مفتقدة المدونة بجد ...
مع اني بدخلها كل يوم
مفتقدة والدي جداا .. ووالدتي واخواتي ...
مفقتدة احساسي بالامتحانات وبالوقت والزمن ..
مفتقدة نفسي .. مع اني (بشوفني ) في المراية كتير
مفتقدة قوي نكهة الفرح .. والحزن حتى ..
مفتقدة احساسي بالاحساس ..!
انــا بجــد ...
(حــاســة .. اني مش حــاسة )
مع اني بدخلها كل يوم
مفتقدة والدي جداا .. ووالدتي واخواتي ...
مفقتدة احساسي بالامتحانات وبالوقت والزمن ..
مفتقدة نفسي .. مع اني (بشوفني ) في المراية كتير
مفتقدة قوي نكهة الفرح .. والحزن حتى ..
مفتقدة احساسي بالاحساس ..!
انــا بجــد ...
(حــاســة .. اني مش حــاسة )
ليه لازم نكسب أو نخسر .. ليه ماينفعش نفضل زي مااحنا .. محايدين .؟
ليه لما نبقى عايزين حاجة بجد مانحاربش عشانها ؟
ليه لما بنحلم والحلم مايتحققش بنرجع تاني ونحلم من جديد
ليه لازم تكون حد مش كويس عشان يتعمللك حساب ؟
ليه لما نغلط في حد بنكابر ومانعتذرش ..؟
ليه بنخاف من المواجهة ولو لينا حق ناخده ولو علينا نديه ؟
ليه قالولنا ان العتاب للأحباب بس .. مع ذلك الأحباب أول ناس بتزعل منه ..وغالبا بتبقى نهاية العتاب قطيعة تامة ؟؟
ليه أغلب الحكم والأمثال مش صح .. ؟
ليه بنعاند مشاعرنا واحاسيسنا واحنا عارفين ان العند هيخلينا نخسر كل حاجة ؟
ليه لما بنظلم حد مابنخافش ان ربنا هيحاسبنا يوم القيامة على الظلم ده ؟
ليه لما بنتظلم بنشك في نفسنا اذا كنا ظلمنا ولا اتظلمنا ...؟
ليه بنبقى عارفين الغلط وبنصر عليه .. وعارفين الصح وبنهرب منه ؟
ليه دايما بنستنى لما كل حاجة تضيع .. وبعدين نندم ؟؟
ليه لما بنحب حد مانحسسهوش بحبنا ليه .. لكن العكس لما بنكره بيبقى الكره باين قوي علينا ؟
ليه الامتحان كان 6 ساعات ومع ذلك مالحقتش أخلص ؟
ليه العصفور اللي عندي طار ..مع اني كنت بحبه بجد وما اتأخرتش عليه في حاجة ؟
طيب لو كان بيحب الحرية .. ليه ماخادش العصفورة معاه ؟
طب ليه العصفورة ماطارتش ؟ مع انها كانت بره القفص بردو ..
طيب ليه أنا بتوجع على العصفورة قووي وحاسة انها بقت وحيدة مع انها بجد هي اللي رجعت للقفص .. وهي اللي اختارت ماتطيرش ..؟
بالمناسبة ...عصافير الزينة مابتعرفش تطير زي العصافير التانيه .. ولا تاكل زيهم ...
طيب ليه العصفور ياخد القرار ده .. وهو عارف انه هيضيع .. ولا تفتكرو هو مش عارف .. ولا تفتكرو مش هيضيع ..؟
ليه بنبقى عارفين اننا مش قد الوعد ومع ذلك بنوعد ؟
ليه الفستان الي اشتريته من شهرين ب 260 لقيته النهرده ب 120 ...؟
ليه بقى الطبيعي ان الغالي يرخص ...؟
والأصل في منه تقليد ..والناس مابتعرفش تفرق بين الأصل والتقليد ؟؟؟
ليه بسأل نفسي كتير ... وبحاول أعرف الأجوبة مع انها مش هتغير من واقع الحال أي شيء ...
ليه بوجع دماغكم بكلام مش مفيد ...
بجد كنت داخلة أنزل شعر ..
(:
بس رجعت في كلامي ...اه صحيح .. ليه بنرجع في كلامنا ..
همشي قبل ما اكمل (ليه)اتي الكتير ....
(:
(:
(:ا دعولي بجد ... واستنو أخبار حلوة ...
