12 .....

يارب .... حققلي حلمي في السنة دي

عاجلا غير آجل يارب

.
.

...أي كـــلام (:

في عشقك انت

ألف شيء بيهزني ..

بيردني ..

طفلة يادوب بت تأتــأ ..

كل اما افكر ليك اقرب ..

قلبي يقول آه ..

عقلي يقول لألأ !

ساكت لساني عالكلام ,

واقف غنايا
كل الحروف متبعترة ..

وان جيت امد بخطوتي ..
قدام يرجعني لورا ..

رمشي مضفر دمعتي
والسكة مش متنورة ..

قلبك ..جمرك سفـــاجة ..

سافر كتير ...

شاف من بلاد الــواااق ...

كلم بنت الخـــواجة ..

لكن ماحــنّ وراق ..

ولا روحه كات محتاجة ..

طارح مليون سؤال ..

عارف اني الاجـــابه ..

مش فهلوي ..

كان الطريق مفتووح ..

فضلته ليه ملتوي ..!

مش فهلوي ..

مفضوح ..

غدرك باين قوي ...

قالي يــا وردة ..

رديت ..جرحته بشوك

ملعون جميع الورد ..

لو كانو يوم وجعــوك ..

عارف ..

عفوا يعني ...

لما يفك رباط الجزمة ..!!

هتحس انك لابس مش لابس ...

وان النعل ده ماله لازمه ..

طالما رجلك فيه بتلـــؤ ..

لما تكون راكب مرسيدس ,,
كل الناس فاكراك مستغني

تعطل بيك .. تنزل وتزق ..

لما يميل حالك علطول ..

مع ذلك بتسد البـــؤ ..

feeling depressed

....

ومادالك أنا كفي ,,

متقريش الخطوط ديا

شوفيلي حاجات ..مهيش ليا

أبوس ايدك ,,,

انا برقص

على الحبل الي متدكك

انا عارفة الطريق مسدود

لكن بحلم ..

وبتلكك ..

_ ولا بيدي ولا بيدك ,,

لو الاحلام بايد النـــاس

ماكنش الدمع زار خدك ..

مالحب الا كذبة

دع كبرياءك ينتصر ..

ماعاد شيء في الحقيقة

يستحق سوى الرثـــاء ...

هل كان حبك غير بعض وجيعة ..

ودموعها تزداد كل مساء ..!

مالحب الا كذبة .أو ربماااا ..

أسطورة للأغبيــــاء ..

دع كبرياءك ينتصر ....

ماعدت أنظر كي أراك مجددا ..

ماعدت أنتظر اللقاء ..

أنا قد رايتك في منامي راحلا ..

وظللت ارجوك البقاااء ..

أحلامنا هي خدعة ...

ما كــــان ارضا حينهااا ..

اليوم قد بلغ السمااااء ..

ولقد رايتك متعبا...

أيقنت أن اليأس جاااء ...

,,,,,,,,,,,,,,,,,,,,,,,,,,,,,,

الحـــمد للــه

عندما يوزع الله الأقدار ولا يمنحني شيئا أريده .....

أدرك تماما أن الله سوف يمنحني شيئا أجمل ........

,,,,

الشـــــعب المـــصري ...

الشعب المصري ..

الشعب العصري ..

الشعب الحصري

الي مايتعاادش..

الشعب المصري ..

الشعب الحشري ..

الشعب الكشري ..

الشعب العشري ..

اللي مايتفاتش ..

الشعب المصري ..

أبو مليون مبدأ ..

من بكره راح ابدأ..

بكره مابيجيش ...!

الشعب الفاضي ..

الشعب الراضي ..

بالملح وعيش ..!

أبو دم خفيف ..

الي مفيش فيه ..

حد ما يفتيـش (:

الشعب المنجز ..

يعني اخلص وانجز ..

وافكس هتعيــش !

الشعب المصري

يعني اؤمر حاضر

ربنا عالقادر ..

ماتخادش محاضر ..

يعني مترغيــش .. (:

الشعب المصري ..

يعني تامر حسني ..

غني ورقصني ...

يعني عماد متعب ..

في الكورة هنتعب ..

وف وقت الجد

أبدا مانجيش ...!!

