وكــــان نفــــسي ....
أشــوف عيــنــك ...
فأغزل م الحروف كلمـــات ..
واغنيـــلـك ...
يدق النبض ف عروقي ..
يدق النبض ف عروقي ..
فأتنهــــد ..
وأقول الآآآه ..
ف مووايـــلــك ...
وكـــان نفســـي ....
أكون صبحــك ..أكون عصرك ..
وأكـــون ليــلــك ...
أكون ليكي السما والأرض ..
أكون وطنك ..واكون نيــلـك ...
واكون الحضن فيه راحــتـك ..
وفيه ويــــلــك ....!
وكــــــان نفــســـي ...
ألمّ الغــربة جــوايـــا ...
وعالاشواق أعـــديـــلك ...
ومن قســوة ليالي الهجــر ...
منــك ..ليـــكي أشكيـــلك ..
وعالوجع اللي صابــني زمــان ..
وعالحــرمـان بقى أحكيــلك ...
وكــــان نفــســي ....
أمد ايديــا بالوردة ..فتاخديها ..
وتبتســـمي ....
فأقـتـل كــلّ أحــزانــي .. واعديــها
وتتـرسـمــي ..
على الصفحة اللي باقيــالـــي ..
مش هطويـــها ....
وامد ايديـــا بالخــــاتم ,..
عليــه اســمك ..عليــه اسمي ...
واقول احنا خـلاص (واحـــد) ..
(فتتـــقســـمي )
وافوق من وهمي انا تاني ,..
وانــزل من سما حلــمي ...
غريــق .. يائـس ..ووحـدانــي ..
وأقـول لازم أفــوق وارجـــع ..
واحـــاول اني انســــاكي ...
فأنســــــاني ...!!
71 التعليقات:
وكان نفسك
وليه كان
يمكن اللى فات مات
لكن اللى جاى احلى من اللى فات
الايام بتتغير وبتحصل فيها المعجزات
ومين عارف...؟
تحياتى
ميرام
مش عارف اقولك اد ايه كلماتم بتلمسني
جدااااااااااااااااا
كانك كتبتيها بعقلي واحساسي
بجد رائعه
ولمست معايا
تحياتي ليك
ربنا يحقق كل احلامك يااااارب
رؤية
(:
ولو اني عارفة ...
بس المرة دي هصدقك ..
وقول زيك ..
ميـــن عـــارف !
نورتيني ياجميلة
رائع بجد
طمج كلمات شبهو فصحي مع عامية و كمان مع الحفاظ علي المزيكا بدون الاخلال بالمعني
استمتعت جدا بالقراءة :):):)
أبو العريف
شكرا ليك
سعيدة فعلا باطراءك المبالغ
وجميل انك حسيتها
(:
تحيــــاتي
عاشقة الرومانسية
(:
ولو ان مافضلش من الاحلام كتير
بس هنقول ..
يااااارب ..
وانتي كمان
نورتيني
حاولت أترجم الكلام في الاول ماعرفتش
(:
شكرا لمجاملتك ياعادل
تحيـــاتي
:(
وكان نفسي
...
هو ليه الواقع دايماً صعب كده ؟
وليه الدنيا بتعاند احلامنا بالشكل ده ؟؟
---------
كلامك بيمسني أوي يا ميرام بدرجة تفوق تخيّلك والله
تكتبي بعض وجعي .. إن لم يكن كلّه
تحياتي لكِ
ودمتِ في تألق
Lyssa
بجد الكلام يجنن
ومكتوب بطريقه حلةه اوي
انا بحب اصلا اقرى الشعر اللي من النوع ده
وبحمد ربنا لقيت مدونتك
المدونه كلها على بعضها تحفه بجد
والعامي بتاعك احلى بكتير من الفصحى
نفسي اسمع بقى كلام حب منك او حنين
لانه هيبقى مكتوب اكيد حلو اوي
منار فايد
ليساندرا
القلم الذي أحترمه
والروح التي أحبها بصدق
هو ليه الواقع دايماً صعب كده ؟
والله ياليساندرا احنا بنصعبه على نفسنا ...
وليه الدنيا بتعاند احلامنا بالشكل ده ؟؟
مالها الدنيا ومالنا ..