(:
(:ا دعولي بجد ... واستنو أخبار حلوة ...
34 التعليقات:
أنا جاى أحجز تعليق
يمكن يكون الأول ولا حاجه
وبعدين أقرأ وأقول رأيى
انتي ليه مابتجيش ؟؟
ههههههههههههههه
وحشتيني يا ميرا .. طمنيني عـ امتحاناتك ..
والـ ( ليه ) هات اكتير دي ممكن ارد رد بسيط .. وهو :
عشان احنا بشر بنعمل كل ده ..
بس حكاية الامتحان دي فظيعه وشنيعه .. :D
فكرتيني بامتحان الرياضيات ..
3 ساعات ومش بلحق اخلص ..
بالتوفيق ياميرااام ..
ومنتظرين الاخبار الحلوة اللي زيك ..
وحشتيني جدا .. ومفتقداكي اوي ..
تحياتي / شقاوة مراهقة
ربنا يصبرك...
ـ محدش بقى بيكسب فى الزمن ده حتى الحب بقينا بنخسره بسهوله
ـ هنحارب بس لازم هى تكون عايزانا
ـ ما دام الحلم مباح فاحلم ما استطعت ولا تقم حتى الصباح
ـ الناس اتعودت على كده
ـ علشان احنا مش كويسين
ـ أظن علشان احنا عارفين اننا مش هناخد حقنا
ـ الاحباب بيقيسوا الكلام لبعض بالترمومتر مش تلكيك لكن علشان الكلام ما بيعديش وبس وبيفضل كل واحد منهم يفتكر كلام حبيبه ويفكر فيه وفى كل معانيه الحلوه اللى بيستمتع بيها والوحشه اللى بتفسد الاستمتاع وتخليه يخاف لحبيبه يسيبه (واللى يخاف من العفريت يطلع له ).
ـ علشان هو ده الطبيعى
ـ غباء بعيد عنك
ـ علشان يمكن احنا بنؤمن بيوم القيامة كده وكده
ـ يمكن علشان احنا كويسين
ـ غباء برده
ـ السابق
ـ علشان الحب مرتبط بالخجل أما الكره قليل الحيل
ـ الامتحان كان طويل أكييييييد
ـ يمكن زعلان مع العصفوره
ـ
أنا آسف للإطاله وبجد أنا استمتعت بالبوست
انت انسانه مبدعه وانسانه
تحياتى
يااااااااااااااا مش عارفه اقولك ايه
الاحساس دا قاتل اووووووي بجد
بس باختصار من كلامك انك شخصيه جميله وطيبه اوووي
دمتي بكل خير وسعاده ياااااااااااااارب
كل ليه تنفع موضوع وحدها ومع ذلك هتفضل ليه من غير اجابه علشان ماحدش عارف الاجابه ايه
واضح ان كل ده بسبب الامتحانات
البوست اكتر من رائع
تحياتى
ليه لازم نكسب أو نخسر .. ليه ماينفعش نفضل زي مااحنا .. محايدين
وعلى رأي ستك اطاطا
إلاهي لا تكسب ولا تخسر تفضل اوف سايد كدة.. اهبل يعني
وبالنسبة بقى للفستان اللي جيبتيه ب 260 ولقيتيه بـ 120 فده العادي اساسا
انا طول عمري كدة
انا مرة جيبت تونيك من جراند بـ180 لقيت زيه شكلا بس الخامة غير طبعا وبيتباع على ستاند في الشارع وكان مصيره انه اترمى في الدولاب طبعا ومالبستوش
فده العادي للأسف الشديد
اسئلتك الكتيرة دي حلوة
وعندك حق ان كتير منها مش حاتغير اي حاجة في الواقع... للأسف
بوست حلو اوي.. ومستنية الشعر اللي انتي كنتي داخله اصلا تكتبيه
miro el niro kwaniro
ميرام
ليه عملتي البوست ده
مع انك كان ممكن تعملي البوست دكهو
ميرام
تقتلنا كثيرا من الاسئله
التي قد تكون بلا جواب
او بجواب نكرهه
فنتصنع عدم معرفته
هوني عليك
انها الحياه
تحياتي
والله أحلى حاجه فى الموضوع ده كله
ساتنوا أخبار حلوه
يعنى بعد كمية ليه دى كلها
الحمد لله ان هيكون فيه أخبار حلوه
لكن أرجع وأقولك
ليه أنتى بنفسك متحاوليش تلغى ليه من حياتك ؟؟
حاولى وصدقينى هترتاحى
دمتى بالخير وربنا معاكى يارب ويوفقك دايما
الجزء الاول .... مفتقدة الناس عشان وحشوكي و ده طبيعي... نفسك مفتقدها اكيد مضايقة ... المدونة مفتقدها عشان بتحس فيها بنفسك
لازم نخسر عشان نحس بطعم المكسب
