الأحد، 13 سبتمبر، 2009

وردة




وخــدت الـوردة تضغطـها ...
مابيـن ورقــك ..
في وســط كتـــــاب ..
طبيــعي الوردة راح تدبل ...
وهـــو الـورد ..حمــل عذاب !!
هتيــجي تقــوللي حبيــتك ..
وجـوّة القلــب خبّيـــتـك ..
ولا نسيــــتـك ...
هقـــول كــــــــداب ..
!
ولـــــو هتـقــوللي حبــك نــار
أنــا أحاسيسي ليك ..باردة ..
عشــان الحب ...
مش وردة ....
تقدمــها .. تعشمهـــــا ...
وفـي الآخـــر ..
تروح ريحتــها ماتســواش
عشـان الحب من رأيي ..
شعـور واضــح .. مايتخبـاش
عشــان الحب بالأفـعال ..
هتسقي الزرع ..تلقــاه عــاش
عشــان الحب مش لحظــة
وانا مش هرضى باسم الحب
ان كرامتي يوم تنـداس ..
تموت الوردة أو تدبــل ..
اذا اتقطفــت .. اذا اتشمّـت ..
اذا اتنقــلت في ايــد النـــاس ..
أنـــا آسفــة ..
عشـــان احســاسي كان غالي ..
وعنــدك انت ..
كــان ببـــلاش ...

..
..

87 التعليقات:

Manamino يقول...

تسلم ايدك
بجد بجد كلمات راااااااائعة واحاسيس عالية قوي

عشــان الحب مش لحظــة
وانا مش هرضى باسم الحب
ان كرامتي يوم تنـداس ..تموت الوردة أو تدبــل ..اذا اتقطفــت .. اذا اتشمّـت ..اذا اتنقــلت في ايــد النـــاس ..أنـــا آسفــة ..عشـــان احســاسي كان غالي ..وعنــدك انت ..كــان ببـــلاش ...


معاكي حق في كل كلمة
ساعات كتير الناس بتدوس علي كرامتنا باسم الحب
واحا اللي بنديهم فرصة يعملوا كدة
او بمعني تاني احنا اللي بندوس علي كلاامتنا باسم الحب
تحياتي

أبو العريف يقول...

نوووووووووووووكومنت

بصراحه مش لاقي كلام اقوله

المطلع فوق الفظيع

والقفله

تحت المريييييييييييييب

هايله بجد

تسلم الايادي

romansy يقول...

هرد عليكى اقولك ايه
يا اجمل ورد
انا ولا عمرى يوم هنتى
ولا كنتى فى يوم بارده
لانك انتى احساسى وكرامتك هيه كرامتى
هقولك ايه غير بس كلمه
تحسيها بطريقتك
وانا ولا عمرى يوم اقدر
انى استغنى عن صورتك
تونسنى فى سفرى بعيد
تفرحى باجمل ورده فى الدنيا
انا حبتها

لاسع افندى يقول...

علشان الحب مش ورده
الورده عمرها قصير
الورده ضعيفه



تحيه لاسعه

adel يقول...

مصممة تخليني معرفش ااقول الا بجد حلوة قوي

وخــدت الـوردة تضغطـها ...
مابيـن ورقــك ..في وســط كتـــــاب ..
طبيــعي الوردة راح تدبل ...وهـــو الـورد ..حمــل عذاب !!

ايه يابنتي التعبير ده
رائع
جبتي مصطلح عادي و عكستيه و خلتيه اروع

تحفة

مسدس صغير يقول...

كلمات اقل ما يقال عنها انها رائعة
حلوة حلوة يعنى

وخــدت الـوردة تضغطـها ...
مابيـن ورقــك ..
في وســط كتـــــاب ..
طبيــعي الوردة راح تدبل ...
وهـــو الـورد ..حمــل عذاب !!
هتيــجي تقــوللي حبيــتك ..
وجـوّة القلــب خبّيـــتـك ..
ولا نسيــــتـك ...
هقـــول كــــــــداب ..

