الأربعاء، 27 مايو، 2009

ارضـــي َضميــــركـــ ....

كل الورود..
اللي في عمري زرعتها ..
دبلت خلاص ..
علشان ف يوم ملقيتش ريّ..
بس الأمل موجود ..
عايش عشان بكرة ..
جوايا حيّ..
والبذرة من قلبي أنا ..
هسقيها حب..
واخد على نفسي الوعود ..
علشان تعود .. (وردة)..
مالهاش مثيل ولا زيّ


مش هفاضل ...
بين الي راح . .
ويّا الي فاضل ..
بين الي كان.... في العمر يوم ..
ويـّا الي جيّ ...
ولا عمري هسأل تاني نفسي ..
ايه في نفسي مات خلاص ..!
ايه لسّه حـيّ..!
ومش هقول الدنيا ظالمــة ..
عشان أكيد في لسّة فرحة ..
ولو قلوب الناس دي جـارحة ..
ولو قصادي السكة ضلمة ..
هلاقي ضــيّ ...
مش هفــاضل ..
بين الي راح ..ويّا الي فاضل ..
بين اللي كان في العمر يوم ..
ويــّا اللي جــيّ .......


والـــدي قــال لي ....

ياحبيبتي ..
لو حاولتي ..لو بذلتي ..
يبقى كتّر ألف خيــرك ..
واسمعيها كلمة مني ..
لو نصيبك واتكتبلك ..
عمره ماهيروح لغيرك ..
مهيش سهلة .ولا والله مستهلة ..
جراح ليكي ولا لغيرك ..
ربك حسيبك ياحبيبتي اتطمني ..
وارضي ضميــرك .!


....
على الهامش ...تهنئة لا بد منها
ألــــف مبـــروكــ ........... شــاهينــدا ... (:

80 التعليقات:

الشنكوتي الكبير يقول...

يعجبني دايما الأنشكاح
يعجبني انك تبقى قادر تنبسط
يعجبني انك لما عمرك ينظلم
لما قلبك يتفرم
لما حبك يتهمل
انك تقوم
تنفض عبايتك م التراب
تغسل عيونك من العماص
وتقوم كده والبسمه ماليه سحنتك
يلعن ابو كل الهموم
ما يغور بقى كل اللي راح
ليه هتبكي ليه
افرح واضحك وانطلق
يا طير يا ابو الجرح القديم
افرح وقوم
جرحك ما طاب
والسما مستنياك
علشان تطير
قوم فز طير
يالا بقى عصفاير كتير مستنياك علشان تجاورك في السما
ما هو انت لو تفضل هنا
على الرض ويا المجروحين
مين راح يجاورك غير فراخ
وغراب حزين
حمير كتير
صدقني يا ابني متستاهلش
ومادام ابوك قالك كده
يبقى استمع
لنصيحته دايما اتبع

مبروك عليك
انك تكون انسان جديد


=====================

سلااااااااااااااااااااااااام
اخوكي ايهاب

Soma يقول...

السلام عليكم
كيفيك يا ميرام
انا مش عايزه اعلق انا عايزه اقولك بس انك انسانه موهوبه
ربنا يوفقك

شقاوة مراهقة يقول...

ومش هقول الدنيا ظالمــة ..
عشان أكيد في لسّة فرحة ..
ولو قلوب الناس دي جـارحة ..
ولو قصادي السكة ضلمة ..
هلاقي ضــيّ ...


الله اكبر عليكي ..

بسم الله ماشاء الله ...

انتي رووووووعه ..

تسلم ايدك بجد ..

انا عمري ماحبيت اقرأ لحد كده .. غيرك

ربنا يحميكي ..

ويخليلك والدك ..

عجبتني اوي نصيحته ..

ومبروك لــ شاهيندا ..

تحيااااتي يا حيااااتي ..

romansy يقول...