الشعب المصري ..

يعني احسن جيــــش !!

الشعب المصري ..

الشعب الرائع ..

الشعب الجائع ..

الشعب الطاير

من غير ريش !


الشاب التايه ..

بيلم عزاله يروح

مايجيــــش ...!


الحاج المصري ..

بالسبحة في جامع ..

من بكرة نشوفه

طلع في أفيــش ..


الشعب الساكــن

الشعب الراكــن ..

في محطة خـــاف ,,

تسلم وتعيــــش ...

الشعب الهادي ..

الشعب العادي ..

فكرته لو ظهرت ماتعدَيش ..

الشعب الناسي ..

الشعب الماشي ,,

في طريق مسدود ونهايته مفيــش ..

الشعب الطيب ..

ولحقه مسيَب ..

مع انه في غابه مبتهدَيش ..

الشعب المصري ..

يعني ابو الهـــول ..

واقف مذهوول ..

رمز حضارات ..

رايحة مابتجيش ...

الشعب الي هيدخل ينقدني ,,

ويقولي محاسن مصر كتيرة

وماتعدَييييييش

كفاياكي سلبية ..

دنيانا وردية ..

انتي المعميَــة ..

اللي ماشوفتيــــش !

your life is on the line

يارب ...

أعدني الى ماكنت اليه .. قربني منك وان ابتعدت ..

يارب لا تكلني الى نفسي طرفة أعين ...

يارب وثقت بك ودعوتك ..ورجوتك ..

فارحم ضعفي الذي لا يراه سواك..

..
..
..

phone booth

شاهدته الليله وحرك بداخلي الكثير ..

الفيلم عجبني فعلا بشدة ...
أعلم انه قديم .. لكن لمن لم يشاهده أعتقد انه يستحق المشاهدة...(:

شخبطات .. على جدار أسود

مفتتح ........................كالعادة (:

عارف ..

لما تعشم دنيتك .. تستنى بكرة ..

وتقول لحاجة من الخيال ...

لازم هتجرى ..

تتعود الوجع اللي فيك ..

حتى الدموع يبقالها مجرى

عارف ,,,

لما تكــون الفــرحة مش سايعااااك ..

لما تسابق بالهوا لحظات هواك ..

لما تكون أحلام حياتك بين ايديك ..

تلقاها وقعت ..!!!

عارف .,

لما تعكّز ضعف فيكك جوااك ..

وتقول على الحب الي كاسرك ..

بالعكس دا قوّاك ..

وتدفي أحاسيسك عشان تتغطى من برّاك

تلاقيها سقعت ..!!

صورت فستان الفرح .. وحلمت بيه

جهزت تاجي وطرحتي ..

وعرفت من فين هشتريه ..

رتبت أركان شقتي ..

شكل النجف .. لون الحيطان ..

أحلام كتيييير ..

شافتها ياما مخدتي ...

وصحيت على الخبر اللي كان ..

مبروك بجد ..

قدرت تكسر فرحتي ...

.
.
.
.
.
.
.

لو غلطت ف حق حد اياك تكابر واعتذرله ..

وان غلط فيك حد يوم حاول تسامحه بلاش تذله

واستفيد من جرحه ليك بانك تحرص ماتآمنله ..

ده اللي بيخون الوفا لازمه الجفا وغلط نميلله

واشتري اللي بيشتريك لازمه كما لو كنت ضله ..

.
.
.
.

ماكان ذنبك ياعزيزي .. كان ذنبي حينمااا ..

رجلا حسبتك .. والرجال قليل
!!!!

ميرا ...

missing u

_ وحشــتــــيني ..

_ كمان صوتك وحش قلبي ..

وطيف صورتك..مافارقني

وهمسك فيا متخبّي ...

_ وحشتــــيـني ..

وانا شوقي بيغلبني ..

لكن مابقتش قادرة ادّي ..

ده جرحك فيا موتني ,,

منيش قده ومهوش قدّي ..

ولا تفكرش اني ببيع ..

ولاان البعد ده بيدّي .,

دا لا الأيام دي راضية تمر ..

ولا في ثانية بتعدّي ..

_ وحشــتـيـــــني ..

