الاثنين، 27 أبريل، 2009

مـني .. لقـلبـي ..



كتيرة همومي جوايا ...
ماتتعدش ..
فــمـا تزيدهــاش
ولو في جــرح لسـه نـاويه ..
عشـان خاطـري ..
بجــد بـــلاش ..
أنا عشـمت قـلـبي كـتير
قــام اتعــلـق ,...
لا مـات ولا عـاش
عشان ياقلبـي فيـا تعيش
نصيـحة بجد ..
ماتـتعشـمش.. منهم شـيء..
ماتستناش
....
..
.

46 التعليقات:

حسام غانم يقول...

أول تعليق


جامدة كالعادة

الوزن والموسيقي مظبوطين بشكل عجيب

ما شاء الله عليكي

ميرام يقول...

حسام غانم ..
(:
نورتنا
شكرا على متابعتك
تحيـــــاتي

شقاوة مراهقة يقول...

ميرام ..

انتي مش طبيعيه ..

قيصريه ومتعسرة كمان ..ههههههههههه

بهزر مش تزحلي مني ..

بجد بجد بجد بجد بجد بجد بجد انتي فظيعه ..

الكلام ده جاي فـ وقته قوووووي ..

انتي فناااانه ..

مش معقوووول كلامك

انا امبارح قربت مدونتك كلها ..

كانك بتتكلمي عني ..

عن حد شايل الهم بدري ..

انا قربت عـ الـ 17 سنه بس بجد كانك بتتكلمي بلساااني ..

اسمحيلي افولك اني بحبك ..

واني بحسك اختي .. بما اني معنديش اخوات بنات يعني ..

وبجد بجد مش لاقيه كلام يوفيكي حقك ..

وبردو ده بجد مش كلام مجاملات ..

ربنا يكرمك بالخير دايما ياااارب ..

ويسعدك ويزيح عنك كل هم ..

معلش طولتي عليكي قوي ..

بجد انا اسفه ..

اخر حاجه بقى ..

كام مرة قلت بجد فـ التعليق بتاعي ..ههههههههههه..

مع خااااالث ماااالث تحياتي وحبي ..

اختك ..<< ماصدقت اهو ..

شقاوة مراهقة

MǿиY El-Shreef يقول...

ميرام

خليني اقولك وحشتيني الاول

واقولك كمان اني قريت اسكت يابني

والله انتي ماشاء الله عليكي لو قلت اي وصف ف حقك يبقى قليل

ماشفتش زيك ف تحكمه ف الكلام

ودي بجد لو كملتيها تنفع اغنيه

فيها كل حاجه حلوه شبهك

انا قلت اجي ارد قبل ما الماتش يخلص واموت قهر لو خسرنا ساعتها مش هتسمعي خبري :D:D

بحبك ياسكر

ميرام يقول...

شقاوة مراهقة
(:
أولا كان نفسي بجد تكوني بلوجر
ثانيا
أزعل منك ازاااااي
ده انا بجدابتسمت خاااالص وانا زعلانه
عشان قريت ردك الجميل ده
ثالثا :
بما ان المدونة اللي قعدتي تقريها امبارح عجبتك فانا هستناكي دايما
(:
رابعا :
قربتي عال 17 !!! يعني في ال 16 وشوية
ههههههه
وبتقوليلي حاسة اني بتكلم عنك
يابنتي انا الحاجات دي كتبتها زمااان
وانا كبيرة يعني
(:

خامسا ...
نزعل بقى ى ..
ليه شايله الهم بدري ..
(:
أنا صحيح مش من أنصار طنش تعش تنتعش
بس بردو ...
بجد الحياه جميلة ..

سادسا :
اسمحلك ونص ..
(:
تبقي أختي .. وده كلام بجد بما اني عندي اخوات وانتي لا (:

وعلى الدعوات الجميلة دي آمييين يارب
ليا وليكي وللكل

آخر حاجه بقى ..
نصيحة أخت ياشقاوة (:
مشاعرك عندك لازم تبقى غالية قووووووووووووي ...
وماتديهاش لأي حد (:
(:
نورتيني بجدددد

ميرام يقول...