اطمنى وارضى ضميرك هتلاقى دنيتنا جميله
ولو سكنا فى ليل جميل قمرنايبقى فى كل ليله
منور لينا كل الطريق
يوهبلنا اجمل صديق
يسعدنا نخطى الصعاب
نمسك بايدينا السحاب
ونمحى كلمه مستحيل دى من قاموسنا
ونفكر فى اللى يملى بايجايبه رؤسنا

ســـــــهــــــــــر يقول...

مش هفاضل
بين اللى راح
ويا اللى فاضل
-----------------------

دى قصيده لوحدها و كفايه جدا

كمان صياغة الحكمه الابويه دى حلوه جدا
المزيكا ع الواحده و مفيش نشاز خالص

حلوه بجد
طبعا انتى
و الكلمه

دينا حامد يقول...

تعليقي معروف طبعا
بس بامانة اكتر جزء اثر فيا بعد حكمة والدك

مش هفاضل ...
بين الي راح . .
ويّا الي فاضل ..
بين الي كان.... في العمر يوم ..
ويـّا الي جيّ ...
ولا عمري هسأل تاني نفسي ..
ايه في نفسي مات خلاص ..!
ايه لسّه حـيّ..!
ومش هقول الدنيا ظالمــة ..
عشان أكيد في لسّة فرحة ..
ولو قلوب الناس دي جـارحة ..
ولو قصادي السكة ضلمة ..
هلاقي ضــيّ ...

تحياتي
ومبروك لشاهيندا :)

مسدس صغير يقول...

روعة والله
مش هقول منها مقطوعة
لانها كلها جميلة جدا
احييكى على القصيدة الجميلة
اوى
اوى
اوى

hamada يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/group.php?gid=45202724108#/group.php?gid=78080770039

هندسة وصفية يقول...

:) جمبلة يا ميرام و عجبتني

غير معرف يقول...

مبروك لشاهيندا
بس مين شاهيندا
!!!

Israa El-sakka يقول...

بجد موهوبة ده التعليق الوحيد و ربنا يوفقك و مستنين نشوف الأحسن و الأحسن
تحياتي

الشاعر الحزين يقول...

ليس هناك كلمات فى قاموس اللغه العربيه أستطيع أن أعبر بها عن جمال وروعة الكلمات

لا يسعنى الا أن أقول بسم الله ما شاء الله

أتقنتى فأبدعتى

لكى منى كل التقدير

ميرام يقول...

الشنكوتي الكبير
(:
والسما مستنياك
علشان تطير
قوم فز طير
يالا بقى عصفاير كتير مستنياك علشان تجاورك في السما
ما هو انت لو تفضل هنا
على الرض ويا المجروحين
مين راح يجاورك غير فراخ
وغراب حزين

جميل قوي بجد
سعيدة بمرورك
تحيـــاتي

ميرام يقول...

سوما
(:
طيب ليه ماتعلقيش (:
شكرا لذوقك ياجميلة (:
تحيـــاتي

كاتب مصري يقول...

الله والله العظيم من أروع ما قرات بحق ربنا مش من زمان لا من أول ما بدأت أدخل مدونات يمكن
أجمل حاجة عامية حسييت بيها ولمستني
معنى وفكرة وقلب وروح
أمل وعقلانية وبدون تهور
يا سلام لو الحب ينفع فيه التفكير مكنش حد تعب واتبهدل ولا كان فيه جراح خالص
ربنا يكرمك
غايبة عني طبعا عشان مش بنورك هنا بس أهو انا جيت واكتشفت ان الي يجي هنا والله هو الي يكتسب نور بحق ربنا روحكعالية قوي وكلامك فن فن يعني
في حفظ الله
مودتي

ميرام يقول...

شقاوة مراهقة
(:
شكرا ياجميلة
أخجلتم تواضعنا بجد
والله يبارك فيكي
(:
تحيـــاتي

ميرام يقول...

رومانسي
وأهلا بيك
وسعيدة بالمتابعه
شكرا لك

ميرام يقول...