و احنا ساعات بنخاف نحارب
ولازم نحلم تاني و تالت اصل لازم نلاقي حاجة نعرف نحققها
عشان ابقي زحش عشان الناس تخاف و تعملي حساب لانهم رابطيين الاحترام بالخوف للاسف
مابنعتذرش لخوفنا لنشعر بالاهانة
المواجهة في حد ذاتها كلمة مخيفة
الحبيب اللي يسيبك عشان عتاب ميبقاش حبيب
الامثال اغلبها غلط ...عشان امثال
العند اخر ذرة من الكرامة قبل الخسارة
مين قال اننا مبنخافش ....انا بخاف جدا
عشان بنحس اننا ليه نتظلم اكيد عملنا حاجة تستحق مع انه عادي
الغلط دايما اسهل
الانسان كده دايما ...مابيعرفش قيمة الحاجة اللي في ايده ابدا
يعني ايه كره ؟؟؟
عشان اكيد مذاكرتيش ههههههه
طار لانه مفتقد الاحساس بنفسه كطلر حتي لو ميعرفش سكته و هيموت بس الطائر اللي مبيطرش ...زي الانسان اللي ميعرفش انه انسان ...ومخدهاش معاه ..مستني يلاقي شقة
بنوعد لاننا عندنا امل بس طبعا بيطلع سراب
اضحك عليكي و خلاص
الاجابات ممكن تغير الواقع بس لو انتي حبيتي ...
رجعتي في كلامك لانك .....هههههههه
ربنا معاكي بس ايه الاخبار ;)
ولو إني مابحبش اسأل نفسي ليه
بس ليه بنسأل نفسنا ليه؟
عشان نفهم ليه ونتعلم
وليه بنسأل الناس ليه ؟
عشان لو فاهمين يفهمونا
وليه ساعات مانسألش الناس ليه؟
عشان السؤال بيبقي فردي مش جماعي
يعني اللي يعرف الإجابة يحتفظ بيها لنفسه وما يقولهاش غير للي بيحبه
موضوع جميل ومليان ليهليهات
دمها خفيف ومليانة حكايات
دمتي بكل الود ولكي أطيب التمنيات:D
وتحياتي لقلمك
صباحك سكر
عارفة يا ميرام
كل الاسئلة دى بتدور جوانا و لو فضلنا محبوسين جوا الدايرة دى لا الاسئلة هتخلص ولا حتى ممكن نلاقى لها حل بيه نقتنع
هى دى الحياة و دى طبع البشر دايما الانسان حاسس انه محتار كل واحد فينا جواه كتير جواه حب او حتى كره حاسس انه وحيد رغم العالم كله من حواليه الاحساس دا بيكون صعب لما تحسى انك حتى مش قادرة تحسى نفسك عاوزة ايه ولا حتى ايه احساسك
بس دا بيكون ناتج من صدمة او حتى موقف واثر فيك جدا
مش تخلى الاحباط والياس يسيطر عليكى
خلى عندك ثقة فى نفسك وفى ربنا
وان شاء الله تحسى بالامان مع نفسك الاول عشان تقدرى تحسى و تتعاملى مع الحياة
ربنا يسعدك و يسعد قلبك يارب
انا فى انتظار الاخبار الحلوة
تحياتى
يويو
الاجابه ابسط مما تتخيلي علي كل تلك التساؤلات ..... الاجابه لاننا بشر
لاننا بشر نتسائل لاننا بشر نعاند لاننا بشر نخطا لاننا بشر نحب لاننا بشر نفرط لاننا بشر نحلم لاننا بشر نهزم لاننا بشر نسقط لاننا بشر نحارب والغريب انه لاننا بشر ايضا لا نعرف ولن نعرف لما طار العصفور ابدا لاننا لن نفهمه
اما من جهة العصفوره فعن تجربه شخصيه اما ان تطلقيها اوتفرطي فيها لاحد محلات العصافير فهي لن تلبس ان تزوي تماما او علي الاقل اسرعي بشراء شريك جديد لها وكما قلت لك ذلك عن تجربه شخصيه
بالنسبة للعصفور
والله انتي لما قلتي لي انا زعلت جدا لاني مجربة الموضوع ده
بالنسبة لسؤالك
العصفور اكيد مش عارف مصيرة ولما قرر انه يطير ويشوف عالم تاني بكل مافيه كانت خطوة رهيبه منه انا بتمنى اقوم بيها بعكس اللي فضلت تقعد لانها مش قد المخاطرة والخروج عن الروتين
تعرفي ياميرام
الاسئلة دي انا واثقة ان كل اللي هيدخل يعلق هيقول لك انا بسال نفسي نفس السؤال
وبرضه مش هتلاقي اجابة مقنعة!