موني
(:
بحب متابعتك قووووي
(:
ومش عارفة أرد على مجاملاتك دي ازاي
بس بجد
أخجلتم غرورنا .. قصدي تواضعنا (:
ويارب أكون عند حسن ظنكم
يارب يارب يارب
يكسبو ..
عشان خبطتين في الراس توجع
وانا محتاجاكي عالبلوج عشان لو الكهربا قطعت تنوري
(:

وانا كمان ..(:

شقاوة مراهقة يقول...

ومين سمعك يا اوختشي انا كمان كان نفسي ابقى بلو جاريه >> شفتي ازاي اتنين ف واحد .. بلو ازرق وجاريه اللي هيا الجاريه هههههههههه

والله الواحد نفسي يكتب ويوقل اللي ف قلبه ..

بس حكم الشن بقى هيهيهيهيهي..

وانا ثانويه عامه وشلل الضوافر متفشي عندي هههههههههههه وهقرع قريب بعيد عنك وعن السامعين ..

ادعيلي بقى ..

بس حقيقي مش تتصوري انا مبسوطه قد ايه اني كنت سبب فـ ايتسامتك ..

دايما ياااارب تكوني سعيده ومبسوطه والابتسامه مش تفارق محياكي << حلوة محياكي دي .. ومنكم نستفيد هههههههههه

ومش تستنيني يايوحي انا من نفسي هتلاقيني عندك عــ طول .. لزقه ببتاكس يعني مش تقلقي ههههههه

وبحدين طنش تعش تنتعش دي وصلتك ازاي ..

انتي كنتي فـ السعوديه ولا حاجه ههههههه

اصلهم بيطبقو جامد العبارة دي ..

اساليني انا من عاشر قوم 40 يوما ..

وانا معاشراهم من يوم ما نورت الدنيا هههههههههه

وجميله مين وبطيخ مين ..

خليها ع اله يا حوبيكااا..

دي مش دنيا دي غابه وناس عماله تاكل ف بعض ...

هاتي قطمه بقى هههههههه

هو انا حاسه اني برغي كتير ولا دي احلام اليقظه ..هههههههه

بس حقيقي بقى انتي احساسك جامد وحلو قوي ..

وانا بجد ساعات ببقى نفسي اكتب زيك كده واطلع اللي جوايا ..

بس بمجرد اني امسك الورقه بلاقي حد حلو وكميل كده نده وبيقول ..

يااا...... حطي الشااااي ..

اولع انا ف نفسي بسولار ولا ايه هههههه..

من ساعتها وانا مافياش دماغ بقى ..

بس ساعات بكتب حاجات ع خفيف ممكن ابقى اعزمك عليها اما اخد عليكي شويه هههههههههههه سامعاكي بتقولي هو انتي كل ده مش خدتي لسه هههههههههه

محدش يستغربين يا جماعه ..

ايون انا رغايه .. ولمضه ...هههههههه

واقدر الحياة الزوجيه ...ههههههه مفيش عريس بقى


اخر حاجه بقى النصيحه بتاعتك جاااايه ف الجوووون بجد ..

انتي مرقباني ولا ايه يابت .. حاطه الكاميرا فين اعترفي ههههههه..

الا انتي اهلاويه ولا اهلاويه ههههههه..

اصل الاهلي بيلعب دلوقتي ..

وبيب بيب ..

حاسه اني هتطرد من هنا من كتر الرغي اللي جابلك صداع ..

بس انا ما صدقت حد عبرني ههههههه..

وبعدين انا زي ماتقولي متعطشه ومش لاقيه حد اتكلم معاه ..

خلاث بقى هتلم وامشي عشان مش ابوظلك التعليقات ..

بس ابقى تعالي ..

انتي مابتجيش ليه ..هههههههه


بعبك يا ميرااااام ..

وده نورك يا قمرتي ..

ميرام يقول...