وباشتاقلك .. وبقرا ليلاتي جواباتك

فتجري الدمعه على خدّي ..

وأمسك فورا التليفون ..

عشان أبعت قوام ردّي ..

وبكتبلك ..

أنا عشقتك .. وحبيتك ..

انا جوايا خبيتك ..

أنا بكدب .. اذا قلت ان انا نسيتك ):

واقوم ماسحاااه ..

ماعدش كلامي ده هيجيب ولا يودّي

أنا من قلبي موجوعة ..

وخايفة بجد من بكرة ..

وبحلف انه ماتحدّي ..

أنا شوقي بيغلبني ..

لكن مبقتش قادرة اددي

.....................................

فاكر ...

احنا اتقابلنا .. زي النهرده ..

رمضان جمعنا ..

ليه السنادي نفس اليومين ..

عدو علينا .. فزاد وجعنا ..

فاكر زمان ..

وانت بتطلب مني اغير في المكان ..

علشان عشقت الشمس بتلون عنيا ..

فاكر ..

لما وعدت الوعد قلت تخاف عليا ,,

فاكر ..

لما خلفت الوعد تاني جرحت فيا ..

فاكر ..

ان الحاجات دي بجد مش بتهد فيا ..

لو لحظة فكرت اني ممكن اكرهك

فكر شوية ...

لا انا قد كرهك ولا قد بعدك

ولا حتى انا قد القسية ..

مابقتش والله شايفة حاجة ..

ولا عدت حتى حاسة بيا ...

):

ياااااااااااااه

ياااااااااه ....

لو الحياااااااااااااه .....

ألبوم صور....

نلمها .. نضمها ...

واما نلاقي صورة مش قد المقام

نحرق قوام ..

كده فلمها ....

يااااااااااااااه

لو الحيااااااااه ....

ورقة وقلم ...

نكتب كلام ونعيش غرام

من غير وجع ولادوق ألم

واما الحروف ماتتوزنش

نمسح بأستيكة القلم ...

ياااااااااااااه

لو الحياااااااااااااااااااه

نقدر نعيشها بدون ندم ....
..................................

لديك 1 رسالة غير مقروءة ...

احترامي والسلام ,,

للي ... واللي ...واللي واللي ........
واللي كـــان ..

أبتدي ازاي الرسالة ..

تفتكر لسه مابيننا فيه كلام ..

طب أحزر ..

كيف بقيت واحوالك ايه ..

ولا أهزر ...

والكلام راح ينتهي ..

ولا أقولك ..هبتدي بكلمة ختام ..

مش ختام كانت بدايه حبنا ,,,

كان فاضلو شهر الا ويبتدي ,,

صار فاضللو شهر وي ...

وهينتهي ....

وقلنا السلام ..

ياعزيزي .. ولا اقولك يا ...

لأ بلاش ..

حتى اسمك صعب ارجع انطقه

سبتهلهم .. ينطقوه ..

وفي نيران غدرك وغشك ..

يحرقوه ..

تبقى زيي .. اسم كـــــــــــــان ..

رااااح ماجاش ...

انا لو دفعت كتيرفي بيعك

بعتني انت ببلاش ..

.......................................................

(:

.............................

مفتتـــــــــــــــــح ...

دمعة الحزن اللي فيـــا

متــداريــــة ...!
والحروف جوايـا لكــن..

مستحيـــــة ..

دا الي كــان في القلب سـاكن ..

هــدّ فيـــــــا ...

واللي ضاع مني كتيــر

مهواش شويـــة ...

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

عشقت وقلت ياقلبي ..

نصيبك حب واتهنى ..

سقيت بالفرح أحلامي ..

وعشت العمر أتمنى ..

وفيت ..أخلصت..ضيــعني ..

لا طلت النار .. ولا الجنة ..

وبستنى ...
يعدي اليوم ورا التاني ..

وادور في الوشوش يمكن ..

في لمعة عين راح القاني ..

في كلمة صدق أو نظرة ..

أفوق من وسط توهاني ..

والاقي قلبي له غنّى ...

وهتأنى ....

عشان وجعي الي جوايا

مايتكررش

ولما أحبه من قلبي ...

