حلو ...بس ....!

اهداااااء ....

للحاجة الحلوة الوحيدة في حيـــاتي ...

على قد ماالسكر طعمه حلو ......

بخاف منه ....

بخاف من السوس يلاقي نقطة ضعف فيدخلني ..

بخاف حلاوته تكون أكتر من الازم ... فأتعب ...

كنت دايما بعترض على اي حد يقوللي ماتاكليش حلويات

لحد ماشفت السوس بنفسي

صدقت أخيرا ...

ان الحاجات الحلوة ممكن تئذينا ...!!!

معقول كل حاجه حلوة لازم يكون فيها ...بس ..!!

لحد امتى هيفضل الخوف ملازمني.... لحد امتى هتفضل حياتي (دايت)

!!!!!

وهحلم ليــــــه !!!؟

وهحلم ليه ..!؟

طالاما العمر بيعدي ..

وأحلامي مهيش قدي ..

وهحلم ليه ..!؟

وليه من تاني هتحير ..

مفيش حاجه بتتغير ..

وكل ما اقابل الدنيا ..

ألاقيها بتتدير ..

وهحلم ليه ..

لو الأيام معانداني ..

ولا في يد سانداني ..

وجرح الناس بدأ يقدر ..

يموت فيا إنساني..

وهحلم ليه..!؟

وايه هيجدّ في سنيني ..

تمرّ تمر وأعمرّ

ويبقى الحزن ماليني ..

):

شاب الشباب ..

وقالولي ....
شبابك لسة زي الورد ..
وليه حــاسـة ...
بأن ايامي معدودة ...!!
وكل ماابص قدامي ..
بلاقي الصورة ليه سودة..!!
بحاول أفتح الابواب ..
ولسه السكة مسدودة ,,!
ليه كل ماتعلى أحلامي ..
في ثانية ألاقيها مهدودة ..!!
وليه بالفرح ياقلبي ..
مكنتش عمري موعودة ..؟؟!
!!!!!!!!!!!!!!!

واختــرت من قبــل اقترابــك ..

أن تـظل بعيـدا ...

هو ليـس ذنبـك انـما ..

قلبي الذي ..

يهـوى الحيـاة وحيـدا ...

لا تنـتظر ..

فغـدي كأمـسي ..

ليس يـحمل أي انبـاء جدـيدة..

واسلـك طريـقك ذاكـرا ..

أنـا لـم أبـع ..!

لكنــما ...

لا تكتـرث ابدا لمـن لم يشتـريكا ..

ارفـق بقلـبك ..

انمـا هو مضـغة..

أخطـات حين وهبـتها ..

مـن عـاث فيـها ..

..

تااااااج ....

الأول بشكر كاتب المصري اللي بعتلي التاج (:
كنت فاكراه سهل بس طلع مشكله (:
وياريت ما اكونش اتأخرت في الرد ...




1 – خمس أحلام على الأقل تخص ماضيك وتحلم فيها بتغير أشياء ماذا ستعدل وماذا ستترك ؟
بحب ماضيي جدا .. بحلوه ومره لاني حاسه ان كل موقف عدى فيه كون شخصيتي وعلم عليا ...
يمكن لو تمنيت أغير حاجه .....(بجد محير السؤال ده)
1- كان حلمي بجددد اني أختم القرآن حفظا وانا في 3 ثانوي
2-كنت هدي فرصة تانيه لناس غلطت في حقي فطردتهم من حياتي للأبد
3-انا كنت طفلة عاقلة .. وكبرت عاقله برده (:
يمكن لو رجعت بيا الايام هتشاقىىى شوية
4-كنت هشد حيلي في الثانويه العامة اكتر عشان بابا مايزعلش مني.. وادخل هندسة بردوو (:
5- كنت هقلل من شرب النسكافيه (: ههههههههه بجد السؤال صعب



2 – خمس أحلام تخص مستقبلك ؟
1- أتم حفظ القرآن في أقرب وقت ): ادعوولي
2- أفضل زي ما انا ماحدش ياثر عليا .. أو اذا اتغيرت اتغير للأحسن دون أن افقد صدقي ومبادئي
3- أعيش في مجتمع أرقى من ده ..
مش الرقي المادي بتاع النهرده (: فيلل وعربيات
لا رقي فكري .. وان كل واحد يبقى عارف حقوقه وحقوق غيره وبيراعي ربنا وبيتقيه سرا وعلنا ..
والناس تبقى بتفكر بجد وتبطل الجهل اللي كلنا عايشين فيه باسم التحضر
4- أكون نواة صالحة وزوجة صالحة وام صالحة واخت صالحة ...وأحاول أغير الناس الي حواليا على قد ماربنا يقدرني
5-أموت والناس ماتذكرنيش غير بالخير .... وبعدين أدخل الجنه ):