مش بقولك
كفاية مدح كده احسن تتغرى فى نفسك
ههههههههه

شباك موارب/منار يقول...

ميرام
انا عايزه اعملك حاجه
نفسي اوصل كلامك للناس ازاي مش عارفه
بس بجد الورده احساسها عالي جدا
جدا جدا
انا قريتها لاخواتي قاعدين جنبي
خلي بالك من نفسك

مصطفى أبوزيد يقول...

بسم الله

أولا : من ناحية الاسلوب
اسلوب رائع سلس .. دفعني اكمل للاخر واقراها مرتين

ثانيا : من ناحية المعاني والهدف المعاني راقيه وهادفه وجميله
فعلا يا فندم عمر الحب ما كان ورده ولا رساله وكلمه

ثالثا : انا سعيد بمروري الاول هنا واكيد هكرر الزياره واتمنى تشرفيني في مدونتي
eng-mostafa.blogspot.com

تقبلي تحياتي المتصله

Hadota ... حدوتة يقول...

والله يا ميرام ماشاء الله عليكى
بتعرفى اوى تعبرى عن الحالة باسلوب رائع

ناس بتقعد تكلم عن الحب اوى
تقدر الحب اوى ... تقول فيه قصايد


عارفة ايه اللى بيصعب على الواحد بجد!!!

ان اللى بيحب فى الاخر بيلاقى نفسه بكل احساسه بكل مشاعره بكل حاجة بقى رخيص اوى

أنـــا آسفــة ..عشـــان احســاسي كان غالي ..وعنــدك انت ..كــان ببـــلاش

:)

بجد تصقيفة كبيرة


تحيـــــاتى

لا تـــشـــتــــاق يقول...

انا بجدقرات كتير من موضوعاتك
وبما ان دى اول مره ليا هنا
احب اقلك احنا كنا فاكرين نفسنا بنكتب
لكن بعد ما قرأت بوستاتك عرفت
كل سنه وانتى طيبه

dramaqueen يقول...

هايلة يا ميرام

كلمات سهلة جدا
اللحن حلو اوى

كل كلمة تجنن

برافو بجد

mahasen saber يقول...

انتى موهوبه يا بنتى بجد
الكلمات بالموضوع بالفكره بالروح

ربنا يوفقك بجد شئ اكتر من رائع

هيثم مكارم يقول...

السلام عليكم

رائع يا ميرام ، رائع وبديع ومعبر جداً ، لا زلت أؤكد أنك موهوبة للغاية ، وكلماتك وإن كانت جميلة ومميزة في ذاتها إلا أنها تزداد بهاءً إن غناها صوت جميلٌ ... اجتهدي في ذلك.

كل عام وأنت بخير

عاشقه الرومانسيه يقول...

انتى كاتبه فوق التعليقات ممكن تتكلم
طيب واللى مش لاقى كلام
والله مالاقيه كلام يتقال يابنتى
الكلمات اكتر من رائعه
بجد برافو عليكى

كفايـة طيبـة يقول...

ماشاء الله :):)
روعة يابنتى بجد :)

شاب فقرى يقول...

عشـان الحب من رأيي ..
شعـور واضــح .. مايتخبـاش
عشــان الحب بالأفـعال ..
هتسقي الزرع ..تلقــاه عــاش
عشــان الحب مش لحظــة
وانا مش هرضى باسم الحب
ان كرامتي يوم تنـداس ..
تموت الوردة أو تدبــل ..
اذا اتقطفــت .. اذا اتشمّـت ..
اذا اتنقــلت في ايــد النـــاس ..
أنـــا آسفــة ..
عشـــان احســاسي كان غالي ..
وعنــدك انت ..
كــان ببـــلاش ...