سهر
وأحلى مننا الاتنين
أكيد انتي
وجودك بيضيف للنص نكهة خاصة
ماتغيبيش
(:

ميرام يقول...

دينا
(:
منورة كالعادة
وكالعادة بتحرجيني بذوقك
سعيدة بتواصلك
و..
الله يبارك فيكي
(:

ميرام يقول...

سدس صغير
شكرا
اوي
اوي
اوي
(:
تحيـــاتي

ميرام يقول...

هندسة وصفية
(:
شكرا ليك
سعيدة بمرورك
تحيــاتي

Soul.o0o.Whisper يقول...

السلام عليكم و رحمة الله و بركاته

ميرام

أولا بأشكرك على زيارتك الجميلة
و ياريت مش تكون آخر زيارة

ثانيا كلماتك جميلة جدا
و مليئة بالامل

فعلا يا ميرام
مدام الامل نابع من جوانا
و البذرة بين ايدينا
يبئا مانملش غننا نحاول نزرعها لحد ما تكبر و تزهر من تانى



تحياتى ليكى يا جميل

ميرام يقول...

غير معرف
(:
بما انك غير معرف ممكن نسميك
الفضول القاتل
(:

ميرام يقول...

اسراء السقا
سعيدة بمرورك الأول ياجميلة
وشكرا ليكي بجد
تحيـــاتي

ميرام يقول...

الشاعر الحزين
أخجلتني والله باطراءك
ولا يسعني الا الشكر
سعيدة بتواجدك
تحيـــاتي

ميرام يقول...

كاتب مصري
(:
أتمنى بجد أكون استحق الكلمات دي
وهي منك شهادة أعتز بها
شكرا لتواجدك
وبعتذر عن تقصيري في الرد بس انا فعلا متابعه لاغلب الكتابات
تحيـــاتي

ميرام يقول...

Soul.o0o.Whisper
أكيد طبعا
سعيدة بتواجدك
كل ودي

قلب ارهقته الاحلام يقول...

ايه لسّه حـيّ..!
ومش هقول الدنيا ظالمــة ..
عشان أكيد في لسّة فرحة ..
ولو قلوب الناس دي جـارحة ..
ولو قصادي السكة ضلمة ..
هلاقي ضــيّ ...

الله ياميرام جميييله اوي

وفعلا ال مكتوب لنا هنشوفه بس يارت نريح نفسنا بس احنا :)

تسلم ايديكي ياقمرر

hérisson يقول...

والـــدي قــال لي ....

ياحبيبتي ..
لو حاولتي ..لو بذلتي ..
يبقى كتّر ألف خيــرك ..
واسمعيها كلمة مني ..
لو نصيبك واتكتبلك ..
عمره ماهيروح لغيرك ..

عجبني اوي الجزء لأن احساس جميل اوي لما اب يتناقش مع بنته ويفيدها بنصيحة او حكمة

وبالنسبة لسطورك كلها والفكرة فهي ممتازة حقيقي رائعة

والمدونة كلها جميلة وجوها هادي

تحياتي لقلمك
تقبلي مروري الاول

yoyo يقول...

مسائك سكر

اولا انا سعيد بمرورى هنا
وان شاء الله مش هتكون زيارتى الاخيرة لكى

و سعيد اكتر بزيارتك الغالية عندى وان شاء الله يدوم بيينا التواصل

كلماتك حلوة اوى اوى
اجمل مافيها روح الامل و الثقة بالنفس
الامل احساس حلو اوى بس مش كل انسان يقدر يتمسك بالامل احيانا الياس ممكن يسيطر ووقتها بيهدم بداخلنا كل الاحاسيس و المشاعر

تسلم ايدك واحساسك الرقيق
تقبلى مرورى
تحياتى
يويو

Lyssandra يقول...

