الخميس، 10 سبتمبر 2009

بكــــره قـــــوووي


بكــره قـــوي ...
عنّـي انشــغـــالك ...
واحتـــمال اني أكــون ..
عايشة في خيالي شئ ..
ماعشتــوش في خيـــالك ..
واحتمــالي واحتمـالك ..
للسكوت لما بيجمعنــا ..
اذا دارت ظنــون ,..
فسألت مـــالك ..؟!
......
بكـــره قـــوي ...
لمّا بتعند ويّـا قلبــك ..
وبفراقنـا تبقى راضــي ..
واما تسيــب ايــدي الي ماسكة فيـك
وتحكم بابتعــادك وابتعــادي
وامّـا بكـابر عن رجوعي اليك وانـا
سامعـــاك تنــــادي ...
......
بكره قــوي ..
ان اللي كلّ أنــا بكرهه ..
من حبي ليــك ..
مهمــا بيكبـــر ...
يبقــــى عــــادي !!


12 التعليقات:

blue-wave يقول...

......
بكـــره قـــوي ...
لمّا بتعند ويّـا قلبــك ..
وبفراقنـا تبقى راضــي ..

بجد ما اصعب ان يعند الإنسان مع قلبه
فيبتعد عمن يحبهم قلبه
تحياتى

Hadota ... حدوتة يقول...

وانا كمان بكره اوى جدا

انتى اجدتى وابدعتى فى وصف الحالة بكل تفاصيلها

بحييكى بجد

:)

عاشقه الرومانسيه يقول...

بكـــره قـــوي ...لمّا بتعند ويّـا قلبــك ..وبفراقنـا تبقى راضــي
واما تسيــب ايــدي الي ماسكة فيـك وتحكم بابتعــادك وابتعــادي
وامّـا بكـابر عن رجوعي اليك وانـاسامعـــاك تنــــادي
بكره قــوي


الـــلـــه بجد تحفه
لمستنى قوى

تسلم ايدك

adel يقول...

رائع جدا
في كلامات تحفة بجد و حسيتها قوي
-----
بكره قــوي ..ان اللي كلّ أنــا بكرهه ..من حبي ليــك ..مهمــا بيكبـــر ...يبقــــى عــــادي !!
----------
مممم ياريته ماكان بقي عادي :):)
بس خلاص بقي
ههههههههه

Lady E يقول...

بكره أوي كل المشاعر اللي مش ممكن حد يحبها دي

انتي عارفة رأيي من زمان في كتاباتك يا ميرام


وحشتيني بجد

youssuf يقول...

جميلة جدا ...

التناقض المعذب ...

تحفة ...

تحياتي

Lyssandra يقول...

ياااااااااربي عليكي يا ميرام

بحب أسلوبك أوي في الكتابه
سهل ممتنع
:))

تحياتي يا بنوتة

Lyssa

Crazy Nemo يقول...

أوحش حاجه ان الانسان يناقض نفسه بجد بيعذب نفسه و بعذب اللى قدامه

شكرا لمرورك و رمضان كريم :)

منــار فايد يقول...

سلام كبير جدا لاجدع ميرام في الدنيا
وحشااااااااااااني
ووحشاااااااااني كتاباتك
بكره قوي
من اروع ماكتبتكي احييكي

أبو العريف يقول...

بكره قــوي .
.ان اللي كلّ أنــا بكرهه
..من حبي ليــك
..مهمــا بيكبـــر
...يبقــــى عــــادي !!

بجد الجزء دا تحفه

تسلم ايدك

kochia يقول...

جميل جدا وحساس
وبترصدي حالة موجودة فعلا

متميزة

شاب فقرى يقول...

مينفعش نكره واحنا بنحب يا ميرام

ولا ايه ؟؟؟

 

اسكت يا ابني !!! © 2008. Design By: SkinCorner