3 – شخصين متواجدين في حياتك كنت تود وجودهم قبل الآن ؟
اممممم
استاذه مها
واحدة من مدرساتي المثقفات واللي بحبهم جدا ..
اتعرفت عليها في 3 ثانوي وكان نفسي لو عرفتها قبل كده (:
بجد بحبها في الله
الشخصية التانيه ...
مها صاحبتي ...
يمكن لأنها عرفتني ان الدنيا لسه بخير بعد ماكنت مقتنعه ان مافيش حد في نقاءها وبرائتها وعفويتها وجمالها وووو ....
هتزهقووو (:
خدتو بالكم ان الاتنين (مها) (:



4 – شخصين غير متواجدين في حياتك وتود تواجدهم في حياة أولادك مستقبلا..
الرسول عليه الصلاة والسلام ..
والسيدة عائشة رضي الله عنها
بجد بحبها قوي لأنها كانت أحب الناس للرسول عليه الصلاة والسلام ولأنها كانت عالمة وداعيه وواعيه
ربنا يجمعنا بيهم يوم القيامة (:



تهدي التاج لمين..

امممم
Dr. Tantawy _ Lady E _ blue-wave _ الشنكوتي الكبير

وبكده نقول تم بحمد الله (:
كل تقديري و...
تحيـــــــــــــــــــــــــــــاتي

فصولي ..!

مفتتح:

فصل .. يتلوه الآخر .

تتعاقب عند الناس..

مابالي في كل فصولي ..

لا ألمح شيئا يتغير ..!

وجع في الرأس..

والرابط .. شيء من يأس ..

........

خريف .

أيامي ..
من بين يدي اليوم..
أضحت تسّاقط ..تتبعثر ..

في دائرة من وجعي تولد ...
وتموت حينما تتذكر ..
في زيف النشوة ترتع ..

تذبل أشجاري .. تتعرى ..

وسريعا تسقط ..

تتكسر ....!

شتاء

كل المعاني اليوم أضحت بارده ..
حتى القلوب بشجوها ..
لا دفء فيها .. لا حياة ..
ولا طيورا غاردة ..
كل المعاني اليوم أضحت باردة ..
الشمس يحكى أنها ..
تشرق في كل صباح ..
بيد أني ..
مارأيتها الا دوما غاربة .,
كل المعاني اليوم أضحت باردة
صرنا نراهن بالمشاعر والقلوب ..
والربح لا معنى له ..
الا بوضع الزائدة ..
ربح الجميع رهانهم ,,
وبقيت وحدي والأماني الهاربة ..
وبرغم أني لم اشارك في الرهان ,.
تبقى الخسارة .. واردة !!!

ربيع ..!

كل الأراضي أزهرت ..

الا أنا ...
فلقد غرقت ببحر شوق وضنا ..

أفنيت عمري في انتظار وريدة ..

تنمو .. فأشتم الشذى ...

جن الظلام ..

ورأيت برعمها الصغير يمد نفسه للمدا ..

أدنيت شعلتي كي أراه ميمما ..

فاشتبت النيران .. بل صارت لظى ..

ورأيت شيئا من رماد .. شوكة ..

حلم كسيح منتهي ..

برغم كونه ما ابتدا ..

صيف..




كل شيء في سنا الشمس احترق ..
الهوى .. والذكريات ...
وقصاصات الورق ..
كل شيء في سنا الشمس احترق ..
يولج الرحمن ليلا في نهار ..
والنعاس غدا كذكرى .,
في عيون ألفت .. طعم الأرق
ضحكة الفرح استماتت ثم ماتت ..
في بحيرات القلق ..
هل تسمى موتة ..؟
أم تراه هو الغرق .؟!!!

هلّا سمحت ....

هلّا سمحت ....

دعني ألملم ماتبعثر من كياني..

وسقط

هو ليس الا كبريائي ..

وكرامتي ...ومبادئي الخجلى ..

فقط ..

دعني ودعك ...

لا شيء يوما سوف يجمع بيننا ..

فالله معك ...

دعني ودعك ...

لا دمع عندي كي يراق..

ولا فؤاد كي يسعك ...

لا صوت يدوي في ركينات فؤادي ..

حيثما تلقي سمعك ...

هلّا سمحت ....دعني ..

ألملم ماتبعثر من كياني ..

وسقط ...

هو ليس الا كبريائي ..

وكرامتي ...

ومبادئي الخجلى فقط ....

فضلا تنح ...

فالآن أجثو ..

علني أرضا أجدها ...

ان كان يجدي للكرامة ملتقط

.............

أحبكِ ..

قلتها لي ألف مرة ...

ولست التي استعذبت منك كلما ..

ولست الذي يرتضيلي المضره ..

ففيم احتياري ...

برغم اختياريَ من بين فتيات كل المجرة ..

أعدت السؤال مرارا مرارا ...

فهاك جوابي ...

أنا لست حرة

..............

قلتَ اتركي عنكِ هذي القيود ..

فقلت قيودي ستعني أنا ...

اذا مارحلت أيوما أعود ؟؟..

وهل كبريائي اذا سوف يبقى ..

وهل أنت عني الذي سيذود ..؟

بدون قيودي فمن ياتراه خطاي يقود ..؟

ومن بحيائي اذا سيبالي ..

