السبت، 9 يناير، 2010

كــــــدابــــــة


كل اما احس ف قلبي في حبة وجع ..

بضحك قوي .. واتغابى ..

يمكن يشوفوا ضحكتي ..يتبسموا
أحسن مايزدادو ..كـآبة ..
وبيحسدوني عالفرح ..لو يعرفو
اني اما بضحك ضحكتي ..كدابة !!
..
..
..

22 التعليقات:

mimi يقول...

نبع لا يمكن أن ينضب أبدا
ما شاء الله عليكي

adel يقول...

ممممممممممم

جامدة قوي قوي دي :)

romansy يقول...

ضحتكك كدابه بس اضحكيها والسلام
ممكن تسعدى بيها حبه بشر

قلم رصاص يقول...

الله عليكي

كلمات موجزة ورائعه

في حفظ الله

MǿиY El-Shreef يقول...

وحشني كلامك ياميرام

دايما ف نص القلب ويخبط :)

أبو كريم يقول...

فكرتينى بأغنية
طبيب جراح..قلوب الناس أداويها
وياما جراح..سهرت الليل أداريها
شافونى قالوا متهنى...من كتر الفرح بيغنى
تعالوا وأسألوا عنى..أنا إلى بيه جراح

أطبه الكون ما تشفيها


رائع ما سطرت أناملك
تحياتى

وكيلة نيابه مع ايقاف التنفيذ يقول...

والله عندك حق على راى اللى كان بيقول هو انتوا حاسين بحاجه ولا حد عارف حاجه وزى مابيقولوا اللى ميعرفش يقول عدس هههههههه
كلاماتك رااائعه
تقبلى مرورى

نور الدين يقول...

كلمات هايلة
الاجمل فيها قوة الفكرة والبساطة فى العرض مع اختصار مميز
فعلا احيانا بنضطر ان نوارى آلمانا وأن نسير على الجراح
فإذا كان قدرنا أن نسير على الجراح إذا لنسير ونحن نبتسم
...
دمتِ مبدعة

blue-wave يقول...

دا ايه الرباعيات التحفه دى؟؟؟

أبو العريف يقول...

كالعاده ابدعت

ولكن كان كلامك هذا المره اكثر تركيزا

واكثر عمقا وجمالا

ايه الفصحي اللي انا داخل بيها دي

لا بجد جااااااااااااامده جدا

دمت ميراما

شاب فقرى يقول...

يا ساتر يارب

إحساس بشع

الضحك وخلفه كآبه بلا حدود

-----------------------

كل سنة وإنتى طيبة

عام جديد

أنا آخر من قالها

عود أحمد وكريم كمان :)


تحياتى

شاب فقرى

ابو احمد يقول...

اول مره ازور المدزنه الجميله دى
احساس عالى ومشروع اديبه هابله
محتاج اقرا بنمعن

تحياتى

شباك موارب/منار يقول...

مع انها حاجه صغيره وكام سطر ومش طويله
بس معبره اوي
وكمان حزينه اوي
وكمان وحشتني مدونتك يابت ميرام


كل سنه وانتي طيبه

مسدس صغير يقول...

وايد حلو
جامدة

saragebaly يقول...

جميل اسلوبك ومدونتك اوي

حبيت اسجل اعجابي في زيارتي الاولى

وليا زيارات اخرى ان شاء الله


تخيااتي لكي

سارة

شباك موارب/منار يقول...

اهو النهارده بالذات ياميرام
حسيت كلامك جدا
لاني بقيت كدااااابه

هتلاقينى هنــــاك اوعى متجيش يقول...
أزال أحد مشرفي المدونة هذا التعليق.
لاسع افندى يقول...

الله
كلمات جميله جدا ...


تحياتى

Lady E يقول...

انا جايه اسلم برضه :)

اخر مرة شفت المدونة كانت خضرا دلوقتي اسودت :(

كلامك فكرني بأغنية انغام مبحبش حد يشوف اي دموع في عنيا علشان لا اصعب عليه ولا يزعل عليا ، واضحك وكإن الضحكة بجد مش محتاجة طبطبة من حد ما انا لو بنكسر جوايا مش عايزة في نظر الناس اتهد

دمتي مبدعه ومتألقه

وبجد وحشتيني

TKOsir يقول...

همسات جميلة و حزينة
بس بجد كتيير جمييلة
مرور صامت :)
تقبلي تحياتي

dr.w.krm يقول...

كلامك بينزف حزن ....وقلبك مفتوح بين السطور بحزن بيورينا تفاصيل حكايته
عجبنى كلامك اوى وقريت مدونتك كلها بجد انتى مبدعه
ياريت تتقبلينى صديقه وتشرفينى فى مدونتى وتسعدينى بمرورك

أم .. بوبه يقول...

أسلوبك أكثر من رائع

 

اسكت يا ابني !!! © 2008. Design By: SkinCorner