احنا أغبياء .. وبنعاند نفسنا .. وفي الاخر مش بنوصل لحاجة .. ):
ربنا يبعد عنك الوجع ليساندرا
وعنا جميعا
(:
بحب وجودك
تحيــــــــاتي
شباك موارب
(:
(:
أحرجتيني بمجاملاتك
(:
حسستييني اني بكتب كلام بجد
(:
عايزة حــب ..!؟
وحنيـــن ...):
طيب ...
مايطلبه المدونون ..
استنيه ..
بس ماوعدكيش
(:
نورتي ياجميلة ..
لا انا مش بجامل و سوري لو الحروف اتلخبطت لاني بكتب بسرعة
و قصدي ان الكلمات فيها سبه فصحي مع عامية و ده مدي طعم
عادل
أهلا بعودتك مجددا
وبشكرك مجددا
سعيدة انها عجبتك
تحيـــــاتي
الله عليكي يا ميرام
بجد بجد حلوه اووووووووووي
تسلم ايديكي..:)
هاجر زعبل
ومرورك هو الأحلى
(:
تسلمي ...
كل الود لك ...
انتي لسة شطورة كدة
ما شاء الله
بجد بستمتع وانا بقرا ليكي
مستنية منك كل جديد
kochia
هههههههههه
لسه شطورة ..
هو بعد الامتحاانات مااثقش قوي وانا بجاوبك
("_
وانا بفرح بوجودك
شكرا (:
وافوق من وهمي انا تاني ,..
وانــزل من سما حلــمي ...
غريــق .. يائـس ..ووحـدانــي ..
وأقـول لازم أفــوق وارجـــع ..
واحـــاول اني انســــاكي ...
فأنســــــاني ...!!
,,,,,,
بصراحة عاجز عن الكلام
يعني اسلوب رائع
وتشبيهات وتعبيرات تخلي الواحد يسرح بخياله في عالم تاني
والاحساس كمان عالي اوي
اما النهاية بقي فأبهرتني
مبدعة كعادتك
تحياتي لقلمك
hérisson
أهلا بك دوما على صفحات مدونتي ..
وكالعادة أخجلتم تواضعنا
شكرا لك ..
(:
ده ايه الكلام الجامد ده
واضح انك فعلا راقيه الاحساس اوي
ربنا يوفقك
تقبلي مروري
الله الله الله
كلماتك جميله جدا
تحياتى
ميراااااام مش عارفه اقولك ايه يابنتي
واقسملك بالله انتي فوق الوصف
فوووووووق الوصف
كلامك بيخليني عايزه اعيط
بجد نادر اوي كده الي يعرف يمسك بخيوط الكلمات ويحركها ويعزف عليها زي الاوتار
بجد يابنتي انتي حاجه تانيه
غير اي حاجه فالدنيا كلها
وحشنى كلامك اوى
كأنى متعودة اقراه كل يوم الصبح
بس لما قرأته دلوقتى حسيت انه وحشنى
مش عارفة ازاى :)
عارفة
افتكرتك لما سمعت البوم انغام الجديد
هتصدقيني ؟
بس ده فعلا :)
مش عارفة ليه
لا بجد جميلة قوى ياميرام
بس هو ليه دايما كده حزن و حرمان واحلام ضايعة v_v
صباحك سكر
يالله على روعة الكلمات واسلوب الكتابة
بجد تسلمى ويسلم احساسك الرقيق يارب
بس ياترى هنفضل نقول كان نفسى و نعيش فى حلم بعيد انه يتحقق على ارض الواقع
شىء مؤلم ان يعيش الانسان على ذكرى محب رحل وترك فى القلب جرح كبير لا تقوى الايام على ان تداويه
عزيزتى لولا النسيان لكانت حياتنا نهرا من الدموع
دمتى اختى بالف خير وصحة
تحياتى
يويو
لا ده أنتى شاعره بجد !!
أول مره أدخل مدونتك و فوجئت أنى بداخل مدونة شاعره لها أسلوب خاص جدا فى التعبير و التراكيب و الصياغه ..
متشكر ليكى أنك عرغتينى طريق مدونتك و اٍن شاء الله لن تكون زيارتى الأخيره أبدا ..
