تعليق

عاشقة الأحزان يقول...

السلام عليكم
الله عليكى وعلى البوست الجميل ده
بجد تحفه

أحيكى على تلك الكلمات الاكثر من روعه
بس هنقول لمين ولمين يسمعنا
دايمآ بنكون ضحية للحب
مهما نعمل صدقينى مافيش حد بيقدر أبدآ
دمتى بألف خير
تحياتى لكى
إيناس

mimi يقول...

قنبلة ........ رائعة .......... جميلة ........ تحفة

الله عليكي

انا بحبك

mimi يقول...

أنا مش قادرة أمشي من هنااااااااا

المدونة دي جميلة اويييييي

اشعارك هايلة ومعبرة

تسلم كتاباتك

بصي
انا مقتنعة بيكي مليون في المية

قسمه ونصيب يقول...

momken akon awel comment we momken yekon fe comments pending...bs el ahm enak 7ad mesh 3adi we e7sasek kawi we kalamek mo3aber le 2aksa darga bgd rabena ye7'alelak 2alamek we tedeki kol eli tetmaneah ya rab

MǿиY El-Shreef يقول...

بجد انا عايزه اسقفلك

بجد كل مره بتبهريني بجد والله

عليكي شويه كلام يخليكي تغنيه من غير ميوزك

ويتحس من غير لحن

الله عليكي ياميرام

من اقل القلائل الي بتظبط الاوزان بشكل تحففففه

تسلمي ياحبي

حسام غانم يقول...

جااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااامدة جدا

مش معقول بجد

ما شاء الله عليكي

Soma يقول...

اول تعليق :)))))))))))))))))

Soma يقول...

احيك علي الكلمات الجميله...
كتير بنحب حد بجد وندوب فيه ونرسم مشوار حياتنا معاه للعمر كله وبعدين يطلع في الاخر كان بيمثل ولا حبنا ولا حاجه واحنا اللي استحملنا واحنا اللي رضينا واحنا اللي كنا موجودين وقت الشده جنبه

بس رضينا بالهم والهم مش راضي بينا

هنعمل ايه بس؟ نفتح قلوب الناس ونبص جواها؟ ولا نفقد الثقه في الكل؟

اقولك؟
توكلي علي الله واللي مكتوبلك هتشوفيه

بنجاواتى يقول...

السلام عليكم

كلمات اكثر من رائعة واحاسيس هايلة جدا

احييكى عليها جدا

تحسى الكلام موزون ودايما بسمع كلامك وكأنه اتغنى قبل كده من كتر ما هو مظبوط


تقبلى تحياتى

Nostor Azzuro يقول...

كلام جامد طحن

مش معقول بجد

ميرام يقول...

ميمي
(:
أول تعليق وتاني تعليق ...
واحتلال كامل للمكان
اللي هو ملكك في الأساس ...
بتسعدني اطراءاتك بجد
(:
ودايما رافعه من معنوياتي ..
شكرا لوجودك

ميرام يقول...

عاشقة الأحزان ..
!
ربنا يخليكي ..
بس لي تعقيب على ردك ..
مش مقتنعةاننا دايما ضحايا للحب
(:
ومش كل الناس مابتقدرش ...
....
على الهامش ..
ليه عاشقة الأحزان ؟؟
ربنا يسعدك يارب

ميرام يقول...

ميمي
تمشي ليه من هنا
(:
منوراني علطول
(:
مقتنعه بيا ازاي (:
ههههههههههه

ميرام يقول...

قسمة ونصيب
شكرا بجد على المجاملة
bgd rabena ye7'alelak 2alamek
آلامك ..!
عارفة انها أكيد غلطة مطبعية ..
قد ايه الحرف بيفرق !
سعيدة بمرورك
وشكرا مجددا

ميرام يقول...

موني
(:
ربنا يخليكي ياجميلة ..
ده بس من زوقك العالي ..
وبعدين لو عايزة تغني غني ...
مش هقولك لأ ..
نورتيني ..
وسامحيني بجد على تقصيري في الردود عندك مع اني متابعه
بس فعلا مش بلحق أرد
تحيـــاتي

ميرام يقول...

حسام غانم
(:
شكرا بجد
(:
تحيــــاتي

ميرام يقول...

سوما ..
هعتبره التعليق الأول (:
(:
(:
نفتح قلوب الناس ..
لأ نقفل قلبنا !
(:
اه بجد
...
نورتيني ياسوما
وشكرا ليكي بجد

ميرام يقول...

بنجاواتي
شكرا على الاطراء ده
سعيدة بمرورك
تحيــــاتي

ميرام يقول...

Nostor Azzuro
شكرا ليك
(:
نورتنا

adel يقول...