هههههههه
ايه كللللللل ده (:
أنا هموت من الضحك
يابنتي ثانوية عامة ومرابطة على النت كده
(:
قومممممي ومش عايزة أشوفك عالبلوج غير السنة الجية
وانتي دكتورة كده ولا باشمهندسة زي حالاتي
(:
وأيوة مراقباكي
حد يقول على نفسه مراهقه ..
(:
بصي بجد بجد بجدددد
في حاجات ماينفعش تتعاش غير مره واحده
بس
ولحد واحد بس
والحد ده لازم يكون يستاهل قووي ومميز قوي ويقدرك قوي ويقدر حبك ده
وتبقي حاطة رقم واحد انك ماتغضبيش ربنا ولا تخوني ثقة أهلك

قومي ذاكري بقى
ده مش شات (:

adel يقول...

تصدقي كنت هاعيط
مش هاقولك انك عبقرية و الكلام الحمصي
الكلام فعلا جميل بس انا حاسيته قوي و عايشة للاسف

بجد تسلم ايدك (بسبوسة بقي و كده)
:):):):)

عمك ياض يقول...

ليه كده بٍس
ربنا يفرج همومك يافندم

ميرام يقول...

عادل
شكرا لمرورك
وشكرا على المجاملة
(:
تحيــــــاتي

ميرام يقول...

عمك ياض

(:
أهلا بزيارتك الأولى
تمنيت يكون في تعليق على النص
اللي بالمناسبة مش بالضرورة
يكون بيعكس حالتي
(:
شكرا على زيارتك
تحيــــــاتي

حارة سد يقول...

لا يتبقى بعد هذا النظم الا لحن ويتم تلحينا
(:
بالرغم أنني متصعب بشكل كبير الى اللغة العربية وأحسبكي تجيدينها أفضل مني على الأقل
الا أنه لا مانع إن كان هناك فاصل بالعامية ..وان كنت ذواقا للعربية أكثر

على أية حال اسلوبك لا يعرف محال

دمتي بتالق وابداع ورقي

الحارة سد

بنجاواتى يقول...

اول مرة ازور المدونة

وبصراحة حاسس انها اغنية جميلة ولكنى ما سمعتهاش قبل كده

يمكن حاسس بكده لانها كلمات جميلة جدا وموزونة جدا

جميلة جدا جدا جدا

وعلى فكرة افتكر!!!! ايوة افتكر

وتقبلى تحياتى

كفايـة طيبـة يقول...

الله

مش عارفة ليه حسيت انى شوفت ملامحك اوى وتعبيراتها وانا بقرأ كلامك

ولو في جــرح لسـه نـاويه ..
عشـان خاطـري ..
بجــد بـــلاش ..
----

الكلمتين دول خلى عينيا تدمع وانا بقراهم يا ميرام :)
وبردو دمعت وانا بكتب التعليق عليهم

كلامك جميل ومدونتك اجمل
وحد زيك صاحب بلوج زي بلوجتك بيدخل فى قلبي فرحة كبيرة اوى لما اعرفه واعرف بلوجته :)

هستأذنك آخد لفة كبيرة فى البلوج كلها من اولها لآخرها بكرة ان شاء الله :)

ميرام يقول...

حارة سد
(:
يروقني تعصبك للعربية
بالمناسبة كنت مثلك وأكثر
وحتى الآن ربما ..
أحترم الأقلام التي تكتب الفصحى جدا
لاسيما ان كانت تحمل احساسا خاصا
بيد أني لا أنكر كون العامية تستهويني في بساطتها وتلقائيتها ...

الفصحى والعامية ..
لكل منهما جمهوره .. ربما لفرط أنانيتي أحاول الظفر بالاثنين !!
قد يكون !! من يدري
أو أعود بخفي حنين (:
أظن الأمر يستحق التجربة ..

(:
وعلى كل حال
أشكر مرورك
تحيــــــاتي

ميرام يقول...

بنجاواتي
(:
أكيد ماسمعتهاش قبل كده
(:
لأنها ماتغنتش لسه (:
شكرا على زوقك
(:
تحيــــاتي

ميرام يقول...

كفاية طيبة
(:
أحرجتيني بجد بذوقك
(:
ربنا مايجيب دموع
ومن غير استئذان
البيت بيتك
(:
نورتيني بجد
تحيـــــــاتي

هانى سعيد يقول...