تقبلى تحياتى و تقديرى ..
ديالا
واسم جميل وحضور اجمل
سعيدة بزيارتك الاولى
واتمنى ماتكونش الاخيرة
(:
لاسع أفندي
شكرا شكرا شكرا
(:
تحيـــاتي
موني الشريف
ههههههههههههههه
(:
بالراحة علياااااا
(:
واحشاني بجد والله ..يارب تكوني بتحلي كويس في امتحاناتك
(:
(:
مادام عجبتك تبقى حلوة (:
انا غير اي حاجة في الدنيا
ههههههههه
والله انت عسولة مووت ...
ربنا يوفقك ويارب تكوني بخير
كفاية طيبة
(:
كل يوم الصبح ..!
أنا هعمل رسوم دخول للمدونة (:::
بتقولي افتكرتيني ....
لما سمعتي ألبوم أنغام ...!
ماسمعتوش لسه ..
سمعت أغنيه واحدة في واحدة بتحبك
(:
هسمعه واقولك اذا كنت لقيتني (:
نورتيني ياجميلة ..
Sweet Violet
انتي الأجمل أكيد بمرورك
بس هو ليه دايما كده حزن و حرمان واحلام ضايعة v_v
عشــــان .. عشــــان ..
مش مهــم ): ...
المهم انك نورتيني بجد
(:
يويو
(:
صباحك ورد
صحيح انتي دايما بتكتبي تعليقاتك الصبح ؟!
(: عشان تحطي اللازمة دي (:(:
النسيان ..
لا مابحبوش (:
حقيقي بجد ...
بعيدا عن ذلك .. مرورك أسعدني
يارب دايما بخير
شكرا يويو
(:
عمرو
(:
مش بجد قوي كده يعني (:(:
هو انا على حد ذاكرتي الضعيفه (:
حضرتك شرفتني بالزيارة قبل كدة تقررريبا يعني (:(:
هكون سعيدة بتكرارها
شكرا لاطرائك (:
تحيـــــــاتي
في منتهي الجمال
:)
مستني جديدك بفارغ الصبر
بجد بجد بجد من أروع ما قرأت ..
تسلم ايديكي ويسلم قلمك.. انت بجد مش معقوله :):)
ربنا يوفقك دايما .. تحياتي بجد لاحلى شاعره في الدنيا
السلامـ عليكمـ
كلمات جميله تطوقها الندم
ولكن من يعلم ربما يقدر الله شيئا ليس في الحسبان ..
موفقه ان شاء الله ..
قيصر سابقا
شكرا ليك ..
كل ودي
أنــا
(:
(:
ابتسامة قد السما ..
شكرا ليكي بجد (:
ده بس زوقك العالي
نورتي
غربتي
(:
مين عارف ..
ربما
تواجدك اسعدني
(:
وامد ايديـــا بالخــــاتم ,..
عليــه اســمك ..عليــه اسمي ...
واقول احنا خـلاص (واحـــد) ..
(فتتـــقســـمي )
وافوق من وهمي انا تاني ,..
وانــزل من سما حلــمي ...
غريــق .. يائـس ..ووحـدانــي ..
وأقـول لازم أفــوق وارجـــع ..
واحـــاول اني انســــاكي ...
فأنســــــاني ...!!