هي ميمي ورايا ورايا

ههههههههه

مش مشكلة

يارتك متتاخريش ياميرام

جامدة قوي علي فكرة

غير معرف يقول...

meeram enty mo3gza wallahy
ana ma2abeltesh 7ad byktb 7lw zayk

romansy يقول...

مين اللى قال انى مليتك
متعرفيش انى بجد حبيتك
بس خايف من الايام لتبعدنا
خايف لاقى الغربه توعدنا
بس انا عمرى مانسيتك
انا هرجع رافع رقبتى لفوق
واشيلك جوه نينى العين
ولا عمر يوم ما هيهزمنا طوق
وتبقى انتى كل الناس

romansy يقول...

عندك حق يا ميرام تسمى المدونه اسكت يابنى
فعلا
انا مش لاقى كلام اقوله احلى من كلامك
انتى فنانا يا ميرام

مسدس صغير يقول...

جمييييييييييييييييييييييييله
حلوة اوى


تكون ازاي ماحستنيش ..
وأنا الي بجد حسيتك ..!
تكون ازاي ماحبتنيش ..
وأنا الي بجد حبيتك ..


روعة واحساس عالى

احييكى على القصيدة الحلوة

GeHaD-----(male) يقول...

بجد شعر جميل جدااا جدااا
ومستقبل باهر ان شاء الله
تحياتى

قسمه ونصيب يقول...

لالالالالالالالالالالالالالالالا.......ربنا يخليلك قلمك

على الهامش ;)

اى وجع والم بنمر بيه بيكون بجد حافز انك تهزيمى امثاله وتمنعيهم من انهم يقربو منك حتى"اخواته يعنى اى الم مشابه" كمان بيقويكى ويكبرك بجد بجمال مش البنت كبرت عشريين سنه وليه كده والحوارات الهبله دى بتاعت اجدادنا

انتى حد من كلامه قوى ومش قوى قوة عاديه انتى قويه بجد "كل المهندسين كده ;) "انا اصلى زميله مهنه بس انا اتصالات وانتى معمارى ميرام بجد بحبك فى الله

always remember that"

We cannot direct the wind, but we can adjust the sails


Success consists of going from failure to failure without loss of enthusiasm

Nothing happens by chance, my friend... No such thing as luck.
A meaning behind every little thing, and such a meaning behind this.
Part for you, part for me, may not see it all real clear right now, but we will, before long

بلاش فضايح يقول...

الله جميله اوى

كلامك جميل اوى اوى بجد

تقبلى مرورى

ميرام يقول...

عادل

شكرا ليك
نورتنا
تحيــــاتي

ميرام يقول...

غير معرف
شكرا
(:

ميرام يقول...

رومانسي
(:
شكرا على الارتجال ده
وعلى اطراءك اللطيف
(:
كل ودي

ميرام يقول...

مسدس صغير
(:
شكرا ليك
ده بعض مالديكم
سعيدة لمرورك
تحيــــاتي

ميرام يقول...

جهاد
شكرا ليك بجد
(:
تحيـــاتي

ميرام يقول...

قسمة ونصيب
(:
أحبك اللذي أحببتني فيه
وبجد شكرا على المتابعة
وكلامك مظبوط طبعا ...
(:
وبجد عجبني قوي
(:
بانتظارك دائما
تحيـــاتي

ميرام يقول...

بلاش فضايح
شكرا ليك
تحيــــاتي

شقاوة مراهقة يقول...

طب اقول ايه انا دلوقتي !!

حقيقي السكوت دلوقتي ابلغ من اي كلام هقوله ..

لانه مفيش كلام هيوفيكي حقك ..

هظلمك لو قلت انك فنااااانه ..

شويه عليكي بجد اني اقول مبدعه خيالية ..


دمتي متألقة .. وكلامك ساحرني بجد ..


مودتي ..

اختك .. شقاوة مراهقة

ميرام يقول...

شقاوة مراهقة
شكرا ياجميلة
بتحرجيني بذوقك
سعيدة بمرورك
تحيـــاتي

د. ياسر عمر عبد الفتاح يقول...

علي فكرة
ميلة أوي بجد

فيها إنسيابية حلوة أوي

دينا حامد يقول...

والله ياميرام انا بعجز عن التعليق لما بدخل مدونتك بجد
الادراج كله عجبنيوحسيته جدا
تسلم ايدك


تحياتي

أبو العريف يقول...