=========


بجد بجد أثر فيه أوى الكلام دا

بس خلاص مبقاش فى حب حقيقى فى الدنيا

وهحاول أرد عالمكتوب بطريقتى محاولة مش أكتر :$

لان الكلام استحضر جوايا حاجات كتير اوى

====
يا مولاتى ...


إن حبك كالماء لأشجار عطشى



لم ترزق يوم الا بندى الحرمان



لم تدرك يوما طعما للأيام



لا تذكر إلا سنين البكا والحرمان



لا تبكى الماضى



لا تستجدى عطف الايام



لا تجرى خلف الاوهام



تظل وحيدة



فى غابه ظلمتها تطفىء نور الشمس



وتضيع معها الأيام

.........

لم أكن يوما لأختار طريقا

إلا وحلمت فيه بلقياك

وسهرت ليالى أشتاق

وحلمت منك بوردة

بكلمة ... بهمسة

تنسى القلب ما مر فات

ورودك يا مولاتى

ما كانت لتنسى فى كتاباتى

ما كان لينمحى شذاها بين صفحات كتابى

سيظل عبيرها وإن لم يكن موجود

يحيي الماضى

يستحضر لى حبك من بين الأوراق

ينير لى كل الطريق

حتى وإن إختلفت إتجاهاتنا

فحتما سنعود :)

=====


تحياتى يا ميرام

أبو كريم يقول...

تروح ريحتــها ماتســواش
عشـان الحب من رأيي ..
شعـور واضــح .. مايتخبـاش
عشــان الحب بالأفـعال ..
هتسقي الزرع ..تلقــاه عــاش


يا سيدى

فعلا شعور واضح ما يتخباش

تحياتى لقلمك الذى سطر ماتكن به مشاعرك

تقبلى مرورى

mimi يقول...

من أول ما بدأت أكتب وأدون ... أتعرفت عليكي ...

ودايما من بدايتي هنا ... وأنا أحييكي علي إبداعاتك

برافو يا ميرا

برافو برافو بجد

حلوة جدا كلمات ومعاني واحاسيس وفكرة جديدة كمان

ما شاء الله عليكي ربنا يوفقكك تستاهلي الخير كله

ميرام يقول...

Manamino
تسلمي على ذوقك

والله أنـا مقتنعة بكلام ام كلثوم
ياللي ظلمتو الحب وقلتو عليه ..
قلتو عليه مش عارف ايه
(:
العيب فيكم يافحبايبكم ..
أما الحب ياعيني عليه

بريء والله
نورتي يامنامينو

ميرام يقول...

أبو العريف
(:(:
شكرا شكرا شكرا
تسعدني متابعتك دايما
تحيــاتي

ميرام يقول...

رومانسي
شكرا لتفاعلك
سررت بوجودك
تحيــاتي

ميرام يقول...

لاسع أفندي
الوردة ضعيفة فعلا
بالذات لو ماتحافظش عليها
كنت لسه بشتري امبارح ورد
وبقوله هيعيش قد ايه
قالي ممكن يموت بكره وممكن يقعد معاكي 15 يوم
انتي وشطارتك !
بجد الكلمة عجبتني
شكرا ليك

ميرام يقول...

عادل
شكرا ليـــك
على التشجيع المستمر
تحيـــاتي

ميرام يقول...

مسدس صغير
شكرا على مجاملاتك المستمرة
يارب أكون عند حسن الظن دايما
تحيـــاتي

ميرام يقول...

شباك موارب
منار
انتي زي السكر
عايزة اعملك حاجة (:
ربنا يخليكي
ويارب الكلام يكون عجب اخواتك
بجد بتبسط لما بشوف اسمك على كومنت عندي
(:

ميرام يقول...

مصطفى ابو زيد
شكرا لمجاملتك
واسعدني تشريفك وفي طريقي الى مدونتك
شكرا مجددا

ميرام يقول...