مايستهترش ..

ولو من تاني خاب أملي

ما أتأثرش ...
.....................

على الهامش ....

البلوج وحشني بجد .....................................

بعتذر على غيابي (:

يــارب خير ...

حلــم غريــب ..

يـــارب ان كان بــشــرى فعجــل بهــا

وان كان تحذيرا .. فأنت يارب وحدك القادر على دفع الضر ....

):
يارب اكتبلي الخيــــر

وِدّي أَوِدّكــــــــــــ ...

مساؤكم ورد ...
تاني (:

عندي حالة تدفق شعرية اليومين دول

معلش استحملوا (: (:

والي مردش على البوست الي فات التعليقات مفتوحة
وكلها بتوصلني وبرد عليها (:
المهم ......

المرة دي القصيدة مختلفة ..

ليـــه

ليــــــــه ؟؟!
ليــــــــــــــــــــــــــه ..؟

هقولكم .....

عشان المرة دي لازم تقروها باللهجة الصعيدي (:
بانتظــار تعليقاتكم ....

وِدّي أَوِدَكْ لكــن وِدّي ....

مابيوديـــش .. ولا يجيبشي ...

واجيبلك الدنيــا على يَــدّي ..

لكن خوفـــي ...ماتعجبشي ..!

واغزل حروف باسمك وأتغزل..

فَتِتبسّم ..ماتغضبشي ...
........

وِدّي أطـــوف حولك ...

كما لو كنت طير شادي ...

واسكن معا طيفك ..

بعيييد .. في أيُّــها وادي ..

تزعل أصالح ..تجرح أسامح ..

تغضب أنــا اراضـــي ..

.........

وِدّي أشيــل قلبــك

يرتــاح عــلى كفـــوفي ..

أضمــن مفيش غيــري ..

وأطمنه خــــوفي ..

واصبح أسير حبك ..

واقتل بقى كســوفي ..

..........

وِدّي في يــوم ..

يوصلني منك خيط أمــل ..

وتقول نويت ..

كل الكلام يصبح عمـــل ..

أصبح سعيــد

والجرح فيا يندَمــل ...

............

وِدّي تكــون ..

على قد مابتاخد ... بتِــدّي ..

واما أقرب لك ف يوم ..

مايكون جزاء القرب صَــدّي ..

واما في يوم تاخد قرار ..

تستنى رَدّي......

.............

ودّي .. والود وِدّي ..

لكن مفيش ...

ولا شيء بيــدّي ..

غير اني اعــدّي ..

واصبر يجوز ..

بكره أنول ..

كل اللي بــدّي ..
..............................

ادمــــــــــــــــان

أدمنت صمتــك ..وابتســـامك ...

وحديـــثك .. ان حدث ...

لا تمنــع الجرعــات عني ...

مهما جدّ .. أو احتــدث !

تــــابع ... مسلسل السعادة

مساؤكم ورد ..

.............................................................................................................................................................
كل نقطة بوردة

(: (:

عندي اعلان ..

وخبر ...

واعتراض ...

وقصيدة .....

و ...

نبدأ طيب بالخبر ...

سعيدة لأني رجعت من امتحان التخطيط

(: وده الاسم المعرب ل ( urban design )

عشان بس الناس الي اتريقت على الاسم ...

(:

المهم اني الحمد لله أعتقد اني حليت كويس والله أعلم

بس حليت حلو أو وحش ...

أنـــا سعيدة ...

لا بس هو غالبا حلو ان شاء الله (:

ولأول مرة في حياتي مااسرحش في امتحان

(: دي ظاهرة عندي

ممكن نص ساعه تطير مني وانا ببص على السؤال مثلا

(: (: (:

الاعتراض بقى ,,,

ال أنــا سبق وقلت اني فشلت !!!!!!!
حاشاااا وكلااااااااااا

ده الفشل فشل انه يفشلني (: (: (:

( بغض النظر عن منظور اي حد للفشل )

الغريب ان في حاجات بنتخيل اننا فشلنا فيها ..

ويصدف انها قمة النجاح ...!
اه والله حصل (:

بجد عسى أن تكرهوا شيئا وهو خير لكم ...