كالعاده جميله جدا
فعلا موهوبه بجد ياباشمهندسه
وانا فخور بانك مهندسه
وعماره كمان

هو كده الجماعه دول لازم يكونو فنانين

تحياتي ليكي

hamada يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية “رواية سنوية سنقوم بنشرها في الجريدة”
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
أرجوا إرسال مواضيعكم لأختيار الأفضل لنشره العدد القادم
أرجوا ارفاق الاعمال في ملف ورود
لمزيد من المعلومات بادروا بالاشتراك في الجروب الرسمي للجريدة
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039

دينا حامد يقول...

مش هقول لك اكتر من ان ربنا يمرر الايام دي على خير
وتتحسن الاوضاع اكتر
بالرغم من اني مش عارفة حاجة
ربنا معانا كلنا وان شاء الله تخرجي من الحالة دي

صدى الصمت - عاشقة الورد - يقول...

وكان مسرح ..بتلعب كل يوم دورك ..وأنا اتفرج ..وامثل اني جمهورك ..
الله كلمات أكثر من رائعة
تحياتى

الشنكوتي الكبير يقول...

ايه الحزن ده كله

ايه اللي حصل لده كله

لميتي عليكي المجروحين
والزعلانين والمدبوحين

خليتي الأرض تنبت بدل الزرع طين
خليتي كل اللي انجرح
يجي ويفتكر الجراح جنبك هنا
اهدي وصلي على النبي
وبركه تفرج صدقي


سلااااااااااااااااااااااام

ميرام يقول...

د. ياسر
شكرا لمرورك حقيقي
تحيــــــــاتي

ميرام يقول...

دينا حامد
عجبك لانك بتشوفي كل شيء حلو
شكرا بجد ليكي

ميرام يقول...

أبو العريف
بجد شكرا ليك
ورأيك أعتز بيه ..
وطبعا عمارة بتاعت الفنانين
ربنا يستر
(:

ميرام يقول...

دينا
تاني بقولك انا تمام
(:
بس شكرا بجد على اهتمامك
وسؤالك
(:
بحبك في الله انا

ميرام يقول...

صدى الصمت
سعيدة بتشريفك
نورتيني
(:
تحيـــــاتي

ميرام يقول...

الشنكوتي الكبير
(:
يااه كل ده
):
نورت البلوج
تحيـــاتي

هانى سعيد يقول...

ومين قالك ماحبتكيش

ومين قالك ماحستكيش

انا ببعد عشان خاطرك

عشان ويايا ماتبكيش

عشان عمرى بحاله هموم

وخايف تتعدى منى

ياشىء منى

يا عمرى يا روحى يا كلى

يا شمسى يا قمرى يا ضلى

يا نور القلب والننى

رح ابعد والسبب إنى

بحبك

بس مشحقدر معاكى أعيش

"""""""""""""
على فكرة والله انا ما كنتش عايز اكتب حاجة طول الفترة اللى فاتت لانى فعلا كنت مضايق وزهقان ومش متظبط نفسيا رغم ان فى نجاحات كتير وحاجات كتير حلوة حصلتلى فى الفترة الاخيرة الا انى كنت حاسس ان فى حاجة ناقصة ومشقادر اعرف ايه هى عشان كدة رفضت الكتابة لكن زى مانا كتابتى استفذتك على حد تعبيرك انتى كمان كتابتك النهاردة استفذتنى فكانت دى النتيجة يمكن تعجبك ويمكن لا مشعارف بس المهم ............. انها خرجت للنور من بعد قرار الاعدام
تحياتى وكل سنه وانتى طيبة

ميرام يقول...

هاني سعيد
(:
ازاي ماتعجبنيش (:
بجد جميلة ..
وفخورة بقصيدتي انها استفزتك
(:
وانت طيب
شكرا ليك

سمو الامير يقول...

كان قلبي .. يسع قلبك ..
وكــان بيــتك ...
وكان مسرح ..
بتلعب كل يوم دورك ..
وأنا اتفرج ..
وامثل اني جمهورك ..
تمل ازاي بقى مني ..
وانا لسه ماملّيتـك ...!
وكنت بشوفك الجنة ..
فعشت العمر أستنى ..
تكون ازاي ماحستنيش ..
وأنا الي بجد حسيتك ..!
تكون ازاي ماحبتنيش ..
وأنا الي بجد حبيتك ..

.....

الله الله الله

ايه الجمال ده

وايه الروعة دي

وايه الشعر ده

!!!

ايه ده كله ايه ده كله :)

بجد روعة وحلوة وجميلة والحاجات دي مش هاتنفع توصفها

عشان كده هاسكت أحسن بدل ما اقلل من قيمتها

ربنا يكرمك يا ميرام وتاخدي مكانك وسط الشعراء الكبار لأنك تستحقي كده فعلا

تحيــاتي

 

اسكت يا ابني !!! © 2008. Design By: SkinCorner