مش هفــاضل ..
بين الي راح ..ويّا الي فاضل ..
بين اللي كان في العمر يوم ..
ويــّا اللي جــيّ
----

مالوش لازمة فعلا
:)

=============
لو نصيبك واتكتبلك ..
عمره ماهيروح لغيرك

--

محدش بياخد أكتر من نصيبه
ولا أقل

=============

تحياتي يا ميرام
كلامك بيدخل قلبي مباشرةً
:)

كوني بخير أختي

Lyssa

kochia يقول...

رائعة
مش عارفة لما بقرأليكي بتمني اني تكون بعرف انظم شعر
متدفق وسلس
تحياتي

لاسع افندى يقول...

كلام جميل مليان امل


تحياتى

ميرام يقول...

قلب ارهقته الاحلام

منوراني بجد
(:
سعيدة بالمرور

ميرام يقول...

hérisson


شكرا ليك بجد
وسعيدة بمرورك الكريم
تحيـــاتي

ميرام يقول...

yoyo
مساء الورد
أولا أنا مستغربة
لأنك استخدمت سعيد مش سعيدة
علما بان البروفايل بيقول انك أنثى
(:
والمدونة بتقول كده كمان
بعيدا عن ذلك
أنا أسعد (:
تحيـــــاتي

ميرام يقول...

Lyssandra
ليساندرا
والله بجد مفتقداكي
مفتقدة مرورك وكتاباتك ..
سعيدة جدا جدا جدا بزيارتك دي
(:
تحيــاتي

ميرام يقول...

kochia

(:
يكفيني هذا الثناء
(:
منوراني
تحيـــاتي

ميرام يقول...

لاسع أفندي
شكرا لمرورك
تحيــــاتي

أبو العريف يقول...

كعاده ميرام
احاسيس جميله منطلقه
ولغه رقيقه
وبسيطه
بس زود ابداعها
بشئ من الحكمه
في جمل
قالها والدها

تحياتي

ميرام يقول...

أبو العريف
وكالعادة يسعدني مرورك
شكرا لك ..
كل ودي

فراشة يقول...

الله ميرام جميلة قوى
بس اكيد حتلاقى وردة احلى منها
واسمعى قوى لكلام بباكى

ريم يقول...

كلامك كلو حلو ياميرام ,ان شاء الله تكوني كويسة وحمد الله على سلامة منى

ميرام يقول...

فراشة
(:
(:
منورة ياجميلة
تحيــــاتي

ميرام يقول...

ريم
(:
واحشاني بجد ..
بتشوفي الكلام حلو لانك حلوة
ميرسي ياجميلة
والله يسلمك ..
(:
تحيـــــاتي

فراشة يقول...

يا جماعة مدوناتنا كلنا مسروقة
واحنا قاعدين مش حاسين بحاجه
لازم يكون لينا موقف
بصراحه صديقتنا طفلة صاحبة مدونة
احساس طفلة محبة للرومانسية بس عاطفية
هى اللى نبهتنى لده
بشكرها جدا
كلنا نعمل اى حاجه ونبلغ بعض

ميرام يقول...

فراشة
(:
مش فاهمة حاجة
(:
(:
مين سرق مين.. سرق ايه وفين وكده
(:
مستنياكي تاني
(:

فراشة يقول...

والله من غيرتى على كل واحد فيكم وعلى كل كلمة كتبتوها حسيت انى حتجنن لازم ابلغم

بيخدوا كوبى من كل حاجه بنعملها ويا اما بيعملوا مدونة باسمهم او على المنتديات

كلنا نعمل اى حاجه ونبلغ بعض

ياريت كل واحد عنده طريقه نمنع بيها ده نحاول نساعد بعض
حكتبلك اللينكات بس دى مجرد امثلة للى حصل معايا او مع صديقتنا وردة او صديقتنا طفلة محبة للرومانسية يعنى مش هم دول بس لأ فى كتير جدا

http://love-radwan.blogspot.com/2009/05/blog-post_23.html

واللينك ده http://www.fremuzic.com/vb/t1159.htm

آه وكفى يقول...

