حلمك ايــه ...؟؟
وانا ابيع عشـانك ياحبيبي الكون بحاله ..
وأشتريـــــه ...
وانا ابيع عشـانك ياحبيبي الكون بحاله ..
وأشتريـــــه ...
حلمك ايــه ..؟؟
وانا أمد بالخطوة معاك واسعــى....
وانا أمد بالخطوة معاك واسعــى....
عشان بس تلاقيه ..
حلمك ايـــه ..؟؟
حلمك ايـــه ..؟؟
وانا اديلك عيون اتنين تشوف بيهم
وقلب كبير ..
وشوقي ماليه ..
واكون ليك الأمل كلّـــه
واكليل ورد يوم فرحك
يعمري عشان وصلتلّـه ..
وشفتك فيه ....
هعيش عمري عشان حلمك وهستناه ..
وشفتك فيه ....
هعيش عمري عشان حلمك وهستناه ..
تمام زي منت مستنيه ...
ولو تسأل..عن الحلم الي ساكنني ..
هتستغرب من الي انا فيه ...
أنا معرفش ايه حلمي !!!
هتسأل ليــه ؟؟!
حلمـي حلمــك ياحبيبي ...
قلتلي بقى حلمك ايــه ؟؟!!
..
.....
44 التعليقات:
والله كلام جميل ياميرام
هو ده الحب الحقيقي :D
الحمد لله انك قللتي من النكد شوية واديتينا جرعة فرح :D
بس بجد والله بوست جميل وكلمات جميلة جدا
تحياتي
كلمات حللللللللوة
ايه الجمال ده
هعيش عمري عشان حلمك وهستناه ..
تمام زي منت مستنيه ...
ولو تسأل..عن الحلم الي ساكنني ..
هتستغرب من الي انا فيه ...
جميلو اوى
احييكى عليها
simply amazing
يااااه
كل دى تضحيه عشان هوا يلاقى حلمه ؟؟
وتفتكرى لما تعرفى حلمك هوا هيساعدك انك تحققيه ؟؟
انا جيت ازورك واقولك صباح الخير
قشطة اول زيارة واول تعليق
بس مين دة الى بتحبية الحب دة كلة يابختة عقبالى يارررررررررررب
طبيعي بقي بعد الكلام ده انه انتي تكموني حلمه
لو اي حاجة تانية يبقي جبلة :))
دينا حامد
(:
ههههههههه
قلتلك تمتع بالسيء فالأسوأ قادم ..
والنكد راجع ,.. وبشدة ..
(:
نورتيني
مسدس صغير
(:
شكرا ليك ..
نورت المدونة
حسام غانم
(:
شكرا بجد
تحيــــاتي
محمد عتلم ..
غريب ان الي بيضحي مابيبقاش واخد باله
(:
...........
وتفتكرى لما تعرفى حلمك هوا هيساعدك انك تحققيه ؟؟
.........
لا مافتكرش .. (:
(: تفتكر انت ؟!
شكرا على الزيارة
كل ودي
يويات شاب منوفي
مع ان مافيش تعليق على النص ...
لكن ده مايمنعش أقولك نورت
هندسة وصفية
(:
(:
مش بالضرورة
(:
شكرا لمرورك
ميروووووووو
وحشتيني ... حلوة الكلمات وطريقة كتابتك للموضوع ... بجد الموضوع حسيته ... أصلا كل اشعارك بحبها وبحس انها بتلمسني وتسلّم عليا ...
ربنا يديم عليكي نعمه ... أأأمين
حلمى اكون معاكى فى كل وقت وكل ثانيه
حلمى تعيشى ليه ويملا الحب الدنيا
حلمى بسيط اعيش بس ليكى
اعيش الحب كله وتملى الكون عليه
******************
كلاماتك جميله قوى يا ميرام
وسامحينى علشان بحاول ارد عن البطل
أنك تحلمى له ومعاة وبيه
انك متعرفيش حتى حلمك وتعيشى حلمه
انك تديله عيونك وقلبك وروحك عشان يشوف حلمه كويس ويحققه
جميل يا مرام ... منتهى الحب
ميمي
وانتي كمان ليكي وحشة
(:
وشكرا ياجميلة على الاطراء الجميل ده
(:
تحيــــاتي
رومانسي
شكرا ليك
(:
نورتنا ..
صفـاء
نورتي ...
تفتكري للحب منتهى ..!؟
يمكن اللي قولتيه يندرج تحت حاجات كتيرة توصل لأعلى مراتب الحب
دايما بيسعدني تواجدك
....
على الهامش
اسمي (ميـرام)
(:
(:
يابخته
معنكيش واحدة تحلم لي كده ولا حتي تساعدني في تحقيق الاحلام
ههههههههه
بجد حلوة :)
مادو
شكرا (:
عادل
(:
أهلا بيك
وللأسف مالاقيش عندي ,..
(:
ومافتكرش انها هتبقى موجودة تاني
(:
ومش بتكلم عن نفسي (:
نورت
تحيـــاتي
يا ترى مين سعيد الحظ اللى بينقال فيه الكلمات الرقيقه المعبره دى ؟؟
موهبتك فى تنميق الكلمات جديره بالتأمل و فى نفس الوقت معبره ..
تقبلى تحياتى و تقديرى ..
أستاذ عمرو
سعيد الحظ ..
