الأحد، 8 أغسطس، 2010

لديك 1 رسالة غير مقروءة ...



احترامي والسلام ,,
للي ... واللي ...واللي واللي ........
واللي كـــان ..
أبتدي ازاي الرسالة ..
تفتكر لسه مابيننا فيه كلام ..
طب أحزر ..
كيف بقيت واحوالك ايه ..
ولا أهزر ...
والكلام راح ينتهي ..
ولا أقولك ..هبتدي بكلمة ختام ..
مش ختام كانت بدايه حبنا ,,,
كان فاضلو شهر الا ويبتدي ,,
صار فاضللو شهر وي ...
وهينتهي ....
وقلنا السلام ..
ياعزيزي .. ولا اقولك يا ...
لأ بلاش ..
حتى اسمك صعب ارجع انطقه
سبتهلهم .. ينطقوه ..
وفي نيران غدرك وغشك ..
يحرقوه ..
تبقى زيي .. اسم كـــــــــــــان ..
رااااح ماجاش ...
انا لو دفعت كتيرفي بيعك
بعتني انت ببلاش ..
.......................................................

(:



17 التعليقات:

adel يقول...

ياااااااااااااا فينك من زمان ؟؟؟

-----------
حلوة جدا جدا الرسالة دي
بس ايه حكاية الرسايل اللي ماشية اليومين دول :)

كــركــبــة دمـــاغ يقول...

بت انتي يا بت

في كلمة بوظتلي الموووود خالص و انا بقرأ

بصي معايا

( ... طب أحزر ..كيف بقيت واحوالك ايه ..ولا أهزر ... )

سبعتلاف عشروميت خط تحت ( كيف ) دي !!!

العرق الشامي نقح عليكي

طب كنتي تخليها ازاي بقيت واحوالك ايه

والله عسل اهي وماشيه

صحيح ،، العين ما تعلاش على الحاجب

وعمر الضفر ما يطلع من اللحم

ومصر والجزاير حبايب هههههههههه

لا وربنا بجد

انتي قاصدها كده ولا ازاي

مش عارفه اصل وانا بقرأها خربت الوزن العام للقراءة ومش عارفه ادوقها كويس ( اللي هيا بالعربي مش عارفه استسيغها ) << استسيغها بتتكتب كده صح ولا ايه مش عايزين فضايح احراج ههههههههه

انتي كاتبها بانهي لهجة ولا الواحد يقراها ازاي طيب يمكن انا مش فهمت قصدك

صعيدي ده مثلا وزي هشام الجخ وكده ولا ازاي برضه مش فاهم انا


في كمان حاجات تانيه ( صار ،، يا عزيزي )

بس عزيزي اتهضمت عادي

زي ما انا ممكن اقولك انتي عزيزتي اوي يابت

بس صار دي زي كيف كده بالضبط

لازم تفهميني ايه الحكايه بالضبط هههههه

بس من كل الكلام ده تطلعي بحاجه واحده اني مش بجاملك اهو وطلعتلك القطط الفطسانه في الكلام مع انه والله العظيم بجد هااااااااااااااااايل اوي بس انا استغربت بعض الكلمات او بمعنى اصح معرفتش اقراها كده ع بعضها

بس هيا جامده وجبارة وربنا والكلام في صميم الصميم

اموت واعرف مين اللي متوجهله الكلام ده ،، ده انتي مرمطتيه هههههههههه

يستاااااااهل يتمسحه بيه مدخل عمارتنا اللي يضايقك لحظه واحده

بحبك برضه

عسل انتي وربنا

كــركــبــة دمـــاغ يقول...

لديك 1 رسالة غير مقروءة ...

فين ده معنديش حاجه يابنتي ههههههههههههه <<< وش بيرخم ويغتت ويغلس

كــركــبــة دمـــاغ يقول...

رخمه انا وهحط تعليق تالت واقولك

اه كل يوم عايزين من ده

هو كده الشغل الصح

كل يوم بوست والمفروض نعاقبك ويبقى كل يوم بوستين << بوستين يعني موضوعين بلاش النوايا دي ماشي ههههههههههههههه

مواااااااه بالمناسبه

ميرام يقول...

