الأربعاء، 15 سبتمبر، 2010

شخبطات .. على جدار أسود



مفتتح ........................كالعادة (:






عارف ..
لما تعشم دنيتك .. تستنى بكرة ..
وتقول لحاجة من الخيال ...
لازم هتجرى ..
تتعود الوجع اللي فيك ..
حتى الدموع يبقالها مجرى
عارف ,,,
لما تكــون الفــرحة مش سايعااااك ..
لما تسابق بالهوا لحظات هواك ..
لما تكون أحلام حياتك بين ايديك ..
تلقاها وقعت ..!!!

عارف .,
لما تعكّز ضعف فيكك جوااك ..
وتقول على الحب الي كاسرك ..
بالعكس دا قوّاك ..
وتدفي أحاسيسك عشان تتغطى من برّاك
تلاقيها سقعت ..!!





صورت فستان الفرح .. وحلمت بيه
جهزت تاجي وطرحتي ..
وعرفت من فين هشتريه ..
رتبت أركان شقتي ..
شكل النجف .. لون الحيطان ..
أحلام كتيييير ..
شافتها ياما مخدتي ...
وصحيت على الخبر اللي كان ..
مبروك بجد ..
قدرت تكسر فرحتي ...


.
.
.
.
.
.
.


لو غلطت ف حق حد اياك تكابر واعتذرله ..
وان غلط فيك حد يوم حاول تسامحه بلاش تذله
واستفيد من جرحه ليك بانك تحرص ماتآمنله ..
ده اللي بيخون الوفا لازمه الجفا وغلط نميلله
واشتري اللي بيشتريك لازمه كما لو كنت ضله ..
.
.
.
.








ماكان ذنبك ياعزيزي .. كان ذنبي حينمااا ..


رجلا حسبتك .. والرجال قليل
!!!!






ميرا ...






















17 التعليقات:

adel يقول...

هي الكلام كله مش حلو لانه مؤلم
بس الجزء ده عبقري قوي
--------
لو غلطت ف حق حد اياك تكابر واعتذرله ..وان غلط فيك حد يوم حاول تسامحه بلاش تذله
واستفيد من جرحه ليك بانك تحرص ماتآمنله ..
ده اللي بيخون الوفا لازمه الجفا وغلط نميلله
واشتري اللي بيشتريك لازمه كما لو كنت ضله ...
---------------
لا بجد حكم حكم :)

florieda يقول...

جميل الكلام
والاحساس حزين لكن يتحس
يارب دايما يبعد عنك الحزن

تقبلي مرورى

عاشقه الرومانسيه يقول...

صورت فستان الفرح .. وحلمت بيه
جهزت تاجي وطرحتي ..
وعرفت من فين هشتريه ..
رتبت أركان شقتي ..
شكل النجف .. لون الحيطان ..
أحلام كتيييير ..
شافتها ياما مخدتي ...
وصحيت على الخبر اللي كان ..
مبروك بجد ..
قدرت تكسر فرحتي ...
********************************
جميييييييييييله ومعبره قوى
تسلم الايادى
(:

عصفور السطح يقول...

بجد
مبدعه

كلامك
رائع

دمتى
بخير يا فندم

شمس النهار يقول...

صح وربنا صح

مش ذنب اللي بيغلط فينا ده ذنبنا احنا اللي ماعرفناش نشوفه علي حقيقته

تحياتي علي البوست الجميل جدا

قلم رصاص يقول...

احساسنا بالكلمات واصل جدا
تفوقتي بأمانه على نفسك

خصوصا الجزء الاخير فعلا عبقري زي عادل ماقال

ربنا يوفقك

ميرام يقول...

عادل
(:
وخذ الحكمة من أفواه المجانين
أسعدني تواجدك
شكرا كالعاده...

ميرام يقول...

فلوريدا ...
الاجمل وجودك ...
يارب آآمين ..
عني وعنك وعن الجميع ...
نورتيني

ميرام يقول...

عاشقة الرومانسية ..
والله انتي ذووق ..
ميرسي ياجميلة ..

ميرام يقول...

شكرا
يا
عصفور
السطج
..
نورت
(:
ودمتم !

ميرام يقول...

شمس النهار



مش ذنب اللي بيغلط فينا ده ذنبنا احنا اللي ماعرفناش نشوفه علي حقيقته


والله تعليق يستحق وضعه في برواز

سعيدة بوجودك
وبانتظارك دايما

ميرام يقول...

قلم رصاص ..
شهادتك أعتز بها
شكرا لك (:

غير معرف يقول...
أزال أحد مشرفي المدونة هذا التعليق.
حاتم عبدالفتاح يقول...

لما تسابق بالهوا لحظات هواك ..
لما تكون أحلام حياتك بين ايديك ..
تلقاها وقعت
....
كلنا هذا الرجل أو هذا الواحد الصحيح(: (:

ميرام يقول...

وقوع الحلم بين يديك هو تأكيد لحقيقته ..
وما بقاؤه الا مزيد من التشبث به واثبات واقعيته ...
لعلها أحلاما نسجتها المخيلة...
انما لم تكن بين ايادينا قط !!


لا أسقط الله حلما لك ..(:
تحيتي

حاتم عبدالفتاح يقول...

أو لعل الحلم أضيق مقاسا من أن يناسب..
أو لعله أوسع بشكل يستحيل إلا أن يتحول إلى كابوس!!
فالأحلام فى هذا الزمن مثل الفرص تماما, مقاسات (: (:
....
منتظر الجديد..
..والسرد الصفاتي -إن جاز التعبير-

لك خالص المودة

ميرام يقول...

راقني تعبير المقاسات ..
معبر بشكل جيد (:
الجديد ..قريبا ان شاء الله
لكن مامن سرد صفاتي _كما اطلقت عليه_
قريبا اوبعيد
تحيتي

 

اسكت يا ابني !!! © 2008. Design By: SkinCorner