وبجد بجد بجددددد عسى أن تحبو شيئا وهو شر لكم ..

القصيدة مش دلوقتي (:

لاني راجعه من الامتحان وهموت وانااااااااااااام (:

بس هنزلها ان شاء الله

قبل امتحاني الجي (:
): الي هو للاسف يوم التلات ):

ربنا يستر عندي احساس اني هدخل انام اصحى يوم التلات (:

(:

كنت همشي قبل مااقولكم على سبب نشر البوست

(:

وهو التحديث المهم .. والاعلان القاتل

مدونة فاض فضا ....

تم افتتاحها وان شاء الله هينزل فيها البوستات يوم الاتنين والخميس

بالتناوب بيني وبين الجميلة مها (:

بانتظاركم هناك ..

شاركونا حبة فضــا ... وحبة فضفضة ... (:

http://fad-fda.blogspot.com/

للسعــــادة طعـــم مختـــلف ...!!

(:

..
..

مع ان عندي امتحان تخطيط بعد بكرة وانا لسه مافتحتش حاجة ...

مع اني كنت مخططة لمشاريع كتير قوي اعملها الايام دي لكنها جميعا فشلت ..

مع اني شخصيااااا ..... فشلت .... (: وهي نادرة من النوادر
مع ان في حــاجات كتــيـــر كان مفروض تخليني مش مبسوطة

الا اني بيتملكني احساس عجيب بالســــــــعـــــادة ....

!

.

.

.

.

على الهــــامش

قريبا جدا جدا جدا افتتاح مدونة جديدة ...

مش هتبقى بتاعتي بس ... هتبقى مدونتي أنا وحدوتة ...

(:

المدونة هيبقى اسمها ( فاض فضا ) .... وأكيد ده شيء مختلف عن الفضفضة (: (:
(: (:

مدونة متفائلة ...

لان الحياة دايما مخبيالنا الأحسن ..

بس احنا نضحك ....
نضحك .... قوووووي (:

,.,
,,

كــــــدابــــــة

كل اما احس ف قلبي في حبة وجع ..

بضحك قوي .. واتغابى ..

يمكن يشوفوا ضحكتي ..يتبسموا

أحسن مايزدادو ..كـآبة ..

وبيحسدوني عالفرح ..لو يعرفو

اني اما بضحك ضحكتي ..كدابة !!

..

..

..

2010

عدت ....

والعود أحمد .. وأحيانا ميرام ... (:
كل سنة وانتم جميعا طيبين

ويارب تكونوا حققتوا أحلامكم السنة الي فاتت

وتحققوا أحلام السنة الجديدة ...

(:

مش عارفة ليه دايما بيتصادف مرور أي مناسبة سعيدة باني أكون ...سعيدة برضو (:

السنة دي ..

قررت ما أتمناش أي أمنية

اه بجد ...

وعشان ماحدش يتخيل للحظة اني محبطة
أنا عمري في حياتي والحمد لله ماتمنيت أمنية وماتحققتش

لأني مقتنعة ان الي عايز حاجة لازم يتعب .ويشقى.... ويتبهدل ..

ويمسك في حلمه لحد آخر نفس ..

ويختاره ..... يختاره .. ويبقى واثق انه اختار صح

(:

المشكلة اني اكتشفت ان المشكلة أحيانا كتيرة بتكمن في تحقق الأمنية

وده مش عشان الأمنية كانت غلط ..

ولا عشان اتغيرنا ...

ولا عشان اي سبب ...

غير ان الدنيا عايزة تعلمنا حاجة جديدة (:
مزيد من الاضافات في الحياة ..

بعيدا عن الدراما (:

السنة دي بجد مش عايزة اتمنى حاجة

(:

وهعيشها كــدة ..

بلا هدف .. بلا حلم ..

وهشوف هوصل لايه ..

يمكن لما مانحسبش حاجة تصدف معانا ونوصل لحاجة أحسن !

يمكن لما مانتوقعش حاجة مانحبطش ولا نتصدم ..؟

يمكن بجدددد بجددد لما مانتعشمش في شيء .. نتبسط بأي شيء ..

يمكن ويمكن ويمكن ...

يبقى هابي نيو يير