حدوته
(:
ياأهلا يامرحبا


ان اللى بيحب فى الاخر بيلاقى نفسه بكل احساسه بكل مشاعره بكل حاجة بقى رخيص اوى




لو الطرف التاني ماقدرش الثمن الحقيقي والقيمة الحقيقية للي معاه
يبقى بجد مشكلة

بس بيتهيألي لو احساس البنت من جواها انها رخصت هتبقى المشكله أكبر .. عشــان كده ماينفعش توصل الدنيا للحد ده

بفرح بوجودك ياحدوتة
(:
تحيــاتي

ميرام يقول...

لا تشتاق
أخجلتم تواضعنا بجد
شكرا ليك
واتمنى أكون عند حسن الظن
تحيــاتي

ميرام يقول...

dramaqueen
شكرا ليكي
نورتي

ميرام يقول...

mahasen saber
بجد كلامك أسعدني
(:سعيدة جدا بالزيارة
تحيـــاتي

ميرام يقول...

هيثم مكارم
ورأيك أعتز به بالفعل
لاسيما أنه من قلم أحترمه
(:
حد يغنيها .. مين عارف
جــايز !
بس حاليا مش هسعى لكده ..
شكرا ليك

ميرام يقول...

عاشقة الرومانسية
(:
بالنسبالك انتي الكلام ماينطبقش
لان كفاية نورك
شكرا ياجميلة

ميرام يقول...

كفاية طيبة
تسلمي
(:

ميرام يقول...

شاب فقري
شكرا على مجاملتك
وجميلة بجد كلماتك


حتى وإن إختلفت إتجاهاتنا

فحتما سنعود :)

حتماً ... ليــه ..؟

أعتقد ان الاعتقاد في حتمية العودة ..
وان معهما بعدو الاتنين هيرجعو
بيدي مجال كبير قوي للخطأ والتمادي فيه
أوقات كتير بنجرح ناس لأننا واثقين من حبهم لينا وانهم مهما عملنا هيرجعو

(:
للأسف هكسر رومانسية كلماتك واقول


وليه حتما في يوم هنعود ...
اذا كان الفراق بيننا .. وبايدينا ..
وزادت بينا ألف مسافة .. ضاعت منا ياما وعود
وليه هنعـود ..
اذا كان الوفا مني يقابله جراح ..
وافتكرك وتنساني ..
تكون ازاي بتهواني ..
وبتقابل حنين بجحــود
وليه حتما راح ارجعلك ..
واسمعلك ..
تقوللي ننسى مافاتنا .. فاصفالك ..
واسمحلك ..
واديلك كمان فرصة ..
تقوم تنسى ..
.........
ياحب العمر أنا اسفة ..
مفيش حتما ..ولا طبعا ..
عشان القول يكون (جايز)..
ده هو يدوب تقول جايز ..
عشان المرة دي تانيه ..
ومش هيكفي ياعمري ..
تقول ننسى .. تقول عـايز



(:
بجد شكـــرا

ميرام يقول...

أبو كريم
شكرا ليك
نورت

ميرام يقول...

mimi
وانا من ساعة ماقولتيلي برافو
بتمنى أكون استاهلها
بجد نورتيني
وبانتظارك دايما
(:
تحيـــاتي

Yusuf يقول...

ولـــــو هتـقــوللي حبــك نــار
أنــا أحاسيسي ليك ..باردة ..
عشــان الحب ...
مش وردة ....
تقدمــها .. تعشمهـــــا ...
وفـي الآخـــر ..
تروح ريحتــها ماتســواش
عشـان الحب من رأيي ..
شعـور واضــح .. مايتخبـاش
عشــان الحب بالأفـعال ..
هتسقي الزرع ..تلقــاه عــاش
عشــان الحب مش لحظــة
وانا مش هرضى باسم الحب
ان كرامتي يوم تنـداس ..
تموت الوردة أو تدبــل ..
اذا اتقطفــت .. اذا اتشمّـت ..
اذا اتنقــلت في ايــد النـــاس ..
أنـــا آسفــة ..
عشـــان احســاسي كان غالي ..
وعنــدك انت ..
كــان ببـــلاش ...


