الأربعاء، 8 يونيو 2011

:(




كان القلب زمان ألماظ ...



وصبح فضة ....



واما الحزن بيملاه كان ...



فورا يتفضّى ...



كان الهم قليل في براح ...



كنت اضحك للناس ترتاح



والقى حجيج ....



علشان تتوضى ...



كان المعدن طيّب جدا ...



لكــن صــدّى

!







5 التعليقات:

كــركــبــة دمـــاغ ㋡ يقول...

حلو قوي

نفسي بس اعرف بقى مين اللي بيخلي المعدن الطيب ده يصدي
ايه اللي بيوصلنا للمرحلة دي
الاهمال ؟؟؟
طب اهمالنا ولا اهمالهم ؟؟

ليه ما بنحافظش على أصل الحاجه
ولازم تتشوه من الدنيا او من الناس
او من نفسك حتى

دي اسئلة عامة جت دماغي من وحي كلامك

انما لو تحبي نعمل اسقاط عليكي فـ هنقول :D
لو حاسه انه صبح فضة النهاردة
بكره تلاقيه صبح ألماظ تاني او دهب أبيض او احجار كريمة مستحيلة الوجود

المهم انك هتلاقيه أحسن من اليوم اللي قبله


بس انا في سؤال جيه في بالي بعد اما قريت انك بتقولي ان الحزن كان فورا بيتفضى ...

تصدقي انا نفسي اشوفك مرة بتفضي حزنك ؟؟

او اعرف طريقته ازاي ؟؟؟

يا غامضه
هههههههههههههههههههههههه
:P:P:P

بحبك يا فنانة يا عبقرية يا...

يا فتاة أحلامي
:D
:)

ميرام يقول...

اهمالنا طبعا

ليه مابنحافظش على اصل الحاجة
عشان نظرية الملكية ...(:
هبقى اقولك عليها بعدين
مش عمرو دياب بيقول أساسا مين بقى بيهتم بالحاجة اما يملكها
..................
بمناسبة جزء الاسقاط
هههههه انتي جميلة والله
يارب.... ياريت,,,, أتمنى .. آمل ..


ممممممممم
منا بقول زمان كان الحزن بيتفضى ..
اصل الأحزان كانت لأسباب صغيره
كان القلب مايستوعبش انه يبطل يضحك بسببها (:
ماكانتش بتوجع ..ولا بتعلم ..
فكانت بتروح من غير مانحس ولا نفكر
(:

فتاة احلامك ههههههههههههههههه
طيب حاسبي عشان الاحلام دي بتقلب بكوابيس بليل
بحبك انا كمان ياكوكي (:

adel يقول...

في وقتها بالمللي

FAW يقول...

كان الهم قليل في براح

كنت أضحك للناس ترتاح

جميلة قوي . .

زمان . . زمن المشاعر , بلا أدني شوائب

دلوقتي . . مليانين باللي شاب طهارة مشاعرنا دي , فصعب تطفو علي السطح , وصعب نفتكر ذكرياتنا علي قد المساوئ اللي جوانا

Emtiaz Zourob يقول...

عجبتني .. كان المعدن طيب لكن صدى ..

:::

كثير في امور توحشت واسودت في حياتنا .. كانت جميلة فيما مضى والان أصبحت قاسية وبشعة ..

:::

استمتعت بالقراءة كثيرا .

 

اسكت يا ابني !!! © 2008. Design By: SkinCorner