ميرام
اهلا بيكى فى عالم كتابة الاغنية
نورتينا
وهل من مزيد؟
بس كدة ابتدى اقولك خدى بالك من اللى بتكتبيه بالشكل دا لانه نظم غنائى والاغنية ما هى الا فكرة ونظم (دا قبل التلحين طبعا )وللاسف احنا بقينا فى مجتمع استاذ فى سرقة مجهود الغير وبكل وقاحة يتحدا ويقول دى بتاعتى وكلماتى خدى بالك يا ميرام وربنا يوفقك بجد والمثل بيقول عدوك ابن كارك بس انا والله اتمنالك كل الخير لان حد يستاهل وقلمك يشهد على كدة
تحياتى ونتقابل فى ساحة القتال عن قريب
هههههههههههههه

mimi يقول...

جامدة جدا جدا

لو من تأليفك ....
ممكن ترشحيها لجنات أو سميرة سعيد علشان يغنوها
انا اعرف ان اغنية تمللي معاك بتاعة عمرو دياب ألفهاله واحد وبعتهاله في جواب .. يلا اشتغلي ...

mimi يقول...

اصلا انا جيت أشكرك علي مرورك عندي ... بس اول ما قريت كلامك ... زهلت
نورتي يا ميرام

mimi يقول...

أخدتني خطاوي في مملكتك ...
وتاه فيها كلام حساه..
عشان فيها لقيت نفسي ...
كلامك ... كنت أنا عايشاه..
وزي ما قالوا فنانة...
وفنك .... كنت أتمناه..
يارب تفضلي ميرا ..
حبيبتي ولا اقول مرمر
كلامك سكره زياده
حقيقي شهد ومكرر
تحياتي ... واعتبري ده عربون صداقة جديدة ... ربنا معاكي

دينا حامد يقول...

شفتي قعدتي تحسدي وتحسدي اني الاولى عندك على طول
بقيت داخله ع الحاجة والعشرين :)
مش عارفة اعلق اقول ايه على كلامك

ومين من الهم كان خالي
ومين عاش يوم وكان مرتاح
انا ياما حايلت الفرح وناديته
وكان املي اشوف الفرح يوم واعيش
وكان الرد عكس ماكنت بتخيل
بلاش خيبه
واوعى في يوم تناديني انا مابجيش!

بس برضه عندي امل في شخص وهو اللي باقي لي :D

شكلي عكيت بس اللي جه في بالي وخلاص :s
بتقلبي المواجع كتير انتي :(

تحياتي

هندسة وصفية يقول...

ميرام هانم
علي اغتبار اني سابقك ب يا دوب 12 سنة بس
احب ابشرك اننا ضايعين ضايعين ضايعين
هتقولي متتعشمش
وياما لسة هيتعشم غصب عنك
هنعمل ايه بس
ايام و بنعيشها
و كمان حضرتك مهندسة معمارية
يعني زميلة كفاح

عبد من عباد الله يقول...

ايه وجع القلب ده بس ههههه

خير الكلام ما قل
و ما اتفهمش منه حاجه

يا سلاااااااام بيبقى جامد اوي
هههههههههههه

كملي إلى الامام دائماً بإذن الله

ميرام يقول...

هاني سعيد
(:
نورت ..
وشهادتك أعتز بيها بجد
بالنسبة للسرقات الأدبية والغنائية (:
كلامك مظبوط
(:
بس خلي حد يهوب بس (:(: (:
ههههههه
بفكر فعليا أسجلهم في الشهر العقاري
كل ماتراودني الفكرة
أضحك (:
خير ...
شكرا لوجودك
(:
تحيــــــاتي

ميرام يقول...

mimi
(:
نرشح ومالو (:
معاكي العنوان ,,,
وظرف بعد اذنك عشان انا معنديش (:
هههههه
بجد نورتيني
وأخجلتي تواضعنا ياميمي
(:

ميرام يقول...