وانا بسمعها تخيلت أنغام بتغنيها

فخرج منها أفضل ماغنت

تدوينة رائعة
تحياتي

شاب فقرى يقول...

هقولك سبب قوى جدا يشجع عن العودة للحب مهما كان الجرح

وهوا الإيمان بالحب وبالشخص دا

مهما جرحت فانا بحبها ... مهما زاد الجرح ومهما طال الوجع من الجرح

مهما تعبت منها ومن حركاتها

لكن مؤمن بيها

كلمة مؤمن دى هوا الإقتناع التام بالشخص دا

من وجهة نظرى هوا دا الحب الحقيقى

فى مرة سمعت كلمة من شخصية قالت لى :

ازاى يكون فى حب فى حياتى غير لحبيبى

لما سمعت الجملة دى استغربت قوى

لان اللى قالتها مقتنعه تماما ان مفيش معنى للحب غير فى الحبيب دا

ثوانى اقفل الباب عشان اعرف اركز

..... عدنا

فهمتى ليه فى حتميه للعودة

لان كلمة الحب لما اتنطقت مكانتش من فراغ

حتى وان جرحتنى وشفت منها كتير وكتير

اعمل ايه بحبها ...هوا دا اللى بيتقال

هرد على كلامك برده وعلى فكرة ردك عجبنى أوووووووى

..........


وليه دايما يكون طريق عودتنا مسدود

وليه ننسى حبنا و أحلى وعود

وليه أبعد وأنا حبك فى شرايينى

ونور عينك ما بيفارق عينى

وليه ابعد وليه أنسى

وأنا قلبى بقى فى ايدك

وانا عمرى ما يكمل الا وياكى

وليه يا حبيبتى نتفارق

وليه تقولى قلبى انا راح ينسى

وهوا فى عمره ما تمنى غير حبك

ولا يعرف معانى الحب

الا لما تقولى انتى ومن قلبك

بحبك

كلمة بيها انا ملكت الكون

وحتى لو قلبك رضى بفراقنا

ومهما يطول بعادنا ونبعد

اكيد انا ما هنساكى

يمكن صعب عليه لقياكى

أواجهك ازاى واقولك ايه ؟؟

اقول انى بعدت زمان

لان قلبى احتاج لحنان

وملقاش

وليه افتكر واتهمك بالتقصير ؟؟

وليه نحكى ونرغى كتير

من الآخر أنا بحبك

وعمرى ما هنسى يوم قلبك

ولا أنساكى


نحياتى

شاب فقرى (:

ميرام يقول...

ودمعـاتي ..

ودمعاتي الي كات غالية ..
فرخصتلك ..
ماهانش عليك في يوم ترجع
وتمسحها
وكلماتي اللي وصلتلك ..
ماهنش عليك تفهمني وتفهمها ..
وزدت زيادة بالقسوة ..
وانا مش حمل أوجاعها ..
راجعلي تقولي حبيتــك ,,,
هداوي جراحي واسمعها ...
وغصبن عني هستنى ,,,
ولو جريت على لساني حروف الشوق
راح امنعها ..
..............
ولو هتقولي ليه نرغي ..
فانا اسفة ..
كلام متعاد مالوش معنى ..
سكتنا كتير قوي ..بعدنا
فزادت كل أوجاعنا ..
معدش خلاص في قلبي مكان ..
ولا فرصة ..
تضيع منك ..تضيعنـــا ..
ولا في كلمة لو صادقة ..
في يوم ممكن ترجعنـــا ..
...........
كلام بكلام وكم وردة ..
وأغنية ..
تقولهالي .. فأسمعها ..
وتكون واثق ..
بان الذكرى مابيننا ..
محال راح تبقى منسية ..
أنـا آسفة ..
أنــا المرادي مش هيّــا..

ميرام يقول...