#####################
القصيدة كلها تحفة بجد والله يا ميرام لكن انا هعلق على الجزء الاخير لانه ها حكى مضمون القصيدةالمتمثل فى الحلم او الامنية او الرغبة البريئة او حتى الطموح فى ان الانا يلاقى الاخر اللى ممكن يكون الانا التانى بتاعه من غير اى صراع لكن دا حلم بعدين نيجى نلاقيكى وصفة حالة الفوقة او الاستيقاظ من احلام اليقظة المريرة اللى احيانا زى ما قولتى بتخلى الواحد فى النهاية وحيد ويائس من اى حاجة وكل حاجة ولما يحاول الواحد انه يرجع ويعيش فى الواقع ويهرب من احلامه دى او من رغبته دى ويحاول ويحاول ينسى فيكتشف انه مش قادر لان الحلم دا كان متمكن منه حتى النخاع وهنا قمة الرومانسية والحب العذرى البرىء
فبجد بجد بجد والله العظيم يا يا ميرو ابدعتى .......... ولكن
فى اول القصيدة يستحسن انك تقولى فأغزل مالحروف كلمات بدلا من فأغزل من الحروف لان حرف ن هنا بيعمل تقل خفيف
#############
وبعدين ايه اللخبطة دى انتى غيرتى استايل المدونة ولا انا بتهيألى ؟
سلام يا ميرو نلتقى دايما على الود والاحترام
سلام
نسيت اقولك
والله انا كنت عامل اغنية من حوالى 3 سينين كان اسمها كان نفسى برضو وكانت منتشرة قوى فى جامعة القاهرة فى المنتخب وكان ملحنهالى الملحن الجميل احمد ابو السعود كمان بس الموضوع يعنى غير موضوع شويه انتى كنتى عايزة الحلم وانا كان نفسى فى الواقع لانى بقول كان نفسى قبل مالشوق يروح ونقول كلمة وداع وتملانا الجروح ويكسرنا الخداع نتواجه بالحقيقة ونشوف مين اللى خان وانتى لسه بريئة ولا انا ماليش امان كان نفسى
دا مطلعها
انا حبيت اقولك كدة عشان ما تقوليش فى يوم انى خدت فكرة من افكارك ونسبتها لنفسى تحت اى مسمى لان دا طبعا ما يصحش يا ميرو اوك؟
واتمنالك التوفيق يارب دايما
سلام
تظل فكرة استخدام الضمير الأنثوى للشعراء الرجال والضمير الذكورى للشعراء النساء مرهون بالصدق فى التعبير عن الرؤية الشعرية
وأقصد بالصدق هنا, الصدق الفنى الذى يعبر فيه الشاعر عن مذهبه الجمالى.
وهو ما تحقق إلى حد كبير فى النص
وإن كان أفضل ما فى النص المفاجأة التى تحقق الدهشة فى اخرياته
وهو توفيق يحسب للنص
وإن كان هناك ما يأخذ عليه فهو المباشرة والتى يقع فيها معظم شعراء العامية.
أحييك يا ميرام على القصيدة
وأحيى توهج أشعارك دائما.
وادعيللى أخلص جيش على خير
هاني سعيد
سعيدة انا جدا جدا انها عجبتك
(:
فأغزل مالحروف كلمات
أنا فعلا بلقيها كده ومش عارفه ازاي كتبتها من هروح أعدلها
(:
وشكرا على التعديل
بالنسبة لكان نفسي الخاصة بيك
(:
فالعفو طبعا (: المهم احنا الي مانكونش سرقنا بما ان التاريخ سابق (: (:
المدونة كمان مااتغيرتش بس الشريط الجانبي كان على الشمال وربقى على اليمين
(: بس
آخر حاجة (:
مع الاعتذار بس ..انا اسمي (ميرام)
مرورك أسعدني بجد ..
شكرا هاني ..
teemo
ويشهد للنص انك علقت عليه
(:
سبقت المميزات وتبعتها بالعيوب (:
لا بأس اانا بعترف ان فيه مباشرة
(:
شكرا لنقدك حاتم
وشكرا لمرورك
كل ودي
بوست جديد بقى
انا بدخل مدونتك كتير اوي في اليوم الواحد عشان اشوفك نزلتي بوست جديد ولا لسه
انا مستنيه
مدونة جامدة
روعه روعه روعه
حقيقى واضح انى هتعلم كتير فى عالم التدوين
ضيف جديد ياريت يدوم التواصل
شباك موارب
(:
(:
(:
هههههه
أنا اقترحت موضوع الرسوم ده محدش راضي يقتنع
هعمل الدخول بجنية
(:
منوراني ياجميلة
(:
وحاضر هحاول انزل حاجة قريب
(:
عمار أون لاين
شكرا ليك
(:
جحا المصري
أهلا بيك
ضيف جديد في عالم المدونات بشكل عام
وفي مدونتي على وجه الخصوص
أسعدني مرورك
تحيــــاتي
جميييلة اوي ومعبرة بجد
بس بلاش كان :)
فعل ماضي منسيبه ف حاله تيراررارر
إن شاء الله يكونلك كل خيررر و يمكن أجمل بكتيير مما تخيلتي
دمتي بخييرر
السلام عليكم ورحمة الله وبركاته
مش عارف أوصف لك مدى اعجابي بكلماتك الجميلة الرائعة المعاني هذه
حقيقي والله قلمك رقيق جدا وسهل ممتنع
واسمحيلي امارس هوايتي المفضلة واقتبس الكلمتين دول واحدط تحتهم خط بقلمي الرصاص ههههههههههههه
"وكــــــان نفــســـي ...