عادل
(: ياااااااه انا رجعت

ماشية فين ...
زمان كنت بحب الرسايل ...
والله والله كرهتها اذ فجأه (:
شكرا ليك ..
نورت

ميرام يقول...
أزال المؤلف هذا التعليق.
ميرام يقول...

كركبة ..
انتي أزمة ...
مينفعش اعملك بلوك ..؟ (:
شفتيني ظهرت بعد ماكنت بقالي 5 شهور ...
(: (:
كيف بقيت .. ايه يابنتي مأزماكي في ايه
مابتقوليهاش ..
ولا عرق شامي ولا بلدي ولا رغيف فينو
اسكتي اسكتي :(
وصار مش عاجباكي ليه دي اخت كان
اقريها زي الصعايدة كده كيييييف بقيييت هههههههه يمكن تمشي
انا مش شايفاهم كاسرين الوزن
مش عارفه ممممم ,,


هههههههههه وقلتلك الفضول قتل القط
هتموت ومش هتعرفي ...
بعدين انا مبعملش حاجة انا اخري رساله زي منتي شايفه ... سلالم ايه بس
انا مش قد كده ...

انا في الشغل ناو ..
لما اارجع هكمل بقيت الكومنتات
والله وحشتيني ياسوسة

أبو العريف يقول...

والله زمان يا مندوح قصدي يا ميرام
مسيير الحي يتلاقي

طبعا وحشني بوستاتك بجد

وتسلم ايدك يا سيد المعلمين

ميرام يقول...

كركبة(:
اهلا بيكي
المدونة بتاعتك عيشي اللحظة
منوراني ياكوكي:)

ميرام يقول...

أبو العريف
(:
(:
(:
(:
شكرا بجد
(:

florieda يقول...

.طب أحزر ..كيف بقيت واحوالك ايه ..ولا أهزر ...والكلام راح ينتهي ..ولا أقولك ..هبتدي بكلمة ختام


انا بقة هبتدى بكلمة سلام
حلوة الرسالة بس هى بكام
دى نتبجة جرح ولا قصة غرام
مهما كانت بس كلامك تمام


والله مش عارفة يمكن دى أول مرةاعلق على بوست ويطلع منى شبه الشعر كدة مع انى مش واخدة عليكي أوى ودى تانى مرة ادخل المدونة
يمكن عشان بقالى كتير مش كتبت شعر ف مدونتى قولت اجرب هنا ههههه 

حاتم عبدالفتاح يقول...

حتى اسمك صعب ارجع انطقه
سبتهلهم .. ينطقوه ..
وفي نيران غدرك وغشك ..
يحرقوه ..
تبقى زيي .. اسم كـــــــــــــان ..
رااااح ماجاش ...
انا لو دفعت كتيرفي بيعك
بعتني انت ببلاش ..

ما أروع براعة الختام
لكن.......
إياك أن تكونى اسم كان

حاتم عبدالفتاح يقول...

حتى اسمك صعب ارجع انطقه
سبتهلهم .. ينطقوه ..
وفي نيران غدرك وغشك ..
يحرقوه ..
تبقى زيي .. اسم كـــــــــــــان ..
رااااح ماجاش ...
انا لو دفعت كتيرفي بيعك
بعتني انت ببلاش ..

ما أروع براعة الختام
لكن.......
إياك أن تكونى اسم كان

ميرام يقول...

فلوريدا
نورتيني يافندم
وبعدين بيتك ومطرحك
بانتظارك دوما
(:
شكرا ياجميلة

ميرام يقول...

حاتم عبد الفتاح
(:
شكرا لمجاملاتك المستمرة ...
ثم ...
لا انا مستحيل اكون اسم كان (:
مهما كااااااااااااان
هههههههه
عدم القدرة على الفصل بين الشاعر والقصيدة بيحبطني
لكن كالعادة سعيدة بمرورك

حاتم عبدالفتاح يقول...

عدم القدرة على الفصل بين الشاعر والقصيدة بيحبطني

فى النهاية القصيدة هى جزء من تجربة الشاعر حتى وإن حاول الانفصال عنها...
وكونها تعبر عنه هو صدق فني يتلمسه كل الشعراء

ميرام يقول...

(:
مجددا نورت ..

 

اسكت يا ابني !!! © 2008. Design By: SkinCorner