ليه مش بنلاقي اجابة مقنعة؟ :P
ربنا يوفقك في الامتحانات
تحياتي
الشاعر الحزين
(:
أهلا بيك ..
شقاوة مراهقة
جيت أهو
(:
منوراني
(:
وميرسي على المتابعة ياشقاوة
(:
الشعيني ...
يامرحبا ..
ربنا يصبرك...
(يارب)
..........
ـ محدش بقى بيكسب فى الزمن ده حتى الحب بقينا بنخسره بسهوله
........
(تخيل لأول مرة أفكر ان في أوقات بتبقى كل الأطراف خسرانه ومحدش بيكسب فعلا .....!! طب ليـــه ؟؟)
............
ـ هنحارب بس لازم هى تكون عايزانا
( هي مين .. ::الحــاجة :: طيب واذا ماكانتش عايزاك بنفس القدر الي انت عايزها بيه ... تستسلم ...!!
مش موافقه .. في حالة كونها (حاجة) لو (أشخاص) يبقى جايز معاك حق ..
ساعتها لازم تستسلم بجد
................
ـ ما دام الحلم مباح فاحلم ما استطعت ولا تقم حتى الصباح
( من يمنحنا أحقية الحلم ..ومن يملك انتزاع مشروعيته منا ....
ان كان الحلم يخصني .. فلم يحاولون استباحته ؟؟! )
.............
ـ الناس اتعودت على كده
( على ان الي مش كويس هو اللي يتعمله حساب ..
طيب في الحاله دي (: نبقى مش كويسين )
...........
ـ علشان احنا مش كويسين
( أو يمكن عشان خايفين .. أو مكسوفين .. أو.. مش فارقة معانا ...)
................
ـ أظن علشان احنا عارفين اننا مش هناخد حقنا
( تصدق .. معاك حق... قوي )
.........
ـ الاحباب بيقيسوا الكلام لبعض بالترمومتر مش تلكيك لكن علشان الكلام ما بيعديش وبس وبيفضل كل واحد منهم يفتكر كلام حبيبه ويفكر فيه وفى كل معانيه الحلوه اللى بيستمتع بيها والوحشه اللى بتفسد الاستمتاع وتخليه يخاف لحبيبه يسيبه (واللى يخاف من العفريت يطلع له ).
(: عفريت ايه بس (:
محدش بقى بيخاف من حاجه ولا على حاجه ...
.............
ـ علشان هو ده الطبيعى
لما هو طبيعي كل شوية يقولولنا حكم وأمثال ليه ..
(:
........
ـ غباء بعيد عنك
العند ..! غباء
أوقات ... وأوقات بيبقى كرامة ...
بين الغباء والكرامة .. لازم نعرف هنكسب ايه وهنخسر ايه .)
...............
ـ علشان يمكن احنا بنؤمن بيوم القيامة كده وكده
كده وكددده !!!!!!!!
تفتكر ...!
عشان كده بنظلم ونسرق ومانصليش وما وما ....
آه والله .. ده بجد ايمان كده وكده ..
........
ـ يمكن علشان احنا كويسين
يمكن .. أو أاغبياء (:
..........
ـ غباء برده
(: مش معترضة ..
.......
ـ السابق
غباء ...
تعرف ان الغباء فعلا هو اجابة معظم الاسئلة ..
انت مقنع (:
..........
ـ علشان الحب مرتبط بالخجل أما الكره قليل الحيل
مش عارفه .. مش مقتنعه ...(:
.........
