الأربعاء، 4 مارس 2009

مفتتــــــــــح :
وطالت غربتي يا آبا ..
وسافرت البحار عديت ..
ولما لقيت أنا جزيرتي ..
رماني الموج .. انا مارسيت ..
أكون لسه في وسط الحلم ؟؟؟ ...
ولا من الأحلام صحـــيت !!؟

من اليمين إلى اليسار

وقللي ازاااي ؟؟
؟وليه احلم ..؟؟
ده حتى الحلم دمرني ..
ومن فوق السما السابعه ..اترميت عالأرض !!
كسرني ..
ماتسألنيش عشان خاطري ..
عن الدمعه الي في عنيا ..
عن الشيء اللي غيرني ...
(ولا تلومني) ...
أنا يا أبويا مش ناقصه ..
ده حتى الدمعه بداريها ..
(وبتخوننّي) ..
أنا مش عايزة أي كلام ..
أنا محتاجه تحضنني ...
):





ياااااااااااااااه ...

قد ايه صعب الكـــلام ..
قد ايه مرّ السكــــــوت ..
يارب ارحمني بقى ...
خليــني أمـــــــــــوت ...
):

وحشتني بجد يا بــــابــــا ):
ربنا يديك طولة العمر ...
تحديث : عشان الناس الي فهمت غلط (:

17 التعليقات:

Lyssandra يقول...

..ده حتى الدمعه بداريها ..(وبتخونّي) ..أنا مش عايزة أي كلام ..أنا محتاجه تحضنني

=====

مالك يا ميرام ؟؟

الجمله دي أنا

وصفتيني

......

يارب ارحمني بقى ...خليــني أمـــــــــــوت ...
-----

إيه يا بنتي اللي بيحصل ؟؟

ياريت لو سمحتي تطمنيني عليكي بسرعه
أنا كده بدأت أقلق

:(

........

تحياتي

فراشة يقول...

ليه كده يا ميرام
لأ اوعى تتمنى الموت
ممكن يكون بباك وحشك بس اتمنى تشوفيه فى الجنه
مش الموت اللى حيجمعكم
عيشى الدنيا بجمالها وبقسوتها
لكن الموت صعب مش بالسهوله كده
تمنياتى لكى بالسعادة والتفاؤل
تحياتى

دينا حامد يقول...

ايه ياميرام مالك يابنتي؟ :(
شوفي انا حاسه انك اختي ومش حابه اشوفك كدة
فقدانك لانسان عزيز عليكي صعب انا فقدت جدتي اللي كانت عندي بالدنيا ولغاية انهارده بتقطع عليها بس كل ما احتاج لها بدعي لها بالرحمة وببقى متاكدة انها في مكان احسن بكتير من الدنيا وبحاول اتعايش مع الموقف

حرام انك تتمني الموت اكيد والدك مش بيتمنى ليكي كدة اكيد هو عايزك تكوني سعيدة ومرتاحة علشان هو كمان يرتاح
علشان خاطر والدك ياميرام وعلشان تسعديه اخرجي من الحالة دي وحاولي تقوي نفسك علشان تسعديه وتريحيه لانه اكيد تعبان دلوقتي من حالتك دي

انا اتكلمت كتير بس انتي قطعتي قلبي
وانا حاسه بيكي :( :(

ابقي طمنينا عليكي

غير معرف يقول...

ده حتى الحلم دمرني ..
ومن فوق السما السابعه ..اترميت عالأرض !!
كسرني ..
ماتسألنيش عشان خاطري ..
عن الدمعه الي في عنيا ..عن الشيء اللي غيرني ...(

ميرام انا كان نفسي أهنيكي على الاحساس العالي ده
بس انا بكيت من كلامك
ياريت متكونيش حاسه بجد بالاحساس ده
انتي انسانه جميلة
ماتخليش الاحباط يوقفك ,,وكملي حياتك واحلمي احلمي حلم تاني وتالت
حسيت قوي بحاجتك لحضن والدك
حسيت ان انا كمان محتاجله
انا مستني حاجه جديده سعيده تخليني اطير من الفرحة
عشان تعوضيني عن الاحساس الي حاسه دلوقتي
تحياتي

دينا حامد يقول...