وبتقولي عليا مدونتي حلوة و عمااله تقولي فيا كلام
ده انتي اللي مفيش ولا كلمة تعبر عن ابداعك انا هعمل بنصيحتك اسكت يابني وارفعلك القبعة وبس

وياشيخة طظ في اللي فات بلا قلبة دماغ

ميرام يقول...

(:
فراشة
(:
ربنا حسيبك وحسيبنا ..
وكفى به حسيبا ..

ميرام يقول...

آه وكفى
منوراني بجد
وسعيدة بالزيارة دي
(:
بس انتي فعلا قلمك مميز
تحيــــاتي

Diyaa' يقول...

معتقدش إنك زائرة متأخرة بتاتاً :) وتشرفي بالزيارة في أي وقت وخصوصاً إني بطة في التدوين لأسباب نفسية شوية :) فممكن جداً اللي بكتبه يفضل بالشهور مبكتبش غيره

ده تعليق لابد منه بسرعة كده وبعدين هقرا البوست..ولو إن واضح من تعليق إيهاب الشنكوتي إنك كاتبة كلام جامد جداً..لأنه مش هيرد كده لمجرد تضييع الوقت

وبالمناسبة ..فلسفة الصمت أحييكي عليها :) بس إسم المدونة كان هيبقي أجمل لو كان..الصمت يا ابني

هقرا وأعلق تاني لو ليا عمر بقي

الشعيني يقول...

لازم يعود..

الحب بعد ما ضاع وراح

يسقى الورود

ويداوى فى القلب الجراح

وانت ميرام..

رمز المحبة والغرام

لا متقليش الحب مات

علشان حرام ..

غنى وعلى كلمتك..

حوشى الجراح من سكتك .

ومتسكتيش..

فينا الأمل لازم يعيش..
فينا الأمل لازم يعيش..

بعد ما قرأت كل اللى على مدونتك

الجميله دى. لقيت نفسى بكتب اللى

كتبته. انت فعلا مبدعه بجد

Diyaa' يقول...

واضح إن حكمة والدك اتنقلت لبنته بسرعة جداً بسم الله ما شاء الله

عارفة .رغم إني مش بسمع أغاني خلاص تقريباً بطلت لظروف صحية :)

بس بالصدفة سمعت أغنية يارا اللي كانت في فيلم ظرف طارئ ( ق ) تقريباً.ورغم إني مش شفت الفيلم بس أعتقد إن الأغنية بتعبر عن أفلام كتيرة كلها ممكن تتعمل وتدور حوالين نفس المعني

إننا بنعتقد إن الحياة خلصت وإن الدنيا مش هتدينا تاني ونعض الأنامل
ونسمح للأحاسيس السلبية وضعف الإيمان يكلبشونا :( ..لكن أكيد الدنيا مجرد إختبار متجدد..ومع الخبرة والأمل والحب هنقدر نزرع ورد جديد وشجر وسنابل
نرويها لآخر يوم في عمرنا.ومش مهم نشوف النتيجة.المهم نحسها ونحس برضا ربنا علينا :)

هطول عليكي أكتر وأفتكر موقف الفلاح العجوز اللي سأله ملك فارسي أعتقد وربما أمير من الدولة الإسلامية..لما شافه بيغرس شجرة زيتون تقريباً
إنه ازاي يتعب نفسه في غرس الشجرة التي لن ينال من ثمرها أي مكسب ؟

لأن الشجرة بتاخد وقت طويل والعجوز كان واضح عليه إنه طاعن في السن

فرد عليه العجوز : لقد غرس لنا من قبلنا فأكلنا .ونغرس لمن بعدنا فأكلوا


أعتقد إن الليل الغميق علي رأي يارا بيبقي مؤقت..وإن طالما في ناس حاسة زيك كده يبقي هنشوف النجوم اللي مالية الطريق :)



وأخيراً وليس أخراً بإذن الله

كالعادة يبهرني أهل الطب والهندسة بقدراتهم اللغوية :) لدرجة إني بفكر أصلح غلطة عدم المذاكرة وأرجع وأدخل مجال الهندسة زي ما كنت بحلم
:))))

تسلم إيدك

غير معرف يقول...

