الأحد، 24 يناير، 2010

.............................


مفتتـــــــــــــــــح ...


دمعة الحزن اللي فيـــا
متــداريــــة ...!
والحروف جوايـا لكــن..
مستحيـــــة ..
دا الي كــان في القلب سـاكن ..
هــدّ فيـــــــا ...
واللي ضاع مني كتيــر
مهواش شويـــة ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

عشقت وقلت ياقلبي ..
نصيبك حب واتهنى ..
سقيت بالفرح أحلامي ..
وعشت العمر أتمنى ..
وفيت ..أخلصت..ضيــعني ..
لا طلت النار .. ولا الجنة ..

وبستنى ...
يعدي اليوم ورا التاني ..
وادور في الوشوش يمكن ..
في لمعة عين راح القاني ..
في كلمة صدق أو نظرة ..
أفوق من وسط توهاني ..
والاقي قلبي له غنّى ...


وهتأنى ....
عشان وجعي الي جوايا
مايتكررش
ولما أحبه من قلبي ...
مايستهترش ..
ولو من تاني خاب أملي
ما أتأثرش ...
.....................







على الهامش ....
البلوج وحشني بجد .....................................
بعتذر على غيابي (:


5 التعليقات:

كــركــبــة دمـــاغ يقول...

ولكمووووو

ولكم بآآآآآك

يا الف ولكم وسهلن

يا مرااااااااااااحب

يا مليون نورتي

يا عشروميت الف عشرطاشر خمنون سعنون زليار تريليون وحشتيني ( هنا تحديداً )

ده كله ترحيب بيكي يافندم الاول بعد كده نيجي للي انتي كاتباه

وكنتي ومازلتي وستظلي تبهريني ( ايه رايك في الكلام الكبير ده مش تبعي خالص ههههههه )

بس بجد ع فكره مش بنجامل احنا ولا عشان احنا اخوات واصحاب وكده فـ تفتكري اني بخدعك واغشك <<< وش بيطلع لسانه

بصراحه كامله من غير مجامله ( انا هغني لسميرة سعيده نيهاهاهاع <<< وش بيسترخم برضك )انتي تهبلي اللي ما اتهبلش في حياته

حاولت احط اكتر حته لمستني وحسيتها لقتني بحطها كلها

ادور من هنا من هناك

برضه كلها

من اول حرف فيها لاخر نقطه فيها بعلامات التعجب بالفواصل بكله بجد

انتي مبدعه واحساسك فوق فوق فوق فوق << حاسبي دماغك هتتخبطي هههههههه

ربنا يكرمك يابنتي

بجد حلوة قوي قوي

المفتتح جاحد

واخر سطرين جبارين

واللي في النص مجرم

وانتي سفاحه

وانا بحبك

ودمتم سالمين

كــركــبــة دمـــاغ يقول...

على الهامش ....البلوج وحشني بجد .....................................بعتذر على غيابي (:

*****************

نصرفها منين بعتذر دي
لازم تعويضات نروح نصرفها زي المعاشات كده

طمنيني عنك يا قطه

ازي الغزاله النهارده !!! ( معلش امبارح النت وقع عشان الشبكه عظيمه )

ميرام يقول...

أهلا
أهلا
أهلا
ولكم بيكي
مرحبتين والف
......
ربنايخليكي بجد يارافعه معنوياتي
....
ماتقلقيش ..
الغزالة بقيت كويسة..
اهو انتو كده
وقت اللزوم مش بنلاقي حد ههههههههه
(:
ميرسي ياكركبة

سمو الامير يقول...

جمييييييلة

مرحبا بعودتك :)

ميرام يقول...

سمو الأمير
مرحبا بيك هنا (:
شكرا لمرورك

 

اسكت يا ابني !!! © 2008. Design By: SkinCorner