ـ الامتحان كان طويل أكييييييد
كان طويل ..
وممل ..
وانا ..ماكنتش في وعيي ...
(: بعترف
...........
ـ يمكن زعلان مع العصفوره
أهو ده عذر أقبح من ذنب ..(:
هو زعلان مع العصفورة يقوم يسيبلها القفص ويمشي (:
ده عصفور بيهرج ...
(: يارب بس يكون كويس ..في القفص ولا بره ...مش فارقة
........
ـ
أنا آسف للإطاله وبجد أنا استمتعت بالبوست
أنا ضاعفت الاطالة ..
وسعيدة بيها بجد ..
انت انسانه مبدعه وانسانه
انسانة مبدعة .. وانسانة !
(:
(:
شكرا
تحياتى
انا كمان ..
صمت المشاعر
ياأهلا يا أهلا
(:
بحترم الصمت .. اذا اقترن باي شيء ..
ياريتني اكون كده ..
(:
نورتيني
لاسع أفندي
فعلا كل ليه ممكن تبقى موضوع ..
متابعتك بتسعدني
تحيـــــاتي
كراكيب
(:
عاش من شافك
بعيدا عن الفستان ..
أنا بيدايقني قوي منطق ان الحاجة مهما غليت وغليت ..
بكره هترخص ..
بيحسسني ان الدنيا دي مالهاش أمان
(:
يلا يارب بس تيجي في الفستان ..
(:
منوراني
أبو العريف
(:
ميرام
ليه عملتي البوست ده
مع انك كان ممكن تعملي البوست دكهو
(:
ليه صحيح ..!
انها الحياه ..
(:
طيب اذا كان كده ماشي
(:
نورتني
الشاعر الحزين
وعودة تانيه
(:
ألغي ليـه من حيــاتي
!!!!!!!!!!!!!!!!!!!!!!!!!
ازاي
وليه ...؟
(:
آمين يارب
أسعدني تواجدك
تحيـــــــاتي
عادل
أهلا بيك ..
الجزء الاول .... مفتقدة الناس عشان وحشوكي و ده طبيعي... نفسك مفتقدها اكيد مضايقة ... المدونة مفتقدها عشان بتحس فيها بنفسك
...
جــايز ..
لازم نخسر عشان نحس بطعم المكسب
(: بس ازاي نحس بعد كده بطعم المكسب ومرارة الخسارة لسه موجودة جوانا ..!
و احنا ساعات بنخاف نحارب
بنخاف ..! يبقى الحاجة أكيد ماتستحقش ...(:
ولازم نحلم تاني و تالت اصل لازم نلاقي حاجة نعرف نحققها
هههههههه أي حاجة (: دي تبقى كارثة
عشان ابقي زحش عشان الناس تخاف و تعملي حساب لانهم رابطيين الاحترام بالخوف للاسف
ده تخلف ..أه والله وللأسف بجد كتير قوي بيفكرو كده ..
امتى هينقرضو ... مش عارفه انا ..
..........
مابنعتذرش لخوفنا لنشعر بالاهانة
ماهو لو مش قدها ليه عملتها ..
(: يعني طالما حطيت نفسك في الموقف يبقى لازم انت تخرج منه ..
...
المواجهة في حد ذاتها كلمة مخيفة
مخيفة .. ! جايز بس بتحل المشاكل بتريح الأطراف .. على الأقل .. الي بيكذب بيبان ..
أوقات كتير بحس اننا مابنقدرش نواجه غير الناس الي بنحبهم .. لأننا على الأقل بنبقى عارفين انهم مش هيجرحونا ,,
.......
الحبيب اللي يسيبك عشان عتاب ميبقاش حبيب
أكيد ..
.........
الامثال اغلبها غلط ...عشان امثال
(:
............
العند اخر ذرة من الكرامة قبل الخسارة
الجملة دي عايزة تصفيق .. (:
..........
الانسان كده دايما ...مابيعرفش قيمة الحاجة اللي في ايده ابدا
الا لما تضيع .. طب ليـــه ..؟!
.....
عشان اكيد مذاكرتيش ههههههه
(: طيب ليه عندي مادة بعد يومين وعارفة اني مش هحل فيها .. ومع ذلك لسه مابدأتش ):
.......
ومخدهاش معاه ..مستني يلاقي شقة
ههههههههههههههههههههه
.............
