الأحد، 4 أكتوبر، 2009

1+1= صــــفــــر


علمونا في الحساب .. أن ( 1+1) معادلة سهلة ... تساوي (2)
علمتني الحيـــاة ... أن (1+1 ) لا يمكن أن تساوي الا صفـــــر
واليكم البرهـــان






علم’ الحساب لديــكم’ ..
يحــوي على خطأٍ عظيـم ..
حقا كبير ليس هيــْـن ..
مانفعه فلتخبـرونــي ..
ان لم يعلمكم بصدق ..
أن اللذي يهفو الى شيئين ..
يرجع خــائبا ..
صفــر اليديـــن ....
بئس الخطأ ...
أنَى سيجمــع قلبك ..
بين فتاتين ..فلا
بل على قلبك ريـْن ..
عجبي عليك أراك تستغرب قولي
انظر لمرآتك ..
تلق من العيون لك اثنتين ..
تلقي بعين في سعير محبتي ..
من ثم أرقب فأرى لك في جنان الأخرى عين
ترنو إلي بزيف حب من كلام
ثم تسمعه لهـــا ..
عجبي عليك ..أتستــوي ع وغ ..
انظر اليها تنسحب ..
تلقي بزيفك حيث موطيء قدمها ..
وكذا سأفعل .. وأرد اليك ديــْن
أيَــان أشعر بالأمــان وأنت جد مذبذب
وأراك دوما في غرورٍ ..
مثل غــازٍ في حنيـــن ..
..
..
..
..

23 التعليقات:

شاب فقرى يقول...

ما شاء الله يا ميرام
كلماتك جميلة :)

اللى عجبنى أوى الجزء دا

أيَــان أشعر بالأمــان وأنت جد مذبذب
وأراك دوما في غرورٍ ..


فعلا اى علاقة فى الدنيا مينفعش تكمل لو فيها طرف مغرور أو متردد

والأتنين أفظع من بعض :)

تحياتى

وهقرا تانى وارد:$

شاب فقرى

احمد يقول...

اولا انا معجب جدا بكل الي بتكتبيه عامي وفصحى ولو في قصص هتبقى تحفة انا متاكد
تاني حاجة انا معنديش مدونة بس شفت لينك مدونتك عند ابراهيم عادل
وفرحت جدا لما لقيت اللينك لاني كنت حاضر الندوة ومش عارف اوصف مدى اعجباي بطريقة القائك وشعرك حقيقي كنتي أكتر من ممتازة
مش هقولك القصيدة حلوة لانو شفتي بنفسك التصفيق عليها كان عامل ازاي
بس بصراحة القائك ليها مختلف عن قراءتي بجد القائك مالوش حل
واتمنى تعلني عن الندوات الي بتعمليها عشان نحضرها

ميرام يقول...

شاب فقري

أهلا بوجودك

فعلا اى علاقة فى الدنيا مينفعش تكمل لو فيها طرف مغرور أو متردد

طبعا كلام مظبوط ومنطقي
بس هنا تحديدا ماقصدتش الغرور بمعناه

قصدت الغرور اللي بيسمح بالخيانة
غرور الشخص واعجابه بنفسه وبتجمع الفتيات حوله

وهو ده التذبذب والتردد برضه
(:
بستغرب قوووووي
لما ألاقي حد خاطب .. مرتبط ..متزوج
وبيحاول يكلم أخريات ..
والعكس طبعا الحاله تنطبق على بنت أو ولد

يعني اذا كنت واثق من رغبتك في اكمال حياتك مع الشخص ده
ايه جدوى البحث عن آخرين ..
مش عارفه
(:

بعيدا عن ذلك
أسعدني تواجدك
شكرا

ميرام يقول...

أحمد
شكرا شكرا شكرا شكرا بجد
أخجلتم تواضعنا
ولحد دلوقتي محاولاتي في القصة لا تتعدى الاصابع ..الخمسه (:
بس مين عارف
(:
سعدت بوجودك
...
ومن هنا شكرا لابراهيم عادل على الكلام الي كتبه (:
عن الندوة ..
أخجلتم تواضعنا بجد

تحيـــــاتي

funky girl يقول...

بجد حلو اوي الشعر
و الكلمات تحفة
وفعلا دي الباءت سايدة
1+1=0
اشكرك على كلماتك لرائعة :)

ميرام يقول...

funky girl

شكرا ليكي
نورتي المدونة
تحيـــاتي

شـقـاوة مـراهـقـة يقول...

ياجبروتك يا ميرام

اقول ايه انا طيب بس

....................

حاليا بجد مش لايقه اي كلام .. يوصف الكلام (الغير عادي ) اللي انتي كاتباه ..

كالعاده هتقولي اني بجاملك ..

بس والله والله والله ..

انتي بجد فنانه .. عبقرررررررريه ..

حقيقي مش عارفه اقول ايه ..



هآجي تاني اكيد ان شاء الله ..

*

*

*

وحشتيني جدا جدا يا ميرا

مسدس صغير يقول...

انظر لمرآتك ..
تلق من العيون لك اثنتين ..
تلقي بعين في سعير محبتي ..
من ثم أرقب فأرى لك في جنان الأخرى عين
ترنو إلي بزيف حب من كلام
ثم تسمعه لهـــا ..
عجبي عليك ..أتستــوي ع وغ ..

جميييييييييييييييييييلة

mimi يقول...