ألمّ الغــربة جــوايـــا ...
وعالاشواق أعـــديـــلك ...
ومن قســوة ليالي الهجــر ...
منــك ..ليـــكي أشكيـــلك .."
لاتعليق يمكن ان يليق بمكانة وروعة وصدق هذه الكلمات التي كتبت بماء بماء العيون
اتمنى لك التوفيق والنجاح ومزيد من التميز والابداع
ولو سمحتي عديني عشان ورايا مشوار
هههههههههههههه
في حفظ الله
بس ممكن سؤال بس صغير
اشمعنى مسميا المدونة اسكت يابني بالعربي
مع ان اسمها الانجليزي رااااااااائع
ياريت تخليها بالعربي زي ماهي بالانجليزي
ميرااااااااميااااااااات
هتبقى اجمل
وهو مجرد اقتراح
يعني هتنفذيه طبعا بدون نقااااااش
أصله انا ديمقراطي جداااااا والحرية في عهدي بوزعها على بطايق التموين
ههههههههههههههه
اتمنى لك التوفيق
في حفظ الله
تحفه جدا جدا جدا
بجد حلوة قوى
بس صعب عليا جدا لما فاق وطلع كل ده حلم
طبعا طبعا ما يخفاااااااااااااااش عليكي انتي وحشتيني قد اييييييييييييييه ..
واني لسه مخلصه امتحانات النهارده ..
والحمد لله مش فاتني كتييييييير ..
هو البوست ده بس ..
نيجي بقى نعلق عليه
وبجد بجد بجد حاولت اقتبس حاجه منه لقتني بقتبسه كله ..
انتي ماتتوصفيش بجد ..
وزهقت من كتر ما بقول انك فنااااااااااااانه وروووووووعه ..
حقيقي ابداااااع من الخيااااال ..
دايما متألقه ونجمك ساطع هههههههه
وحشاني جدا .. بحبك ..
ومين عارف
يمكن تحقق احلمى
يمكن يتعاد كلامى
يمكن ماشوفكش بس فى منامى
ومين عارف
يمكن الاقى كفتى التانيه ونبقى ميزان
ويبقى لينا ذكريات وكان يامكان
ونسرق اوقات جميله من الزمان
ومين عارف
يمكن لسه ما جاش معاده
بس قلبى بيقولى بيقرب من بعاده
يكون قلبى يكون زادى واكون زاده
ومين عارف
مش يمكن بيفكر فيا بس مش لاقينى
وعنيه حوليا وجنبه بس نسياه و نسينى
ما عينى جنب عينى بس مش بتشوف عينى
ومين عارف
يمكن يجى ويسكن قلبى فيه
واشرب من حنانه وحضنه ادفيه
وقبل ما يقول الآه يلقيتى بشفيه
ومين عارف
مين...........
لك ودى واعتزازى
رازى
ومين عارف تيمنا بتعليق رؤيه اللى فى الاول
عجبنى ردها فطلعت الكلمات البسيطة دى
ارجو عدم المقارنه بينها وبين تحفتك الفنية
بجد كلامك يدل على انك متمكنة اوى
كلامك واسلوبك شدنى وهاتلقينى عندك تانى
تحياتى
قلب أرهقته الأحلام
منوراني
حلو تيرارارا
(:
يارب آمين ليا وليكي وللجميع
(:
شكرا ياجميلة
قلم رصاص
وأهلا بزيارتك الأولى
وشكرا على الكم الكبير من المجاملات اللطيفة (:
بالنسبة لاسم المدونة
هو كان فعلا في نيتي يبقى ميراميات نسبة الى ميرام الي هي أنــا
لكن امعانا في التواضع اكتفيت بان الميراميات تبقى جمل في نص آخر المدونة والي تقريبا ماحدش بيوصللها ولا بيقرأها ..
