
الاثنين، 7 مارس 2011
السبت، 12 فبراير 2011
ياريّـــس ... خـــايفة عليــك

ياريّــس خــايفة عليك ...
لاتطبّ .. تموت م القهــرة ..
ياريـّـس خـايفة عليك ..
علشان مصر بقت طاهرة ..
وحياتك ..اسند طولك ..
مش انت خلاص هجّــيت .,!
أياديهم مش هتطولك ..
ياريـّس اسند طولــك ..
بيقولوا في ناس هتفولك ..
خليك ياريس عندك ..
والانتربول هيجولك ..(:
ياريّس مد لحافك ..
على قد الكام مليار ,,
لو قدروا يغمضوا عينك ..
الشعب دا فيه أحرار ..
ياريّـس ضحكو عليك ..
وقالولك مصر دي فل ..
عبارة وغرقت عادي ..
دا قدر بيصيب الكل ..
القطر جراله ايه ..
اياك تنزل وتطل ...
.....
ياريس مش مخلوع ..
أنا مت صحيح م الجوع ..
لكنك عندي اله ..
ارزقني وقت تشاء ..
واقطعني وقت تشاء ..
واحبسني وقت تشاء ..
والدوله بحالها عشانك ..
تفضل تحت الانشاء ..
والرايح ماله رجوع ..
أنا تابع ليك ياريس ..
وانت أكيد المتبوع ...
ياريس مش مخلوووع
ياريس مش مخلوووع
ياريّـس ياما مساكن ..
اتهدت فوق الناس ..
لكن دي شهادة باطل ..
ان انت مكنتش ساكن ..
واديت للناس ايواء ..
.....
اديني اديك راح ابوسها ...
والناس الي هتعصاك ..
عربيت الشرطة تدوسها ..
اديني اديك راح ابوسها
ونموت وتعيش ياريس
الشعب دا أصله كويس ..
ولا عمره هينسى جمايــلك ..
اسفين والله ياريس ..
مش قادرين ننسى عمايلك ..
الجمعة، 31 ديسمبر 2010
الخميس، 23 ديسمبر 2010
...أي كـــلام (:

في عشقك انت
ألف شيء بيهزني ..
بيردني ..
طفلة يادوب بت تأتــأ ..
كل اما افكر ليك اقرب ..
قلبي يقول آه ..
عقلي يقول لألأ !
ساكت لساني عالكلام ,واقف غنايا
كل الحروف متبعترة ..
كل الحروف متبعترة ..
وان جيت امد بخطوتي ..
قدام يرجعني لورا ..
قدام يرجعني لورا ..
رمشي مضفر دمعتي
والسكة مش متنورة ..
والسكة مش متنورة ..

قلبك ..جمرك سفـــاجة ..
سافر كتير ...
شاف من بلاد الــواااق ...
كلم بنت الخـــواجة ..
لكن ماحــنّ وراق ..
ولا روحه كات محتاجة ..
طارح مليون سؤال ..
عارف اني الاجـــابه ..

مش فهلوي ..
كان الطريق مفتووح ..
فضلته ليه ملتوي ..!
مش فهلوي ..
مفضوح ..
غدرك باين قوي ...

قالي يــا وردة ..
رديت ..جرحته بشوك
ملعون جميع الورد ..
لو كانو يوم وجعــوك ..

عارف ..
عفوا يعني ...
لما يفك رباط الجزمة ..!!
هتحس انك لابس مش لابس ...
وان النعل ده ماله لازمه ..
طالما رجلك فيه بتلـــؤ ..
لما تكون راكب مرسيدس ,,
كل الناس فاكراك مستغني
كل الناس فاكراك مستغني
تعطل بيك .. تنزل وتزق ..
لما يميل حالك علطول ..
مع ذلك بتسد البـــؤ ..
الجمعة، 17 ديسمبر 2010
الخميس، 25 نوفمبر 2010
....

متقريش الخطوط ديا
شوفيلي حاجات ..مهيش ليا
أبوس ايدك ,,,
انا برقص
على الحبل الي متدكك
انا عارفة الطريق مسدود
لكن بحلم ..
وبتلكك ..
_ ولا بيدي ولا بيدك ,,
لو الاحلام بايد النـــاس
ماكنش الدمع زار خدك ..
الثلاثاء، 9 نوفمبر 2010
مالحب الا كذبة

دع كبرياءك ينتصر ..
ماعاد شيء في الحقيقة
يستحق سوى الرثـــاء ...
هل كان حبك غير بعض وجيعة ..
ودموعها تزداد كل مساء ..!
مالحب الا كذبة .أو ربماااا ..
أسطورة للأغبيــــاء ..
دع كبرياءك ينتصر ....
ماعدت أنظر كي أراك مجددا ..
ماعدت أنتظر اللقاء ..
أنا قد رايتك في منامي راحلا ..
وظللت ارجوك البقاااء ..
أحلامنا هي خدعة ...
ما كــــان ارضا حينهااا ..
اليوم قد بلغ السمااااء ..
ولقد رايتك متعبا...
أيقنت أن اليأس جاااء ...
,,,,,,,,,,,,,,,,,,,,,,,,,,,,,,
الاشتراك في:
الرسائل (Atom)