العنوان خطير

موضوع البوست جديد

المضمون والوزن والقافية والموسيقس 10 من 10

أستاذة أستاذة أستاذة

ميرا ... برافو برافو

وعندك حق في الكلام اللي كاتباه في التعليق فوق ده

" تلق من العيون لك اثنتين
تلقي بعين في سعير محبتي ..من ثم أرقب فأرى لك في جنان الأخرى عين"

الجزء ده عجبني وفاهماه وبشوفه وبحسه كتييررررررر جدااااا

هايلة يا بنتي تسلم ايديكي وأفكارك وكل مشاعرك

ما شاء الله عليكي

وجه جديد د.أحمد عثمان يقول...

قرأت لك بالعامية
و أظنك تصلين به حد الاتقان
أما الفصحى
فأظنه يحتاج منك قراءة و ممارسة أكثر
بالطبع لا أحد يبدأ بقمة المنحنى

المهم ان ملكة الابداع لا تفارقك
فقط تحتاج لصقل و حسن توظيف
تحياتي

أبو كريم يقول...

ممكن أتكلم!! طبعا هتكلم

إزيك يا ميرام

لا لا تتحسدى على الفكرة وأختيراتك فى التعبيرات المرة دى وفصحى كمان... لا بجد حلوه


إستمرى وهتبقى أحسن وأنا واثق لانك عندك الملكه زى ماقال دكتور ظ عثمان ولاونى بختلف معاه لانى شايفها جميله ووصلنى العنى الى محتاجه توصليه بدون أى تشويش او نشاز فى الموسيقى يخلينى أقف عن القرايه


تحياتى

آه وكفى يقول...

عشان صاحب بالين كذاب يا ميرام
بس كلماتك حلوة اوي فعلاً أو الاحلى كمان فكرتها ,, فكرتها عميقة اوي

دمتِ مبدعة

adel يقول...

حلوة
وبس

مش عارف اعمل كومنت الحقيقة

آيوشة يقول...

ميرام ماشاء الله عليكى دايما بتبهرينى باسلوبك بجد تسلم ايديك وابداعك انتى فنانة فعلا

ســـــــهــــــــــر يقول...

صدقتى يا غاليه
و اليك دليل اخر
......

فى المسأله الحسيه
حاجات
و افتراضات
و مش كل النتايج جت
من ضهر صحة..
معطيات
هنا الحسابات ..
هتتغير
واحد و واحد ..
مش هيسووا اتنين
و ساعات و لا يسووا شىء واحد
و مش واحد ..
تفاصيل الشعور و الحس
و لا بالجبر ..
تتوحد
و واحد .. مش شعور اوحد
ده ممكن يجمعوه الناس
و مش شرطك تكون بـ كسور
عشان تبقى صحيح .. بالغير
ده ممكن (غير) ..يكون هو اللى كان كسرك

---------
ميرام
وحشنى اقرالك
فجيت
و اتبسطت
بس لسه ما شبعتش

اخر يوم فالجنه يقول...

كنت بحسبك مبدعه فالعاميه بس بس طلعتى فالفصحى اجمل بكتير

ربنا يدوم عليكى احساسك الجميل

محمود

teemo يقول...

قالت بكل جراءة
حاول تبقى صح
واحد وواحد يبقوا كام
رديت بكل بلادة
قلت يساوى صفر

هذه هى براعة الاستهلال فى علم الشعر
أحسنت يا ميرام

Hadota ... حدوتة يقول...

ولا افهم ليه فيه ناس بتفكر بالشكل المريض دا

هو بالتأكيد محبش ولا واحدة من الاتنين .. والعكس بالعكس لو بنت يعنى اكيد برده محبتش ولاواحد من الاتنين .. واعتقد الناس دى بيكون صعب عليها تحب .. عشان كتر التردد والتذبذب .. انا حسة لو الواحد دور جواهم من هيعرف هما عاوزين ايه بالاساس

...

تلقي بزيفك حيث موطيء قدمها ..
وكذا سأفعل .. وأرد اليك ديــْن
أيَــان أشعر بالأمــان وأنت جد مذبذب

....


دى حقيقة .. دعامة اساسية فى الحب هو الشعور بالامان .. وبالتالى الحل الامثل فى المواقف اللى زى دى اسدال الستار على المسرحية بالكامل .. لانها بتبقى مسرحية سخيفة ملهاش طعم

....


ارجع واحييكى بشدة على التألق والابداع الجامد دا

دمتي بكل ود

تحياتى

micheal يقول...

أحييكي بجد ع التأمل العميق ده

معتز شاهين - باحث تربوي يقول...

تحياتي على تلك الكلمات التي رغم هدوءها اللفظي
تحوي من المعاني ما تجيش بها البحا

ويبقى التواصل

نهر الحب يقول...

حلوةاوي واثبات جميل
فعلا صعب الجمع بين حاجتين والنهاية هي فقدهم بالتاكيد نتيجة الجشع والغرور

قلم رصاص يقول...

تحية عطره لقلمك الرفيع يابشمهندسة

حقيقي كل يوم بتثبتي انك فنانة

مزيد من الابداع والتميز

دمتم في حفظ الله

د.ميريهان يقول...

الله ياميرا
فكرة راااااااااائعة جداجداجدا
ان الذي يهفو الى شيئين
يعود خائبا
صفر اليدين

تسلم ايدك ياجميلة
انت واشعارك
اتمنى اشوفك قريب

 

اسكت يا ابني !!! © 2008. Design By: SkinCorner