لحد دلوقتي واحد بس الي علق على الميراميات دي (: (:
المهم مش بس تواضعا مني مانسبتهاش ليا ..
لا كمان لاني بأمارس الديموقراطية المطلقه في مدونتي
سمتها ( اسكت ياابني )
(:
مين عارف
جايز أغير اسم المدونة
جايز المدونة تتغير ..
جايز أنا شخصيا أتغير
(:
لحد ماده يحصل أسعدني مرورك
وتحيـــاتي ( لهذه الدقة )
(:
فراشة
شكرا جدا جدا
(:
مرورك أسعدني
(:
شقاوة مراهقة
(:
مبروك الأجازة
ولو انك كنتي في اجازة اصلا
ههههههه
يارب تكوني حليتي كويس
وميرسي بجددد على زوقك
(:
يانجمك الساطع
نورتي
(:
مستنياكي دوما
ومين عارف
يمكن لسه ما جاش معاده
بس قلبى بيقولى بيقرب من بعاده
يكون قلبى يكون زادى واكون زاده
ومين عارف
مش يمكن بيفكر فيا بس مش لاقينى
وعنيه حوليا وجنبه بس نسياه و نسينى
ما عينى جنب عينى بس مش بتشوف عينى
رازي
وتواصل جميل
(:
ومعنى حلو بيرسم أمل
(:
بقالي فترة بمنع نفسي من نشر أي عمل يائس أو حزين
لاني بجد عايزة أمل
(:
شكرا لردك
بانتظار عودتك
تحيـــاتي
كلمات أكثر من رائعة بحق
دمت متألقة كعادتك
تحياتى
انا اعترررررررررض
انا شوفت الميراميات من زمان قووووووووي ..
وبعدين مدونتك دي انا فصفصتهاااااا فص فص .. مافيهاش حرف ما اتقراش .. هع ..
ال محدش بيوصلها ال ...
يلا قوليلي تحياتي ع هذه الدقه انا كمان ههههههههه..
الامتحانات فل الحمد لله ...
المهم انتي تكوني بخير ..
ولسه مستنيه انك قولتي هتسمعو اخبار حلوة ..
وانا مطرقه وداني من ساعتها عشان افرح بيكي واقرصك ف ركبتك واحصلك ..هههههههه
خالص مودتي
صدى الصمت
شكرا لدوقك
(:
نورتيني
شقاوة مراهقة
(:
(:
هههههههههه
يافندم حضرتك حالة خاصة (:
والمدونة كلها تحت أمرك
.................
ولسه مستنيه انك قولتي هتسمعو اخبار حلوة ..
وانا مطرقه وداني من ساعتها عشان افرح بيكي واقرصك ف ركبتك واحصلك ..هههههههه
..............
لا انتي دماغك راحت لبعييييييييييييد
(:
الاخبار الحلوة لاتمت بأي صلةة لا من قريب ولا من بعيد للي في بالك
ال اقرصك ال
روحي يابنت ذاكري
(:
وتحياتي على هذه الدقة
هههههههههه
(:
تعلمين قدرك جيدا
لذا
سأكتفي بكلمة
مبدعة
تحياتي
وجه جديد د/ أحمد عثمان
وسأكتفي أيضا بكلمة شكر
(:
أسعدني مرورك
تحيــــاتي
ميرااااااااااااااااا
واخيرا وبعد عناء طووووووويل وشاق ..
بقى عندي مدونة اهووووووو..
ياريت تنوريني هناااااااك ..
سلامزاات يا قمر
رائعة كلماتك يا ميرام ...
احساسك بيوصل بكلماتك و تشبيهاتك ...
بكرة الحلم يتحقق ... مش ضروري ...
بس الفرحة كدة كدة جاية ...
بس ياريت احنا نعرفها و نلحقها مش تفوتنا من غير ما نحس ...
بكرة بإذن الله احسن ...
اول زيارة و اول تعليق ...
اسمحيلي بتواجدي الدائم عندك بعد كدة
إرسال تعليق