وكلنا محتاجين نرضي ضمايرنا بس انا متاكد انك ضميرك راضي لانن انتي انسانة كويسة قوي وعشان كده لازم تبعدي عن الحزن انا هدخل تاني ونفسي القى شعر جديد احس فيه انك فرحانه بحق وحقيق مش بتحاولي تخدعي مشاعرك فيه حاولي بجد ماتغرقيش في دموعك عشان مافيش حاجة ولا حد يستاهلو

حكاية لا تنتهي يقول...

هل سابدو وقحا ان قلت انها كلمات مراهقه ميه الميه
ما بين اشجان الحزن من شئ لا نعرفه ونفتقده واستعذاب للحزن مع تفائل وشعور بمستقبل مختلف

ولكها كلمات جميله
اولها يذكرني ولسبب لا اعلمه باغنية مدحت صالح لفيلم امير الظلام
النور مكانه في القلوب

ساعود لاتابع المزيد

نيجار يقول...

ميرام بجد شاعره مميزه
وموهوبه وكلماتك قمة الإحساس
تحياتي ليكي :)

ميرام يقول...

ضياء
(:
أهلا بيك
وبالمناسبة ..فلسفة الصمت أحييكي عليها :) بس إسم المدونة كان هيبقي أجمل لو كان..الصمت يا ابني

مع احترامي الكامل
(:
اسكت ياابني .. هي الأفضل من وجهة نظري

حلـم،، يقول...

مشاعر مشتعلة..بالامل..بالماضي..بالحاضر..الانتظار..الامل..الخوف والثقة من بكرة..الفكرة قوية وتفاصليها ترتشف الحب والصبر من دوالي الثقة ببكرة للامام ياهندسة..ع فكرة انا بزورك مش علشان تزورني ..بزورك لان مقنع واسبقى..الي اللقاء ياهندسة..حلم..

ميرام يقول...

الشعيني
(:
الله بجد بجد
(:
شكرا ليك ده بعض مالديكم
سعيدة بهذا المرور
تحيــــاتي

ميرام يقول...

ضياء كلاكيت تاني مرة
(:
(:
شكرا بجد
ومع اني ماسمعتش الاغنية بس هعمل عليها سيرش واشوف الرابط بينها وبين كلامي
(:

كالعادة يبهرني أهل الطب والهندسة بقدراتهم اللغوية :) لدرجة إني بفكر أصلح غلطة عدم المذاكرة وأرجع وأدخل مجال الهندسة زي ما كنت بحلم
:))))


(:
(:
وقول للزمان ارجع
ماحدش بياخد غير المكتوب (:
شكرا ضياء
تحيــــــــاتي

ميرام يقول...

غير معرف
(:
أنا بصدق دايما بتمنى يكون التعليق على النص
(:
مش لسبب أكتر من ان الحالة المكتوبة مش بالضرورة تكون تمثلني أو بالأصح أكون انا بمثلها
(:
على العموم .. ممكن أقول شكرا لمرورك

ميرام يقول...

حكاية لا تنتهي
لم لا ...؟!
أقصد المراهقة بالطبع
(:
قد ترى في الكلمات مراهقة ويراها غيرك أملا ويراها البعض مشاعر حزن

يبقى النص ملك لكم ولكل منظوره الخاص
سعيدة بمرورك ..
وبانتظار عودتك
تحيـــــاتي

ميرام يقول...

نيجار
يا أهلا يا أهلا
(:
التدوينة والمدونة نورور
واطرائك بس من زوقك العالي
(:
ماتحرميناش وجودك يابنت القاضي
(:

تحيـــــــاتي

ميرام يقول...