يمكن طير مسافر ...
بلد خطوطها مقطوعة
ورسالتي مش هتوصله (:
او ذكرى .. أو فكرة ...
أو حلم .. لسه بحلمه ..
سعيد الحظ ..!!
(: تعرف انك أوحتلي بفكرة حالا حالا
سعيدة بتشريفك
وشكرا على المجاملة
تحيـــاتي
ازيك يا ميــرام
بصي البوست احساس جميل اوى
وبجد اللى بيحب حد بجد بيبقى حاسس كده .. نفسه يجيب الدنيا كلها ويحطها بين ايدين حبيبه .. نفسه يشوف كل الدنيا بعيونه .. نفسه يتوحد معاه ويبقى حتة بيفرح للحاجات اللى بتفرحه بجد .. وبيزعل على الحاجات اللى بتزعله بجد .. بيبقى كل همه انه يحقق كل الى بيتمناه ويعيش بجد سعيد
اكلمت انا كتير
:)
بين قوسين وعلى هامش الاحداث ياميــرام .. شوفتى كتبت اسمك صح ازاى :D
اصل انتى المرة اللى فاتت قولتليلى مى .. بالرغم انه كان me اللى هيا ترجمتها بالانجليزى يعنى أنا .. انتى عارفة طبعا ان الثقافة الاجنبيبة بتفرق فى الموضوع .. على كل حال انا من زمان اسمى حدوتة فرجعته تانى .. ومكنتش اول زيارة على فكرة .. انا جيت زمان حتى كنتى ساعتها بتقولى انك بتحبى اسم مها .. وقولتلك انا كمان اسمى مها فطبعا بتحبينى
تحياتى يا ميــرام
:)
السلام عليكم
حلمك ايه
كان المفروض تكون أنت أول من يعرف حلمه
ويشعر بحلمه حتي قبل أن يقول
والاحلام لا تشتري
،،، الكلمات الاولي غير موفقة فيها ،،،،،
نعم تجودي عليه بعيونك وبقلبك ليسكن قلبه وهو ملئ بحبه
هتعيشي حلمه
وأنت فيه - عايشة مـحتضنة قلبه لك
ولأن حلمك حلمه- لابد أن يقترن حلمك بحلمه
تحياتي
جميل قوى البوست دة وكله معانى وأحاسيس وأحلام رائعة
تحياتى
حدوتة ..
منورة تاني وتالت
وأهلا بيكي دايما
(:
كل ودي
حسونة
وعليكم السلام
(:
بداية برحب بيك ..
.....
كان المفروض تكون أنت أول من يعرف حلمه
.......
السؤال ليس بغرض السؤال وانما لاستدراك البقية
مع ذلك لا مانع من السؤال (:
من وجهة نظري طبعا ..
........
والاحلام لا تشتري
.........
(:
وهنا التعبير مجازي ... بيد أنك تصر على قراءة النص بمباشرة ..
(:
ومع ذلك أختلف معك ....
ثمة أحلام قابلة للشراء ...!
....
سعيدة بتواجدك ..
تحيـــاتي
عاشقة الورد
شكرا لك ياجميلة
نورتيني
ميرام
حبك الكبير اوى ده بجد بهرنى
لئنو مليان احساس بجد ويدل على الوفاء الكبير جدا بحبك
جميله قوي يا ميرام
حاسسها فكره جديده
دمتي مبدعه
ادم المصري
شكرا ليك
سعيدة بمرورك
تحيـــاتي
أبو العريف
شكرا ليك ولمجاملتك
تحيـــاتي
السلام عليكم
كلمات جميلة
ومعنى جميل جدا
والاحساس رائع
وعجبتنى اوى:
حلمك ايـــه ..؟؟وانا اديلك عيون اتنين تشوف بيهم وقلب كبير ..وشوقي ماليه
تحياتى
بنجاواتي
شكرا ليك ..
سعيدة بمرورك وتعليقك ..
تحيـــاتي
يارتني اقدر اعمل كده دلوقتي بجد ياميرا
كل مره يابنتي هقولك
انتي بجد تحفه ماشاء الله عليكي
ربنا يحفظ ياقمره
يالهوووووووي بقى ...
هو انا كل مرة مش هلاقي كلام اقولهولك كده ..
وحشتيني يا اختي !!..
وخدي بالك من نفسك ..
مبدعه كــ قلمك ..
تحياتي ..
موني الشريف
شكرا ليكي بجد
ربنا يخليكي ياجميلة
(:
شقاوة مراهقة
(:
شكرا ...
وانتي كمان
تحيـــاتي
حلمي حلمك ايجاز صريح ومعبر عن وحدة الارادة وجذريةالمصير المشترك..فكرة متسلسلة موجزة ذات نتيجة رائعة..مفردات موزونة يالسعي وهذا ما هو جميل لانة يحمل شرعة الاستعداد..حلم..
حلم
(:
وكلام أكبر من النص
(:
حللت أهلا
تحيـــاتي
الله جميلة اوي ياميرام
حسيت فيها بابتسامة ورقة وأمل
بجد عجبتني .. عجبتني .. عجبتني
تجياتي ليكي وسأنتظر جديدكـ
اه وكفى
(:
شكرا ..
وسأنتظر عودتك
تحيـــاتي
إرسال تعليق