ياشيخة حرام عليكي اعمل فيكي ايه دلوقتي

من حقك من الاول تقولي توضيح مش بعد ماتلخبطي الدنيا تقولي تحديث

يعملوها الصغار ويقعوا فيها الكبار D:

ربنا يخليه ليكي ويديه طوله العمر يارب


تحياتي

r يقول...

جميل اوى يا مرام
الحياه بتاخدنا وتجبنا يا مرام ولازم نستحملها كتير
علشان نعرف نعيش فيها ونفرح ونحزن
الخلطه كدا وتتعاش كدا
ربنا يعطى والدينا جميعا الصحه والعافيه
دمتى بخير

ميرام يقول...

ليساندرا ..
أنيقة الحرف
نورتيني ..
أنا دلوقتي أقدر أقوللك اني كويسه
الحمد لله
اتأخرت (:
بعتذر
بس يادوب خدت نفس (:
بجد بجد بفرح بوجودك
تحيـــــــــــــاتي

ميرام يقول...

فراشـــــــة
(:

يارب الجنه تكون من نصيبنا
يااااارب
(:
نورتيني ..
تحيــــــــــاتي

ميرام يقول...

دينا ..
تعرفي انك كنتي في بالي بجد (:
حتى وانا بكتب البوست (:
قلت ذنب النااااس ايه في الكآآبه دي
طيب ذنب دينا ايه
ده انا وعدتهااا بالجديد السعيد ..
بس كانو كلمتين في قلبي ):
حاولت اكتب حاجه سعيده ماقدرتش ):
ماحسيتهااااش ):

(:
ليكي معزة كبيره عندي ..
مستنياكي علطول ..
تحيـــــــــــاتي

ميرام يقول...

غير معرف ..
بشكرك بجد ..
(:

احلم حلم تاني وتالت ...
مممم

دي محتاجه تفكير شويه (:
بس ان شاء الله هيبقى فيه جديد (:
شكرا تاني لمرورك
تحيــــــــاتي

ميرام يقول...

دينا حامد (:
(:
الاسم الي بينور البلوج
( ضحكة شريره) ..
تعرفي انا اتخضيت لما لقيت الردود كده
مابقتش عارفه اضحك ولا اعيط
افتكرت اول قصه اتنشرتلي في مجله وكنت كاتبه قصه بنت لما اتوفى ابوها
انا معرفتش ان القصه اتنشرت
غير لما جتلي مدرسه بتقولي
ربنا يتوفاااه برحمته ويجعل قبره روضه من رياض الجنه
انا اتصدمت وكنت لسه هاا .......
لقيتها ماسكة المجله في ايدها ..
(:
يارب يابابا يديك طولة العمر ويخليك ليا ...
):
(:
نورتيني تاني وتالت ....
تحيـــــــــاتي

ميرام يقول...

بسنت ..
ياأهلا بيكي

أكيد طبعا هي دي الدنيا ...
واكيد لازم تتعاش كده (:

نورتيني ياجميله ..
ملحوظه صغيووورة

أنا مش مرام أنا ميرام
تحيــــــــــــاتي

sondok يقول...

جميلة أوي


ما شاء الله على الموهبة اللي عندك

ميرام يقول...

sondok
شكرا ليك
أسعدني مرورك
تحيــــــــــاتي

غير معرف يقول...

احساسك عالي جدا ومحزن اوووي

ربنا يصبرك يا قلبي

مدونتك جميلة جدا

بالتوفيق يارب

ميرام يقول...

نوارة ..
لأنـــك أجمل ..
نورتيني ..
وانتي بقى اسم على مسمى ..
تحيـــــــــاتي

كفايـة طيبـة يقول...

...
كان فى بالى كلام كتير هقوله

بس دلوقتى مش عارفة ارد

 

اسكت يا ابني !!! © 2008. Design By: SkinCorner