Yusuf
أهلا بيك
أول زيارة ليك ..
بس تاني حد يعلق ويقولي انه حس أنغام بتغني الي بكتبه
ده شيء يسعدني (:
نورت المدونة
تحيـــــاتي

شاب فقرى يقول...

عندى رغبة كبيرة اوى فى إنى أكمل الردود لحد ما يبقى البوست دا 3000 رد
لانى بسمع منك ردود أجمل
مش عارف ليه حاسس إنك غلبتينى :$
بس عشان أول مرة أعلق لك
وأول مرة أجى هنا
ومن أوائل المرات اللى برد فيها على بوستات
فلو قررتى تسكتى انا مش هسكت وارد تانى :$
على فكرة أنا الكلام دا مش جاهز
أنا بكتبه من وحى كلامك ووحى اللحظة
وبتلهمنى بيه كلماتك :)

ونكمل بسم الله

وليه يا حبيبتى نعيش العمر مكسورين
ونبعد وننسى أحلى حنين
وأحلامنا ووعودنا
وليه نبعد واحنا عشاق
وحنينى لعنيكى عمره ما غاب
وقلبى من حبك عمره ما تاب
هقولك نرجع
تقولى وهوا يعنى تستاهل فى يوم انى ارجعلك
هقولك أيون
حبى يستاهل
تضحى له
وتفوتى له بلاد وبلاد
ايه يعنى بكينا أيام
ولو حتى تعبنا شهور
ولو حتى قاسينا سنين
وايه يعنى فى قلبى قسى عليكى ؟
ما انتى الحب والحنان
ولازم مهما غبت عليكى
تحنى لى وتشتاقى
بلهفة طفلة لابوها
بلهفة بنت لاخوها
بلهفة قلب لحبيبه
تعالى نهدى ونتعاتب
وننسى بصمت كل مافات
صحيح احنا
سكتنا كتير أوى بعدنا
ولكن هل مات الشوق
هيفضل حبنا موجود
وحنينى لعنيكى عمره ما غاب
وقلبى من حبك عمره ما تاب
وهفضل جمبك ووياكى لاخر يوم
ليوم ما اقول الشهادتين
وأسلم روحى لخالقها


شاب فقرى :D

شاب فقرى يقول...

تصبحى على خير

سنعود مع التدوينة القادمة

شاب فقرى :$

MǿиY El-Shreef يقول...

ميرام

اولا وحشااااااااااااني اوي

ثانيا لسه زي مانتي روعه بسم الله ماشاء الله عليكي

كلامك جميل اوي يا ميرا

والله العظيم مش عارفه ارد عليه اقولك ايه

بس فعلا خرافه

تسلم اديكي

funckydoctor يقول...

القصيدة فعلا رائعة
من مدة لم أقرأ مثلها
وكل سنة وانتى طيبة

reem يقول...

عشان الحب ..من رأيي

شعور واضح .. ما يتخباش

عشان الحب ...بالافعال

هاتسقى الزرع ...هانلقاه عاش

بجد كلمات رائعة فعلا

ماشاء الله عليكى

وميرسي لزيارتك الجميلة لمدونتى

وكل سنة وانتى طيبة وبخير وصخة وسعادة يارب

قلم رصاص يقول...

السلام عليكم

كلمات رائعة جدا يابشمهندسة

بامانة فيها فكرة متميزة

مزيد من التميز والابداع

آه من قلبي يقول...

كلماتك حلوة جدا
بجد
واحساسك عالي اوي
المدونة كلها عاجباني
اتمنى تشرفيني في مدونتي المتواضعة

ميرام يقول...

شاب فقري
وسعيدة بالتواصل
(:
بس تقريبا انا اتغلبت هنا (:

شكرا مجددا
تحيــــاتي

ميرام يقول...