أخدتني خطاوي في مملكتك ...
وتاه فيها كلام حساه..
عشان فيها لقيت نفسي ...
كلامك ... كنت أنا عايشاه..
وزي ما قالوا فنانة...
وفنك .... كنت أتمناه..
يارب تفضلي ميرا ..
حبيبتي ولا اقول مرمر
كلامك سكره زياده
حقيقي شهد ومكرر


ايه الجمـــال ده (:
ههههه
بجد أجمل عربون صداقة ...
(:
حقيقي نورتيني
بانتظارك دائما
تحيــــــاتي

ميرام يقول...

دينا حامد
(:
تصدقي شكلي حسدتك بجد
):
بس منورة دايما يافندم
ومكانك مش في البلوج
(:
ايه النكد ده ):
أنا بهتت عليكي ولاايه
):
نورتيني (:

ميرام يقول...

هندسة وصفية (:
أهلا بحضرتك
هو لو فضل يتعشم همموته ):
أو هسيبه يموت لوحده
(: مش فارقه كتير
نورتنا
تحيــــاتي

ميرام يقول...

عبد من عباد الله
(:
ههههه
ليه بس ده كلام بسيط خــالص
نورتنا
تحيـــــاتي

أبو العريف يقول...

جميل جدا كالعادة
ومنوره كالعاده

تحياتي ليكي

kochia يقول...

حلوة اوي
وحستها جدا

تحياتي

WhItE HeArT يقول...

لا تعليق سوى جميييل

تحياتي

صدى الصمت يقول...

البوست جميل ومعانيه كلها إحساس صادق ومشاعر حساسة ورقيقة
أحييك

عاشقة الورد

mosooz يقول...

اول مرة اخش المدونة
بس لما قراتها بصراحة
طلعت مدونة جميلة ورائعة
وكتاباتك جميلة
تحياتى

ميرام يقول...

أبو العريف
شكرا ليك
سعيدة بمرورك
تحيــــاتي

ميرام يقول...

كوتشيا
ياأهلا ...
وجودك أحلى ..
نورتيني

ميرام يقول...

WhItE HeArT
شكرا للتعليق الأجمل
تحيـــاتي

teemo يقول...

هذه أول مرة منذ تركت كلية الهندسة
أدرك أن الكلية تنجب شعراء حقيقيين
كنت أظن أنني أخر جيل العمالقة في الكلية
حتى قرأت معارضة لقصيدتى من الشاعرة المجيدة ميرام على
فأحسست أننى فاتنى الكثير بعد دخولى الجيش
لك كل التقدير
ولقلمك خالص التحية
(قصير اليد) حاتم عبدالفتاح
hatem_eng25@yahoo.com

ميرام يقول...

صدى الصمت ..
نورتيني
وأشكرك على هذا اللطف
تحيــــــــاتي

ميرام يقول...

mosooz
شكرا ليك
وأهلا بزيارتك الاولى
نورتنا

ميرام يقول...

teemo
حقيقة ... ابتسامتي بعرض السماء
(:
لاسيما بعد قراءة ظنونك (:
والتي أخشى ان علقت عليها أن تسيء الفهم ...أو تحسنه (:
ومنعا لهذا وذاك
أرحب بك في مدونتي المتواضعة ..
وأشكرك بشدة على اطراءك اللطيف
بيدأن قصيدتي لم تكن الا ردا على رائعتك ..

بالمناسبة ..
للتو عرفت أن اسمها ( قصير اليد)
واللطيف أنني أسميت خاصتي (ولـد غلبـان)

سعيدة بمرورك
(:
لا قصر الله لك يدا (:

تحيـــــــــاتي

koketa يقول...

مفيش تعليق
لان الصمت فى الحالة دى ابلغ من الكلام

ميرام يقول...

كوكيتا
مرورك وحده يكفيني
شكرا لك
تحيــــاتي

غير معرف يقول...

السلام عليكم ورحة الله وبركاتة
لقد اعجبت بكلامك جدا وانتي في سن 18عشر عام لكن كلامك يدل على 25عام واكثر...احسنت يا ميرام على التعبير في مدوناتك
الرجاء مراسلتي عبر الاميل
ahmdmndour@yahoo.com
نحن نحتاج الى خبراتك ونريد تنميتها
الرجاء مراسلتي
تحياتي
الصحفي
أحمد مندور

 

اسكت يا ابني !!! © 2008. Design By: SkinCorner