بنوعد لاننا عندنا امل بس طبعا بيطلع سراب
(: يمكن ..
...........
اضحك عليكي و خلاص
(: طيب ..
الاجابات ممكن تغير الواقع بس لو انتي حبيتي ...
ماافتكرش .. مش كل حاجة لو حبيت .. عن تجربه يعني (:
........
رجعتي في كلامك لانك .....هههههههه
(: (: (: لا والله ..
........
ربنا معاكي بس ايه الاخبار ;)
يارب ..
شكرا ياعادل
تحيــــاتي
hérisson
نظرتك للحياة مشرقة (:
اه بجد ..
عشان كده بتقول
موضوع جميل ومليان ليهليهات
دمها خفيف ومليانة حكايات
نورت (:
تحيــــاتي
يويو
صباحك ورد
(:
بجد ده مش يأس ولا احباط
(:
وبجد أنا ثقتي في ربنا كبيرة قووي
(:
وعارفه انه مش هيخدلني
(:
عشان كده مطمنة ...
المهم
أنا سعيدة بجد بوجودك
نورتي ياجميلة
حكاية لاتنتهي
(:
لأننا بشر ..
): يمكن ..
اما من جهة العصفوره فعن تجربه شخصيه اما ان تطلقيها اوتفرطي فيها لاحد محلات العصافير فهي لن تلبس ان تزوي تماما او علي الاقل اسرعي بشراء شريك جديد لها وكما قلت لك ذلك عن تجربه شخصيه
(: قالولي كده ..
بس هي كان قدامها انها تطير وماطارتش .. ليـه ؟؟
يعني اذا كان ده قرارها ليه هتكتأب .؟
بس تعرف .. واضح ان عصفورتي قوية ..
لسه بصحى على صوتها .. (:
ومجمعة عصافير الشارع كله (: وبيقعدو يتكلمو هي من جوه القفص وهما من بره (:(:
امممممممم
فكرت اني اجيبلها عصفور تاني ..
بس مش عارفه .. مش حاسه انها هتبقى مبسوطة يعني (: وكمان احتراما للعصفور الي راح وماجاش (:
(: ممكن أوديها فعلا لمحل طيور ..(:
بس هتصعب عليا ..
هستنى شوية ..
لعل الله محدث بعد ذلك أمرا
(:
نورتني ...
دينا (:(:
لا ده مش خروج عن الروتين
(:
ممكن تبقى مغامرة .. بس عارفه لما المغامرة تبقى متعلقة بطرف واحد بس بتبقى ممكنه ..
لكن لما ترتبط بكذا طرف يبقى لازم كل الأطراف تتفق عليها ..
المهم
انتي عارفه قد ايه انا بببقى سعيدة لما بشوف تعليقاتك
(:
ربنا يوفقنا جميعا
وشدي حيلك
(:
تحيـــــــاتي
ازيك يا ميرام
البوست اكتر من رائع
علي فكره انا حاسه زيك بالظبط
حاسه اني فقدت الاحساس
بس انتي تعبيرك رائع, واسئلتك كتير منا بيسالها بس مش مستني عليها اجابه
تحياتي
ازاي بتسالي الاسئلة دي وبتقولي الكلام ده وتقولي على نفسك مفتقدة احساسك بالاحساس , ميرام انتي الاحساس نفسه
سوما
(:
أهلا بيكي
(:
زعلتيني والله .. أصل بجد الاحساس ده وحش
(:
بعيدا عن ذلك ..
أنا سعيدة بمرورك
(:
تحيـــــاتي
شارد
شكرا لك
امممممم
ممكن لان دى طبيعة الانسان عموما؟؟
لو مشيتي في سكه ليه مش هتعرفي انتى كنتى فين ولا رايحه فين ولا جايه منين
ساعات انا كتير بمشي في سكه ليه وفي الاخر بطلع منها باكتئاااااااااااااب
يلا الحمدلله على كل حال
مدونه طالعه من القلب تسلم ايدك واتمنى زيارتى في المدونه
Sweet Violet
جــايز
(:
نورتيني يا ..
حلوة ..(:
كلام فارغ اوى
(:
أولا منورة وأهلا بزيارتك الأولى
(:
مش عارفة ..
بس مش جايز سكة ليه توصلنا لطريق منور ..
لو جاوبنا صح ...!
(:
نورتي تاني
تحيــــــاتي
إرسال تعليق