MǿиY El-Shreef

اززززيــــــــــك
بجد وحشتيني ...
من ساعة مانزلتي مصر اختفيتي
عايزة اعرفق تنسيقك وكده
ابقي طمنينا ..
وميرسيي على المجاملة ياجميلة

ميرام يقول...

funckydoctor

شكرا ليك ...
أسعدني تواجدك
و .. انت طيب

ميرام يقول...

reem
وانتي طيبة ياريم
تسلمي ..
(:

ميرام يقول...

قلم رصاص
شكــــرا ليك
(:
سعيدة لتواجدك
تحيـــاتي

ميرام يقول...

آه من قلبي
شكرا ياجميلة
(:
في طريقي لمدونتك
و ..
سلامتك .. من الآه ...):

شاب فقرى يقول...

مفيش تدوينات جديدة ولا إيه ؟
عايزين نعلق بقى :p

العيد عالأبواب

كل سنة وإنتى طيبة

:)

هابى عيد

شاب فقرى يقول...

ملحوظة :
( محدش يعرف يغلبك إنتى اللى غلبتينى )

شاب فقرى :)

هانى سعيد يقول...

كل سنة وانتى طيبة يا ميرام
النهاردة كلامك جميل جدا جدا وفى معانى رومانسية اجمل وفى جبروت حواء وايضا عنفوانها ورقتها عندك كتل من الابيات ماينفعش اقف عند كل واحد على حدة لان كل الكلام تحفةخاصىولـــــو هتـقــوللي حبــك نــار
أنــا أحاسيسي ليك ..باردة ..
عشــان الحب ...
مش وردة ....
ابدعتى يا ميرام وكان نفسى ارد عليكى بالشعر بس مين عارف خليها على الله
كل سنة وانتى طيبة
وابدعتى بجد
سلام

ميرام يقول...

شاب فقري
هابي عيد (:
وان شاء الله في جديد قريب
تحيــــاتي

ميرام يقول...

هاني سعيد
وانت طيب
شكرا بجد ده بعض مالديكم
بانتظار ردودك
تحيـــــاتي

youssif يقول...

موهوبة فعلا ...

متقلقيش مسيرك تلائي إللي يحترم و يقدر الوردة ...

إللي يحترم و يفهم الحب

ميرام يقول...

يوسف ..
شكر ليك
(:
نورت المدونة
تحيــــاتي

Sherif يقول...

اول مرة آجى هنا

واضح ان فاتنى كتير جدا .. لكن هاجى على طول عشان الكلام الرائع اللى من القلب ده

بس المعاملة وحشة قوى .. ليه كده؟

MǿиY El-Shreef يقول...

ازيك يا ميرام

هقولك ياستي تنسيقي جابلي ايه

جالي معهد طاقه

يعني بقيت باشمهندزه انا كمان :D

بقينا زمل يا استاذه هي هي هي

مووووواه

لاسع افندى يقول...

تحيه وعيديه
وكحك وصحبه هنيه

عيد سعيد

تامر علي يقول...

عيد سعيد عليكم وعلى الأسرة الكريمة

تحياتي :)

Soul.o0o.Whisper يقول...

ميرام

بجد القصيدة رائعة جدا

و عشان فعلا الحب و المشاعر مش لعبة
فهى مش لأى حد

بس للى يقدرها

عيد سعيد و كل سنة و انتى طيبة



دمتى بكل خير

mimi يقول...

ميمي جابت العيدية ... عيد سعيد

http://2.bp.blogspot.com/_wyjXbHak4DY/SOH3035f_ZI/AAAAAAAAAWI/vXOd49itD38/s400/untitled.bmp

شباك موارب/منار يقول...

ميرام كل سنه وانتي طيبه
يااحلى ميرام لاجمل مدونه

اخر يوم فالجنه يقول...

مممممممم
تسلمى ويسلم شعورك الجميل ده
ودايما اقرالك ودايما تكتبى
وكل سنه وانتى رقيقه وطيبه

قيس بن الملووووح يقول...

عيد سعيد
وعمر مديد

اقصوصه يقول...