حلم
(:
شكرا لتواجدك
وعلى التعليق ..
...

سعيدة بمرورك يا أسبقي

(:
تحيــــــاتي

حاول تفتكرنى يقول...

لغة سهلة
إقناعا بدون جهد متبادل
حروف تعلن ابداعا

المدنة فى مجملها احتوت على تعابير تصرخ برقي الحرف والصورة والمنطق

تحياتي

عاشقة الأحزان يقول...

السلام عليكم


حبيبتى الغاليه

بجد سعدت بمرورك الكريم وان شاء الله يبقا الود

كلامك جميل قووى ربنا يبارك فيك ويعزك

ومبروك لشهنده

ههههههههه

تحياتى ليكى حبيبتى
وبدعوكى لزيارة البوست الاخير
انوسه

Hesham يقول...

ان شاء الله مشروع مؤلفة اغانى جميلة يارب تستمرى على موهبتك باذن الله

شقاوة مراهقة يقول...

وحشتيني يا ميرااا ..

وحشني كلامك ..



جيت اسلم عليكي بس ..

يارب تكوني بخير ..

ميرام يقول...

حاول تفتكرني
شكرا لك ..
(:
على الهامش ..
(حاول تفتكرني)

أعشق هذه الأغنية
الا أنني دوما أعترض على استجداء الذكرى ,,
ألا توافقني الرأي أن الحب لا يتسول ..
ولا يطلب ...

سعيدة جدا بمرورك
تحيــــاتي

ميرام يقول...

عاشقة الأحزان
(:
شكرا لك ..
والله يبارك فيكي
كل ودي

ميرام يقول...

هشام
(:
بصدق أبتسم
فهي آخر طموحاتي ...
لكن ..من يدري .. ربما
شكرا لمرورك
تحيــــــاتي

ميرام يقول...

شقاوة مراهقة
(:
منورة ياجميلة
وشكرا على سؤالك
بس الامتحانات (:
(:
وبما اني متفوقة طبعا فلازم تتوقعي اني بقفل وبطلع من الامتحاان سعيييييييدة
وزاد الطين بله ان العصفور بتاعي طار النهرده
(:
فلو كتبت حاجه مش هتبقى في صالحكم
(:
تحيـــــاتي

رومانسى مشاكس يقول...

السلام عليكم


بجد مدونة رائعة جدا


وكلماتك مليئة بالاحساس والمشاعر


اتمنى لكى مزيد من التميز والابداع



كل التقدير والاحترام



رومانسى مشاكس

جريدة الصباح العربي يقول...

شاركوا معنا في أختيار العمل الأفضل للنشر عبر صفحات جريدة الصباح العربي
http://sabaharabi.blogspot.com/
وذلك عن طريق التصويت في المدّونة على القصة التي أعجبتكم
أو التصويت عبر جروب الجريدة على الفيس بوك
http://www.facebook.com/group.php?gid=78080770039
وذلك لرعاية المواهب العربية الشابة

حاول تفتكرنى يقول...

أوافق تماما

ولكن هناك ابعاد مختلفة

ايضا تماما

تحياتي

Sweet Violet يقول...

ماشاء الله عليك بجد

عجبنى الامل الموجود فى الكلمات

دمتِ بكل ود و أمل و حب ^_^

ميرام يقول...

رومانسي مشاكس
شكرا ليك
(:
تحيــــاتي

ميرام يقول...

حاول تفتكرني
(:
(قد يكــون)
سعيدة بعودتك
تحيـــاتي

ميرام يقول...

Sweet Violet
نورتي
(:
بيتهيألي لازم يكون للأمل مكان
في حروفنا وفي حياتنا عشان نعيش
(: المهم مايكونش أمل كاذب
نورتي ياجميلة ..
(:
تحيــــــاتي

 

اسكت يا ابني !!! © 2008. Design By: SkinCorner