ومن بالثناء علي يجود ...........

أتطلب حبا .. قويا وحرا ..عنيدا وثائر ..

وتعجب أني أشير اللبابه ..

وان فؤادي مازال حائر ..

فدعني أقل لك شيئا عزيزي ..

أنا بحياتي .. ابيت الخسائر ..

شفت الاسد ؟!!

اهداء:
الى جميع زوار حديقة الحيوان ..,وقاطنيها ...

الى جميع جمعيات الرفق بالحيوان ...

واليه ....

(ملك الغابه) .....

اهدي............................
شفت الأسد

شفت الأسد ؟؟؟!

جوه القفص ..

منظر سخيف ..

نظرة عنيه ..

مليانه ذل ..

نظرة ضعيف ..

شفت الأسد ؟؟!

جوه القفص ..

وبيضربوه ..وسألت ليه ..؟

قالولي دول(بيدربوه)!!

ازاي يبيع ..ازاي يطيع..

ازاي يعذب في القطيع ..

ازاي يكون ..بعد الملك ..

حيوان وضيع !!

.................

قالوا زمان ...

أصل الأسود كانت قطط ..

طب ليه أناسامعاه بينبح..ألف هو ..

مش يبقى أكرم ..لو يقول ..حتى مياو !!

مغلوب عليه ..بص في عنيه ..

تلقى الدموع ..نزلت نقط

.......................

شفت الأسد ..

جوه القفص ..

منظر سخيف ..

نظرة عنيه ..

مليانه ذل ..

نظرة ضعيف ..

.يرموله لحمه صغيره ..

يجري أوام ..مع انه عارف انها

,,(مستورده) ومبرده..

ماتشبعوش ,,

أفرح عشان بسمع زئيره ..

أتاريه بيشكر ..في الوحوش ...!

معرفش ليه ؟؟!!يمكن ده خوف ..!!

يمكن ظروف ..!!

بس الأكيد...مش ده الأسد..

جايز خروف ...!

شفت الأسد ....!!

ماتقولش لأ ...

روح بص شوف ........................

قال اعشقيني...

قال اعشقيني ..

قلت بل هذا محال ..

نجم السماء متى غدا ..

سهل المنال ؟؟!!!

قال غرورك..

صار فوق الاحتمال..

وغدا سيدركنا ..

لتشكي من لياليك الطوال ..

ولسوف أتراءى لك ..

ومضا كطيف أو خيال ..

قلت الليالي بيننا ..

ستصاب حتما بالخبال ..

اسكت يا ابني ..!

اوعى في يوم أسمع لك صوت ..

.لو عايز يبقى لك قوت ...

مش عايز أسمع غير حاضر ...

يومها تلاقي الكل سعيد .

نانسي تقولك .. شاطر شاطر ...

..........................

_ حاضر حاضر

.............................
لازم يبني تخاف على نفسك ...

منتاش عارف مين بينافسك ..

اوعاك يوم تجري ورا (كفايه)

احنا هنقلب يعني الآيه !!

(يكفيك) ربك شر غضبهم ..

اقفل بقك .. تقفل بابهم .!!

.اسكت ياابني ...

..............................

حاضر حاضر

..............................
لما يجيبو في سيرة الريس ..

اضحك هيص ...

سب وشوف كده مين هيسيبك ..!

هتروح فيها ويبقى نصيبك ..

وآآآه لو رحت .. مين هيجيبك ..

اسكت يابني ...ولا اقولك ...

قول ده حبيبك !!
.....................

حاضر حاضر

...............................
اوعى في يوم الاقيك في مظاهره ..

واوعى تخلي مشاعرك ظاهره ...

جوه في نفسك .. اشتم والعن ..

لكن بلدك دايما طاهره ..!

لو حبسوك هتجيبلي القهره ..

وانا مش نااقص ..

اسكت يابني ...
........................

حاضر حاضر

...........................
كان نفسي اضمن لك مستقبل ..

لكن يظهر كنت أنا أهبل ..

لا اخوالك وزراء ولواءات..

ولا كنت من الأندال أنا أندل !!

اسكت يبني ليبقى مصيرك ..

جوه أبو زعبل ...
......................

حاضر حاضر

.........................
يبني سكوتك فيه مصلحتك ...

هما هدفهم ايه غير راحتك ...

دول علشانكم عملوا مؤامره ..

سمحو دخول البيره والخمره ..

شغلوكم بالبيضا والسمرا ..

يعني بجد تعبهم واضح ...

علشان يقتلوا جواك صوتك ..

مبسوط راضي ؟؟

يبقى جزاءهم هو سكوتك ...

اسكت يابني ..
..........................

حاضر .. حاضر

..................................
عارفك يابني

شهم ..وحر وزي الفل ...

بس عارفهم ...

يوم ماهتغلط قصدي هتنطق ..

ياخدو رقبتك زي الكل ..

اسكت يابني ..

مهي مش ناقصه زياده ذل