كل عام وانتم بخير

تمنياتي بقضاء عيد سعيد:)

لا تـــشـــتــــاق يقول...

كل سنه وحضرتك طيبه
وعيد سعيد

kochia يقول...

كل سنة وانتي طيبة
وطبعا كلامك كالعادة حساس جدا وجميل
والفكرة النهاردة حلوة وي
وجميل الكرامة اللي بين السطور
بجد عجبتني

تحياتي

ميمي وأحمد يقول...

اللي عيد ميلاده في شهر سبتمبر يقول :
أناااااااااااااااااا

أو يعرف حد مننا عيد ميلاده في سبتمبر


ويكتب يوم كام في شهر سبتمبر




هنا حفلة كبيرة جدااااااااااااااا

اقصوصه يقول...

كل عام وانتم بخير

الرخمة يقول...

قرار 101
بعد المشاورات و المؤتمرات و المناقشات
قررنا نحن رخم باشا و رخمه هانم
انشاء بلوج نرخم بيه عليكم
و من باب التكرم و التفضل و الرخامه
حبينا نقول لكم عشان تيجوا تزوروا البلوج غصباً عنكم

و مش هقول سلاااام
رخامه بقى هه

قهوة الرخمين
:D

ميرام يقول...

شريف
في الواقع هي مش أول زيارة
لكن أهلا بوجودك دائما
تحيــاتي

ميرام يقول...

موني الشريف
عظيم
ربنا يوفقك ياباشمهندسة
(:

ميرام يقول...

لاسع أفندي
شكرا ليك
كل سنة وانت طيب

ميرام يقول...

تامر علي
شكرا ليك
تحيــاتي

ميرام يقول...

Soul.o0o.Whisper
للي يقدرها ...
....
أكيد
سعيدة بوجودك
تحيـــــــــاتي

ميرام يقول...

ميمي
نورتي
(:
بس انا باخد العيديات نقدا (:
كل سنة وانتي طيبة ياجميلة

ميرام يقول...

لا تشتاق
وانت طيبة
(:
شكرا

ميرام يقول...

كوتشيــا
(:
منورة
شكرا بجد لمجاملتك
(:
كل سنة وانتي طيبة

د.ميريهان يقول...

يسلمو الأيادي ياميرا...انا حفظتها عندي من أول مرة كتبتيها وكنت بتاخدي رأيي فيها...
ومن يوميها وهي مسجلة عندي...
بس هقلك رأيي تاني...
أسلوب كالنغم في الجمال..
ومعنى في القوة كالجبال..
والله شئ رااااااااائع...
كعادتي بك...لاحرمتك ياميرا..

سمو الامير يقول...

الله !!

من زمان وانا مقرأتش الحاجات الحوة اللى بتكتبيها

بجد جميلة جدا كالعاده يعني

ومبروك ع العربيه :) عقبال العريس :D

إبـراهيم ... معـايــا يقول...

تفتكري ... لو بشوفك كل يوم
هيبقى ممكن أجيب لك ..كل يوم وردة ؟!!

................
ده مطلع من حاجة كنت كتبتها عندي من فترة
............
حلوة القصيدة جدًا جدًا ... وإحساسها عالي
.............
عشــان الحب مش لحظــة
وانا مش هرضى باسم الحب
ان كرامتي يوم تنـداس ..تموت الوردة أو تدبــل ..اذا اتقطفــت .. اذا اتشمّـت ..اذا اتنقــلت في ايــد النـــاس ..أنـــا آسفــة ..عشـــان احســاسي كان غالي ..وعنــدك انت ..كــان ببـــلاش ...
ــــــــــــــــــــــ
وهذه تحياتي

وجه جديد د.أحمد عثمان يقول...

جميلة جدا
معنى و فكرة و اداء

مفاعيلن
(بحر الهزج)

 

اسكت يا ابني !!! © 2008. Design By: SkinCorner